უკრაინა

უკრაინელი გეი მოხალისეები მზად არიან, იბრძოლონ ანტი-ლგბტქი პუტინის წინააღმდეგ

ლგბტქი თემს უკრაინაში სჯერა, რომ სხვებთან შედარებით მას უფრო მეტი მიზეზი აქვს, წინააღმდეგობა გაუწიოს რუსეთის ოკუპაციას იმის შემდეგ, რაც პუტინის ჯარები ქვეყანაში შეიჭრნენ.

პარლამენტთან უკრაინის მხარდამჭერი აქცია გაიმართა

დღეს, 18 საათზე, პარლამენტის შენობასთან, მოქალაქეების მიერ ორგანიზებული უკრაინის მხარდასაჭერი აქცია – #GeorgiaSupportsUkraine გაიმართა. შეკრების მიზანი დამოუკიდებლობის, განვითარების, დემოკრატიის და რუსეთის აგრესიისგან თავისუფალი სამყაროს მხარდაჭერა იყო. აქციის ერთ-ერთი ორგანიზატორის, ადვოკატ დავით გელაშვილის თქმით, საქართველოს ფრონტის ხაზი უკრაინაზე გადის, რადგან რუსეთი

ოლენა შევჩენკო – აუცილებლად მაქსიმუმს გავაკეთებთ

24 თებერვალს, რუსეთის მხრიდან ჩვენს ქალაქებზე მასიური თავდასხმის გამო, დილის 5 საათზე გამეღვიძა. უკრაინაში ჯერ კიდევ არავის შეუძლია იმის დაჯერება, რაც ახლა ხდება.

პუტინის მიმქრალი დიდება და საბჭოთა ოცნება, რომელიც მარტივად შესასრულებელი არ აღმოჩნდა

სიახლე არავისთვის არის, რომ პუტინის 22-წლიანი მმართველობა საბჭოთა სენტიმენტებით არის ნასაზრდოები. ქვეყნის მართვის სადავეების ერთპიროვნული ფლობა და საკუთარი თავისგან მითის შექმნის ვნება, ამ სენტიმენტის

LGBT დროშით, ირანელი ქალებისა და უკრაინის მხარდამჭერი მაისურით საფეხბურთო მატჩზე კაცი შეიჭრა

კატარში მიმდინარე ფეხბურთის მსოფლიო ჩემპიონატზე, პორტუგალია-ურუგვაის მატჩის მსვლელობისას მოედანზე ლგბტ დროშით კაცი შეიჭრა. მას სუპერმენის ლოგოიანი მაისურის წინა მხარეს უკრაინის მხარდამჭერი ფრაზა “Save Ukraine” ეწერა, ხოლო  მაისურის უკანა მხარეს არსებული წარწერით “Respect for Iranian women” ირანელ ქალებს უცხადებდა მხარდაჭერას.

ინციდენტი ლუსეილის სტადიონზე მატჩის მეორე ტაიმის დროს მოხდა.

 

Skysports

20 ნოემბერს კატარში მსოფლიო საფეხბურთო ჩემპიონატი 2022 დაიწყო. ეს არის პირველი მუნდიალი, რომელიც არაბულ სამყაროში ტარდება. კატარი არაერთხელ გაკრიტიკდა ადამიანთა უფლებების დარღვევის, მათ შორის ერთი და იმავე სქესის ადამიანების ურთიერთობების აკრძალვის გამო. კატარში ჰომოსექსუალობა არალეგალურია, ლგბტქი ადამიანები ქვეყანაში ისჯებიან ჯარიმებით, შვიდ წლამდე თავისუფლების აღკვეთით, ხოლო ზოგჯერ — ჩაქოლვითაც კი.

აღსანიშნავია, რომ FIFA-მ მსოფლიო ჩემპიონატში მონაწილე 7 ნაკრებს, მათ შორის, გერმანიას, ინგლისს, დანიასა და უელსს ლგბტ სამკლავურის ტარება აუკრძალა და გააფრთხილა, რომ დაუმორჩილებლობის შემთხვევაში, სანქციები არ ასცდებოდათ. ამას მოჰყვა გერმანიის ნაკრების პროტესტი. 

ასევე წაიკითხეთ:

ხარკოვში პრაიდ კვირეული გაიმართება

17-დან 25 სექტემბრამდე, ხარკოვში რუსეთთან ომის დროს გარდაცვლილი ლგბტქი ადამიანების პატივსაცემად და ევროპრაიდის მხარდასაჭერად პრაიდ კვირეული იმართება, რომლის სლოგანი “ერთიანნი, როგორც არასდროს” იქნება.

ხარკოვ პრაიდის ინსტაგრამ გვერდზე გამოქვეყნებული ინფორმაციით, კვირეულის განმავლობაში ქორწინების თანასწორობის მხარდამჭერი პერფორმანსი და მარშია დაგეგმილი. ღონისძიებები კი ხარკოვის გარეუბანში გაიმართება.

„პრაიდის გუნდს ესმის, რამდენად რთულ ვითარებაშია ქვეყანა, ამიტომ მიზნად გვაქვს, თავისუფლების, თანასწორობისა და მრავალფეროვნების პატივისცემის მნიშვნელობაზე გავამახვილოთ ყურადღება, ასევე შევძლოთ იმ განსხვავების მსოფლიოსთვის დემონსტრირება, რაც რუსეთის ტოტალიტარულ რეჟიმთან შედარებით გვაქვს“, — ნათქვამია ხარკოვ პრაიდის განცხადებაში.

პრაიდ კვირეულის ორგანიზატორების თქმით, წლევანდელი პრაიდი ზეიმი არ იქნება, რადგან უკრაინა გლობალური ბოროტების წინააღმდეგ იბრძვის.

„ლგბტქი ადამიანები წინააღმდეგობის აქტიური ნაწილი არიან. და თუ ქვიარ ადამიანები საკუთარი ქვეყნისთვის იღუპებიან, სახელმწიფომ ისინი სხვებთან თანასწორი უფლებებით უნდა უზრუნველყოს“, — აღნიშნულია ორგანიზაციის განცხადებაში.

უცხოელი გეი სამხედროების თქმით, უკრაინულ ჯარში მიმღებლობას გრძნობენ

აშშ-ის საზღვაო ძალების ყოფილი სამხედრო, ედი ეტუ სატელეფონო ინტერვიუსას იმ მიზეზებზე საუბრობს, რის გამოც კალიფორნიის სიმშვიდე მიატოვა და უკრაინულ ჯარში მოხალისედ ჩაეწერა.

ედი საბრძოლო დაპირისპირების ეპიცენტრთან ყოფნა მოუწია და ბაზაზე საჰაერო თავდასხმა განხორციელდა, თუმცა ერთი რამ, რაც მისი დარდის მიზეზი არაა, სექსუალური ორიენტაციაა. ეტუ გეი სამხედროა, რომელიც ცალრქის (უკრაინელი ლგბტქი სამხედროების ემბლემა) ემბლემას ამაყად ატარებს.

“ამ ცალრქის ემბლემის აღმოსავლეთ ევროპის ქვეყანაში უპრობლემოდ ტარება შესანიშნავი შეგრძნებაა. თავს შემდგარად გრძნობ, როცა მსგავს სიტუაციაში, სადაც ხალხი არსებობისთვის იბრძვის, დახმარებას გადაწყვეტ და ხალხი კეთილგანწყობით გეგებება”, — აღნიშნავს ეტუ.

ლგბტქი მებრძოლები უკრაინულ ჯარში რუსეთის თავდასხმის დაწყების დღიდან ხილვადები იყვნენ, ბევრი სამოქალაქო პირი არმიაში ჩაეწერა და ცალრქის ლოგოს საკუთარი იდენტობის ღიად დაფიქსირების მიზნით ტარება გადაწყვიტა.

აქტივისტების ნაწილი მიიჩნევს, რომ თავდაცვის ძალებში გაწევრიანება ქვიარ უფლებებთან დაკავშირებით ხალხის მხარდაჭერის ზრდის წინაპირობად იქცა.

ეტუ აქამდე ერაყშიც მსახურობდა, ქამინგაუთი კი საზღვაო ძალებში ყოფნის დროს გადაწყვიტა. იხსენებს, რომ იმ დროს “საოცრად შეშინებული” იყო, ახლანდელი მდგომარეობა კი ბევრად უკეთესია — “უკრაინელები მიმღებლები არიან ან ამბივალენტური გრძნობები აქვთ, მაგრამ მხარს მაინც გიჭერენ და ეს ასეც უნდა იყოს”.

რუსეთის სამხედრო თავდასხმა უკრაინელი ლგბტქი ადამიანებისთვის განსაკუთრებით შოკისმომგვრელი იყო, რადგან პუტინის რუსეთში ქვიარ ადამიანები ჩაგვრის სამიზნე არიან და არსებობდა მოლოდინი, რომ რუსეთის გამარჯვების შემთხვევაში, ქვეყანაში თუნდაც დროებითი კონტროლის დამყარებისას ლგბტქი ადამიანები პირველ სამიზნედ იქცეოდნენ.

ომამდე უკრაინის კონსერვატიული დაჯგუფებები, რომელთაც ხშირად მართლმადიდებელი ეკლესია უმაგრებდა ზურგს, ასევე ულტრამემარჯვენე ჯგუფები, ლგბტქი ადამიანებს თავს ესხმოდნენ და თანასწორუფლებიანობას საფრთხეს უქმნიდნენ. ომის საწყის დღეებში კიევ პრაიდის აქტივისტები ულტრამემარჯვენე ჯგუფების მზარდი თავდასხმების შესახებაც აქტიურად საუბრობდნენ, თუმცა ბოლო დროს მდგომარეობა მნიშვნელოვნად გამოსწორდა.

დალას კეისი კიდევ ერთი ამერიკელი გეი სამხედროა, რომელიც უკრაინის ჯარს შეუერთდა და მისი თქმით, სხვადასხვა იდეოლოგიისა და შეხედულების ადამიანის გვერდით უწევს ყოფნა, თუმცა საფრთხე არ შეჰქმნია.

კეისი საერთაშორისო ლეგიონისა და კიდევ ერთი უცხოური სამხედრო დანაყოფის წევრი იყო, რის შემდეგაც უცხოელი მოხალისეების დანაყოფი შექმნა და სახიფათო ზონებიდან მშვიდობიანი მოსახლეობისა და დაჭრილი სამხედროების გამოყვანის ოპერაციებში მონაწილეობს.

ეტუ და კეისი, მიუხედავად იმისა, რომ არმიაში მათი გაწევრიანების თვითმიზანი ლგბტქი უფლებების განმტკიცება არ ყოფილა, მიიჩნევენ, რომ აღნიშნული სიტუაცია უკრაინელებს ადამიანთა უფლებების დაცვისკენ განაწყობს, მიუხედავად მათი სექსუალური ორიენტაციისა თუ გენდერული იდენტობისა.

წყარო: Gay Times

უკრაინელი გეი ჯარისკაცი ომის დღეებში ნაპოვნი სიყვარულისა და სამშობლოსთვის გაღებული მსხვერპლის შესახებ ჰყვება

უკრაინელმა გეი ჯარისკაცმა პოსტი გამოაქვეყნა, რომელშიც რუსეთთან ომის დღეებზე, ყოველდღიურ გამოწვევებზე, შიშებზე დაწერა და ხალხს ამ მძიმე დროს ნაპოვნ სიყვარულზე მოუყვა, რომელიც მიუხედავად ქვიარ ჯარისკაცების მიერ გაღებული მსხვერპლისა, ბევრისთვის კვლავ მიუღებელია. 

იურა უკრაინის სპეციალური დაცვის სამსახურის წევრია, რომელიც ომის დაწყების მეორე დღესვე არმიაში გაწევრიანდა.

წაიკითხეთ მისი პოსტი სრულად:

Військові ЛГБТ та наші союзники Ukrainian LGBT Soldiers and our Allies

თავდაპირველად ამ პოსტის დაწერა არ მინდოდა, ვინმესთვის რაიმეს ახსნა, მტკიცება, მაგრამ რომ გეუბნებიან, რატომ “გამოდიხარ” მაშინ, როცა ომში შეძენილი შენი ძმები კვდებიან, გაჩუმება ძნელია. და ამიტომ, შენ — გუშინ ბიზნესმენი, მზარეული, ათლეტი, მასწავლებელი კომპიუტერთან ჯდები და წერას იწყებ. ყველა წინადადებას ისე გამოიღებ მეხსიერებიდან, როგორც ნამსხვრევებს. ფიზიკურად რთულად ხარ, გტკივა და ეს ტკივილი, ბრაზი, განრისხება გადაგაქვს ეკრანზე, ქაღალდზე, პოსტში. იხსენებ მათ — მანქანაში ცოცხლად რომ დაიწვნენ, სიკვდილის წინ ტყვეობაში რომ ტიროდნენ, იმ ნამსხვრევების ამოღებისას რომ იტანჯებოდნენ, რომელთა ამოღება უკვე შეუძლებელია… იხსენებ და ხვდები – გაჩუმება არ შეიძლება. ყველამ უნდა იცოდეს, რომ ჩვენ ვარსებობთ, რომ სხვებთან ერთად ვიღუპებით, სიგიჟით ატანილები, სიკვდილადევნებულები, მოგონებებდაცხრილულები – ჩვენ ვარსებობთ.

ჩვენ, ბიჭები, რომელთა „დანაშაული“ ერთმანეთის სიყვარულია, ისე სასაცილოდ არ გამოვიყურებით, როგორც ზოგიერთ მოკრიმინალოს მოეწონებოდა. ცხოვრება კი იმაზე ბევრად ფხიზელი, რეალურია, ვიდრე ჩვენი ფანტაზიები.

ჩემი და იაროსლავის გაცნობის ისტორია ისე დაიწყო, რომ ამის წარმოდგენაც კი რთული იქნებოდა.

7-წლიანი ურთიერთობა ახალი დასრულებული მქონდა და დავიფიცე, რომ გამარჯვებამდე არავის გავიცნობდი. მით უმეტეს, ფრონტზე გატარებული ძალიან რთული პირველი კვირების მერე, დარწმუნებული ვიყავი, რომ ომს ვერ გადავურჩებოდი. ომის დაწყებისას ჩემი მეგობარი მოკვდა, ჩვენი რაოდენობა იკლებდა, საკმარისი ხალხი არ იყო, მეგობრები, რომლებთანაც წლები მაკავშირებდა, უკვე დაღუპულები იყვნენ. ამ ყველაფერმა დიდი დარტყმა მომაყენა. 

ანდრეის დაღუპვის შემდეგ პოსტი გამოვაქვეყნე, რომელშიც ვწერდი, რომ მალე ერთმანეთს შევხვდებოდით. იარიკმა, რომელიც მას იცნობდა, კომენტარი დამიწერა და დამაიმედა, რომ ერთად ყავას ისევ დავლევდით. ასე გავიცანით ერთმანეთი, მან სიტყვა შეასრულა. აღმოჩნდა, რომ სპეცრაზმში მსახურობდა და ბუჩადან 8 ადამიანი გამოიყვანა, იმ დროს ქალაქი უკვე ოკუპირებული იყო. ქალაქის იმ რაიონში ვინც დარჩა, დაიღუპნენ. ორივემ ვიცოდით, რომ ამ ყველაფერს ვერ გადავიტანდით…  და მე ის შემიყვარდა. აღმოჩნდა, რომ მასაც.

ერთხელაც, იმ რაიონში ჩამოვიდა, სადაც ვმსახურობდი. მეგობრის დახმარებით ჩუმად გამიყვანა შეხვედრაზე და ისე, რომ ამას არ ველოდი, გამოჩნდა, ჩამეხუტა და ბეჭდების გაცვლა შემომთავაზა. დავთანხმდი. მოგვიანებით ის სამხრეთის ფრონტს დაუბრუნდა და დანაყოფთან ერთად კიდევ რამდენიმე ტყვე გაათავისუფლა, მათ შორის, აზოველებიც, რომლებიც ხერსონში ჰყავდათ დატყვევებულები.

ძალიან რთულია იმის გადმოცემა, რის გადატანა გიწევს – როგორ ნერვიულობ, როცა იცი, რომ რომელიმე ოკუპირებულ ტერიტორიაზე აღმოჩნდებით. ყოველთვის ის… ვწმენდ იარაღს და მახსენდება მისი გრილი, არაშემაწუხებელი სუნამო. დღე-ღამის განმავლობაში უძილოს, საშინლად დაღლილს მისი სიტყვები მახსენდება ბოლო მესიჯიდან. როცა ნერვები დაწყვეტაზე მაქვს და მესმის მისი ლაპარაკი, თითქოს მათრობს მისი ხმა. მადლობა მას ერთად ყოფნისთვის. ამას მხოლოდ ისინი გაიგებენ, ვისაც იგივე გამოუცდია. ამაზე უნდა ვწეროთ ბევრი და ალბათ ყველას გვექნება ჩვენი ისტორია.

და ამ ყოველივეს მერე, ვიღაც არსებამ უნდა მითხრას, მასთან ყოფნის უფლება მაქვს თუ არა, რომელიღაც ჰომოფობმა. 

ხალხო, ჩვენ გავიმარჯვებთ. მაგრამ თავისუფლები ვიქნებით მხოლოდ მაშინ, როცა თითოეული ადამიანის თავისუფლებას ვაღიარებთ.

დიდება უკრაინას!

პრაიდი თქვენს რეგიონში ხელმისაწვდომი არ არის — ვიდეო, რომელიც ომის შუაგულში აღმოჩენილი უკრაინელი ქვიარების ყოველდღიურობას ასახავს

არასამთავრობო ორგანიზაცია Ukraine Pride-მა აპლიკაცია Taimi-სთან ერთად ვიდეო გადაიღო, რომელშიც ომის პერიოდში უკრაინელი ქვიარების ცხოვრებაა ასახული.

პროექტის მიზანი იყო, რომ „საერთაშორისო საზოგადოებისთვის ეჩვენებინათ, რა გავლენა მოახდინა ომმა უკრაინაზე, როგორ გრძელდება ბრძოლა და როგორ ხედავენ მომავალს, როცა პრაიდ წვეულებები ისევ ჩატარდება“.

ვიდეოში 6 მთხრობელი ჰყვება ომის დროს შეცვლილ ყოველდღიურობაზე, შიშებზე, მომავლის გეგმებსა და იმედებზე, რომლის ფონზეც მთავარი გზავნილი ჟღერდება — „პრაიდი თქვენს რეგიონში ხელმისაწვდომი არ არის“.

„იმაზე უარესი რა არის, რომ აღარავინ გყავს? უკრაინისთვის სიკვდილი საშიში არ არის, მაგრამ მისთვის სიცოცხლე მირჩევნია! არ აქვს მნიშვნელობა, რამდენად დიდია მსხვერპლი, პრობლემებთან გამკლავება აუცილებელია! 

ეჰ, მარშა, როგორი უიღბლო უნდა იყო, რომ ყუმბარა მოგხვდეს. ადამიანთა უმეტესობა ტყვიამფრქვევის ნამსხვრევებით კვდება. ფრაგმენტები 45 გრადუსიანი კუთხით დაფრინავენ. როცა ზუზუნს გაიგებ, მთავარია უმალ მიწაზე დაწვე და თავი ხელებით დაიფარო. 

შემეშინდა, მეგონა ვეღარასდროს გნახავდი. ახლაც მეშინია, მაგრამ ისე აღარ, როცა შენ ახლოს ხარ. როგორც კი ლუჰანსკს ავიღებთ, წაგიყვან და მამაჩემს გაგაცნობ. ცოტაც მოიცადე. 

სანაპირო, ჩემთან იალტაში, იდეალური ადგილი იქნებოდა მარშის ჩასატარებლად. გამარჯვება აუცილებლად ჩვენი იქნება! რადგან სიცოცხლე სიკვდილზე ყოველთვის იმარჯვებს! 

თავში მხოლოდ წარსულის გაელვებები მაქვს: სასწრაფო დახმარების მანქანა, კივილი, და ფრაზა — „ექიმს დაურეკეთ!“ მაშინვე გულის მასაჟი დავიწყეთ, ვერ ვხვდებოდით, რამდენად ღრმა იყო ჭრილობა, მაგრამ ფრაგმენტმა მის გულამდე მიაღწია. ალბათ იმ ბიჭმა გასაოცარი ამბები დაატრიალა… როგორ უნდა ვუთხრა მის მშობლებს, რომ ყველაფერი ვქენი, რაც შემეძლო?

ჰმმ, მოლოტოვის კოქტეილის დამზადება ბარში კოქტეილის მომზადებაზე რთული არაა. ერთი წლის წინ ამას ვერაფრით დავიჯერებდი. პროფესია შევიცვალე, რათა ომი უფრო მალე დავასრულო“.

რუსეთის წინააღმდეგ გაერთიანებული უკრაინელი ქვიარები და თემის ერთობა საზღვრებს მიღმა — ინტერვიუ ლენი ემსონთან

KyivPride-ის დირექტორი ლენი ემსონი ერთ-ერთია იმ მრავალ ლგბტქი თემის წევრსა და აქტივისტს შორის, რომლებიც უკრაინაზე რუსეთის თავდასხმის დღიდან, ლგბტქი ადამიანების დახმარებას ცდილობენ და ყველაფერს აკეთებენ ქვეყნის რუსული აგრესიისგან დასაცავად. ლენი ემსონი ომის გამო შეცვლილ დღის წესრიგზე, ლგბტქი უკრაინელების საჭიროებებზე, ომის დღეებში ქვიარების ერთიანობაზე და იმ ორმაგ ფრონტზე გვესაუბრა, რომლის წინაშეც ლგბტქი ადამიანები არიან — ქვეყნის შიგნით არსებული ჰომოფობიური ჯგუფები და რუსული ძალმომრეობა.

KyivPride ომამდე და რუსეთის თავდასხმის შემდეგ შეცვლილი დღისწესრიგი

კიევის ღირსების მარში ლგბტქი უფლებების მხარდასაჭერად

რუსეთის თავდასხმისთანავე მივხვდით, რომ ყველა ჩვეული აქტივობა უნდა გადაგვეფასებინა და ამასთან, გაგვეგრძელებინა თემის მხარდაჭერა, სრული დატვირთვით გვეფიქრა თემის წევრების საჭიროებებზე. Პირველი, რაც გავაკეთეთ, პირდაპირი დახმარების გზების ძიება იყო, იქნებოდა ეს დროებითი საცხოვრისით უზრუნველყოფა, საკვებზე ხელმისაწვდომობა თუ მედიკამენტებით მომარაგება, — ლენი ემსონი.

კიევპრაიდი უფლებადაცვითი ორგანიზაციაა და ამიტომ თემს, მოძრაობასა და ხელისუფლებას შორის კონტაქტის დამყარებას ვუწყობთ ხელს. Ასევე, ხელს ვუწყობთ სამართლებრივი დღის წესრიგის შეცვლას, ინფორმაციის კამპანიურ ფორმატში გაზიარებას და ქვეყანაში ადვოკატირების ყველაზე დიდ ღონისძიებას — ღირსების მარშს ვატარებთ დედაქალაქში. რუსეთის თავდასხმისთანავე მივხვდით, რომ ყველა ჩვეული აქტივობა უნდა გადაგვეფასებინა და ამასთან, გაგვეგრძელებინა თემის მხარდაჭერა, სრული დატვირთვით გვეფიქრა თემის წევრების საჭიროებებზე. Პირველი, რაც გავაკეთეთ, პირდაპირი დახმარების გზების ძიება იყო, იქნებოდა ეს დროებითი საცხოვრისით უზრუნველყოფა, საკვებზე ხელმისაწვდომობა თუ მედიკამენტებით მომარაგება. პარტნიორ ორგანიზაციასთან ერთად თემის წევრების საკვებით მომარაგება დავიწყეთ და ადამიანების თავშესაფრით უზრუნველყოფა გადავწყვიტეთ, თავდაპირველად დედაქალაქში არსებულ იმ შენობაში, რომელიც უკვე გვქონდა, შემდეგ უფრო შესაფერისი და უსაფრთხო დაწესებულებაც მოვნახეთ, თუმცა მცირე სივრცეა, ამიტომ ახლა უფრო დიდი შენობის ძიების პროცესში ვართ. ვფიქრობთ, რომ საკუთარი საცხოვრისის დატოვება კიდევ უფრო მეტ ადამიანს მოუწევს. ხალხი აღმოსავლეთიდან და სამხრეთიდან უფრო უსაფრთხო ადგილს ეძებს, რადგან რუსეთი ამ რეგიონებს ყველაზე მძლავრად უტევს, რის გამოც ადამიანებს საცხოვრებლის დატოვება უწევთ და ამას მომზადებულები უნდა დავხვდეთ. ამასთან, ბრუნდებიან ის ადამიანები, რომლებმაც უკრაინის დასავლეთს და ევროპას შეაფარეს თავი, ამიტომ პირდაპირი დახმარება მუდმივად საჭიროა. სოციალურ ქსელებში ვაქტიურობთ, ვცდილობთ, ინფორმაცია ყველასთვის ხელმისაწვდომი გავხადოთ და როგორც მსოფლიოს, ისე უკრაინას გავაგებინოთ, როგორია ლგბტქი უკრაინელების მდგომარეობა ომის დროს. ამასთან, გვინდა ხალხს გავაგებინოთ, რამდენად მნიშვნელოვან როლს ასრულებს თემი ომის დღეებში, როგორ ვიბრძვით უკრაინისთვის. ახლახან ლესბოსელთა ხილვადობის დღე იყო და არაერთი ლესბოსელი სამხედროს ისტორია გავავრცელეთ, რომლებიც სამშობლოს დასაცავად იბრძვიან. 

ნარატივები, რომლებიც საერთაშორისო მედიით ვრცელდება და ლგბტქი თემი, რომელიც უკრაინის დასახმარებლად იბრძვის

ვერ ავუდივართ მოხალისეების მსურველთა შეტყობინებებს, რომლებიც გვწერენ, რომ უკრაინის სხვადასხვა ქალაქში არიან და დახმარებას გვთავაზობენ, უნდათ, რაიმე ფორმით ჩაერთონ თემის, ზოგადად ქვეყნის დახმარების საქმეში, — ლენი ემსონი.

საერთაშორისო მედია აკეთებს განსაკუთრებით დიდ აქცენტს ლგბტქი ადამიანების მიერ ქვეყნის დატოვებაზე, რასაც მხარს ვუჭერთ – თუ ადამიანებს უნდათ, რომ უსაფრთხოდ იგრძნონ თავი და ქვეყანას ტოვებენ, ვეხმარებით ამ პროცესში, საევაკუაციო გზების გამარტივებას ვცდილობთ და ისეთ თავშესაფრებთან ვაკავშირებთ, რომლებიც ლგბტქი ადამიანებისთვის უსაფრთხოა. თუმცა არავინ საუბრობს, რომ როცა საზღვრიდან ვბრუნდებით, თან გვახლავს უამრავი თემის წევრი, რომელიც უკრაინაში ბრუნდება და ქვეყნის დასახმარებლად ერთიანდება. თემის უდიდესი ნაწილი უკრაინაშია და ქვეყნის გამარჯვებისთვის ყველაფერს აკეთებს. ვერ ავუდივართ მოხალისეების მსურველთა შეტყობინებებს, რომლებიც გვწერენ, რომ უკრაინის სხვადასხვა ქალაქში არიან და დახმარებას გვთავაზობენ, უნდათ, რაიმე ფორმით ჩაერთონ თემის, ზოგადად ქვეყნის დახმარების საქმეში. თემის არაერთი წევრი რუსეთის მიერ ოკუპირებულ ტერიტორიებზეა, რაც განსაკუთრებით სადარდებელია, ეს მათთვის ძალიან საშიშია. ჯერ კიდევ ომის დაწყებამდე გავრცელდა ინფორმაცია, რომ რუსული მხარე აქტივისტების, უფლებადამცველების სიებს აწარმოებდა, ამიტომ რუსეთის მიერ ოკუპირებულ ტერიტორიებზე მყოფ თემის წევრებს შესაძლოა წამება ელოდეთ, ისინი პირველი სამიზნე არიან. ქვეყნის სხვადასხვა წერტილში არსებულ ორგანიზაციებს ერთმანეთთან მუდმივი კომუნიკაცია გვაქვს, რათა ქვეყანაში მყოფ თემის წევრებს მაქსიმალური დახმარება აღმოვუჩინოთ, დავეხმაროთ გოგოებს, ბიჭებს თუ არაბინარულ სამხედროებს. კონტაქტი შევინარჩუნოთ თემის წევრებთან, რომელთაც ემოციური მხარდაჭერა სჭირდებათ, საკვებით და მედიკამენტებით მოვამარაგოთ ადამიანები, რომლებიც ომმა ყოველგვარი რესურსის გარეშე დატოვა. ამასთან, ვცდილობთ, მხნეობა შევინარჩუნოთ და ამაში ადამიანებსაც დავეხმაროთ, რათა ქვეყანაც უკეთესობისკენ წავიყვანოთ.

ჰომოფობიური ჯგუფები, რომლებმაც ომის დღეები ლგბტქი თემზე თავდასხმისთვის გამოიყენეს

It's Even Worse Than Before': How The 'Revolution Of Dignity' Failed LGBT Ukrainians
ანტი-ლგბტქი პროტესტის მონაწილეები ლგბტქი დროშას წვავენ — ფოტო 2017 წლის კიევის ღირსების მარშიდან. Reuters

ფრონტის ორმაგი ხაზის პირისპირ ვართ — ერთ მხარეს რუსული ძალა დგას, რომელიც ჩვენს ქალაქებს ანადგურებს და მეორე მხარეს, ჰომოფობიურად განწყობილი ჯგუფები, რომლებიც თემის წევრებზე ნადირობენ, — ლენი ემსონი.

ჰომოფობიურად და ტრანსფობიურად განწყობილი ჯგუფები ომამდეც იყვნენ ქვეყანაში და ეს ადამიანები ომის დაწყების შემდეგ უბრალოდ ხომ არ გამქრალან, ისინი კვლავ ჩვენ გვერდით არიან და მათ ნაწილს ომმა ძალაუფლებაც კი აგრძნობინა, ზოგიერთი სასაზღვრო დაცვის დანაყოფებს შეუერთდა და ჰომოფობიურ თავდასხმებსაც კვლავ აგრძელებს. არაერთმა ამბავმა მოაღწია ჩვენამდე, რომლებშიც საუბარია დამამცირებელ მოპყრობაზე, დისკრიმინაციაზე, წამების შემთხვევებზე. ეს უბრალოდ ასე ხდება – არმიაში უამრავი ადამიანი გაწევრიანდა, მათ შორის, აგრესიული, ჰომოფობიურად განწყობილი მოქალაქეები, რომლებიც აჩერებენ ადამიანებს, ამოწმებენ მათ ტელეფონებს. ასეთი სამწუხარო ამბავი თემის წევრ ბიჭს გადახდა, რომლის ტელეფონშიც შეყვარებულ ბიჭთან ერთად გადაღებული ფოტო იპოვეს და მისი დამცირება, დაცინვა, მისი მისამართით შეურაცხმყოფელი ტერმინების გამოყენება დაიწყეს. იყო კიდევ ერთი შემთხვევა, როცა ორი გეი ბიჭი 6 საათით გამოკეტეს სარდაფში სამხედრო დანაყოფის წევრებმა და სცემეს, აწამეს. ომმა თემის წევრებისთვის საშიში რეალობა შექმნა, რომლის დროსაც ის თემის წევრები, რომლებიც სოციალურად მიღებულ გენდერულ გამოხატვასთან შესაბამისობაში არ არიან, იმ აგრესიული ჯგუფების სამიზნეები ხდებიან, რომელთაც ძალაუფლება იგრძნეს. რატომღაც ამ მძიმე დროს ისევ ჩვენზე თავდასხმისთის იყენებენ, ამიტომ ფრონტის ორმაგი ხაზის პირისპირ ვართ — ერთ მხარეს რუსული ძალა დგას, რომელიც ჩვენს ქალაქებს ანადგურებს და მეორე მხარეს, ჰომოფობიურად განწყობილი ჯგუფები, რომლებიც თემის წევრებზე ნადირობენ.

ოკუპირებულ ტერიტორიებზე მყოფი თემის წევრების წინაშე არსებული საშიში რეალობა

სამწუხაროდ, ოკუპირებულ ტერიტორიებზე რუსები ჰუმანიტარული დერეფნების მუშაობას ხელს უშლიან, რაც მედიკამენტების, პირველადი საჭიროების ნივთების მიწოდებას აფერხებს და ეს განსაკუთრებით იმ ადამიანებზე აისახება, ვინც ამ დროს განსაკუთრებით მოწყვლადია. იმ ადამიანებს, რომელთაც ქრონიკული ჯანმრთელობის პრობლემა აქვთ, აივ-მედიკამენტები, ჰორმონების მიღება სჭირდებათ ან პრეპით უზრუნველყოფა, თავდასხმისას ყველაზე მეტად ზარალდებიან. ოკუპირებულ ტერიტორიებზე ხშირად ვაწყდებით ამ პრობლემას, მაგრამ უკრაინული მხარის კონტროლირებად ტერიტორიებზე უფლებადაცვითი ორგანიზაციები გამართულად მუშაობენ და ყველაფერს აკეთებენ, რომ ადამიანები მკურნალობის მიღმა არ დარჩნენ. თემის წევრებმა შეძლეს, რომ შეექმნათ ერთგვარი ხიდი, რომლის მეშვეობითაც აუცილებელი მედიკამენტები ქვეყანაში შემოვიდოდა და შემდეგ მისი ქვეყნის მასშტაბით მიწოდება გახდება შესაძლებელი. ეს ერთგვარი ქსელია, რომელიც თემის წევრების საჭიროებების ეფექტურად და სწრაფად დაკმაყოფილებას ისახავს მიზნად.

აქტივიზმი ომის დღეებში და გამკლავების მექანიზმები

KyivPride / Facebook

ჩემთვისაც და ჩემი კოლეგებისთვისაც ასეთია გამკლავების გზა — მუდმივი მოხალისეობა, ხალხთან კავშირი, ემოციების გაზიარება,  — ლენი ემსონი.

ახლა ჩემს სახეზე ღიმილს ხედავთ, მაგრამ იმ დროს როცა კიევის რეგიონი ოკუპირებული იყო და ირპენში და ბუჩაში შემზარავი ამბები ხდებოდა, გამკლავებას ვეღარ ვახერხებდი. პირადად ჩემთვის ყველაზე მნიშვნელოვანი გამკლავების გზა აქტიურად მუშაობა და თემის წევრებთან მუდმივი კომუნიკაციაა. როცა დაკავებული ხარ, დასახმარებლად ყველაფერს აკეთებ, გრძნობ, რომ გაცემული ენერგია უკან გიბრუნდება. ეს შეგრძნება ძალიან მნიშვნელოვანია, რადგან ძალას გაძლევს, განაგრძო შრომა. გეხმარება, რომ არ ჩაიძირო, წყლის ზედაპირზე დარჩე. ამიტომ, გამკლავების გზა ისევ და ისევ საქმიანობაა, სხვების დახმარებაა. ვიცი, რომ ჩემთვისაც და ჩემი კოლეგებისთვისაც ასეთია გამკლავების გზა — მუდმივი მოხალისეობა, ხალხთან კავშირი, ემოციების გაზიარება. 

ლგბტქი თემის საჭიროებები და გზები, რომლითაც უკრაინის დახმარება შეგიძლიათ

ახლა თემის წევრების მთავარი საჭიროება დაცულობა და უსაფრთხოებაა, ამიტომ სხვადასხვა გზით ვცდილობთ ამ პროცესში ჩართვას, ვცდილობთ, ერთგვარი შემაკავშირებელი რგოლიც ვიყოთ და პირდაპირი დახმარებაც გავუწიოთ ადამიანებს, რათა დაცულ ადგილამდე მიღწევა შეძლონ, რაც ისეთ საცხოვრისს მოიაზრებს, სადაც თვითგამოხატვა თავისუფლად შეეძლებათ და არ განსჯიან, პატივისცემით მოეპყრობიან. კიდევ ერთი მნიშვნელოვანი საჭიროება საკვებით, ასევე ფინანსური უზრუნველყოფაა. ომში ვართ, უამრავი კომპანია დაიხურა და ადამიანები სამსახურების გარეშე დარჩნენ, ამიტომ განსაკუთრებით მნიშვნელოვანია, რომ აუცილებელი საჭიროებებით ადამიანების მომარაგება შევძლოთ. საერთაშორისო საზოგადოებას, მათ შორის, ქართველებს ამ მიმართულებით დახმარება შეუძლიათ და ასევე ინფორმაციის გავრცელებაში მხარდაჭრა, თუნდაც სოციალურ ქსელებში რუსულ პროპაგანდასთან ბრძოლა შეიძლება იყო დახმარების გზა. გამოგვიწერეთ, მოიწონეთ ჩვენი გვერდი სოციალურ ქსელებში და გაავრცელეთ ინფორმაცია, რომელსაც რეგულარულად ვაქვეყნებთ, აუცილებელია, რომ მეტი უკრაინულენოვანი მასალა და ნაკლები რუსული ნარატივი გავრცელდეს. რუსეთი საინფორმაციო ომს მომზადებული შეხვდა, რადგან ისედაც დიდ ყურადღებას აქცევდნენ დეზინფორმაციის გავრცელებას და სოციალურ ქსელებში ადამიანთა განწყობების მართვას. სამწუხაროდ, ლგბტქი თემის წევრებიც კი ხშირად რუსული პროპაგანდის გამავრცელებლები არიან და უკრაინის შესახებ დეზინფორმაციას სხვებსაც უზიარებენ. დაუღალავად ვცდილობთ ხელისუფლებასთან მუშაობას და ტრანსფობიასთან, ჰომოფობიასთან ბრძოლას, თემის წევრებისთვის უკეთესი გარემოს შენება გვსურს და პროგრესიც გვაქვს, მაგრამ მაინც ვრცელდება ნარატივი, თითქოს უკრაინა ლგბტქი ადამიანებისთვის საშიში ქვეყანაა, ამიტომ ხალხს მინდა მოვუწოდო, რომ გაავრცელონ ინფორმაცია იმ შრომაზე, რასაც ლგბტქი ორგანიზაციები მდგომარეობის უკეთესობისკენ შესაცვლელად სწევენ. ჩვენ აქ ვართ, ომის მიუხედავად, მუშაობას ვაგრძელებთ და თემის წევრების, სამშობლოს დაცვას ვცდილობთ.

ასევე ნახეთ: გზები, რომლითაც უკრაინელი ხალხის მხარდაჭერას შეძლებთ

მომავლის იმედი, ხილვადობის პოლიტიკა და ლგბტქი თემის ერთობა, რომელიც საზღვრებს არ სცნობს

არ ვიცი, რა მოლოდინი უნდა მქონდეს. ჰომოფობიური ჯგუფები მუდამ მოგვაწერენ, რომ ქვეყანას ვტოვებთ, ხალხისთვის და ქვეყნისთვის არაფერს ვაკეთებთ, რაც სიმართლე არაა და ამას ყოველდღიურად ვამტკიცებთ სხვა ადამიანების დახმარების მცდელობით, ქვიარ სამხედროები ბრძოლის ველზე იცავენ სამშობლოს. ამასთან, აუცილებლად გავაგრძელებთ ხილვადობის პოლიტიკას და პრაიდის თვეშიც არ შევწყვეტთ აქტიურობას. გვჯერა, რომ ეს აუცილებელია. რა თქმა უნდა, ეს იქნება სიტუაციის შესაბამისი — მიმართული უკრაინის მხარდაჭერაზე, გამარჯვებაზე, მშვიდობის აუცილებლობაზე. ალბათ, სწორედ ეს პროცესი გვიჩვენებს, როგორია რეალური მდგომარეობა, როგორ შეიცვალა საზოგადოების განწყობა, ასევე მნიშვნელოვანია, გავიგოთ, ომის დაწყების შემდეგ განწყობების ცვლილების დინამიკა როგორია, სიძულვილის ენის გამოყენება გაზრდილია თუ — არა. ახლა ყველაფრის განჭვრეტა რთულია, რადგან ისეთი ხილვადები აღარ ვართ, როგორც უწინ.

მინდა, მადლობა გადავუხადო თემის რიგით წევრებს, აქტივისტებს, რადგან ომმა დაგვანახა, რომ მეზობელ ქვეყნებში, რეგიონში, ევროპაში, ცენტრალურ აზიაში თუ კავკასიაში თემი ერთსულოვანია. მუდმივად გვიკავშირდებიან და გვეკითხებიან, როგორ შეუძლიათ დახმარება და რა არის საჭირო. მჯერა, რომ დახმარების უდიდესი ნაწილი, რაც ლგბტქი ორგანიზაციებმა მივიღეთ, თემის წევრებისგან მოდის. რა თქმა უნდა, მადლიერების ვართ დონორების, თუმცა განსაკუთრებით მნიშვნელოვანი ადამიანების მხრიდან დახმარების, მხარდაჭერის დანახვაა. მიხარია, რომ ერთმანეთი გვყავს. დავინახე, რომ ლგბტქი თემს ერთმანეთისგან საზღვრები, ენობრივი ბარიერი ვერ გვყოფს და ერთმანეთს გვერდში ვუდგავართ, ვეხმარებით. ეს არის ისეთი მძლავრი ერთიანობის შეგრძნება, როგორიც წლებია, არ მქონია. 

არ დანებდეთ, დაიღალოთ ან მოგბეზრდეთ უკრაინაში მიმდინარე ამბები – KyivPride-ის დირექტორი

KyivPride-ის დირექტორმა, ლენი ემსონმა ჟურნალ DIVA-სთან საუბრისას, უკრაინაში რუსეთის ომისას არსებულ გამოწვევებზე, საფრთხეებზე და იმ ინიციატივებზე ისაუბრა, რომლითაც უკრაინელების, მათ შორის, ლგბტქი ადამიანების დახმარებას ცდილობენ.

„მსოფლიო ელოდა, რომ უკრაინა 2 დღეში ოკუპირებული იქნებოდა. ჩვენ, უკრაინელებმა, საპასუხოდ ბრძოლა დავიწყეთ და უკვე ერთი თვეა ომი გრძელდება, ბრძოლას არ შევწყვეტთ. საერთაშორისო საზოგადოებას ვთხოვთ, რომ არ დანებდნენ, არ დაიღალონ, არ მოსწყინდეთ მიმდინარე სიტუაცია. განაგრძონ ჩვენი მხარდაჭერა მსვლელობებით, პროტესტებით, უკრაინის დროშებით, რათა ყველას შეახსენონ, რომ უკრაინა ისევ საფრთხეშია. 

რუსეთს სწორედ ის უნდა, რომ ყველა დაიღალოს ომით, რათა უკრაინის დაპყრობა მარტივად შეძლონ. ეს არ უნდა დავუშვათ. თუ მსოფლიო რუსეთს უკრაინის შეჭმის უფლებას მისცემს, შემდეგი ვინ იქნება? მოლდოვა, პოლონეთი, უნგრეთი, ლიტვა? არ მგონია, რომ მსოფლიოს ამ თამაშში ჩართვა უნდა, ამიტომ მოგიწოდებთ, რომ ჩვენთან ერთად იბრძოლოთ“, — აღნიშნა ლენიმ.

უკრაინელების უმეტესობას ლენის მსგავსად სჯერა, რომ უფრო მძლავრი საერთაშორისო ქმედებებია საჭირო, რათა რუსულმა ძალებმა უკრაინა დატოვონ.

„რუსეთის წინააღმდეგ დაწესებული სანქციები აუცილებელია, რათა ომის დაფინანსება ვეღარ შეძლონ. ვიცი, ნატოს განცხადება, რომ ცის დაკეტვა შეუძლებელია, მაგრამ ეს არ გვეხმარება. არ ვიცით, მომდევნო ბომბი რომელ სახლს დაეცემა – მეზობლის სახლს თუ მეგობრის ბინას. ახლა ყველაზე მეტად იმ საფრთხისგან გვჭირდება დაცვა, რომელიც ციდან გვემუქრება“, – ამბობს ლენი.

გაეროს ბოლო მონაცემებით, ომის დაწყებიდან დღემდე, დაახლოებით 1100 მშვიდობიანი მოქალაქე დაიღუპა, 12 მილიონზე მეტ ადამიანს კი სახლის დატოვება მოუწია. უკრაინის ინფრასტურქტურაზე მიტანილი ზარალი $63 მილიარდს შეადგენს და, სავარაუდოდ, ეს ციფრი კიდევ უფრო გაიზრდება თუ შეთანხმების მიღწევა ვერ მოხერხდება. 

მიუხედავად იმისა, რომ კიევი, სადაც ლენი ცხოვრობს, საგანგებოდ არის დაცული, აფეთქებების ხმები მუდმივად ისმის.

„ეს ყველასთვის შიშისმომგვრელია. ყველას სიცოცხლე საფრთხეშია. არ აქვს მნიშვნელობა სექსუალურ ორიენტაციას, გენდერულ იდენტობას, რელიგიურ მრწამსს, ასაკს – ყველა ყოველდღიური საფრთხის წინაშე ვართ. რუსები ყოველ ღამით ბომბავენ ჩვენს ქალაქებს, რაც რუსულ რულეტს ჰგავს, არ იცი, რომელ სახლს დაეცემა მომდევნო ბომბი. მარიუპოლში ცხოვრება შეჩერდა. ქუჩაში ცხედრებია მიმოფანტული და ადგილობრივებს მათი დაკრძალვა არ შეუძლიათ, რადგან მუდმივი დაბომბვებია. ეს დაუჯერებელი მდგომარეობა უნდა შეწყდეს“, – აღნიშნავს ლენი.

კიევპრაიდი და სხვა ლგბტქი და საქველმოქმედო ორგანიზაციები აქტიურად საუბრობენ რუსეთის დანაშაულებებზე და ცდილობენ ადგილობრივ მოსახლეობას დაეხმარონ, მიუხედავად იმისა, რომ სასიცოცხლო საფრთხის წინაშე არიან.

„რუსული ოკუპაცია ლგბტქი თემისთვის უბრალოდ საფრთხე კი არაა, სავარაუდოდ, სრულად გაგვანადგურებენ. ლგბტქი უფლებებისთვის ბრძოლის 30 წელი ფუჭად ჩავლილი აღმოჩნდება. უკრაინაში ჰომოსექსუალობის დეკრიმინალიზაცია 1991 წელს მოხდა, 1996 წელს პირველი ლგბტქი ორგანიზაცია დაფუძნდა. დღეს უკრაინაში 20-ზე მეტი ლგბტქი ორგანიზაცია მუშაობს და თითქმის ყველა რეგიონს ლგბტქი ცენტრი აქვს. თემი ძლიერდება, აქტიური ტრანს მოძრაობა გვაქვს და ამ მიმართულებითაც დიდი პროგრესი მიიღწა. ყოველ წელს, უკრაინის რამდენიმე ქალაქში ღირსების მარში ტარდება“, – ჰყვება ლენი ლგბტქი უფლებების მიმართულებით მიღწეულ პროგრესზე საუბრისას. 

რუსეთის თავდასხმამდე კიევპრაიდი სიძულვილით მოტივირებული დანაშაულების შესახებ კანონმდებლობის გაუმჯობესებაზე მუშაობდა და ხელისუფლებასთან თანასწორ ქორწინებაზე დიალოგს აპირებდნენ.

„ინიციატივა უკვე მომზადებული გვქონდა და პარლამენტისთვის წარდგენას ვაპირებდით, რა თქმა უნდა, ეს პროგრესი დაიკარგება თუ რუსეთი უკრაინის ოკუპაციას შეძლებს. ყველაფერი განადგურდება, ჩვენი თემის ჩათვლით. ამიტომ, ახლა გვჭირდება დახმარება მათ შესაჩერებლად. თუ რუსეთი მიზნებს შეასრულებს, ლგბტქი ადამიანების ცხოვრება შეუძლებელი გახდება, ჩვენ ვიქნებით მკვლელობებისა და წამების პირველი სამიზნე. ომი უნდა შეწყდეს, რუსეთი ჩვენს ქვეყანას უნდა შეეშვას. თემის უდიდესი ნაწილი უკრაინაში რჩება და მათ დახმარებას ვცდილობთ. ნაწილმა კი ქვეყანა დატოვა. რეალურად რომ შევხედოთ, 44 მილიონის ევაკუაცია შეუძლებელია, თანაც, აუცილებელია, რომ დავრჩეთ და ვიბრძოლოთ. გვჭირდება საერთაშორისო დახმარებაც“, – ამბობს კიევპრაიდის დირექტორი.

კიევპრაიდი რამდენიმე გზით ცდილობს ზოგადად უკრაინელების და ლგბტქი თემის დახმარებას.

„ვთანამშრომლობთ ისეთ ორგანიზაციებთან, როგორიც გეი ალიანსია, რათა თავშესაფარი შევთავაზოთ მათ, ვინც კიევში ან კიევის შემოგარენში მოდის ან სხვა ქალაქებისკენ მიემართება. ლგბტქი ორგანიზაციების ხელშეწყობით, დასავლეთ უკრაინაში უსაფრთხო თავშესაფრები მოეწყო, ასევე სხვა რეგიონებში, რათა ოკუპირებული ტერიტორიებიდან დევნილებს უსაფრთხოდ ცხოვრება შეძლებოდათ. თავშესაფრები ლგბტქი ადამიანებისთვისაც უსაფრთხოა, რადგან მათ განსაკუთრებით სჭირდებათ დაცვა ძალადობრივი ჯგუფებისგან. ასევე, მნიშვნელოვანია ფსიქოლოგიური მხარდაჭერა“, – აღნიშნავს ლენი.

საქველმოქმედო ორგანიზაციების დახმარებით, თავშესაფრები საკვებით, წყლითა და მედიკამენტებით მარაგდება, მაგრამ ქვეყანა პირველადი საჭიროების ნივთების კრიზისს მაინც განიცდის.

„სიტუაცია მძიმეა. ბევრ ადამიანს საკვები და მედიკამენტები არ აქვს, სხვა აუცილებელი სურსათის მარაგიც სწრაფად ილევა. დედაქალაქიდან 3-5 კილომეტრში მდებარე ქალაქებიც კი იმავე პრობლემების წინაშე არიან. სურსათის მაღაზიებში უზარმაზარი რიგებია, მთავრდება პური, ხორცი და სხვა მნიშვნელოვანი პროდუქტი. მედიკამენტებზე წვდომაც გართულებულია, მათ შორის, ტრანსგენდერი ადამიანებისთვის საჭირო ჰორმონებზე“, – ამბობს ლენი.

ლენი საერთაშორისო საზოგადოებას დახმარებისთვის მადლობას უხდის და მუდმივ მხარდაჭერას ითხოვს.

„სამოქალაქო საზოგადოებამ უკრაინის გვერდით დგომითა და მსვლელობებში მონაწილეობით პოლიტიკური ცვლილებების გამოწვევა შეძლო, მათ ქმედებებისკენ მოუწოდეს. საერთაშორისო საზოგადოება უკრაინას დონაციებით, საცხოვრისების დათმობით, საზღვარზე ხალხის დახმარებით, ქვეყანაში დარჩენილებზე ზრუნვით, ასევე სოციალური ქსელებით ინფორმაციის გავრცელებით და პოლიტიკოსების იძულებით დაეხმარა. სწორედ ამან განაპირობა სამხედრო აღჭურვილობისა და ჰუმანიტარული დახმარების გაწევა. ეს სამომავლოდაც უნდა გაგრძელდეს“, – თქვა საუბრის დასასრულს ლენი ემსონმა. 

გზები, რომლითაც უკრაინელების დახმარებას შეძლებთ

წყარო: DIVA

ჯანდაცვის მსოფლიო ორგანიზაცია უკრაინას აივის სამკურნალო მედიკამენტებით მოამარაგებს

უკრაინაში რუსეთის შეჭრის შემდეგ აივ-დადებითი ადამიანებისთვის განსაკუთრებით რთული მოცემულობა დადგა, სწორედ ამიტომ, ჯანდაცვის მსოფლიო ორგანიზაციამ (WHO) განაცხადა, რომ უკრაინას აივის სამკურნალო პრეპარატებით მოამარაგებს.

5 აპრილს გაკეთებულ განცხადებაში ნათქვამია, რომ ჯანდაცვის მსოფლიო ორგანიზაცია მომდევნო 12 თვის განმავლობაში უფასოდ მიაწვდის უკრაინას აივის სამკურნალო პრეპარატებს, რომლებსაც სიცოცხლის გადასარჩენად აივ-დადებითი ადამიანები ყოველდღიურად იღებენ.

“შესაძლოა, ამ ომმა შეაფერხოს ბოლო წლებში რთულად მიღწეული პროგრესი ჯანმრთელობის რიგ საკითხებში, მათ შორის, აივ ინფექციასთან ბრძოლაში. ჩვენ არ შეგვეძლო ამის დაშვება, განსაკუთრებით მაშინ, როცა უკრაინამ მნიშვნელოვანი ნაბიჯები გადადგა აივ/შიდსთან ბრძოლაში”, – განაცხადა ჰანს ჰენრი პ. კლუგემ, ჯანმოს ევროპის რეგიონალურმა დირექტორმა.

ცნობილია, რომ უკრაინაში დაახლოებით 260 000 ადამიანი ცხოვრობს აივ-დადებითი სტატუსით, მათგან ნახევარი ომამდე იტარებდა ანტირეტროვირუსულ მკურნალობას. ამ მონაცემებით, უკრაინა მეორე ადგილზეა ევროპაში ინფიცირებული ადამიანების რაოდენობით.

ომის დაწყების შემდეგ ქვეყანაში პრეპარატის მიწოდების პრობლემა შეიქმნა. გაეროს აივ/შიდსის სააგენტომ მარტში გააკეთა განცხადება, რომ უკრაინას ერთ თვეზე ნაკლები მარაგი ჰქონდა დარჩენილი.

წამლები, რომლებსაც აივ-დადებითი ადამიანები ყოველდღიურად იღებენ, აუცილებელია ვირუსის სამართავად და სხვა ადამიანებზე გადადების პრევენციისთვის. მკურნალობის შეფერხებამ შეიძლება დამაზიანებელი შედეგები გამოიწვიოს.

ჯანმომ დაადასტურა, რომ წამლების პირველმა პარტიამ უკვე გადალახა პოლონეთის საზღვარი და ეტაპობრივად გადანაწილდება სამედიცინო დაწესებულებებში მთელი უკრაინის მასშტაბით.

უკრაინელი ფოტოგრაფების საქველმოქმედო ფოტო-პროექტი უკრაინის დასახმარებლად

26-27 მარტს უკრაინელმა ფოტოგრაფებმა მარინა კარპიიმ და ევგენი ეფანოვმა გააკეთეს პროექტი, რომელშიც ნებისმიერ მსურველს შეეძლო მონაწილეობის მიღება. Keep Reading

10-დღიანი სარეზიდენციო პროგრამა საქართველოში უკრაინელი ქვიარ ხელოვანებისთვის

Untitled Gallery Tbilisi პროექტ ფუნგუსთან და Ria Keburia Foundation-თან ერთად უკრაინელი ქვიარ არტისტებისთვის სარეზიდენციო პროგრამას აცხადებს.

სარეზიდენციო პროგრამა 20-დან 30 აპრილამდე გაგრძელდება და 5 ქვიარ არტისტი იმუშავებს წინასწარ გამოცხადებულ თემებზე, რომელთა გამოფენაც პირველ მაისს შედგება. უკრაინელ არტისტებს სარეზიდენციო პროგრამაზე დარეგისტრირებისთვის ვადა 11 აპრილამდე (18:00 საათამდე) აქვთ. 

„ტერორი, რომელსაც რეგიონში ყველა განვიცდით, სხვადასხვა მიმართულებით შიშებს აძლიერებს. ამ სიტუაციაში, ქვიარ ადამიანიები და ხელოვანები ერთ-ერთი ყველაზე დიდი გამოწვევისა და ტრავმის წინაშე არიან: ისინი იმ თვითაღმოჩენის პირისპირ რჩებიან, რას ნიშნავს იყო ქვიარი ამ საომარი თავდასხმის კონტექსტში, აქვთ მომავლის იმედები და შიშები იმასთან დაკავშირებით, როგორ ააშენებენ ცხოვრებას ნანგრევებიდან, რა ელით მათი ელემენტარული ადამიანური უფლებების აღიარებასა და დაცვას, რაც იმაზეა დამოკიდებული, ვინ მოიგებს ომს.

მუტაცია და სოლიდარობა იქნება ორი მთავარი თემა, რომელზეც ხელოვანები რია ქებურიას ფონდის რეზიდენციაში (კაჭრეთში) ცხოვრებისას იფიქრებენ. 10 დღის განმავლობაში, 5 ქვიარ არტისტი უკრაინიდან ამ თემებს დაამუშავებს, შემდეგ კი ნამუშევრების პრეზენტაცია გაიმართება და 10-დღიანი პერიოდი გამოფენით დასრულდება. ამის შემდეგ Untitled Gallery-ში, თბილისში მოეწყობა საჯარო დისკუსია“, – ვკითხულობთ Untitled Gallery Tbilisi-ს მიერ გამოქვეყნებულ განცხადებაში.

სარეზიდენციო პერიოდში საცხოვრებელ სივრცეს, კვებას და თბილისიდან კაჭრეთამდე და უკან ტრანსპორტირებას პროექტის ორგანიზატორები უზრუნველყოფენ.