ილონ მასკის შვილი ამბობს, რომ ტრანსგენდერია და სურს არაფერი აკავშირებდეს მამასთან.
ინფორმაციას ონლაინ გამოცემა TMZ ავრცელებს. როგორც ცნობილია, ვივიანმა უკვე მიმართა ოფიციალურ უწყებებს, რათა მის პირადობის დამადასტურებელ დოკუმენტებში გენდერის მარკერი და მამის გვარი შეიცვალოს
18 წლის ვივიან ჯენა ვილსონი ილონ მასკს პირველი ცოლისგან, იუსტინა ვილსონისგან შეეძინა. მამის ტრანსფობიური განცხადებების შემდეგ, ვივიანმა გადაწყვიტა, რომ კავშირი გაწყვიტოს მამასთან.
ილონ მასკმა თვითერის პირად ანგარიშზე ტრანსგენდერი ადამიანების დისკრედიტაცია მას შემდეგ დაიწყო, რაც მისმა კანადელმა პარტნიორმა, Grimes-მა 4 წლიანი ურთიერთობა დაასრულა ბიზნესს მაგნატთან და ახალი ურთიერთობა წამოიწყო ტრანსგენდერ აქტივისტთან, ჩელსი მანინგთან.
ამასთან ერთად, ბოლო პერიოდში ილონ მასკი ღიად უცხადებს მხარდაჭერას ამერიკის რესპუბლიკურ პარტიას, რომელიც გამოირჩევა ტრანსფობიური დამოკიდებულებებით.
