გუშინ სოციალური ქცელით გავრცელდა ლელა კურტანიძის პოსტი, რომლითაც ის ორ სასულიერო პირს სექსუალურ შევიწროვებაში ადანაშაულებს. ამავდროულად ლელა სთხოვდა მედია გამოცემაბს მისი ამბის გაჟღერებას. გთავაზობთ ლელასთან ჩაწერილ ინტერვიუს. ეს იყო ჯავახეთის სტუდენტური ექსპედიციის
ბიოგრაფია 1983 წელს, თბილისში დავიბადე. წელს 40 წელი შემისრულდა. ოჯახს რაც შეეხება, დედაჩემი რუსული ენის პედაგოგია სკოლაში, მამა – მხატვარი. ძალიან ვღიზიანდები, როცა ამბობენ რომ მამის კვალს გავყევი. ჩემი და მეცნიერების თეორიის მიხედვით, ტვინს არ გააჩნია რაღაც წინასწარგანსაზღვრული ნიჭების კრებული,
“პოსტჰუმანიზმი” ის ტერმინია, რომელიც ბოლო წლების მანძილზე ხშირად გვხვდება განვითარებული ქვეყნების როგორც ვიწროდ აკადემიურ, ისე – საჯარო დისკურსში. წლიდან წლამდე ტექნოლოგიის მნიშვნელოვანმა განვითარებამ ურთიერთშედეგობრივად
სტატიის ავტორი: მეგი თედორაძე დეფინიცია და მიზნები ბრაზის განმარტება მრავალწახნაგოვანია, თუმცა იგი ყველაზე ხშირად განისაზღვრება, როგორც უსიამოვნების მძაფრი შეგრძნება, მტრული დამოკიდებულება თავისი ობიექტის მიმართ,
კანადელმა ულტრა-მემარჯვენემ არენდ ფინსტრამ გადაწყვიტა, რომ მის ქვეყანაში ძალიან ბევრი ქვიარ ადამიანია, რომლებმაც თავი მოაბეზრეს. “თავს არ ვგრძნობ დაცულად და შვილების გამო მეშინია, მემარცხენე იდეოლოგია ფართოდ გავრცელდა, გარშემო გეი და ტრანსგენდერი ადამიანები არიან. ჩვენ არ ვართ მათი მომხრე, ამიტომ გადავწყვიტეთ, წავიდეთ ქვეყნიდან” – აცხადებდა მის იუთუბ ვიდეოში არენდ ფინსტრა.
ერთ დღეს ქვიარებისგან მობეზრებულმა ფინსტრების ათსულიანმა ოჯახმა დატოვა კანადა და ერთ-ერთ ყველაზე ანტი-ლგბტქი ქვეყანაში – რუსეთში გადავიდა საცხოვრებლად. როგორც ჩანს, სიჩქარეში მათ ვერ მოახერხეს რუსული ენის თუნდაც ელემენტარულ დონეზე სწავლა და თბილი ტანსაცმლის წაღება. როგორც მოგვაინებით, სოციალური ქსელით გახდა ცნობილი, თბილი ტანსაცმელი მათთვის და ბავშვებისთვის მეზობლებმა შეაგროვეს და გადასცეს. ხოლო რუსულის არ ცოდნის გამო არაერთ უხერხულ სიტუაციაში მოუწიათ ყოფნა. გარდა ამისა, კანადელი წყვილი ფინანსური პრობლემების წინაშე აღმოჩნდა. რუსეთში შეუძლებელია ვიზა და მასტერქარდის ბარათით სარგებლობა, ამიტომ ისინი ვერ ახრეხებდნენ ანგარიშწორებას. ოჯახმა მათი კუთვნილი ფული რუსულ ანგარიშზე გადაიტანა, თუმცა იმის გამო, რომ საკმაოდ დიდი თანხა იყო და ვერ დადგინდა შემოსავლის წყარო, ფინსტრების ანგარიში დაიბლოკა.
პრობლემებით შეწუხებულმა ანისა ფინსტრამ ოჯახის იუთუბ არხზე გამოაქვეყნა ვიდეო, სადაც ამბობდა, რომ ძალიან იმედგაცრუებულია ამ ქვეყნით (რუსეთით) და ერთი სული აქვს ჩაჯდეს თვითმფრინავში და გაეცალოს იქაურობას. როგორც ჩანს, რუსეთის კრიტიკა არ გამორჩენია ადგილობრივ ძალოვან სტრუქტურებს. მოგვიანებით ანისა ფინტრამ ვიდეო წაშალა და ბოდიში მოიხადა. მან განაცხადა, რომ რუსეთმა მათ იმედები არ გაუცრუა. ხოლო წაშლილი ვიდეოს შინაარსი ადგილობრივებმა სხვანაირად გაიგეს ენობრივი უზუსტობისა და ბარიერის გამო. არენდ ფინსტრამ ვიდეოც კი ჩაწერა, სადაც ბოდიშს უხდის რუსებს გაუგებრობისთვის.
რომის პაპმა ფრანცისკემ განაცხადა, რომ ფარისევლობაა მისი კრიტიკა ლგბტქი წყვილების დალოცვის გადაწყვეტილებასთან დაკავშირებით.
დეკემბერში პაპმა ფრანცისკემ განაცხადა, რომ მღვდლებს ეძლევათ უფლება დალოცონ ქვიარ წყვილები “განსაკუთრებულ შემთხვევებში”, რომელიც არ იქნება სისტემატური, რეგულარული ხასიათის და არ იქნება რელიგიური რიტუალების ნაწილი. ასევე, დალოცვა არ ეხება სამოქალაქო გაერთიანებებსა და ქორწილებს. პაპმა აღნიშნა, რომ ქორწინებას ის კვლავ განიხილავს, როგორც ქალისა და კაცის ერთობას. პაპმა აღნიშნული გადაწყვეტილება 18 დეკემბერს დოკუმენტის სახით დაამტკიცა. მისი თქმით ეს არის ნიშანი იმისა, რომ “ღმერთი მიესალმება და კარს უღებს ყველას”, თუმცა დოკუმენტში ნათქვამია, რომ ქვიარ ადამიანების დალოცვის საკითხს თითოეული მღვდელი წყვეტს ინდივიდუალურად. ნომებერში პაპის გადაწყვეტილებით, ტრანსგენდერ ადამიანებს შეუძლიათ მოინათლონ. ასევე, იყვნენ ნათლია ან მეჯვარე რომაულ-კათოლიკურ ეკლესიაში.
აღნიშნულ გადაწყვეტილებებს კათოლიკურ ეკლესიაში წინააღმდეგობა მოჰყვა.
“არავისთვის წარმოადგენს სკანდალს ის ფაქტი, რომ კურთხევას ვაძლევ ბიზნესმენს, რომელიც შესაძლოა ადამიანების ექსპლუატაციით არის დაკავებული და ეს დიდი ცოდვაა. სამაგიეროდ, როცა საქმე ეხება ლგბტქი ადამიანების კურთხევას, ეს სკანდალისა და ღელვის მიზეზი ხდება. აი, ეს არის ფარისევლობა”, – განაცხადა რომის პაპმა იტალიურ კათოლიკურ გამოცემა Credere-თან.
პოლონეთის სახელმწიფო ტელევიზიის, TVP ინფოს წამყვანმა ბოდიში მოიხადა ქვიარ ადამიანების მიმართ ნათქვამი “სამარცხვინო სიტყვებისთვის” რომელიც მრავალწლიანი ანტი-ლგბტქი კამპანიის ფარგლებში კეთდებოდა ტელევიზიის მხრიდან.
TVP ინფო პოლონეთის წინა ხელისუფლების რუპორად მოიაზრებოდა. ულტრა მემარჯვენე პარტია “კანონი და სამართლიანობა” ქვეყნის ხელისუფლებაში 2015 წლიდან 2023 წლამდე იყო. 2023 წლის დეკემბრიდან ხელისუფლებაში დონალდ ტუსკის პარტია მოვიდა, რის შემდეგ TVP ინფოს ხელმძღვანელი პირები თანამდებობიდან გაანთავისუფლეს.
11 თებერვალს TVP-ს წამყვანმა ვოიჩეხ სელაგმა მის გადაცემაში მოიწვია აქტივისტები ბარტ სტაჟევსკი და მაია ჰებანი, რა დროსაც საჯაროდ ბოდიში მოიხადა იმ ზიანისთვის, რაც მან და მისმა არხმა მიაყენა ქვიარ ადამიანებს, სიძულვილის ენისა და ანტი-ლგბტქი კამპანიის წარმოების გამო. “ქვიარები არიან ადამიანები და არა იდეოლოგია, მათ ყავთ მეგობრები, ოჯახის წევრები, ახლობლები. მათ ბოდიში უნდა მოვუხადო და ამას აქ გავაკეთებ აქ, საჯაროდ” – განაცხადა ვოიჩეხ სელაგმა.
გადაცემაში მიწვეულმა აქტივისტმა ბარტ სტაჟევსკიმ წამყვანის ბოდიშის მოხდის შემდეგ ატირებულმა დატოვა გადაცემა.
Today, first time in Polish TV, after 8 years of right-wing government, the LGBT+ activists appeared in live broadcast. I was seating there and heard journalist shaking voice. He made an apology after years of portraying LGBT-people a threat to Polish nation in the same studio.… pic.twitter.com/kOjzKrRHPf
— Bart Staszewski (@BartStaszewski) February 11, 2024
15 თებერვალს საბერძნეთი გახდა პირველი მართლმადიდებელი ქვეყანა, რომელმაც აღიარა ქვიარ ადამიანების ქორწინება. 300-წევრიან პარლამენტში კანონის მისაღებად უბრალო უმრავლესობა იყო საჭირო და ხმების საკმარისი რაოდენობით აღნიშნული კანონი პარლამენტის მიერ მიღებული იქნა. გარდა ამისა, გეი წყვილებს შვილის აყვანის უფლებაც მიეცემათ.
აღნიშნული კანონის მიღების პროცესი არ იყო მარტივი, რადგან მართლმადიდებლური ეკლესია, ულტრა მემარჯვენე პოლიტიკური პარტიები და მოსახლეობის ნაწილი ქვიარ ქორწინების რეგისტრაციის წინააღმდეგია.
საბერძნეთის პრემიერ მინისტრი კირიაკოს მიცოტაკისი ქვიარ ქორწინების რეგისტრაციის აღიარებასა და შესაბამის კანონპროექტს მხარს უჭერდა და ამისკენ ოპოზიციურ პარტიებსაც მოუწოდა. ახალი კანონის წინააღმდეგ მიცოტაკისის პარტიიდან ათობით დეპუტატი გამოვიდა. მიაუხედავა ყველაფრისა, კანონი მიღებულია და საბერძნეთის ქვიარ ორგანიზაციები, ქვიარ ადამიანები და მხარდამჭერები მნიშვნელოვან მოვლენას ზეიმობენ.
“ადამიანები, რომლებიც ჩვენ გარშემო უხილავები იყვნენ, ხილულები გახდებიან, და მათთან ერთად უამრავი ბავშვი საბოლოოდ იპოვის თავის ღირსეულ ადგილს”, – განაცხადა პრემიერ მინისტრმა და დაამატა, რომ კანონის მიღებით საბერძნეთმა წინ დიდი ნაბიჯი გადადგა როგორც დემოკრატიულმა, პროგრესულმა ქვეყანამ, რომელიც ევროპული ღირებულებების მატარებელია.
ნეპალში პირველად, დედაქალაქ კატმანდუში ლესბოსელმა წყვილმა ოფიციალურად დაარეგისტრირა ქორწინება. 33 წლის ანჯუ დევი შრესტა და სუპრიტა გურუნგი 11 თებერვალს დაქორწინდნენ.
2023 წელს ნეპალის უზანაესმა სასამართლომ დააკანონა ერთნაირსქესიანთა ქორწინების რეგისტრაცია. მალევე, ქვიარ წყვილმა მაია გურუნგმა და სურენდრა პანდეიმ ოფიციალურად დაარეგისტრირეს მათი ქორწინება.
ნეპალის ლგბტქი ორგანიზაციები მრავალწლიანი შრომისა და აქტიური კამპანიების წარმოების შემდეგ გამარჯვებას ზეიმობენ, რადგან გასული წლიდან ქვიარ წყვილებს შესაძლებლობა მიეცათ ოფიციალურად დაარეგისტრირონ ქორწინება, რაც ნიშნავს ბანკში საერთო ანგარიშის გახსნას, საერთო უძრავი ქონების ყიდვას, ბიზნესის წარმოებას, გარდაცვალების შემთხვევაში ცერემონიალის ჩატარებას და ა.შ.
22 იანვარს ცნობილი გახდა, რომ თბილისის რესპუბლიკური საავადმყოფოს შენობას დაანგრევენ. ყოფილი პტრემიერმინისტრის ირაკლი ღარიბაშვილის განცხადებით, სპეციალისტების დასკვნით, იმისთვის, რომ კლინიკამ საერთაშორისო სტანდარტები დააკმაყოფილოს, შენობის რეკონსტრუქცია ძირითად შემთხვევაში შეუძლებელი და არარენტაბელურია, შესაბამისად, იგეგმება ძველი შენობის დემონტაჟი და რესპუბლიკური საავადმყოფოს ბაზაზე აშენდება მრავალპროფილური, მაღალტექნოლოგიური სამედიცინო დაწესებულება, ახალი რესპუბლიკური საავადმყოფო.
მედპერსონალის ნაწილი კითხვის ნიშნის ქვეშ აყენებს ახალი საავადმყოფოს აშენების საკითხს. ისინი შიშობენ, რომ შესაძლებელია, ეს ტერიტორია სხვა მიზნებისთვის გამოიყენონ. ექიმები პროტესტს განაგრძობენენ და სასამართლოს სარჩელითაც მიმართეს. დღეს, რესპუბლიკურ საავდმყოფოსთან გამართულ აქციაზე ექიმებმა ერთობლივ წერილს მოაწერეს ხელი, რომელსაც ახალ პრემიერს, ირაკლი კობახიძეს გაუგზავნიან. მოთხოვნა უცვლელია – გაუქმდეს კლინიკის დემონტაჟის გადაწყვეტილება და შემდგომში მისაღები გადაწყვეტილებები მთავრობამ უშუალოდ კლინიკის მედპერსონალის ჩართულობით განიხილოს. პარალელურად, მედიკოსების ნაწილი ჯანდაცვის სამინისტროს მიერ შეთავაზებულ კომპენსაციებს არ თანხმდება.
ლგბტქი ისტორიის თვე 1994 წლიდან აღინიშნება დიდ ბრიტანეთში, აშშ-ში, ავსტრალიაში, კანადასა და ევროპის რამდენიმე ქვეყანაში, რომელიც ქვიარ ადამიანების უფლებების დაარსების ისტორიას და განვითარებას აღნიშნავს.
ლგბტქი ისტორიის ფარგლებში დიდი ბრიტანეთის პარლამენტმა სადღესასწაულო მიღება გამართა. ცოტა ხნის წინ ბრიტანეთის პრემიერ მინისტრის, რიში სუნაკის მიერ ტრანსგენდერ ადამიანებზე უხერხული ხუმრობის გამო ის მძაფრად გააკრიტიკეს. სუნაკის ტრანსფობიური კომენტარი ოპოზიციის ლიდერს მიემართებოდა, რომელსაც მისი თქმით “ვერ გაურკვევია ვინ არის ქალი”. მიუხედავად აქტივისტებისა და მოქალაქეების უარყოფითი რეაქციებისა, პრემიერ მინისტრმა ბოდიშის მოხდაზე უარი განაცხადა. აღნიშნული ტრანფობიური გამონათქვანი არ იყო პრემიერ მინისტრისთვის პირველი, გასული წლის ოქტომბერში მან განაცხადა, რომ “ქალი ქალია და კაცი კაცი, ამას არ უნდა ბევრი საუბარი.”
პარლამენტის მიღებაზე სტუმრებს შორის მიწვეული იყო დრეგ ქუინი და მომღერალი დივინა დე კამპო, რომელიც ტრანსფობიური განცხადების გამო პროტესტის ნიშნად არ აპირებდა წვეულებაზე მისვლას, თუმცა გადაწყვიტა, მისი პროტესტის გამოსახატად სპეციალურად შეკერილი კაბის დემონსტრირებისთვის საუკეთესო ადგილი სწორედ საპარლამენტო ღონისძიება იყო. დრეგ ქუინის სამოსზე იმ ტრანსგენდერების სახელებია დაწერილი, რომლებიც ბოლო დეკადებში სიძულვილით მოტივირებული დანაშაულის მსხევრპლი გახდნენ.
დივინა დე კამპო დაესწრო ღონისძიებას და შეძლო მისი პროტესტის ფართო აუდიტორიამდე მიტანა, თუმცა წვეულების მერე აღნიშნა, რომ მიღებაზე თავს უხეხულად და არაკომფორტულად გრძნობდა. “ვიჯექით შესანიშნავად გაფორმებულ და ლამაზ ოთახში, ვსვამდით შამპანურს და პარალელურად, ამ მშვენიერი სივრცის გარეთ არიან ტრანსგენდერები, ვისაც არ აქვს საჭმლის ფული და საცხოვრებელი.”
ცოტა ხნის წინ ფოტოგრაფი და არტისტი ინა მოსინა 1500 რუბლით დაჯარიმდა ინსგარამზე ლგბტქი დროშების დადების გამო. Associated Press აქვეყნებს სტატიას, სადაც რუსეთში ბოლოდორინდელი ჯარიმებისა და პატიმრობის შესახებ იტყობინება.
მას შემდეგ, რაც რუსეთის უზენაესი სასამართლოს გადაწყვეტილებით ლგბტქი მოძრაობა “ექსტრემისტულად” გამოცხადდა, მალევე დაიქყო რეპრესიები ქვიარ ადამიანების მიმართ. მოსკოვსა და სანკტ-პეტერბურგში ლგბტქი მეგობრულ ბარებსა და კლუბებში ჩატარდა საპოლიციო რეიდები, რა დროსაც პოლიციელები უღებდნენ ფოტოებს სტუმრებს და მათ პირად დოკუემნტებს. ასევე, რუსეთში სისხლის სამართლებრივი დევნის საფრთხის გამო საქმიანობა შეწყვიტეს ლგბტქი უფლებადამცველებმა, ადვოკატებმა და ორგანიზაციებმა.
რამდენიმე კვირის წინ ვოლგოგრადში დაჯარიმდა კაცი სოციალურ ქსელში ლგბტქი დროშის დადების გამო. სასამართლოს განცხადებით, ის “ექსტრემისტული ორგანიზაციების სიმბოლიკის დემონსტრირებას ახდენდა”.
5 დღიანი პატიმრობა შეეფარდა ანასტასია ერშოვას ცისარტყელას ფორმის საყურეების ტარების გამო. კაფეში მასთან მივიდა კაცი, რომელმაც მოსთხოვა საყურეების მოხსნა, უარის მიღების შემდეგ კი ერშოვას ვიდეო გადაუღო და ტელეგრამზე განათავსა. რადიკალურმა ჯგუფებმა აღნიშნული ვიდეო ტელეგრამ არხზე გაავრცელეს, რასაც ანასტასია ერშოვას პატიმრობა მოჰყვა.
დემოკრატიის კვლევის ინსტიტუტი (DRI) აქვეყნებს ანგარიშს, სადაც ულტრამემარჯვენე ჯგუფებზე დაკვირვების 8-თვიან შედეგებს აჯამებს. ანგარიშში მიმოხილულია სოციალურ ქსელებში ულტრამემარჯვენე ჯგუფების აქტივობა, შეკრება-მანიფესტაციები, პარტია „კონსერვატიული მოძრაობა/ალტ-ინფოს“ საქმიანობა და ფინანსური მონიტორინგი.
DRI-ის პუბლიკაციის მიხედვით, სოციალური მედიის ულტრამემარჯვენე დისკურსი სამ ძირითად მიმართულებას მოიცავს: ჰომოფობიური რიტორიკა, რომელიც 17 მაისის მოახლოების პარალელურად გააქტიურდა და კულმინაციას 2023 წლის 8 ივლისს, „თბილისი პრაიდის“ მიერ დაანონსებული ფესტივალის ჩაშლით, მიაღწია. დაკვირვებამ გამოააშკარავა ხელისუფლების ლოიალური პოლიტიკა ულტრამემარჯვენე ძალადობრივი ჯგუფების მიმართ.
პუბლიკაციაში ცალკეა გამოყოფილი პროკრემლისტური რიტორიკა, რომელიც გააქტიურდა რუსეთის ფედერაციის მხრიდან საქართველოს მოქალაქეებისთვის დაწესებული სავიზო რეჟიმის გაუქმებისა და პირდაპირი საჰაერო მიმოსვლის განახლების ფონზე. ულტრამემარჯვენე ჯგუფები ეკონომიკური სარგებლის მოტივით ცდილობდნენ რუსეთთან მჭიდრო კომუნიკაციის მნიშვნელობის ხაზგასმას.
ანტიდასავლური და ანტიამერიკული რიტორიკა განსაკუთრებით გააქტიურდა სახელმწიფო უსაფრთხოების სამსახურის იმ განცხადების შემდეგ, რომელიც შესაძლო დესტაბილიზაციასა და სამოქალაქო არეულობის დაგეგმვაში USAID-ის როლზე მიუთითებდა. ოქტომბერში ისრაელზე ჰამასის თავდასხმის შემდეგ განახლებულმა სამხედრო კონფლიქტმა ღიად პრორუსული ულტრამემარჯვენე ჯგუფების ანტიამერიკულ რიტორიკას ახალი იმპულსი შესძინა. საგულისხმოა,რომ კოლექტიური დასავლეთის ნეგატიურ კონტექსტში წარმოჩენა, ერთგვარ ტენდენციად ჩამოყალიბდა და ხელისუფლების მხრიდან ანტიდასავლური რიტორიკის პარალელურად წარიმართა.
შესაძლოა უკვე შეამჩნიეთ, რომ ტიკტოკზე რიგი მომღერლების სიმღერები უეცრად აღარ არის ხელმისაწვდომი და ვიდეოების ნაწილი მუსკის გარეშეა, ხოლო მიზეზად მითითებულია საავტორო უფლებების არ ქონა. საქმე იმაშია, რომ ტიკტოკს აქვს Universal Music Group-ის მიერ ლიცენზიით მინიჭებული უფლება, გამოიყენოს ამათუიმ მომღერლის მუსიკა პლათფორმაზე. Universal Music Group-სა და ტიკტოკს შორის შეთანხმება 31 იანვარს ამოიწურა, ვადის გასვლის შემდეგ კი ორ კომპანიას შორის შეთანხმების ვერ მიღწევის გამო, ლიცენზია ავტომატურად შეჩერდა, რაც გულისხმობს იმას, რომ ბევრი სიმღერის გამოყენება პლათფორმაზე შეუძლებელია.
Universal Music Group-მა დაასახელა ძირითადი მიზეზები, რაც ტიკტოკთან შეუთანხმებლობისა საგანი გახდა, მათ შორისაა: კომპოზიტორებისა და მუსიკოსების ანაზღაურება, უსაფრთხოების საკითხები და ა.შ. ტიკტოკი კი Universal Music Group-ს სიხარბესა და ცრუ ინფორმაციის გავრცელებაში ადანაშაულებს და მიიჩნევს, რომ კომპანია საკუთარ ინტერესებს აყენებს წინ, ხოლო მუსიკოსების ინტერესებს უგულებელყოფს.
მუსიკოსების სია, რომელთა სიმღერები ამოღებულია ტიკტოკის პლათფორმიდან, ამჟამად ასე გამოიყურება:
