2024 წლის ოლიმპიური თამაშები პარიზში ჩატარდება და კვლავ აქტუალური გახდა კითხვა, დაიშვებიან თუ არა ტრანსგენდერი სპორტსმენები ოლიმპიადაზე.
ბოლო წლების გამოცდილება ტრანსგენდერი სპორტსმენებისთვის არცთუ ისე სახარბიელო იყო, რადგან მათ ბევრი შეზღუდვა შეეხოთ. მიუხედავად იმისა, რომ ოფიციალურად ტრანსგენდერები იღებენ მონაწილეობას და დაიშვებიან ოლიმპიურ თამაშებზე, მათ უნდა დააკმაყოფილონ კონკრეტული მოთხოვნები. საერთაშორისო ოლიმპიურმა კომიტეტმა მიმდინარე წელს ახალი მოთხოვნები შემოიღო, რომლის თანახმად ოლიმპიადაზე მონაწილეობის მიღება შეუძლიათ იმ ტრანსგენდერ ადამიანებს, რომელთაც ტრანზიციის პროცესი გაიარეს 12 წლამდე. კომიტეტი მიიჩნევს, რომ 12 წლის შემდეგ ტრანზიციის პროცესი ტრანსგენდერ ადამიანებს არ აყენებს თანაბარ პოზიციაზე ცისგენდერ მიონაწილეებთან შედარებით.
2022 წელს საერთაშორისო ოლიმპიურმა კომიტეტმა დააწესა ტესტოსტერონის მინიმალური ზღვარი ტრანსგენდერი ადამიანებისთვის. ათლეტები დაიშვებოდნენ შეჯიბრზე იმ შემთხვევაში, თუ თამაშის დაწყებამდე მათი ტესტოსტერონის დონე სისხლში ნაკლები იყო 10 ნანომილზე. თუმცა, აღნიშნულმა წესმა განაპირობა ის, რომ ცისგენდერმა ქალებმაც ვერ მიიღეს თამაშში მონაწილეობა ბუნებრივად მაღალი ტესტოსტერონის მაჩვენებლის გამო.
ოლიმპიურ თუ სხვა თამაშებსა და სპორტულ ღონისძიებებზე ტრანსგენდერი ადამიანების დაშვების საკითხი ყოველთვის განხილვის საგანია, რადგან მათთვის წლიდან წლამდე ახალი შეზღუდვები და წესები მოქმედებს.
