ონლაინ სტრიმინგ სერვისი Netflix მერლინ მონროს ცხოვრებაზე მხატვრულ ფილმს გადაიღებს.
ფილმი, რომელიც მცირე ეკრანებზე 23 სექტემბერს გამოვა გვიამბობს მერლინ მონროს ცხოვრების გზას მცირე ასაკიდან გარდაცვალებამდე და მასში მთავარ როლს ანა დე არმასი შეასრულებს.
ფილმი ამერიკელი ავტორის, ჯოის კეროლ უოტსის 2000 წლის გახმაურებულ რომანს Blonde-ს (ქერათმიანს) ეფუძნება, სადაც რეალური ფაქტებით და ავტორის მიერ შეთხზული ისტორიებით არის გადმოცემული ჰოლივუდის ერთ-ერთი ყველაზე გავლენიანი ფიგურის ცხოვრების ისტორია.
ფილმზე რეჟისორი ენდრიუ დომინიკი მუშაობს, რომელსაც ასევე ეკუთვნის ფილმი Killing Me Softly.
ართურ მილერის როლს ახალ ბიოგრაფიულ ფილმში ედრიენ ბროდი, ხოლო ჯო დიმაჯიოს როლს ბობი კანავალი შეასრულებს.
აღსანიშნავია, რომ მერლინ მონროს ბიოგრაფიული ფილმი პირველი იქნება სტრიმინგ სერვისისთვის, რომელსაც ასაკობრივი შეზღუდვა ექნება, რადგან ფილმში მრავლადაა სექსუალური სცენები.
