1 ივლისს Netflix-ზე Stranger Things-ის (უცნაური ამბების) მეოთხე სეზონის ფინალური სერიები დაემატება და ფანების მოლოდინიც დასრულდება.
გახმაურებული ამერიკული სერიალის და Netflix-ის სავიზიტო ბარათის ახალი, მეოთხე სეზონის პირველი ნაწილის პრემიერა მაისის ბოლოს შედგა და დიდი გამოხმაურება მოიპოვა ფანებში.
სერიალის ახალი სეზონის გამოსვლის შემდეგ ფანები მოუთმენლად ელოდებიან, როგორ განვითარდება მათი საყვარელი პერსონაჟების ისტორიები და სწორედ ამიტომ, ფინალური ეპიზოდების გამოსვლამდე რამდენიმე დღით ადრე Netflix-მა ახალი ტრეილერი გაგვიზიარა, რომელიც მოლოდინებს კიდევ უფრო ამძაფრებს.
Stranger Things ძმები დაფერების 2016 წლის ჰორორის ჟანრის სერიალია, რომელიც ფიქციური, ამერიკული ქალაქის ისტორიას გვიამბობს. სერიალში მოქმედება გასული საუკუნის 80-იან წლებში ვითარდება და იმეორებს ჰორორის და სამეცნიერო ფანტასტიკის ჟანრის ტრადიციებს.
მაყურებელმა სერიალის 4 სეზონი იხილა, როგორც ცნობილია სერიალი მეხუთე, ფინალური სეზონით დასრულდება.
Stranger Things-ის მეოთხე სეზონის ბოლო ორი სერიის ქრონომეტრაჟი ჯამში 4 საათი იქნება.
