2020 წელი განსაკუთრებით რთული აღმოჩნდა დამოუკიდებელი კინოსთვის, კოვიდ პანდემიის დაწყებიდან თითქმის ორი წლის შემდეგ, მივიღეთ უამრავი დახურული კინოთეატრი, შეჩერებული წარმოება და ონლაინ სტრიმინგ სერვისების აღზევება. თუმცა, ამის მიუხედავად, ბოლო ორი წლის განმავლობაში
ნობელის პრემია 1985 წელს, შვედი ქიმიკოსის, ინჟინრისა და ინდუსტრიალისტის, ალფრედ ნობელის ანდერძით დაარსდა და 1901 წლიდან გაიცემა ქიმიაში, ფიზიკაში, მედიცინაში, ლიტერატურაში, მშვიდობისა და ეკონომიკის დარგში. 2017 წლის მონაცემებით, ნობელის პრემიის 116-წლიან ისტორიაში, ნობელის პრემია გადაეცა 923 ადამიანს და ორგანიზაციას. მათ
20 ნოემბერი ტრანსგენდერთა ხსოვნის საერთაშორისო დღეა, ამ დღეს მსოფლიოს სხვადასხვა ქვეყანაში ადამიანები პატივს მიაგებენ იმ ტრანსგენდერ ადამიანებს, რომლებიც ტრანსფობიას/ჰომოფობიას ემსხვერპლნენ. გთავაზობთ 7 ფილმს, რომელიც
უკანასკნელ ათწლეულში კინოსამყარომ გენდერულ უთანასწორობაზე აქტიურად დაიწყო საუბარი. ქალი რეჟისორების რაოდენობა დიდწილად ჩამორჩება კაცი რეჟისორებისას, ხშირ შემთხვევაში, ქალი მსახიობების ანაზღაურებაც იმაზე ნაკლებია, ვიდრე მამაკაცი
Aikāne ჰავაიურ ენაზე ერთი და იგივე სქესის ადამიანებს შორის სიყვარულს ნიშნავს. სწორედ ჰავაიში მოგაზურობისას გაუჩნდათ მოკლემეტრაჟიანი ანიმაციური ფილმის გადაღების იდეა ქვიარ წყვილს, დინ ჰამერსა და ჯო ვილსონს. ფილმი ორი კაცის სიყვარულის ისტორიას მოგვითხრობს. მამაცი მეომარი და მისი ნდობით აღჭურვილი მრჩეველი იბრძვიან დამპყრობელი კოლონიალისტების წინააღმდეგ. მოქმედება ძირითადად წყლალქვეშა სამყაროში მიმდინარეობს. ფილმში ასახულია ჰავაის ისტორია, რომელიც მოიცავს სპირიტუალურ და მისტიურ ტრადიციებს.
ანიმაციურმა ფილმმა უკვე მოიპოვა New Hampshire Film Festival და Hawaiian International Film Festival ფესტივალების ჯილდო. იდეის ავტორების თქმით, ქვიარ ანიმაციური ფილმი კარგი დასასრულით მნიშვნელოვანი განაცხადია და მათი ერთ-ერთი მიზანია, ქვიარ სიყვარულისა და დადებითი გზავნილების მიტანა მაყურებლამდე.
30 ოქტომბერს 19:00 საათზე კინოთეატრ “ამირანში” პოლ ბ. პრესიადოს სადებიუტო ფილმის ORLANDO, MY POLITICAL BIOGRAPHY-ს ჩვენება გაიმართება. აღნიშნული ღონისძიებით დასრულდება DOCA 𝓕𝓲𝓵𝓶 𝓒𝓵𝓾𝓫-ის პირველი თემატური პროგრამა “რა გაანათებს ღამეს?”.
ფილმის 20-ზე მეტი პერსონაჟი გენდერული ტრანზიციის ამბავს ყვება. ფილმი, შეიძლება ითქვას, რომ ვირჯინია ვულფის იმავე სახელწოდების გახმაურებულ რომანზე „ორლანდოზე“ თამამი და მხიარული რეფლექსიაა. ფილმის ავტორი გვთვაზობს აღნიშნული რომანის კრიტიკურ გადააზრებას, თანამედროვე რეალობის გათვალისწინებით. ის ასევე გვაცნობს ახალ პერსონაჟებს, ვინც დღემდე უხილავი იყო.
ფილმის ჩვენების შემდეგ გაიმართება დისკუსია ტრანს-აქტივისტთან ნატა ტალიკიშვილთან, რომელსაც მოდერაციას გაუწევს მკვლევარი ნატალია მჭედლიშვილი.
ბილეთების შეძენა შესაძლებელია შემდეგ ბმულზე https://tkt.ge/show/15004/doca-film-club
მეტი ინფორმაცია ღონისძიების შესახებ იხილეთ ბმულზე: https://www.facebook.com/georgia.doca/posts/pfbid02iobgQvSYFUMrFdSYHq44VZ3AxPfDFztEKR2em3JGhbXdEz4gf2xzvKfaA2Qt83tEl
2023 წლის მაისში ამერიკის მწერალთა გილდია (Writers Guild of America), რომელიც 11 500 სცენარისტისგან შედგება გაიფიცა კინოსა და ტელევიზიის პროდიუსერთა ალიანსთან (Alliance of Motion Picture and Television Producers) შრომითი დავის გამო. ივლისში გაფიცვებს SAG-AFTRA-ს მსახიობებიც შეურთდნენ, მათი გაფიცვის საფუძველიც შრომითი დავა და ფინანსური უკმაყოფილებაა. 1960 წლის შემდეგ ეს მწერლებისა და მსახიობების პირველი ერთდროული პიკეტირების შემთხვევაა.
გაფიცვებს უკვე აქვს გავლენა მთელ მსოფლიოში: ემის დაჯილდოების ცერემონიის თარიღები გაურკვეველია, ბიზნესები, მათ შორის რესტორნები, სასტუმროები და ქიმწმენდებიც კი ემზადებიან დიდი ფინანსური ვარდნისთვის.
ვინ არის ჩართული გაფიცვებში და რა არის პროტესტების მონაწილეების მთავარი მოთხოვნები? სტატიაში შეიტყობთ ყველაფერს, რაც ჰოლივუდის გაფიცვების შესახებ უნდა იცოდეთ.
ამერიკის მწერალთა გილდიამ (WGA) გაფიცვების პირველი ტალღა მაისში დაიწყო. გაფიცვების მთავარი მიზეზი სტრიმინგის ქსელებისგან არასამართლიანი ფინანსური კომპენსაციების მიღება იყო. WGA-ი ამტკიცებს, რომ კინოსა და ტელევიზიის პროდიუსერთა ალიანსმა (AMPTP) ფინანსური კომპენსაციები საგრძნობლად შეამცირა ბოლო ათწლეულის განმავლობაში
ჰოლივუდში არსებობს შეთანხმებები, რომლებშიც მწერლების მინიმალური ხელფასი განსაზღვრულია, თუმცა ეს შეთანხმებები მხოლოდ იმ მწერლებისთვისაა, რომლებიც სცენარებს სამაუწყებლო არხებისთვის წერენ და არა სტრიმინგ სერვისებისთვის — მეორის შემთხვევებში, მწერლებს ინდივიდუალურად უწევთ ანაზღაურებაზე მოლაპარაკება სტრიმინგ კომპანიებთან. ერთი რამ აშკარაა: სტრიმინგ სერვისები იმავე რაოდენობის შრომის გაწევისთვის შესამჩნევად ნაკლებს უხდიან თავიანთ მწერლებს. არსებული შეთანხმებები ივნისში დასრულდა, ხელახალი მოლაპარაკებები კი ვეღარ შედგა, რამაც გამოიწვია მასობრივი გაფიცვების დაწყება.
WGA-ს სტატისტიკის მიხედვით, სერიალების მწერალთა ნახევარი ახლა მინიმალური ხელფასით მუშაობს, მათი ახლანდელი ანაზღაურება 2013-14 წლების შემოსავლის მესამედს შეადგენს. კიდევ ერთი პრობლემა ხელოვნური ინტელექტის საკითხია: მწერლებს სურთ, რომ ინსტრუმენტები, როგორიცაა ChatGPT, მხოლოდ კვლევის დასახმარებლად ან სცენარის იდეების გენერაციის გასამარტივებლად გამოიყენონ და არა მწერლების საერთოდ ჩანაცვლებისთვის.
AMPTP-მ მაისში თქვა, რომ მან მწერლებს „კომპენსაციის გულუხვი ზრდა“ შესთავაზა, თუმცა მხარეებმა შეთანხმებას ვერ მიაღწიეს.
ივლისში, მსახიობთა გაერთიანება — ამერიკის ტელევიზიისა და რადიოს არტისტების ფედერაცია (SAG-AFTRA) გაიფიცა AMPTP-თან მათივე მიმდინარე უთანხმოების შედეგად. მსახიობებისთვის, მწერლების მსგავსად, ფინანსური ანაზღაურება გაფიცვების მთავარი საკითხია: ისინი არ იღებენ საკმარის კომპენსაციას სტრიმინგ სერვისებზე უკვე დასრულებული შოუებს ხელახლა გაშვების დროს (Re-runs). მომლაპარაკებლები ითხოვენ, რომ ანაზღაურება მაყურებელთა რაოდენობის მიხედვით განისაზღვროს, მაგრამ ისეთ სტუდიებს, როგორებიცაა ნეტფლიქსი და ამაზონი არ სურთ მაყურებლის რაოდენობის შესახებ ინფორმაციის გაზიარება და მსგავს მოლაპარაკებებზე წასვლა.
SAG-AFTRA-ს გაფიცვის სურვილის გამომხატველ წერილს ხელს აწერდა უამრავი A-List-ერი, მათ შორის: მერილ სტრიპი, ჯენიფერ ლოურენსი, შარლიზ ტერონი, ხოაკინ ფენიქსი, ჯეიმი ლი კურტისი და ევან მაკგრეგორი. ჯორჯ კლუნიმ გაფიცვებს უწოდა „ჩვენს ინდუსტრიაში გარდამტეხი წერტილი“ და თქვა, რომ ცვლილებაა საჭირო იმისათვის, რომ „ინდუსტრია გადარჩეს“
სხვა ცნობილი სახელები არიან ჯონ კიუზაკი და მარკ რუფალო, ხოლო ბევრი ვარსკვლავი პლაკატებით ხელში პიკეტის ხაზზე იდგა: ჯეისონ სუდეიკისი, სიუზან სარანდონი, ამერიკა ფერერა, ოლივია უაილდი, ბრენდან ფრეიზერი.
გვიან ღამის და სკეჩ-შოუებმა არსებობა გაფიცვების დაწყებისთანავე შეწყვიტეს. ჯიმი ფელონი, ჯიმი კიმელი, სტივენ კოლბერი — ყველა მათგანის შოუს განუყოფელი ნაწილია მწერალი, ამიტომ გაფიცვებმა, პირველ რიგში, მათ მოახვედრა მსახვრალი ხელი. შეწყდა SNL-ის პროდაქშენიც, ახლა NBC-ზე ყოველ შაბათს განმეორებითი ჩვენებები გადის.
გაფიცვებმა უკვე გამოიწვია ემის დაჯილდოების უვადოდ გადაწევა და შეიძლება უფრო მეტი დაჯილდოების შოუს გადადებაც გამოიწვიოს. სამივე შემოდგომის კინოფესტივალი – ვენეცია, ტელურიდი და ტორონტო, როგორც ჩანს, გადაიდება, თუ ვარსკვლავები არ მოხვდებიან დამსწრეთა შორის.
18 ივლისს SAG-AFTRA-მ მწვანე შუქი აუნთო 39 დამოუკიდებელ პროექტს, და კონკრეტულ ინდი სტუდიებს მისცა ნებართვა გააგრძელონ პროდაქშენი გაფიცვის დროს მას შემდეგ, რაც ინდი სტუდიებმა დაამტკიცეს, რომ ისინი არ იყვნენ AMPTP-თან ასოცირებულები. პროექტებს შორისაა სამი ფილმი ყველასათვის საყვარელი კომპანია A24-სგან, რომელიც დათანხმდა SAG-ის მიერ შემოთავაზებულ პირობებს. A24-მა უკვე დაიწყო პრე-პროდაქშენი ფილმისა „Mother Mary“, რომელშიც მთავარ როლს ენ ჰეთუეი შეასრულებს, ხოლო ფილმ „Death of a Unicorn“-ის გადაღებები, რომელშიც ჯენა ორტეგა და პოლ რადი თამაშობენ, უნგრეთში უკვე დაიწყო.
მოდა მარადიული და მუდმივად ცვალებადი გამოხატვის ფორმა და პიროვნების უნიკალურობისა და შემოქმედობითობის განცახებაა. ანტიკური ცივილიზაციებიდან მეოცე საუკუნის მოდის რევოლუციამდე ტანსაცმელი კულტურული იდენტობის კომუნიკაციის განუყოფელი საშუალება იყო. ტანსაცმელი ადამიანებს საშუალებას აძლევს იყვნენ თავიანთი უნიკალური ნარატივების კურატორები და გათავისუფლდნენ კონფორმულობის ბორკილებისგან.
მოდის სამყაროს ნორმებსა და კონვენციებში მოქცევისგან გათავისუფლებას დიდი ხანია ემსახურება ქვიარ საზოგადოება. სწორედ ლგბტქი თემის გავლენა ეხმარება მოდას იყოს მუდმივად „ვერტიკალური და თან ბრუნვადი“. ინოვაციურობით, კრეატიულობის ახალი ტალღით, ინკლუზიურობისა და რეპრეზენტაციის ხელშეწყობით ქვიარ მოდის „აიქონები“ არღვევენ სტატუს-კვოს და ახერხებენ მოდის ინდუსტრიის მუდმივ ტრანსფორმაციას.
გავლენიანი არტისტებიდან მოდის პიონერებამდე, ამ ქვიარ ვარსკვლავებმა შთააგონეს თაობები, გვაჩუქეს ყველაზე საკულტო მოდის მომენტები და წლების განმავლობაში გახდნენ ტრენდსტერები
მოდის ისტორიის ჩანაწერებში მხოლოდ რამდენიმე პიროვნებამ დატოვა ისეთი ღრმა გავლენა ქვიარ ესთეტიკაზე, როგორც საკულტო მარლენ დიტრიხმა. ცნობილი თავისი ანდროგენული სტილით, უშიშარი დამოკიდებულებითა და ინოვაციური პერფორმანსებით, დიტრიხი დაუპირისპირდა ტრადიციულ გენდერულ ნორმებს და ქვიარ ინდივიდების მრავალი თაობის მთავარ შთაგონებად იქცა. ჰოლივუდის ოქროს ხანიდან თანამედროვე პოდიუმებამდე, მისი გავლენა აგრძელებს ბობოქრობას და ამტკიცებს, რომ მოდა შეიძლება იყოს ძლიერი ინსტრუმენტი თვითგამოხატვისა და საზოგადოების ცვლილებისთვის.
დიტრიხის საკულტო მოდის მომენტებს შორის ყველაზე დასამახსოვრებელია მისი ლუქები მამაკაცის კოსტიუმებში, რაც მეოცე საუკუნის 20-იან წლებში, ფაქტობრივად, რევოლუციური იყო. დიტრიხის ანდროგენული ჩაცმულობა უფრო მეტი იყო, ვიდრე უბრალოდ სტილისტური გადაწყვეტილება. ეს იყო მისი სექსუალური ორიენტაციის გაბედული დეკლარაცია და საზოგადოების მოლოდინების წინააღმდეგ აჯანყება.
რუპოლ ანდრე ჩარლზმა, ან, უბრალოდ, რუპოლმა კარიერა ნიუ-იორკის კლუბის სცენაზე დაიწყო და გლობალურ ფენომენად გადაიქცა. მისმა უნარმა, გარდაიქმნას სხვადასხვა პერსონაჟებად მოხიბლა აუდიტორია მთელ მსოფლიოში და დრეგ მოდა ახალ სიმაღლეებაზე აიყვანა. რუპოლის მესიჯი საკუთარი თავის მიღებისა და ავთენტურობის შესახებ ღრმად ეხმიანება ლგბტქი საზოგადოებას. მისი შოუს მეშვეობით “RuPaul’s Drag Race”, რუპოლმა შექმნა კრეატიულობის გამოხატვის პლატფორმა დრეგ ქვინებისთვის და დრაგი მეინსტრიმ განზომილებაში გადმოიყვანა.
მისი საფირმო ლუქი, უზარმაზარი პარიკებითა და გლამურული კოსტიუმებით, კემპისა და ექსტრავაგანტულობის სულის განსახიერებაა. საზოგადოებაში მიღებული სილამაზის სტანდარტებთან დაპირისპირებითა და საკუთარი ზღაპრული ბრენდის შემუშავებით, რუპოლმა შთააგონა ქვიარ თემის მრავალი თაობა იყვნენ გაბედულები თავიანთ არჩევანში.
დევიდ ბოუი, ლეგენდარული მუსიკოსი და შემსრულებელი, საკულტო პერსონა და თრეილბლეიზერია არა მხოლოდ მუსიკის სამყაროში, არამედ მოდის სფეროშიც. მთელი თავისი კარიერის განმავლობაში ბოუის მუდმივად განვითარებადი სტილი გახდა გენდერული ფლუიდურობის მძლავრი გამოხატულება. ბოუის გავლენა ქვიარ მოდაზე 1970-იანი წლებიდან, მისი ალტერ ეგოს, ზიგი სტარდასტის დაბადებიდან იწყება.
მუსიკოსის საკულტო ლუქები შედგებოდა მაკიაჟისა და კოსტიუმების ისეთი ელემენტებისგან, რომლებიც სცილდებოდა ტრადიციულ გენდერულ ნორმებს. ბრჭყვიალა თვალის ჩრდილი, ფრჩხილების ლაქი, ფერადი ტანსაცმელი ერთდროულად ფემინური და მასკულინარული ელემენტებით ქმნიდა გარეგნობას, რომელიც წაახალისებდა ფანებს თვიტგამოხატვისკენ.
ბოუის ჰქონდა მცდელობა, მუსიკისა და მოდის გავლით შეესწავლა იმ დროს ისეთი ტაბუდადებული თემები, როგორებიც გენდერი და სექსუალური ორიენტაცია იყო. ბოუის ანდროგენულმა გარეგნობამ ხელი შეუწყო ბარიერების ჩამოშლასა და არაბინარული და გენდერქვიარი იდენტობების მიღებას. მისი გავლენა ქვიარ მოდაზე 1970-იანი წლების გლემ-როკ ერას დიდი ხანია გასცდა. მუსიკოსის ნაკვალევს ათწლეულების განმავლობაში მრავალ სუბკულტურასა და მოდის მოძრაობაში შევხვდებით. 1980-იანი წლების ახალი რომანტიკული მოძრაობიდან დაწყებული 21-ე საუკუნის გენდერქვიარ და გენდერფლუიდურ მოდამდე, ბოუის მემკვიდრეობა კვლავ შთააგონებს დიზაინერებს, არტისტებსა და მოდის ენთუზიასტებს მთელ მსოფლიოში.
პოპის დედოფლად წოდებული მადონა მრავალი წელია დომინირებს როგორც მუსიკალურ, ისე ქვიარ მოდის სამყაროში. თავისი პროვოკაციული სტილითა და მეამბოხე დამოკიდებულებით, მუსიკოსი უპირისპირდებოდა ქალურობის კონსერვატიულ ცნებებს. მადონა მთელი თავისი კარიერის განმავლობაში აპროტესტებდა ტაბუებს და მხარს უჭერდა სექსუალურ თავისუფლებას.
მისი გავლენა ქვიარ მოდაზე 1980-იან წლებში და მის შემდგომ უდაო იყო. მუსიკოსის საკულტო ჟან პოლ გოტიეს კონუსური ბიუსტჰალტერი აგზავნიდა მძლავრ გზავნილს, რომ მოდა არ უნდა შემოიფარგლოს ტრადიციული გენდერული ნორმებით. მის ვიდეოში სიმღერისთვის „Like a Prayer“ ვხვდებით რელიგიურ იკონოგრაფიას და მრავალფეროვან ქასთს, როგორც ინკლუზიურობისა და მიმღებლობის აშკარა განცხადებას. საზღვრების გადალახვით და მოდაში მრავალფეროვნების ზეიმით, მადონა გახდა ლგბტქი თემის საკულტო პერსონაჟი.
გარდა ამისა, მადონას თანამშრომლობამ ქვიარ დიზაინერებთან და არტისტებთან გააძლიერა მისი, როგორც ლგბტქი საზოგადოების ელაის სტატუსი. თავის შოუებში ლგბტქი დიზაინერების ნამუშევრების გამოყენებით, ქვიარ მოცეკვავეებთან და პერფორმერებთან კოლაბორაციით მან გამოიყენა თავისი პლატფორმა ინდუსტრიაში ქვიარ ხმების ასამაღლებლად. მადონას გზავნილებმა სექსუალური თავისუფლების, თვითგამოხატვისა და მიმღებლობის შესახებ არა მხოლოდ წარუშლელი კვალი დატოვა ქვიარ თემში, არამედ დაამკვირდა მუსიკოსი, როგორც ნამდვილი ქვიარ აიქონი.
ახალ ანიმაციაში, Elemental-ში, წარმოდგენილია Pixar-ის პირველი არაბინარული პერსონაჟი, რომელსაც ახმოვანებს არაბინარული მსახიობი ავა კაი ჰაუზერი.
ანიმაციაში, რომელიც ამერიკის კინოთეატრებში 16 ივნისს გამოვიდა, ვითარება ხდება სამყაროში, სადაც ოთხი ელემენტია გაცოცხლებული. ანიმაცია ჰგავს, Inside Out-სა და Zootopia-ს. იგი ანთროპომორფირებული პერსონაჟებით ცდილობს მოჰყვეს ისტორია, რომელიც სოციალურ საკითხებს ეხება.
მთავარი პერსონაჟები არიან ცეცხლი ემბერ ლუმენი და წაყლი უეიდ რიპლი. ჰაუზერი ახმოვანებს უეიდის უმცროს ძმას, წყლის ელემენტს, ტბას, სახელად რიპლს. რიპლი იყენებს they/them ნაცვალსახელებს და ხშირად თან ახლავს პარტნიორი, რომელსაც ხელოვნების სკოლაში შეხვდა.
,,დიდი განცხადება, მე ვთამაშობ Pixar-ის პირველ არაბინალურ პერსონაჟს! გაიცანით ტბა! მე ვახმოვანებ ტბას ახალ ფილმში Elemental! დღეს ჩემს მეგობრებთან ერთად ვნახავ კინოთეატრებში, თუ გსურთ თქვენც შეგიძლიათ ნახოთ,“ – წერს ჰაუზერი ტვიტერზე.
ბოლო წლებში შოუ-ბიზნესის ინდუსტრიაში შესამჩნევი ცვლილებები ხდება: სატელევიზიო შოუებსა და ფილმებში ქვიარ თემებისა და პერსონაჟების ღრმა კვლევა დაიწყო. რეპრეზენტაციის გაზრდა დიდი წინგადადგმული ნაბიჯია ლგბტქი თემის ხილვადობისა და მიმღებლობის საქმეში. მეინსტრიმის გაქვიარებით, ეს პროდუქცია გამოწვევების წინაშე აყენებს სოციალურ ნორმებს და ქმნის პლატფორმას ავთენტური ქვიარ თხრობისთვის.
ამ სტატიაში განვიხილავთ იმ გავლენას, რასაც ქვიარ თემების განხილვა ახდენს სატელევიზიო შოუებში და ხაზს გავუსვამთ რეპრეზენტაციის მნიშვნელობას უფრო ინკლუზიური მედია გარემოს შესაქმნელად.
მეინსტრიმ მედიაში ერთ-ერთი ყველაზე შესამჩნევი ცვლილება იყო ლგბტქი პერსონაჟების ჩართვა წამყვან როლებში. ემის მფლობელ სერიალში “Pose” ქვიარ პერსონაჟები აღარ არიან მხოლოდ მეორეხარისხოვან როლში და აღარ არიან სოციალური ნორმებისა და სტერეოტიპებს მორგებულნი. სერიალში ლგბტქი პერსონაჟები განხილულნი არიან, როგორც სრულად რეალიზებული პიროვნებები, რომელთაც უდიდესი გავლენა აქვთ მაყურებელზე, რაც, საბოლოო ჯამში, ცვლის ჰოლივუდის ძველებურ მიდგომას რეპრეზენტაციისადმი.
ქვიარ თემატიკის მქონე სატელევიზიო შოუები ხშირად გამოიყენება მნიშვნელოვანი სოციალური საკითხების შესახებ დებატების დაწყებასა და მოგვარებისთვის. ქვიარ სერიალებში წამოჭრილი საკითხები შეიძლება იყოს: ჰომოფობია, ტრანსფობია, რასისა და ქვიარობის კვეთა. ამ სახის პროდაქშენები მძლავრი პლატფორმაა საუბრების წამოწყებისა და ემპათიის გასაღვიძებლად. რაიან მერფის სერიალი „Glee“ უპირისპირდება მნიშვნელოვან თემებს და ხელს უწყობს სოციალურ პროგრესს. სერიალის პოპულარულობა კი იძლევა საშუალებას გვქონდეს საინტერესო და მრავლის მომცემი დიალოგები ამ თემების შესახებ.
სატელევიზიო შოუებმა ქვიარ ურთიერთობების სიღრმისეული და ნიუანსური შესწავლა დაიწყეს. ისეთი ქვიარ ურთიერთობების დრო, რომლებიც მხოლოდ შოკისმომგვრელი ღირებულებისა და კომიკური სიტუაციის შესქმნელად გამოიყენებოდა, დიდი ხანია გავიდა. 2013 წლის ნეტფლიქსის დრამა „Orange Is the New Black“ ლგბტქი ურთიერთობებს ისეთივე სიღრმისეულად და ავთენტურად ასახავს, როგორც ჰეტეროსექსუალურ ურთიერთობებს.
სერიალის ერთ-ერთი ყველაზე შთამბეჭდავი მიღწევა იყო ლავერნ კოქსის კარიერის დაწყება სოფია ბურსეტის როლში. 2014 წელს კოქსი გახდა პირველი ღიად ტრანსგენდერი ქალი, რომელმაც მიიღო ნომინაცია სატელევიზიო აკადემიისგან. 2022 წლისთვის მისი კარიერა ცამდე გაიზარდა. ის პირველი ტრანსგენდერი ქალიც გახდა, რომელმაც საკუთარი ბარბის თოჯინა შექმნა.
ქვიარ თემების რეპრეზენტაციამ მეინსტრიმ სატელევიზიო შოუებში აჩვენა, რომ მას მაყურებელზე დიდი გავლენა აქვს. ქვიარ გამოცდილების ნორმალიზებითა და მრავალფეროვანი ლგბტქი პერსონაჟების წარმოჩენით ეს სერიალები ცვლის საზოგადოების მიერ ქვიარ თემის აღქმასა და ხელს უწყობს სტერეოტიპების დამსხვრევას.
სერიალ „Sex Education“ – ში წარმოდგენილმა პოზიტიურმა რეპრეზენტაციამ ხელი შეუწყო მიმღებლობის გაზრდას ახალგაზრდებში და ქვიარ ახალგაზრდებისთვის მისაბაძი მაგალითების აღმოჩენას.
ეს შოუ სავსეა ტინეიჯერობის ასაკში საკუთარი სექსუალური ორიენტაციის აღმოჩენის გზაზე გამოცდილი დამაბნეველი და გულთბილი მომენტებით და ამასთან, ახერხებს, განიხილოს კომპლექსური საუბრები იმის შესახებ, თუ რას ნიშნავს იყო ახლაგზარდა და შეყვარებული. სერიალში გვხვდება ლგბტქი თემის წარმომადგენელი მრავალი ადამიანი და ქვიარ სთორილაინები, რომლებიც არ არის დაფუძნებული კლიშეებზე.
რამდენადაც ქვიარ თემატიკა აგრძელებს პოპულარულ სატელევიზიო შოუებში ადგილის დამკვიდრებას, შოუ-ბიზნესის ინდუსტრია ტრანსფორმაციულ ცვლილებას განიცდის. მეინსტრიმის გაქვიარებით ეს პროდუქცია არღვევს ბარიერებს, კითხვის ნიშნის ქვეშ აყენებს სოციალურ ნორმებსა და სტერეოტიპებს და ზრდის მიმღებლობას. ავთენტური ქვიარ თხრობისა და რეპრეზენტაციის ჩართვა გრძელვადიან გავლენას ახდენს აუდიტორიაზე, ქმნის უფრო ინკლუზიურ და მიმღებ საზოგადოებას. მნიშვნელოვანია, რომ ეს იმპულსი გაგრძელდეს, რაც მომავალში კიდევ უფრო დიდი მრავალფეროვნებისა და რეპრეზენტაციის საშუალებას იძლევა.
ანიმაციურ სერიალებს აქვთ უნიკალური უნარი გაარღვიონ საზღვრები და დაიპყრონ აუდიტორია. ბოლო წლების განმავლობაში, ქვიარ საზოგადოებამ ანიმაციაში აღიარება მოიპოვა. ახალ ანიმაციებში არა მარტო სტერეოტიპებს ამსხვრევენ, არამედ ხელს უწყობენ ინკლუზიურობას და ხილვადობას. სტატიაში მოგიყვებით ქვიარ თემის წარმოჩენის მნიშვნელობაზე ანიმაციურ სერიალებში, მის პოზიტიურ გავლენაზე მაყურებლისთვის და ინკლუზიური თხრობის შესანიშნავ მაგალითებზე.
ტრადიციულად, ანიმაციური სერიალები მიჰყვებოდა სტერეოტიპებს, გენდერსა და სექსუალობას შეზღუდულად ასახავდა. თუმცა, რამდენიმე ინოვაციურმა შოუმ დაარღვია ეს ყველაფერი. “სტივენ სამყაროში” მრავალფეროვანი ქვიარ პერსონაჟები გვხვდებიან, როგორებიცაა რუბი და საფირი, ქვიარ წყვილი. გარდა ამისა, გვხვდება არაბინალური პერსონაჟი სტივონი. ეს ანიმაციური სერიალი ანგრევს ორობითი გენდერული როლების ცნებას და ხაზს უსვამს მრავალფეროვანი იდენტობის სილამაზეს.
ქვიარ თემის წარმოჩენას ანიმაციებში განსაკუთრებით დიდი მნიშვნელობა აქვს ახალგაზრდა მაყურებლისთვის, რომლებიც ეჭვქვეშ აყენებენ მათ ვინაობას. “შე-რა და ძალაუფლების პრინცესები” გვთავაზობს მრავალფეროვან პერსონაჟებს, მათ შორის ადირასა და კატრას, რომლებსაც სერიალის განმავლობაში ღრმა და რთული ურთიერთობა უყალიბდებათ. მათი ისტორიის ნახვით, ახალგაზრდა მაყურებლებს შეუძლიათ იგრძნონ მხარდაჭერა და დაინახონ, რომ ისინი მიღებულნი არიან.
ანიმაციებს აქვთ პოტენციალი, გამოიკვლიონ ქვიარ გამოცდილების ინტერსექციურობა. „კორას ლეგენდა“, „ავატარი: უკანასკნელი მფრინავის“ გაგრძელებაა, რომელშიც გვხვდება ბისექსუალი პერსონაჟი კორა. სერიალი გვთავაზობს კორას ავატარად მოგზაურობას და მის რომანტიკულ ურთიერთობებს. ინტერსექციურობის გათვალისწინებით, ეს შოუები აღნიშნავენ მრავალფეროვან კულტურას, წარმომავლობასა და ცოცხალ გამოცდილებას ლგბტქი საზოგადოებაში.
ანიმაციურ შოუებსა და ფილმებს აქვთ საზოგადოებრივი აზრის ჩამოყალიბებისა და პოზიტიური ცვლილებების ძალა. „თავგადასავლების დრომ“ მაყურებელს გააცნო პრინცესა ბაბლგამის პერსონაჟი, რომელიც ღიად ქვიარია, რაც ანგრევს სტერეოტიპს, რომ ქვიარად ყოფნა ტაბუდადებული თემაა. ქვიარ წარმომადგენლობის ჩართვისა და მიმღებლობის ხელშეწყობით, ანიმაციები გზას უხსნის საუბრებს განათლებისკენ და მავნე სტერეოტიპების განადგურებისკენ.
მიუხედავად იმისა, რომ მნიშვნელოვანი ნაბიჯები უკვე გადადგმულია ანიმაციურ სერიალებში ქვიარ თემის წარმოსაჩენად, ეს ჯერ კიდევ დასაწყისია. უფრო და უფრო დიდ წინსვლას ვხედავთ. „ბუების სახლი“ გამოირჩევა მრავალფეროვანი შემადგენლობით, მათ შორის მთავარი გმირია ბისექსუალი ლათინო, სახელად ლუზი. ავთენტური ისტორიების შექმნით და ლგბტქი შემქმნელებთან თანამშრომლობით, ანიმაციის ინდუსტრიას შეუძლია გააგრძელოს ინკლუზიური ნარატივების შექმნა, რომელიც რეზონანსდება ქვიარ აუდიტორიასთან და ხელს უწყობს უფრო მიმღებ საზოგადოებას.
ქვიარ თემის წარმოჩენა ანიმაციურ სერიალებში არის ძლიერი ინსტრუმენტი სტერეოტიპების დასანგრევად, ინკლუზიურობის გასაძლიერებლად და გაგების ხელშესაწყობად. მრავალფეროვანი და ავთენტური სიუჟეტის საშუალებით, ზემოთ ნახსენებმა შოუებმა, შეძლეს და დაუპირისპირდნენ სტატუს კვოს. ანიმაციის ინდუსტრიას შეუძლია გააგრძელოს მომავალი თაობებისთვის უფრო ინკლუზიური და გამდიდრებული ანიმაციების შექმნა.
მისი მემუარის, Pageboy-ის, გამოსვლის შემდეგ ელიოტ პეიჯი აპირებს წლების შემდეგ პირველად დაბრუნდეს დიდ ეკრანზე.
Deadline-მა ორშაბათს განაცხადა, რომ პეიჯი ითამაშებს მთავარ როლს ფილმში „Close To You“. ფილმის მწერლი და რეჟისორია, დომინიკ სავაჟი, რომელიც ცნობილია BAFTA-ს მფლობელი სატელევიზიო ფილმებით: Nice Girl და When I Was 12.
ახალი ფილმის შესახებ ამ დროისთვის ცოტა ინფორმაციაა ცნობილი. თუმცა ვიცით, რომ ელიოტი თამაშობს პერსონაჟს სახელად სემი, რომელიც შემთხვევით ძველ მეგობარს (ჰილარი ბააკს) შეხვდება. ფილმში სემი ოჯახურ შეკრებაზე მიდის, რომელიც აიძულებს დაუპირისპირდეს დიდი ხნის დამარხულ მოგონებებს.
Umbrella Academy-ს ვარსკვლავმა Deadline-ს უთხრა, რომ „ამაყობს იმით, რომ ამ მშვენიერ ფილმზე დომინიკთან და ჰილარისთან ერთად მუშაობდა“.
„სასიამოვნო იყო მათთან, წარმოუდგენლად ნიჭიერ მსახიობებთან და ჯგუფთან თანამშრომლობა. მოუთმენლად ველი, რომ მალე გავაზიარებ ფილმს აუდიტორიასთან“ – თქვა ელიოტ პეიჯმა.
დომინიკ სავაჟმა თქვა, რომ „აღსანიშნავი გამოცდილება იყო ელიოტ პეიჯთან თანამშრომლობა ამ განსაკუთრებულ და უნიკალურ ფილმზე, რომელიც ეხება სიყვარულს, იდენტობასა და ოჯახს“.
„ძალიან ვამაყობ იმით, რასაც ფილმით მივაღწიეთ. ჩემთვის პატივი იყო ელიოტთან მუშაობა ამ ძალიან მტკივნეული, პირადი და მნიშვნელოვანი ისტორიის გასაცოცხლებლად და ეკრანზე გადმოსაცემად“ – თქვა დომენიკმა.
პეიჯი 2019 წლიდან თამაშობს ვიქტორ ჰარგრივზის როლს Netflix-ის Umbrella Academy-ში. გარდა ამისა, რეჟისორი იყო და გამოჩნდა დოკუმენტურ ფილმში There’s Something in the Water. თუმცა, ის არ გამოჩენილა მხატვრულ ფილმში 2017 წლის Flatliners-ის შემდეგ.
ეს შეიძლება მიეწეროს პეიჯის ნეგატიურ გამოცდილებას ჰოლივუდში, როგორც მან ვრცლად აღწერა პეიჯბოიში. ტანსაცმლის ჩაცმისა და სექსუალობის დამალვის ზეწოლიდან დაწყებული ცნობილ მსახიობებთან დაძაბულ ჰომოფობიურ დაპირისპირებამდე, მსახიობის მემუარებმა გამოავლინა ინდუსტრიის მწარე პორტრეტი, რომელიც ხშირად ავიწროვებს ლგბტქი საზოგადოებას. ყოველივე ამის ფონზე, ჩვენ ვიმედოვნებთ – პეიჯის დაბრუნება კინოში ნიშნავს, რომ ის ახლა თავს უფრო ძლიერად გრძნობს, როგორც მსახიობი და ჩვენ ერთი სულ გვაქვს ვიხილოთ ის დიდ ეკრანზე.
5 ივნისს Kantora Bar-ში გაიმართა ფილმის ჩვენება. ორგანიზატორი ქართველი დრეგ ქუინი Mariko Kardashian იყო.
“პარიზი იწვის” ინოვაციური დოკუმენტური ფილმია, რომელიც გამოვიდა 1990-იანი წლების დასაწყისში. ფილმის რეჟისორია ჯენი ლივინგსტონი. ის იკვლევს ნიუ-იორკის მიწისქვეშა დრეგ კულტურას, რომელიც ძირითადად ორიენტირებულია აფროამერიკელ და ლათინო ქვიარ და ტრანსგენდერ ადამიანებზე.
ფილმს უზარმაზარი მნიშვნელობა აქვს ქვიარ საზოგადოებისთვის, რადგან ის იკვლევს იდენტობის, თვითგამოხატვის, მდგრადობისა და მიმღებლობის სწრაფვას საზოგადოებაში, რომელიც ხშირად მარგინალიზებს და თრგუნავს ინდივიდებს, რომლებიც არ ჯდებიან სოციალურ ნორმებში.
კანტორა ბარის მფლობელი ქვიართან ამბობს, რომ ეს მხოლოდ დასაწყისია და მომავალში კიდევ იგეგმება მსგავსი აქტივობები.
ვიდეოზე მუშაობდნენ ნინი ვანიშვილი და მაშიკო გიორგობიანი.
ახალ ინტერვიუში, რომელიც ბლოკბასტერული ფილმს Barbie-ის პოპულარიზაციას უწევს, ჰარი ნეფმა მის პერსონაჟზე ისაუბრა. ჰარი ნეფი ფილმში ბარბის ერთ-ერთ ვერსიას ასრულებს. მისი ბარბი პროფესიით ექიმია. ნეფი საუბრობს მისი პერსონაჟის გეი ბექგრაუნდზე, რომელიც თავად შექმნა.
როგორც Vogue-თან ინტერვიუში თქვა ნეფს სჯერა, მისი ბარბი პატარა გოგონას ნაცვლად თოჯინების კოლექციონერ, დაახლოებით 50 წლის, გეი კაცს ეკუთვნის, რომელიც ქირით ცხოვრობს ვესტ ვილიჯში.
ნეფის პერსონაჟის გეი ისტორიაზე გავლენა იქონია ბარბის მაღალმა მოდურმა კოსტიუმებმა.
„ვიფიქრე, რომ ეს არ იყო ბავშვის თოჯინა. მგონია, რომ ბარბის პატრონს, რომელიც ცოტათი მარტოსულია, ყოველ კვირას ორი ან სამი მეგობარი მოჰყავს და ჩემს ახალ კოსტიუმებს აჩვენებს, მე კი ყუთში ვრჩები“ – ამბობს ჰარი ნეფი.
მიუხედავად იმისა, რომ სიუჟეტის ზუსტი დეტალები ჯერ არ არის ცნობილი, ტრეილერებიდან და პლაკატებიდან ვიცით, რომ ფილმის მრავალი ვარსკვლავი, მათ შორის მარგო რობი, ჰარი ნეფი, ისა რაე და დუა ლიპა, ყველა, თამაშობს ლეგენდარული ბარბის სხვადასხვა ვერსიას.
აპრილში ნეფმა თქვა, რომ მარგო რობიმ და რეჟისორმა გრეტა გერვიგმა ფილმის გადაღების განრიგი შეცვალეს, რათა ნეფს შესძლებოდა ფილმში მონაწილეობის მიღება.
„იდენტობის პოლიტიკა და კინო არ არის ჩემი საყვარელი კომბინაცია, მაგრამ სახელი BARBIE ყველა ამერიკელ ქალს ახასიათებს. ბარბი სტანდარტია, ის არის გოგონა, ის ნამდვილად თოჯინაა” – წერს ჰარი ნეფი ტვიტერზე.
ნეფმა ასევე ისაუბრა იმაზე თუ როგორ ეძახიან ის და მისი ტრანსგენდერი მეგობრები ერთმანეთს „თოჯინებს“ (dolls).
„ჩვენ საკუთარ თავს თოჯინებს ვუწოდებთ იმ ყველაფრის წინაშე რაც ვიცით, რომ ვართ, რაც არასოდეს ვიქნებით და რისი იმედიც გვაქვს, რომ ვიქნებით. ჩვენ ამ სიტყვას ვიყენებთ იმიტომ, რომ მას აქვს მნიშვნელობა. და არც ერთი თოჯინა არ არის ისეთი მნიშვნელოვანი, როგორიც ბარბია“ – ამბობს ნეფი.
