გუშინ სოციალური ქცელით გავრცელდა ლელა კურტანიძის პოსტი, რომლითაც ის ორ სასულიერო პირს სექსუალურ შევიწროვებაში ადანაშაულებს. ამავდროულად ლელა სთხოვდა მედია გამოცემაბს მისი ამბის გაჟღერებას. გთავაზობთ ლელასთან ჩაწერილ ინტერვიუს. ეს იყო ჯავახეთის სტუდენტური ექსპედიციის
“პოსტჰუმანიზმი” ის ტერმინია, რომელიც ბოლო წლების მანძილზე ხშირად გვხვდება განვითარებული ქვეყნების როგორც ვიწროდ აკადემიურ, ისე – საჯარო დისკურსში. წლიდან წლამდე ტექნოლოგიის მნიშვნელოვანმა განვითარებამ ურთიერთშედეგობრივად გამოიწვია არა მხოლოდ უშუალუდ ამ მიმართულებით დაინტერესებული, არამედ ყველა იმ ადამიანის ყურადღებაც, ვისაც ინტერნეტსა და ტექნოლოგიასთან
ბიოგრაფია 1983 წელს, თბილისში დავიბადე. წელს 40 წელი შემისრულდა. ოჯახს რაც შეეხება, დედაჩემი რუსული ენის პედაგოგია სკოლაში, მამა – მხატვარი. ძალიან ვღიზიანდები, როცა ამბობენ
სტატიის ავტორი: მეგი თედორაძე დეფინიცია და მიზნები ბრაზის განმარტება მრავალწახნაგოვანია, თუმცა იგი ყველაზე ხშირად განისაზღვრება, როგორც უსიამოვნების მძაფრი შეგრძნება, მტრული დამოკიდებულება თავისი ობიექტის მიმართ,
რა ეტაპზეა აქონდროპლაზიის სამკურნალო პრეპარატის საქართველოში შემოტანის საკითხი – ამასთან დაკავშირებით აქონდროპლაზიის დიაგნოზის მქონე ბავშვების მშობლები განცხადებას ავრცელებენ.
ისინი ჯანდაცვის სამინისტროში გამართულ 3 შეხვედრას აჯამებენ:
“ჩვენი სამ კვირიანი უწყვეტი საპროტესტო აქციების შემდეგ, გვინდა, გაცნობოთ, თქვენთან ერთად მიღწეული დღევანდელი შედეგების შესახებ. ანუ, რა ეტაპზე ვართ ახლა, 22 მაისს?
მოგეხსენებათ, ჩვენი პროტესტის ფორმა – აქციები კანცელარიასთან – 5 მაისს დავასრულეთ, იმ პირობით, რომ სამუშაო ჯგუფში გადავინაცვლებდით და დავიცდიდით ივნისის შუა რიცხვებამდე – პროტოკოლის შექმნასა და დამტკიცებამდე – რომელშიც ჩვენი მოთხოვნილი წამალი იქნებოდა გათვალისწინებული.
მანამდე, 22 აპრილს, სახალხო დამცველის შუამდგომლობის შედეგად, აქონდროპლაზიის მქონე ბავშვების მშობლები ,,იშვიათი დაავადებების მართვის საკოორდინაციო საბჭოს” წევრები გავხდით, რომელიც ყოველ კვირეულად იმართება.
გვსურს მოკლედ შევაჯამოთ აქამდე ჩატარებული საბჭოს სამივე შეხვედრა:
საბჭოს პირველი შეხვედრა ჯანდაცვის სამინისტრო, 2 მაისი:
გავიცანით საბჭოს წევრები და მოგვცეს ინსტრუქცია, როგორ მივიღოთ ჩვენი შვილებისთვის შშმ სტატუსი.
სტატუსის წყალობით, ბავშვები შეძლებენ პროტოკოლით გათვალისწინებული მკურნალობის თერაპიებითა მედიკამენტით სარგებლობას.
ასევე, დაგვითქვეს გონივრული ვადა პროტოკოლის დასრულებამდე: მათი მტკიცებით, ის მაისის ბოლოსთვის მზად იქნება, შემდეგ კი მის ფორმალურად დამტკიცებას 1-2 კვირა დასჭირდება.
ამავე სხდომაზე დაგვპირდნენ, რომ მომდევნო შეხვედრას ფინანსთა სამინისტროს წარმომადგენელიც დაესწრებოდა და განაცხადებდა მზაობას ბიუჯეტიდან თანხის გამოყოფაზე.
პირველი შეხვედრის შემდეგ, დედები არ დავშლილვართ, უწყვეტი აქციები კანცელარიასთან კვლავ განვაგრძეთ და იმედიანად ველოდით მეტ გარანტიას შემდეგი შეხვედრისგან.
საბჭოს მეორე შეხვედრა, 5 მაისი:
გავეცანით ექიმების სამუშაო ჯგუფს, რომლებსაც პროტოკოლზე მუშაობა ახალი დაწყებული ჰქონდათ.
გავეცანით ფინანსთა სამინისტროს წარმომადგენელს, რომლის მტკიცებით, მიუხედავად იმისა, რომ 2023-ის ბიუჯეტში თანხა ჩვენი წამლისთვის არ არის გამოყოფილი, პროტოკოლის დამტკიცების შემდეგ, ისინი გამოყოფენ სარეზერვო თანხიდან საჭირო ფინანსებს. “ამას ერთი დღე დასჭირდება”, განაცხადა სამინისტროს წარმომადგენელმა.
ამავე შეხვედრაზე ისაუბრეს ბიომარინთან კომუნიკაციის შესახებ. მათი თქმით, მოლაპარაკება გაუთქმელობის ხელშეკრულებაზე მიმდინარეობს.
შეხვედრის შემდეგ, მშობლები სახალხო დამცველის აპარატის ოფისში შევიკრიბეთ. მივიღეთ მათგან პირობა – მშობლებთან ერთად, საბჭოს ყველა სხდომას დაესწროს აპარატის წარმომადგენელი და იყოს ნეიტრალური მხარე, რომელიც დანაპირების შეუსრულებლობის შემთხვევაში, დაიცავს ჩვენს ინტერესებს.
სანამ საბჭოს მესამე შეხვედრა გაიმართებოდა, 11 მაისს, ჯანდაცვის კომიტეტის სხდომა შედგა და მას მშობლების ერთ-ერთი წარმომადგენელიც დაესწრო.
სხდომაზე განიხილეს ჩვენი პეტიცია – 5000 ხელმოწერით – ვოსორიტიდის დანერგვასთან დაკავშირებით.
კომიტეტის ყველა წევრმა დაუჭირა მხარი, პეტიციის გადაგზავნას ჯანდაცვის სამინისტროში.
საბჭოს მესამე შეხვედრა, 15 მაისი:
პროტოკოლი თითქმის მომზადებული დაგვახვედრა ექიმების სამუშაო ჯგუფმა.
ჯგუფის ხელმძღვანელმა, ენდოკრინილოგმა, ეკა კვარაცხელიამ, პრეზენტაციის სახით გაგვაცნო პროტოკოლის დრაფტი და უნდა ვაღიაროთ, თავადაც მეტი გავიგეთ სინდრომისა და მედიკამენტის შესახებ.
დიახ, “ვოზორიტიდი” გათვალისწინებულია პროტოკოლში, როგორც ერთადერთი ავტორიზებული მედიკამენტი.
ამავე სხდომაზე ვისაუბრეთ ყველა იმ საჭირო ნაბიჯზე, რაც ჩვენც, მშობლებმაც უნდა გადავდგათ, რათა მომზადებული შევხვდეთ პროტოკოლის დასრულებას. ესენია, შშმ სტატუსის მიღება, გენეტიკური ანალიზის ჩატარება, ვისაც ჯერ არ ჩაუტარებია, და სხვა.
წამლის მწარმოებელთან, Biomarin-თან კომუნიკაციაზე კი გვითხრეს, რომ ისევ გაუთქმელობის ხელშეკრულებაზე მიდის მუშაობა.
მომდევნო შეხვედრა დაახლოებით 1 კვირაში გაიმართება და ვიმედოვნებთ, რომ საქმე კიდევ უფრო წინ წაწეული დაგვხვდება – პროტოკოლი საბოლოოდ მომზადებული და ბიომარინთან გაუთქმელობის ხელშეკრულებაზე მუშაობაც დასრულებული. მადლობას გიხდით ჩვენს ყველა მხარდამჭერს!
ვუსურვებთ ყველა ბავშვს ჩვენს ქვეყანაში მეტ მზრუნველობას უფროსებისგან, მეტ ძალისხმევას მათთვის ჯანსაღი, უსაფრთხო და ლაღი გარემოს შექმნაში ჩადებულს”, – ნათქვამია განცხადებაში.
მოლდოვის დედაქალაქ კიშინიოვში ევროკავშირში გაწევრიანების მომხრეთა მასშტაბური აქცია გაიმართა. გამოსვლა ქვეყნის პრეზიდენტის მაია სანდუს მიერ იყო ორგანიზებული. აქციას, დაახლოებით, 75 000 ადამიანი ესწრებოდა.
აქციაზე სიტყვით გამოვიდა პრეზიდენტი სანდუ, რომელმაც თქვა, რომ მოლდოვას აღარ სურს, იყოს ევროპის მიღმა და არ სურს, აიტანოს კრემლის შანტაჟი.
აქციას ესწრებოდა ევროპარლამენტის პრეზიდენტი რობერტა მეცოლა, რომელმაც მოქალაქეებს სიტყვით მიმართა და რუსეთის მუქარის მიუხედავად, ქუჩაში გამოსვლისთვის შეაქო. გარდა ამისა, მან BBC-სთან ისაუბრა, რომ ევროკავშირი მოლდოვას “გაშლილი ხელებითა და გულით” მიესალმება და რომ შესაძლოა, ევროკავშირი მოლდოვასთან ერთად უფრო ძლიერი იყოს. მეცოლამ მოლდოვის მთავრობა გატარებული რეფორმები მოუწონა.
მოლდოვის მთავრობა რუსეთს, მოლდოვის ოპოზიციური პარტიის მხარდაჭერით, ქვეყანაში დაძაბულობის და დაპირისპირების გაღვივებაში ადანაშაულებს. აქცია კი სწორედ ამის საპასუხოდ გაიმართა.
საქართველოს პროკურატურის ინფორმაციით, ადამიანით ვაჭრობის (ტრეფიკინგის) ფაქტზე უცხო ქვეყნის მოქალაქეს ბრალდება წარუდგინეს.
მათი ინფორმაციით, შინაგან საქმეთა სამინისტროს მიერ ჩატარებული გამოძიებით დადგინდა, რომ ტაილანდში განთავსებული ერთ-ერთი დასაქმების სააგენტო, ტაილანდის სამ მოქალაქეს ბათუმში, სილამაზის სალონში, მასაჟისტის პოზიციაზე დაასაქმებას დაჰპირდა. დაზარალებულებს თბილისის საერთაშორისო აეროპორტში, როგორც დასაქმების სააგენტოს წარმომადგენელი უცხო ქვეყნის მოქალაქე დახვდა და ნაცვლად ბათუმისა, დაზარალებულები მოტყუებით ჩაიყვანა ზესტაფონში, მოათავსა ისინი მის დროებით სარგებლობაში არსებულ საცხოვრებელ სახლში, ჩამოართვა პასპორტები და დამოუკიდებლად გადაადილების საშუალებას არ აძლევდა.
მათივე ცნობით, ბრალდებული მუქარით და ფსიქოლოგიური ზეწოლით დაზარალებულებს აიძულებდა გარკვეული ანაზღაურების სანაცვლოდ სექსუალური მომსახურება გაეწიათ უცხო ქვეყნის მოქალაქეებისთვის, ხოლო ექსპლუატაციის გზით გამომუშავებული თანხის დიდ ნაწილს ისაკუთრებდა და თავისი შეხედულებისამებრ განკარგავდა.
დაკავებულს ბრალდება სისხლის სამართლის კოდექსის 143-ე პრიმა მუხლის მესამე ნაწილის “ბ” ქვეპუნქტით (ადამიანით ვაჭრობა, ჩადენილი ორი ან მეტი პირის მიმართ) წარედგინა, რაც სასჯელის სახედ და ზომად 12-დან 15 წლამდე თავისუფლების აღკვეთას ითვალისწინებს.
პროკურატურამ ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით, სასამართლოს უკვე მიმართა.
თბილისში მიმდინარე საპროტესტო აქციის მონაწილეებს ორი მოთხოვნა აქვთ: რუსეთთან ფრენების გაუქმება და ყვარელში დაკავებული მოქალაქეების გათავისუფლება. ამისთვის ისინი ხელისუფლებას დროს 22:00 საათამდე აძლევენ.
გუშინ, 19 მაისს გავრცელდა ინფორმაცია, რომ კახეთში რუსეთის საგარეო საქმეთა მინისტრის სერგეი ლავროვის სიძის ძმა ქორწილის გადახდას აპირებდა, ქორწილისთვის კი საქართველოში ასევე იმყოფებოდნენ ლავროვის შვილი ეკატერინა ვინოკუროვა და მისი ქმარი.ორივე სანქცირებულია. ამის გასაპროტესტებლად ჩავიდნენ დღეს აქტივისტები ყვარელში, პოლიციამ კი მათი დაკავება დაიწყო. ბოლო ინფორმაციით, სულ 16 პირია დაკავებული.
დღესვე პრეზიდენტმა სალომე ზურაბიშვილმა საგანგებო ბრიფინგზე თქვა, რომ რუსებმა ქვეყანა დატოვეს და ქორწილი არ შედგება, ამის პირობა კი შინაგან საქმეთა მინისტრისგან მიიღო.
მოსკოვიდან პირველი თვითმფრინავი თბილისის საერთაშორისო აეროპორტში გუშინ, 19 მაისს დაჯდა. რუსეთის პრეზიდენტმა ვლადიმერ პუტინმა კომპანიებს საქართველოში ფრენაზე შეზღუდვა მოუხსნა.
დღეს, 19 მაისს, 20:00 საათზე პარლამენტთან საპროტესტო აქცია გაიმართება. აქციის მთავარი მოთხოვნა რუსეთთან ფრენების აკრძალვა იქნება.
“ვიკრიბებით რუსთაველზე, პარლამენტის წინ, მიკროფონების, გამომსვლელების და აქციის ლიდერების გარეშე. ყველა ერთად, პარტიული, უპარტიო, შუაშისტი, ა. შ და ისევ ვერთიანდებით საქართველოს ევროკავშირის გზაზე შექმნილი შეფერხების აღმოსაფხვრელად.
მოვითხოვთ, სასწრაფოდ აიკრძალოს რეისები რუსეთიდან და რუსეთში. ეს სერიოზული რისკის წინაშე გვაყენებს, დავრჩეთ ევროკავშირის კანდიდატის სტატუსის გარეშე. მეტიც, ამ ფაქტის გამო, შეიძლება მთლიანად ქვეყანა დასანქცირდეს და გავიზიაროთ ბელარუსის ბედი. საქართველოს მოსახლეობის უდიდესი ნაწილის არჩევანი ევროპაა. კურსიდან გადახვევა ჩვენ, მოქალაქეებმა არ უნდა დავუშვათ.
რუსული თვითმფრინავი ევროკავშირში არ ჯდება!
ყველამ იქონიეთ ბანერები თემის შესაბამისი წარწერით, სახმაუროები – სასტვენები, დოლები, ა. შ. ხმაურით მოვთხოვოთ ხელისუფლებას, შეწყვიტონ ხელოვნური ბარიერების შექმნა და კიდევ ერთხელ დავანახოთ მსოფლიოს, რომ ჩვენი არჩევანი ევროპაა”, – ნათქვამია განცხადებაში.
მოსკოვიდან პირველი თვითმფრინავი თბილისის საერთაშორისო აეროპორტში უკვე დაჯდა. აეროპორტთან საპროტესტო აქცია გაიმართა.
რუსეთის პრეზიდენტმა ვლადიმერ პუტინმა კომპანიებს საქართველოში ფრენაზე შეზღუდვა მოუხსნა.
რუსეთ-საქართველოს შორის ფრენები აღდგა. პირველი თვითმფრინავი მოსკოვიდან უკვე გამოფრინდა და თბილისში 13:10 საათზე დაჯდება. პარალელურად იგეგმება საპროტესტო აქცია აეროპორტში.
რუსეთის პრეზიდენტმა ვლადიმერ პუტინმა კომპანიებს საქართველოში ფრენაზე შეზღუდვა მოუხსნა. საქართველოს სამოქალაქო ავიაციის სააგენტომ რუსულ კომპანია Азимут-მ ფრენის ნებართვა მიანიჭა, ფრენებს იწყებს ქართული Georgian Airways-იც.
წალენჯიხაში, სოფელ ლიის საჯარო სკოლის კედელზე თანასწორობის იდეის გამოსახატად შესრულებული ნახატიდან სკოლის ადმინისტრაციამ ცისარტყელა გადაღება. ინფორმაციას რადიო ათინათი ავრცელებს.
სოფელ ლიაში მერის წარმომადგენელი თამთა ფიფია ათინათთან ამბობს, რომ ნახატის ყველა დეტალი სკოლასთან შეთანხმებული იყო, თუმცა მოგვიანებით “ცისარტყელის ფერები გამაღიზიანებელი აღმოჩნდა”.
“ეს იყო სათემო პროექტი, თემად ავირჩიეთ გენდერული თანასწორობა. კედელზე დავხატეთ წიგნების გორა, რომელზეც თანაბარ სიმაღლეზე დგანან გოგო და ბიჭი. ცისარტყელა თავიდან იყო მიხატული, მაგრამ გადაიშალა. ვერ გეტყვით, რატომ წაშალეს… სკოლის ინიციატივა იყო, სკოლასთან შეთანხმებული იყო ნახატის ყველა დეტალი. როცა პრეტენზია გაჩნდა, მივიღეთ ჩვენც ინფორმაცია. ცისარტყელას ფერები იყო გამაღიზიანებელი მათთვის, შესაძლოა, ცისარტყელას LGBTQ+ თემთან ასოცირება იყო პრობლემა”, – განაცხადა ლიის გამგებელმა.
სკოლის დირექტორი ელგუჯა როგავა ათინათთან ადასტურებს, რომ ცისარტყელა თავად გადაღებეს, რადგან არ მოეწონათ.
“დაახლოებით, ერთი წლის წინ დაიხატა. სოფლის გამგებლის ინიციატივით გაკეთდა. ეს ნამუშევარი იყო და ცისარტყელაც იყო დატანილი, მაგრამ არ მოგვეწონა და მოვშალეთ. რა მნიშვნელობა აქვს უკვე რატომ, მოშლილია. ნახატი დავხატეთ იმიტომ, რომ კედლის გაფერადება გვინდოდა, მაგრამ არ მოგვეწონა რაღაც და წავშალეთ. რატომ მეკითხებით ამას, არ მინდა ამ თემაზე საუბარი. არ მოეწონა ზოგ მშობელს და წავშალეთ”, – თქვა ელგუჯა როგავამ.
სკოლის კედელზე ნახატი 2022 წლის სასწავლოს წლის დაწყებამდე ადგილობრივი ქალების ინიაციტივითა და პროექტის “ქალთა ფონდი საქართველოსთვის” მხარდაჭერით განხოციელდა.
“პროექტის ფარგლებში მცირე სათემო ინიციატივების განხორციელება იყო დაგეგმილი. ეს ნახატი ადგილობრივი ქალების ინიციატივას წარმოადგენდა, რომელთა შვილებიც ამ სკოლაში სწავლობენ. თვითონ მოიძიეს ნახატი, ყველა საქმის კურსში იყო, სკოლის ადმინისტრაციაც და რესურსცენტრიც. ძალიან მნიშვნელოვანი მიზანი ჰქონდა ამ ნამუშევარს, როცა 2022 წლის სასწავლო წელი დაიწყო, ბავშვებს დახვდათ ფერადი კედელი, რამაც დიდი სიხარული გამოიწვია მათში. ცისარტყელა მშობლებისთვის გასხივოსნებულ, მშვიდობიან მომავალთან ასოცირდებოდა. ვიმედოვნებ,რომ გაუგებრობა იყო და უკეთეს ნახატს შექმნიან ადგილზე”, – უთხრა რადიო ათინათს პროექტის კოორდინატორმა ნანა გოგოხიამ.
არტისტი ანდრო დადიანი, რომელმაც გუშინ, 17 მაისს საპატრიარქოსთან პროტესტის ნიშნად ხორცის ფარი დადგა, წერს, რომ პოლიციამ მაღაზიიდან კამერების ჩანაწერები ამოიღო და მისი “ქცევის განზრახულობას” იკვლევენ.
დადიანი კიდევ ერთხელ განმარტავს, რატომ გააკეთა ეს ინსტალაცია საპატრიარქოსთან.
“პოლიცია დამეძებს, საპატრიარქოდან გამოყვნენ კამერების ჩანაწერებს, მოვიდნენ ჩემს სახლამდე, მაღაზიიდან ამოიღეს ჩანაწერები და იკვლევენ ჩემი ქცევის განზრახულობას. აქედან განვუმარტავ და გავუმარტივებ საქმეს მათ: – არაფერი მეგობრებო, ბინძური ძალაუფლების ცენტრები უნდა მოირყეს, უნდა დაკარგონ სოციალური, პოლიტიკური მნიშვნელობა, იმისთვის, რომ ჩვენი ჩაგვრა ვეღარ შეძლონ.
ქართული ეკლესია არის ამ ქვეყნის სახელმწიფოებრიობის, ადამიანის და ცხოვრების მოდერნულობის ყველაზე დიდი მტერი, მაგრამ ამის მიუხედავად მათ გაჟლეტას კი არა, უბრალოდ მათთან ზურგშექცევით დგომაში ვხედავ გამოსავალს. ამათმა მოკლეს ყველაფერი ახალი აღთქმისეული ეკლესიურ ცხოვრებაში და არაფერი გვესაქმება ასე ღვთივგანძარცვულ შენობებში არქიტექტურული ინტერესის გარდა.
ხშირად უნდა ვილაპარაკოთ ჩვენ მათზე, რომ უფრო და უფრო მეტი არგუმენტი გვქონდეს ამ ღმერთის გამანადგურებელი ინსტიტუციისგან განდგომისთვი. ვუყუროთ ვინ ახვევია მათ გარს, რა სურვილებით, როგორი ლექსიკით, რა არგუმენტებით ამაგრებენ თავიანთ “სულიერ ტაძარს” და მოვლენათა ჯაჭვის მარტივი, მიზეზ-შედეგობრივი ანალიზიც დაალაგებს ჩვენს მიმართებებს მათთან.
რამ გამაკეთებინა ეს ინსტალაცია, ამის შესახებ პირად სენტიმენტებს არ მოვყვები, ჩემი თანაგანცდა და წარმოდგენა არ ჭირდება მათი ბინძური, სასტიკი ძალის აღქმას სამწუხაროდ. ვიცი, რომ ყველას თქვენი წილი ჩაგვრა და ძალადობა გაქვთ განცდილი პირდაპირ თუ ირიბად ამათგან.
ამ ინსტალაციის და ჩემი მიზანი სრულიად მარტივი იყო, – კიდევ ერთხელ, ცოტა ხნით გვეფიქრა ამ უსინდისოთა უსინდისობებზე, გაგვემტკიცებინა ჩვენს ცზოვრებაში მათი ამ ფორმით საჭიროების არარსებობა და გაგვეგრძელებია ცხოვრება”, – აღნიშნავს დადიანი.
17 მაისთან დაკავშირებით არტისტმა ანდრო დადიანმა საპატრიარქოსთან პროტესტის ნიშნად ხორცის კალათბურთის ფარი დადგა. დადიანის განცხადებით, ეს დღე ქართული მართლმადიდებლური ეკლესიისგან ქვეყნის სულიერი, ეროვნული, კულტურული, ქრისტიანული, სოციალური, სახელმწიფოებრივი დამარცხების დღეა.
ქალთა ინიციატივების მხარდამჭერი ჯგუფის (WISG) განცადებით, 2013 წლის 17 მაისიდან 10 წლის შემდეგაც ძალადობაზე პასუხისმგებელი არავინაა, 28 ადამიანი კი ამ დრომდე ელოდება დაზარალებულის სტატუსს.
WISG-ის თქმით, 10-წლიანი დაკვირვება აჩვენებს, რომ ქართული ოცნების ხელისუფლების რეალური პრიორიტეტი არასოდეს ყოფილა ხანგრძლივი მემკვიდრეობით მიღებული პოლიტიკური მიზოგინიისა და ჰომო/ბი/ტრანსფობიის წინააღმდეგ ქმედითი პოლიტიკის გატარება.
“2013 წლის 17 მაისის მოვლენებიდან 10 წელი გავიდა. ამ დღის გამოცდილებასთან დაკავშირებული კოლექტიური ტრავმული მეხსიერება, რომელსაც ჰომოფობიასთან ბრძოლის საერთაშორისო დღისადმი მიძღვნილი ღონისძიების მონაწილე აქტივისტები, ისევე როგორც, ზოგადად ქვიარ თემის წევრები 10 წელია ინახავენ, დღემდე საზოგადობრივად გაუზიარებელი და სახელმწიფოს მხრიდან არაღიარებულია.
დღეს, 17 მაისის მოვლენებიდან 10 წლის შემდეგ 28 ადამიანი, რომელთაც WISG-ი უკანასკნელი თვეების განმავლობაში გამოძიების წინაშე წარმოადგენდა, კვლავ ელოდება დაზარალებულის სტატუსს.
სტრასბურგის სასამართლოს გადაწყვეტილების შემდეგ ორი წელი გავიდა და ამ დრომდე სისხლისსამართლებრივი დევნა არცერთი პირის მიმართ არ დაწყებულა.
ბოლო 10 წლის განმავლობაში ხელისუფლების პოლიტიკასა და რიტორიკაზე დაკვირვება უფრო ნათლად გვაჩვენებს ფართო სურათს: ქართული ოცნების ხელისუფლების რეალური პრიორიტეტი არასოდეს ყოფილა ხანგრძლივი მემკვიდრეობით მიღებული პოლიტიკური მიზოგინიისა და ჰომო/ბი/ტრანსფობიის წინააღმდეგ ქმედითი პოლიტიკის გატარება.
ამას აჩვენებს 2022-2023 წლებში „საქართველოს ადამიანის უფლებათა დაცვის ეროვნული სტრატეგიაზე (2022−2030 წლებისთვის)“ მუშაობის პროცესიც, რომელიც სამოქალაქო საზოგადოების ორგანიზაციების, მათ შორის ლგბტქი სათემო ორგანიზაციების მტკიცებულებებზე დაფუძნებული რეკომენდაციების სრული უგულებელყოფით წარიმართა. საბოლოოდ აღმოჩნდა, რომ სტრატეგიის დოკუმენტში ლგბტქი ჯგუფი ნახსენებიც კი არ არის. აღნიშნულს ცხადია მოჰყვა სამოქალაქო საზოგადოების მწვავე კრიტიკა, მაგრამ საქართველოს მთავრობამ და პარლამენტმა ლგბტქი ადამიანების წინაშე მდგარი უფლებრივი საჭიროებები უგულებელყო და სტრატეგიის არაინკლუზიური დოკუმენტი დაამტკიცა”, – ნათქვამია განცხადებაში.
17 მაისთან დაკავშირებით არტისტმა ანდრო დადიანმა საპატრიარქოსთან პროტესტის ნიშნად ხორცის კალათბურთის ფარი დადგა.
დადიანის განცხადებით, ეს დღე ქართული მართლმადიდებლური ეკლესიისგან ქვეყნის სულიერი, ეროვნული, კულტურული, ქრისტიანული, სოციალური, სახელმწიფოებრივი დამარცხების დღეა.
“10 წელი გავიდა 2013 წლის 17 მაისიდან. ტრაგიკულ მოვლენებს სახელებს ვერ ვარქმევთ ხოლმე და ასეთი უსახელო დღეა ჩვენს უახლეს ისტორიაში 17 მაისი, როგორც 9 აპრილი, 7 ნოემბერი, 20 ივნისი, 13 ივნისი და ა.შ. ეს დღე ქართული მართლმადიდებლური ეკლესიისგან ქვეყნის სულიერი, ეროვნული, კულტურული, ქრისტიანული, სოციალური, სახელმწიფოებრივი დამარცხების დღეა. იმ დღით სასოწარკვეთამ დამაკარგინა მეც სახე და მაქცია ნიღბიან, ფსევდონიმიან ადამიანად.
ადამიანებს მენტალურად, ეკონომიკურად, სოციალურად გატყავება და გამოშიგვნაა ამ ინსტიტუციის საქმე, ამიტომ საპატრიარქოს ჭიშკართან, მეგობართან ერთად დავდგი ხორცის კალათბურთის ფარი, როგორც მათი მეტაფორული პორტრეტი.
ჰომოფობია ქართველი ადამიანის კულტურული საჭიროება კი არა, ქვეყნის გეოპოლიტიკური ორიენტაციის გამოკვეთის საშუალებაა. აქ თანასწორობა დასავლური, ხოლო ანტი-ლგბტ მოძრაობები რუსული, იმპერიალისტური პოლიტიკის ნიშანია, ამ დაპირისპირებაში ქართულმა მართლმადიდებლურმა ეკლესიამ ადამიანის მხარდაჭერის ნაცვლად პოლიტიკური პოზიცია დაიკავა და საკუთარი ერის მოწინააღმდეგე სტრუქტურულ მოძალადედ ჩამოყალიბდა.
ჩვენ უნდა გამოვათრიოთ დუმილით ძალმოსილი ეს დღის წესრიგი საჯარო სივრცეში, ხშირი დისკუსიით თავიდან უნდა მივანიჭოთ მნიშვნელობები საზოგადოებრივი საჭიროების მიხედვით მას მაშინ, როცა სასულიერო პირები ზემოთ და ზემოთ ხტებიან, ახალ სიმაღლეებს იპყრობენ ადამიანისა და სიცოცხლის მნიშვნელობის მოსპობაში”, – განმარტავს არტისტი.
ის ნამუშევრის შესრულებაში გაწეული თანამშრომლობისთვის ქალთა ინიციატივების მხარდამჭერ ჯგუფს (WISG) მადლობას უხდის.
