სელინ დიონის და კლოდეტი აცხადებს, რომ ამ ეტაპზე მომღერალს უჭირს კუნთების კონტროლი, თუმცა არ დაუკონკრეტებია, რომელ კუნთებზე და რა ტიპის შეზღუდვებზეა საუბარი. გასული წლის დეკემბერში სელინ დიონს იშვიათი ნევროლოგიური დაავდება – რიგიდული პერსონის სინდრომი დაუდგინდა, რომელიც მილიონიდან ერთ ადამიანს აქვს. დაავადება იწვევს კუნთების მოდუნებას, სპაზმებს, ტკივილს, მეტყველების შეფერხებას და სიარულის გართულებას. მიმდინარე პერიოდში მომღერალი ინტესიურ თერაპიას გადის, რაც ზოგჯერ სიმპტომების გაუარესებას იწვევს.
დიაგნოზის დასმის შემდეგ სელინ დიონი იძულებული იყო, ყველა დაგეგმილი კონცერტი გაეუქმებინა და მკურნალობა დაეწყო. ბევრი არ არის ცნობილი რიგიდული პერსონის სინდრომის შესახებ, თუმცა სხვადასხვა თერაპიული საშუალებების გამოყენებით შესაძლებელია სიმპტომების მართვა.
ცოტა ხნის წინ სელინ დიონი თავის სამ შვილთან ერთად ჰოკეის თამაშს ესწრებოდა. ოჯახის წევრები იმედოვნებენ, რომ მკურნალობა შედეგს გამოიღებს და ერთ დღეს მომღერალი სცენაზე დაბრუნებასა და სიმღერას შეძლებს.
