აგვისტო 2021 - Page 6

PRIDE BCN – უფრო ცნობილი, როგორც Gay Pride Barcelona, ყოველ წელს იმართება კატალონიის დედაქალაქში LGBT პრაიდების საერთაშორისო დღის აღსანიშნავად. ბარსელონას პრაიდი ერთ-ერთი უდიდესი მოვლენაა – ბოლო პრაიდს 250 000 ადამიანი დაესწრო, წელს კი 280 000 ადამიანს ელიან.

პრაიდის დღეს, ქალაქის ცენტრში, მარია კრისტინას გამზირზე (Avenida María Cristina) ცნობილი მოცეკვავე შადრევნების ფონზე ჩაივლის. სწორედ ეს მისტიკური ადგილი გახდება PRIDE BCN-ის გული ივნისის ბოლო პარასკევსა და შაბათს. პარასკევს გაიმართება ტრადიციული „რბოლა ქუსლებზე“, ხოლო აღლუმი ივნისის ბოლო შაბათს, 17:00 საათიდან დაიწყება.

იქნება სამი ძირითადი სივრცე:

PRIDE VILLAGE LGBT – სადაც მოეწყობა ღონისძიებები და დისკუსიები, გაიხსნება დიდი რესტორანი და წარმოდგენილი იქნება უამრავი ღირსშესანიშნაობა;

PRIDE KIDS – ოჯახური ღონისძიებებისთვის;

მესამე და მთავარი – ბევრი მუსიკა ადგილობრივი და საერთაშორისო სცენის ცნობილი დიჯეებითა და არტისტებით, ცეკვის კონკურსები, 21:00 საათზე დაიწყება საუკეთესო დრეგ ქუინების შეჯიბრი  – ”Barcelona Drag Race”, პრაიდის დედოფლის ტიტულის მოსაპოვებლად.

ეს ყველაფერი: კონფერენციები, დემონსტრაციები, გამოფენები, სპორტული და ოჯახური ღონისძიებები ერთ მიზანს ემსახურება – ყურადღება მიიპყროს LGBT ადამიანების პრობლემებმა და გახდეს საჯარო.

. . .

წელს ღონისძიებები ორ ნაწილად გაიყო: ნაკლებად დატვირთული ნაწილი ივნისის ბოლოს ჩატარდება, ხოლო უფრო მასშტაბური – სექტემბრის ბოლოს.

(სექტემბერში დაგეგმილ ღონისძიებებზე მოგვიანებით მოგიყვებით)

ათენი პრაიდი 2021

ათენის პრაიდის ფესტივალი წელს მთელი ზაფხულის მანძილზე გაგრძელდება. ცხელი სეზონის განმავლობაში, ქალაქი მნიშვნელოვან ღონისძიებებს გამართავს, დასკვნითი საღამო კი 11 სექტემბერს იქნება და წინა წლების გამოცდილებების შეხსენებას დაეთმობა.

გასართობი და შემეცნებითი ღონისძიებების გარდა, ღიად ისაუბრებენ ქვეყანაში არსებულ მწვავე სოციალურ პრობლემებზეც. თუმცა, ეს საუბრები ისე შეერწყმება ათენი პრაიდისთვის დამახასიათებელ მხიარულ საღამოებს, რომ ის ერთ ძლიერ იდეად იქცევა.

მიუხედავად წინა წლების გამოცდილებისა (თესალონიკის მერს გეი აღლუმის ჩატარების გამო, ჰომოფობიურად განწყობილი მოქალაქეები დაუპირისპირდნენ, რადგან მან ღია მხარდაჭერა გამოუცხადა ლგბტქი თემს), 2021 წლის ათენის პრაიდს ქალაქის მერი, ჯორჯოს კამინისა, საბერძნეთის იუსტიციის სამინისტროს წარმომადგენლებსა და უცხოელ დიპლომატებთნ ერთად დაესწრება.

ათენის პრიდის ფესტივალი 19 ივნისს, საღამოს 17:00 საათზე გაიხსნება, ღონისძიების ოფიციალური ნაწილი კი 19:00 საათზე დაიწყება. გვიან საღამოს ქალაქის მთავარ მოედანზე – სენტაგმაზე, კონცერტი გაიმართება, რომელიც ამ დღის ერთ-ერთი ყველაზე მნიშვნელოვანი ღონისძიება იქნება.

ცნობისთვის, ათენის პირველი პრაიდ ფესტივალი ქალაქის ძველ ნაწილში, პარლამენტის შენობის წინ, 2005 წელს გაიმართა.

თესალონიკის პრაიდის კვირეულზე ათასობით ადამიანი იყრის თავს. სხვადასხვა ქვეყნის მოქალაქეები, საბერძნეთში, ლგბტქი თემის წევრებთან ერთად აღნიშნავენ დღესასწაულს.

მხიარულება ქალაქის ცენტრიდან ზღვის სანაპიროზე გრძელდება. მიუხედავად იმისა, რომ თესალონიკის მოსახლეობის დიდი ნაწილი მართლმადიდებელია და წინააღმდეგობასაც უწევდნენ პრაიდის ფესტივალის ჩატარებას, მთავრობა და სამართალდამცველები მონაწილეების უსაფრთხოებას სათანადოდ უზრუნველყოფენ.

ძვ. წ. 315 წელს დაარსებული ქალაქი, რომელსაც სახელი ალექსანდრე დიდის დის პატივსაცემად დაერქვა, დღეს კულტურისა და ხელოვნების ცენტრად ითვლება.

თესალონიკში პრაიდის ფესტივალის ღონისძიებების ადგილს ”ლესბოსს” უწოდებენ, რაც კუნძულ ლესბოსიდან მოდის. აღსანიშნავია ისიც, რომ აქ სტუმრებს ლგბტქი თემისთვის განკუთვნილი კრუიზები და საუნებიც ელოდებათ.

სამწუხაროდ, COVID-19-ით გამოწვეული რეგულაციების გამო, 2021 წლის ევროპრაიდი, რომელსაც ორგანიზატორები სამი წლის მანძილზე ამზადებდნენ და თესალონიკში უნდა ჩატარებულიყო, წლის ბოლოსთვის გადაიდო.

ევროპრაიდის ჩატარება საბერძნეთში იმით იყო მნიშვნელოვანი, რომ მას საბერძნეთის, ბალკანეთის ქვეყნებისა და ევროპის ქვეყნების ლგბტქი თემის წევრები უნდა გაეერთიანებინა, რაც მათ საკუთარი ინტერესების გამოხატვაში დაეხმარებოდა.

უკანასკნელი მონაცემებით, მსოფლიოში ჯერ კიდევ არსებობს 71 ქვეყანა, სადაც ჰომოსექსუალობა კანონით აკრძალულია და უამრავი ადამიანის სიცოცხლე მმართველობის სასტიკ ფორმებს ეწირება.

გამომდინარე იქიდან, რომ ბევრ ქვეყანაში არ არსებობს ოფიციალური მონაცემები და კვლევები, რომელიც ჰომოფობიური მოტივით ჩადენილ დანაშაულებს აღრიცხავს, რთულია ზუსტი სურათის დახატვა, რომელი ქვეყნები არიან გამორჩეულად სასტიკები LGBT+ თემის მიმართ.

წარმოგიდგენთ 8 ქვეყანას, რომელიც განსაკუთრებით საშიშია LGBT+ ადამიანებისთვის.

1. ნიგერია

ფოტო: CNN

აფრიკის გულში მდებარე ნიგერია, სხვადასხვა სტატისტიკის მიხედვით, მსოფლიოში ყველაზე ჰომოფობიურ ქვეყნად არის მიჩნეული. ნიგერიაში ჰომოსექსუალობა დასჯადია და 14-წლიან პატიმრობას ან სიკვდილით დასჯას ითვალისწინებს. LGBT+ უფლებებზე უბრალო დისკუსიც კი მკაცრად არის კონტროლირებული სახელმწიფოს მიერ.

2. კატარი

Photo: AP

ნავთობით მდიდარი ახლო აღმოსავლეთის ქვეყანა კატარი ერთ-ერთი ყველაზე ჰომოფობიური ქვეყანაა, სადაც შარიათის კოდექსის მიხედვით, ნებისმიერი სახის ჰომოსექსუალური აქტი ითვალისწინებს პატიმრობას, გაროზგვასა და სიკვდილით დასჯას. კატარის სახელმწიფო დიდ იმედს ამყარებს 2022 წლის FIFA-ს მსოფლიო თასის ჩემპიონატზე, რომელმაც ტურისტების რაოდენობა უნდა გაზარდოს, სწორედ ამიტომ, აქტივისტებსა და საერთაშორისო ორგანიზაციებს ჰქონდათ მოლოდინი, რომ ქვეყანა გადახედავდა თავის მკაცრ კანონებს, თუმცა კატარის მმართველი ძალა პოზიციას არ ცვლის.

3. საუდის არაბეთი

საუდის არაბეთი კიდევ ერთი ქვეყანაა, რომელიც ასევე იყენებს შარიათის კანონების თავის ინტერპრეტაციას და სიკვდილით სჯის LGBTQI ადამიანებს. საუდის არაბეთი მტრულად არის განწყობილი ტრანსგენდერი ადამიანების მიმართ და მათი კანონის მიხედვით, მამაკაცი, რომელიც ”იქცევა ქალივით”, 100 შოლტს იღებს და ქვეყნიდან აძევებენ.

4. ტანზანია

ფოტო: Getty

აღმოსავლეთ აფრიკაში მდებარე ეს ქვეყანა, სერენგეტის ნაციონალური პარკისა და კილიმანჯაროს მთის დამსახურებით, მილიონობით ტურისტს იზიდავს, თუმცა სახელმწიფოს დამოკიდებულება უმცირესობების მიმართ მკვეთრად ჰომოფობიურია. 2015 წელს სახელმწიფოს ლიდერმა უამრავი ამომრჩევლის გული სწორედ ჰომოფობიური დაპირებებით მოიგო და ძალაუფლების მოპოვების შემდეგ ჯვაროსნული ომი გამოუცხადა LGBT საზოგადოებასა და ქალებს.

5. ირანი

ერთ-ერთი ყველაზე საშიში ადგილი LGBT+ ადამიანებისთვის ირანია, სადაც 1979 წლის შემდეგ, 5000-ზე მეტი გეი და ლესბოსელი სიკვდილით დაისაჯა. ქვეყნის კანონმდებლობა მამებსა და ბაბუებს ანიჭებს უფლებას, მოკლას შვილი იმ შემთხვევაში, თუ ის ჰომოსექსუალია.

საერთაშორისო ორგანიზაცია Society for Human Rights-ის მიხედვით, LGBT+ საზოგადოების მშვიდი და უსაფრთხო ცხოვრება ისლამურ ირანში წარმოუდგენელია.

6. უგანდა

ადამიანების რიცხვი, რომლებიც ტოვებენ თავიანთ სამშობლოს და სხვა ქვეყანას აფარებენ თავს ლტოლვილის სტატუსით, კიდევ ერთი ეფექტური საზომია, ქვეყანაში ჰომოფობიური დონის განსასაზღვრად. 2014-2016 წლის მონაცემებით, უგანდა 1800-ზე მეტმა LGBT+ ადამიანმა დატოვა.

ეს გასაკვირი არც არის, თუ გადავხედავთ ქვეყანაში განვითარებულ ბოლო მოვლენებს – 2014 წელს უგანდის სახელმწიფომ წარადგინა ანტი-ჰომოსექსუალური კანონი, რომელიც ითვალისწინებდა LGBT პირების სიკვდილით დასჯას, რასაც მალევე მოჰყვა საგაზეთო სტატია -”ტოპ 200 ჰომოსექსუალი უგანდაში”.

7. რუსეთი

:

კიდევ ერთი ჰომოფობიური სახელმწიფო რუსეთია, სადაც 2013 წლის შემდეგ მოქმედებს კანონი, რომელიც კრძალავს ”არატრადიციული სექსუალური ურთიერთობების” პროპაგანდას ნებისმიერი ფორმით, მათ შორის, საჯარო შეკრებას, LGBT+ უფლებებზე საუბარსა და ნებისმიერი LGBT სიმბოლიკის გამოყენებას.

სხვადასხვა ჯგუფებს ქვეყანაში ასევე აეკრძალათ ”ღირსების მარშის” ჩატარება, თუმცა სახელმწიფო მწვანე შუქს უნთებს ნაციონალურ სატელევიზიო არხს, რომელიც სასტიკად უსწორდება გეი მამაკაცებს და მათი წამების კადრებს ონლაინ სივრცეში განათავსებს.

8. ეგვიპტე

ეგვიპტე განსაკუთრებით მკაცრია გეი მამაკაცებისა და ტრანსგენდერების მიმართ, 2013-2017 წლებში ქვეყანაში 500-მდე გეი მამაკაცი აღმოჩნდა ციხეში და დაიწყო LGBT+ საზოგადოების მასობრივი დევნა.

ბევრი ადგილი და გაცნობის აპლიკაცია უსაფრთხო აღარ არის გეი მამაკაცებისთვის. 2014 წლიდან ამერიკული გაცნობის აპლიკაცია Grinder ეგვიპტის მოსახლეობას აფრთხილებს, რომ ფრთხილად იყვნენ აპლიკაციის გამოყენების დროს, რადგან ძალიან გახშირდა შემთხვევები, როცა აპლიკაციის საშუალებით, პოლიციის თანამშრომლები მახეს უგებენ გეი მამაკაცებს. ასევე ცნობილია, რომ რეიდების დროს, პოლიცია უკავშირდება სხვადასხვა არხის ჟურნალისტებსა და ოპერატორებს, რათა გადაიღონ ჰომოსექსუალი ადამიანების დაპატიმრების კადრები.

ბერლინელ მუსიკოსს, DJ Phase Fatale-ის, ჰომოფობიურ ნიადაგზე ბათუმში თავს დაესხნენ.

ამის შესახებ მან Instagram-ზე დაპოსტა, გამოქვეყნებულ ფოტოზე ჩანს მისთვის მიყენებული დაზიანებებიც. მუსიკოსის თქმით, მას თავს იმ კლუბის დაცვის წევრი დაესხა, სადაც უნდა დაეკრა.