BBC-ზე RuPaul’s Drag Race UK vs The World-ის პრემიერა დღეს შედგა. ახალი საერთაშორისო დრეგ შეჯიბრი შოუს სხვადასხვა ქვეყნის მონაწილეებს გააერთიანებს, რომელთაც შოუს განმავლობაში სხვადასხვა ნიჭის გამოვლენა, დასამახსოვრებელი სამოსის სცენაზე წარდგენა და ლიფ
Tbilisi Pride-ისა და საინიციატივო ჯგუფის ორგანიზებით 30 ოქტომბერს მორიგი დრეგ მეჯლისი გაიმართება. დრეგ მეჯლისის თემა ჯადოსნური ჰელოუინის დღესასწაული იქნება და მასში მონაწილეობას დრეგ ქვინები Mariko Kardashian, IAMNIKITA, Rafaela Toxikana, Vanila Ice, Slutina Oblati, Femboy XXL და Lile მიიღებენ. საღამოს მასპინძელი
თბილისი პრაიდისა და საინიციატივო ჯგუფის პროექტის The Drag Ball ფარგლებში, 30 დეკემბერს მორიგი დრეგ მეჯლისი გაიმართება, რომელზეც განსაკუთრებულ სტუმრად ქართული ჯაზის ლეგენდა, გიული ჩოხელი
თბილისი პრაიდისა და საინციატივო ჯგუფის პროექტის, The Drag Ball ფარგლებში, 23 თებერვალს მორიგი დრეგ მეჯლისი გაიმართება, რომელზეც განსაკუთრებულ სტუმრად ქართველი პოპ ვარსკვლავი, ლელა წურწუმია
Otaaraant Queer – თავისუფლება და კემპი
დრეგი ჩემთვის ყოველთვის იყო თავისუფლების მთავარი წყარო, გამოხატვის ყველაზე ეფექტური გზა. ყოველთვის, როცა დრეგ ქვინების პერფომანსებს ვუყურებდი, ვფიქრობდი, რა მაგარია, როცა ასეთი თავისუფალი ხარ, რაც გინდა, იმას აკეთებ, არაფერი გბოჭავს, ჩემი მთავარი მიზანიც ეგ იყო, რომ თავისუფლება მეგრძნო. რამდენიმე არტისტული სფერო ვცადე, მაგრამ ყველაზე კარგად და ყველაზე კომფორტულად მაინც დრეგში ვიგრძენი თავი.
იმ თავისუფლებას, რომელსაც სცენაზე გრძნობ, ადრენალინს, სცენაზე რომ ახვალ და ყველა თვალი შენკენ იქნება მომართული, პროცესს, როცა ლაინერს წაისვამ და წარბს აიწევ, ვერაფერთან შეადარებ და ეს ყველაფერი, მართალია, დიდი რისკის ფასად ხდება, მაგრამ მაინც მზად ხარ ამ რისკებზე წასასვლელად. ყოველდღიურ ცხოვრებაში, როცა დიდ ყურადღებას გითმობენ, გეშინია, რადგან ქვიარ ადამიანი ხარ, სულ გახსოვს ეს და საფრთხეს ელოდები, მაგრამ სცენაზე ყურადღება, პირიქით, გსიამოვნებს. ეს შეგრძნებები აქამდე არ გამომიცდია და ვერაფერს ვერ შევადარებ.
Otaaraant Queer -ის დაბადება და მთავარი ინსპირაციები
სულ მინდოდა სცენაზე ვყოფილიყავი და ვერ ვბედავდი, ეს ჩემმა მეგობრებმაც იცოდნენ, ერთ-ერთ დრეგ ბოლზე, სადაც მეგობრებთან ერთად ვიყავი და სადაც იყო მათე ხიდეშელიც, ბექსთეიჯში მინდოდა მივსულიყავი მათესთან და მეთხოვა, რომ თავის დრეგ ჰაუსში ავეყვანე. მივედი, დავაპირე თქმა, მაგრამ უკან მოვბრუნდი, რადგან დრეგის გარეშე ძალიან მორცხვი და ინტროვერტი ვარ და ეს რომ მეგობრებმა დაინახეს, ხელი მკრეს და ლამის მაიძულეს, დავლაპარაკებოდი. ეგ იყო მომენტი, როცა ყველაფერი დაიწყო, თუმცა მანამდე ბევრი მქონდა ნაფიქრი ჩემს დრეგ პერსონაზე, რა იქნებოდა ჩემი მთავარი მესიჯი, როგორი ვიქნებოდი სცენაზე, რას გავაკეთებდი, რით იქნებოდა გამორჩეული ჩემი შოუები. სულ ვგრძნობდი, რომ ჩემი დრეგი იქნებოდა კემპი, ჩემი პერფორმანსები კი მაღალი ენერგიულობით, ეიფორიული განცდებით იქნებოდა გამორჩეული. მესიჯიც ეგ იყო, just have fun. რაც არ უნდა იყოს, როგორი მესიჯებითაც არ უნდა დატვირთო დრეგი, ის უკვე თავისთავად არის პოლიტიკური, მით უმეტეს, ჩვენს რეალობაში ეს სუბტექსტი ყოველთვის არსებობს, ამიტომ მინდოდა, რომ უბრალოდ მაყურებელს დავიწყებოდა ყველაფერი ის, რაც გარეთ ხდებოდა − უთანასწორობა, ჩაგვრა და ის რამდენიმე საათი, რასაც დრეგ პერფორმანსებზე გაატარებდა, ყოფილიყო ერთგვარი ერთგვარი უსაფრთხო სივრცე, სადაც დაცული იქნებოდი გარე აგრესიისგან.
ჩემი პირველი ინსპირაცია Divine-ის შემოქმედება იყო. პატარა ვიყავი, როცა Female Trouble-ს და Pink Flamingo-ს ვუყურე და მართალია, არ ვიცოდი, ვინ იყო, რას წარმოადგენდა, რას აკეთებდა, მაგრამ ეკრანზე დავინახე თუ არა, მივხვდი, რომ მინდოდა ის მეკეთებინა, რასაც Divine აკეთებდა. ასევე ძალიან მომწონს Sasha Colby-ის დრეგი, ძალიან მომაჯადოებელია მისი შოუები, ბავშვობიდან ვუყურებ მათე ხიდეშელის შოუებს და ძალიან დიდი ინსპირაციაა ჩემთვის მისი გამბედაობა, სულ მაძლევს ძალას, რომ იმაზე უკეთესი შოუ დავდგა, ვიდრე აქამდე მქონდა, საოცარი პერფორმერია და ეგ იყო მიზეზი, რატომაც მინდოდა ჩემი drag mother ყოფილიყო და მის house-ში მოვხვედრილიყავი. დრეგის კეთების დროს სულ მეხმარებიან ჩემი მეგობარი ქვინები, Galina Blanca და სასიკვდილო ნაპასი, ასევე ტრანსია ადამიანი, რომლებიც ძალიან დიდ მოტივაციას მაძლევენ, ეს მხარდაჭერა ჩემთვის ძალიან მნიშვნელოვანი და ინსპირაციულია, სულ ვცდილობ, გავაუმჯობესო საკუთარი თავი და ჩემით უფრო ამაყები იყვნენ.
დრეგ კულტურის მომავალი საქართველოში და მისი პოზიტიური გავლენა
თუ ის ყველაფერი, რასაც მმართველი პარტია აანონსებს, რეალურია, არჩევნებში გაიმარჯვეს და კანონი გაიტანეს, სამწუხაროდ, დრეგ კულტურის განვითარება საქართველოში წარმოუდგენელი მგონია, მაგრამ თუ ასე არ მოხდა, ძალიან პოზიტიური მოლოდინები მაქვს. წელიწადზე მეტია, რაც ამ სფეროში ვარ ჩართული და უამრავი კრეატიული ადამიანი მხვდება, რომლებიც დიდ შრომის და დაუღალავი ენთუზიაზმის შედეგად ქმნიან ახალ ხელოვნებას. ეს აუცილებლად გამოიღებს დადებით შედეგებს.
დადებითი შედეგები დიდია, მარტივი მაგალითი რომ ავიღოთ, როცა დრეგის კეთება დავიწყე და ქუსლიანი ფეხსაცმლის საყიდლად გავდიოდი დრეგ მაკიაჟის და პარიკის გარეშე, როცა უფრო მამაკაცურად გამოვიყურებოდი, მქონდა შემთხვევები, როცა გამყიდველები მეუბნებოდნენ − რად გინდა შვილო ეს, რისთვის გჭირდებაო. ბევრჯერ შემშინებია, რა ვქნა ახლა, რა ვუთხრა, რა მოვატყუო, მაგრამ დროსთან ერთად სხვადასხვა ადგილას ასეთი გასვლების შემდეგ მხვდებოდა უფრო და უფრო მეტი მიმღებლობა. ერთი მაღაზიაა, სადაც პირველად მივედი რაღაცების საყიდლად და თავიდან ძალიან ცუდად მიყურებდნენ, რაც ძალიან მანერვიულებდა, მაგრამ რამდენიმე თვეში ეს დამოკიდებულება შეიცვალა და დღეს ჩვეულებრივად მივდივარ, ვირგებ ქალის ფეხსაცმელებს და არავის აქვს აგრესიული დამოკიდებულება, პირიქით, მეგობრულად მხვდებიან, მეუბნებიან, აბა, ეს ნახე, ეს მოიზომე. ამ ცვლილებებს ყოველდღიურად ვგრძნობ, შეიძლება მეც გამომიმუშავდა იმუნიტეტი, მაგრამ ფაქტია, რომ ადამიანები ჩემ გარშემო უფრო მეტ მიმღებლები გახდნენ.
კიდევ ერთი კარგი მაგალითია ტაქსის მძღოლები. თავიდან წარმოუდგენლად მეჩვენებოდა დრეგით ჩავმჯდარიყავი ტაქსიში, თუმცა დღეს უფრო თამამი ვარ და აღარ მეშინია და მგონია ეს პატარ-პატარა ნაბიჯები ცვლის საბოლოოდ მტრულად განწყობილ საზოგადოებას, ამიტომაც ყველამ ჩვენი წვლილი უნდა შევიტანოთ, ჩვენი ნაბიჯი უნდა გადავდგათ. ცვლილებებს ჩვენს ცხოვრებაში სხვები არ მოიტანენ, თითოეული ადამიანის პასუხისმგებლობაა ჯანსაღი გარემოს შექმნა და ადამიანების ცნობიერების ამაღლება ასეთი სენსიტიური საკითხების მიმართ. რაც უფრო მეტად იზრდება ხილვადობა, მიმღებლობაც იმატებს.
ოჯახი და მიმღებლობა
წლების წინ დრეგი რომ მეხსენებინა ჩემს ოჯახში, რეაქციაც არ ექნებოდათ, ვერც გაიგებდნენ, რაზე ვლაპარაკობდი, მაგრამ დღეს ჩემი ოჯახის წევრს არაერთ აქვს მიმღებლობა ამის მიმართ, ყოფილან კიდეც ჩემს შოუებზე. პირველად როცა გადავწყვიტე, ჩემი ძმისთვის მეთქვა, რომ დრეგს ვაკეთებდი, ძალიან მეშინოდა, არ ვიცოდი, რა შედეგი მოჰყვებოდა, მეგონა ამიკრძალავდა, მეტყოდა, როგორ გაბედეო. თუმცა, რომ ვუთხარი, არანაირი რეაქცია არ ჰქონია. როცა შოუზე მაყურებლებს შორის დავინახე, ეს ძალიან ამაღელვებელი იყო − ოჯახის წევრის მხარდაჭერა სხვანაირად მოქმედებს, სხვანაირ ძალას გრძნობ, როცა ოჯახის წევრი გიდგას გვერდით და მხარს გიჭერს იმაში, რაც გიყვარს. ვერ ვხვდები, ამაზე დიდი ბედნიერება რა შეიძლება იყოს ქვიარ ადამიანისთვის.
რაც შეეხება დედაჩემს, მას უფრო გვიან ვუთხარი, All Star-ის მეორე დღე იყო, ქალაქგარეთ გავედით და დედაჩემმა მკითხა, ვიყავი თუ არა Drag Ball-ზე. ვუპასუხე, რომ ვიყავი; მონაწილეობდი თუ უბრალოდ უყურებდიო, მეგონა, თუ ვეტყოდი, რომ გავიმარჯვე და საუკეთესო Queen გავხდი, დადებითად იმოქმედებდა მასზე და ასეც მოხდა. დღეს უკვე მეკითხება, მაკიაჟი როგორ გავიკეთო, ამაზე რას მირჩევო და საოცარ მიმღებლობას ავლენს. ძალიან ამაღელვებელია ეს ყველაფერი, ბევრი წელი ვცხოვრობდი შიშში, როცა არ იცი, რა მოჰყვება ქამინგაუთს და უცებ გაიგებენ, რომ დრეგ ქვინი ხარ. სახლში თითქმის ყოველდღე რეპეტიციები მაქვს, ვინახავ პარიკებს, შოუს რეკვიზიტებს და ამ ყველაფერში მხარს მიჭერენ.
კიმ ჩი რუპოლის შოუს ერთ-ერთი წარმატებული და პოპულარული დრეგ ქუინია, რომელსაც შოუს მიღმა აქვს კულინარიული ვლოგი და საკუთარი კოსმეტიკის ხაზი. ის წარმოშობით კორეელია და როგორც ამბობს, კორეული კულტურის ინტეგრირება ქვიარ ღამის ცხოვრებაში მისთვის მნიშვნელოვანია. კიმ ჩი ხშირად ასრულებს კორეულ სიმღერებს სხვადასხვა კლუბში, რუპოლის შოუს მერვე სეზონის ფინალში კი მან თავისი საკულტო სიმღერა “Fat Fem and Asian” შეასრულა.
კიმ ჩიმ დრეგ შოუში მონაწილეობა პირველად 25 წლის ასაკში მიიღო. მონაწილეობაზე ის საუკეთესო მეგობარმა დაიყოლია. შოუზე კიმი მინი მაუსით შთაგონებული კოსტიუმით და სხვა სახელით წარდგა. დრეგ კულტურაში აქტიური შესვლა კი მისთვის სურეალური გამოცდილება იყო, სავსე ახალი ემოციებითა და შთაბეჭდილებებით.
კიმი ხშირად საუბრობს აზიელი ქვიარების დისკრიმინაციაზე ლგბტქი სივცეებში, იქნება ეს სხვადასხვა კლუბები თუ გეი აპლიკაციები. ხშირად მათი წარმოშობის გამო აზიელ ქვიარებს არ აქვთ მიკუთვნებულობის განცდა, რაც ზრდის დისტრესსა და შფოთვას.
ამჟამად დრეგ ქუინი აპირებს განავითაროს თავისი კოსმეტიკური ხაზი და იყოს ინკლუზიური. პარალელურად, მისი კულინარიული ვლოგი ტიკტოკზე მეტად პოპულარული ხდება.
@kimchieats
ემის პრემიით დაჯილდოვებული, ცნობილი დრეგ შოუ “RuPaul’s Drag Race” მე-16 სეზონით ბრუნდება 5 იანვრიდან.
სეზონში მონაწილე 14 დრეგ ქვინიდან მხოლოდ ერთი გამარჯვებული მიიღებს ფულად პრიზს 200 000 დოლარის ოდენობით და ამერიკის დრეგ – სუპერსტარის ტიტულს.
ახალი სეზონის თვითოეული ეპიზოდის ხანგრძლივობა 90 წუთს შეადგენს.
ასე რომ დაუვიწყარი წუთები გველის!
ბევრისთვის ცნობილმა და საყვარელმა დრეგ ქუინმა, ადორ დელონოსმა ქამინგ აუთი გააკეთა, როგორც ტრანსგენდერმა ქალმა და განაცხადა, რომ ტრანზიციის ეტაპზეა.
ადორმა ინსტაგრამზე ვიდეო ატვირთა, სადაც იგი ინტერნეტში გავრცელებულ ჭორებს პასუხობდა. ბოლო დროს სოციალურ ქსელებში ხშირად იყო კითხვები ადორის სხეულსა და სქესთან დაკავშირებით. მან დაადასტურა, რომ ტრანზიციის პერიოდი აქვს და თქვა, რომ თავდაპირველად ამ საკითხების გასაჯაროვება არ სურდა.
„აღმოვაჩინე, რომ ეს პროცესი იყო ძალიან შემეცნებითი და ბედნიერების განცდის მომტანი“, – ამბობს ადორი.
დელანომ განმარტა, რომ ორი წლის წინ, პირველად აღიარა თავისი იდენტობა, რომელიც ბავშვობიდან ჰქონდა.
„ეს არის განცდა დისფორიიდან ეიფორიამდე“, – თქვა მან.
ადორს 12 წლის ასაკში ჰქონდა ქამინგ აუთი, როგორც ბისექსუალს, შემდეგ კი გეის. საშუალო სკოლის პერიოდში ადორი, როგორც გოგონა ისე ცხოვრობდა. მიუხედავად იმისა, რომ მაშინ არც კი იცოდა სიტყვა ტრანსგენდერი, დედას უთხრა: „მე ბიჭი არ ვარ, მე გოგო ვარ. მინდა ვიცხოვრო, როგორც გოგომ“.
საბედნიეროდ, დედამ მხარი დაუჭირა და მაკიაჟის და საკუთარი სურვილისამებრ სამოსის ჩაცმის უფლება მისცა, რაზეც ადორი დედას მადლობას უხდის. თუმცა ყველაფერი შეიცვალა, როცა 2008 წელს, 16 წლის ასაკში, American Idol-ში გადაიღეს.
„ჩემი “მე” გადავაგდე, დავწვი. შევეცადე საკუთარი თავის ხელახლა გამოგონება. რაღაც არასასიამოვნო იყო, ეს თითქმის მსხვერპლს ჰგავდა იმისთვის, რომ მიმეღო ის, რაც კარიერაში მინდოდა“, – იხსენებს ადორი.
ახლა დელანო მზად არის მიიღოს მისი გენდერული იდენტობა. „საკუთარ თავზე ვზრუნავ და თავს მშვენივრად ვგრძნობ“,- ამბობს ის.
დელანომ ასევე თქვა, რომ ნოემბერში გაიკეთა სქესის დადასტურების ოპერაცია, ნაბიჯი, რომელიც მან აღწერა, როგორც „წიგნის ეიფორიულ თავში გადასვლა“.
„ჩვენ მხოლოდ ერთი სხეული გვაქვს, იმისდა მიუხედავად, თუ რისი გვჯერა. მაგრამ ამ დედამიწაზე მე ვაპირებ ცხოვრებისგან მაქსიმუმი მივიღო.“, – თქვა ადორმა.
ადორს სოციალურ ქსელებში სიყვარულით გამოეხმაურნენ.
კიდევ ერთი Drag Race სუპერსტარი კორტნი აქტი წერს: „მე შენთან ერთად ვარ ნებისმიერ მოგზაურობაში. მიყვარხარ სამუდამოდ. My ride or die“!
კიდევ ერთი ტრანსგენდერი ქალი პეპერმენტი წერს: „მე ძალიან ვამაყობ შენით. კეთილი იყოს შენი მობრძანება სახლში“.
კორნბრედმა ასევე გამოხატა თავისი ბედნიერება და მსუბუქი რჩევა მისცა: „გააფრთხილეთ მეგობრები, რომ განწყობის ცვალებადობა ნორმალურია. ყველას აქვს უფლება სხვადასხვა ემოციები განიცადოს.”
მოდა მარადიული და მუდმივად ცვალებადი გამოხატვის ფორმა და პიროვნების უნიკალურობისა და შემოქმედობითობის განცახებაა. ანტიკური ცივილიზაციებიდან მეოცე საუკუნის მოდის რევოლუციამდე ტანსაცმელი კულტურული იდენტობის კომუნიკაციის განუყოფელი საშუალება იყო. ტანსაცმელი ადამიანებს საშუალებას აძლევს იყვნენ თავიანთი უნიკალური ნარატივების კურატორები და გათავისუფლდნენ კონფორმულობის ბორკილებისგან.
მოდის სამყაროს ნორმებსა და კონვენციებში მოქცევისგან გათავისუფლებას დიდი ხანია ემსახურება ქვიარ საზოგადოება. სწორედ ლგბტქი თემის გავლენა ეხმარება მოდას იყოს მუდმივად „ვერტიკალური და თან ბრუნვადი“. ინოვაციურობით, კრეატიულობის ახალი ტალღით, ინკლუზიურობისა და რეპრეზენტაციის ხელშეწყობით ქვიარ მოდის „აიქონები“ არღვევენ სტატუს-კვოს და ახერხებენ მოდის ინდუსტრიის მუდმივ ტრანსფორმაციას.
გავლენიანი არტისტებიდან მოდის პიონერებამდე, ამ ქვიარ ვარსკვლავებმა შთააგონეს თაობები, გვაჩუქეს ყველაზე საკულტო მოდის მომენტები და წლების განმავლობაში გახდნენ ტრენდსტერები
მოდის ისტორიის ჩანაწერებში მხოლოდ რამდენიმე პიროვნებამ დატოვა ისეთი ღრმა გავლენა ქვიარ ესთეტიკაზე, როგორც საკულტო მარლენ დიტრიხმა. ცნობილი თავისი ანდროგენული სტილით, უშიშარი დამოკიდებულებითა და ინოვაციური პერფორმანსებით, დიტრიხი დაუპირისპირდა ტრადიციულ გენდერულ ნორმებს და ქვიარ ინდივიდების მრავალი თაობის მთავარ შთაგონებად იქცა. ჰოლივუდის ოქროს ხანიდან თანამედროვე პოდიუმებამდე, მისი გავლენა აგრძელებს ბობოქრობას და ამტკიცებს, რომ მოდა შეიძლება იყოს ძლიერი ინსტრუმენტი თვითგამოხატვისა და საზოგადოების ცვლილებისთვის.
დიტრიხის საკულტო მოდის მომენტებს შორის ყველაზე დასამახსოვრებელია მისი ლუქები მამაკაცის კოსტიუმებში, რაც მეოცე საუკუნის 20-იან წლებში, ფაქტობრივად, რევოლუციური იყო. დიტრიხის ანდროგენული ჩაცმულობა უფრო მეტი იყო, ვიდრე უბრალოდ სტილისტური გადაწყვეტილება. ეს იყო მისი სექსუალური ორიენტაციის გაბედული დეკლარაცია და საზოგადოების მოლოდინების წინააღმდეგ აჯანყება.
რუპოლ ანდრე ჩარლზმა, ან, უბრალოდ, რუპოლმა კარიერა ნიუ-იორკის კლუბის სცენაზე დაიწყო და გლობალურ ფენომენად გადაიქცა. მისმა უნარმა, გარდაიქმნას სხვადასხვა პერსონაჟებად მოხიბლა აუდიტორია მთელ მსოფლიოში და დრეგ მოდა ახალ სიმაღლეებაზე აიყვანა. რუპოლის მესიჯი საკუთარი თავის მიღებისა და ავთენტურობის შესახებ ღრმად ეხმიანება ლგბტქი საზოგადოებას. მისი შოუს მეშვეობით “RuPaul’s Drag Race”, რუპოლმა შექმნა კრეატიულობის გამოხატვის პლატფორმა დრეგ ქვინებისთვის და დრაგი მეინსტრიმ განზომილებაში გადმოიყვანა.
მისი საფირმო ლუქი, უზარმაზარი პარიკებითა და გლამურული კოსტიუმებით, კემპისა და ექსტრავაგანტულობის სულის განსახიერებაა. საზოგადოებაში მიღებული სილამაზის სტანდარტებთან დაპირისპირებითა და საკუთარი ზღაპრული ბრენდის შემუშავებით, რუპოლმა შთააგონა ქვიარ თემის მრავალი თაობა იყვნენ გაბედულები თავიანთ არჩევანში.
დევიდ ბოუი, ლეგენდარული მუსიკოსი და შემსრულებელი, საკულტო პერსონა და თრეილბლეიზერია არა მხოლოდ მუსიკის სამყაროში, არამედ მოდის სფეროშიც. მთელი თავისი კარიერის განმავლობაში ბოუის მუდმივად განვითარებადი სტილი გახდა გენდერული ფლუიდურობის მძლავრი გამოხატულება. ბოუის გავლენა ქვიარ მოდაზე 1970-იანი წლებიდან, მისი ალტერ ეგოს, ზიგი სტარდასტის დაბადებიდან იწყება.
მუსიკოსის საკულტო ლუქები შედგებოდა მაკიაჟისა და კოსტიუმების ისეთი ელემენტებისგან, რომლებიც სცილდებოდა ტრადიციულ გენდერულ ნორმებს. ბრჭყვიალა თვალის ჩრდილი, ფრჩხილების ლაქი, ფერადი ტანსაცმელი ერთდროულად ფემინური და მასკულინარული ელემენტებით ქმნიდა გარეგნობას, რომელიც წაახალისებდა ფანებს თვიტგამოხატვისკენ.
ბოუის ჰქონდა მცდელობა, მუსიკისა და მოდის გავლით შეესწავლა იმ დროს ისეთი ტაბუდადებული თემები, როგორებიც გენდერი და სექსუალური ორიენტაცია იყო. ბოუის ანდროგენულმა გარეგნობამ ხელი შეუწყო ბარიერების ჩამოშლასა და არაბინარული და გენდერქვიარი იდენტობების მიღებას. მისი გავლენა ქვიარ მოდაზე 1970-იანი წლების გლემ-როკ ერას დიდი ხანია გასცდა. მუსიკოსის ნაკვალევს ათწლეულების განმავლობაში მრავალ სუბკულტურასა და მოდის მოძრაობაში შევხვდებით. 1980-იანი წლების ახალი რომანტიკული მოძრაობიდან დაწყებული 21-ე საუკუნის გენდერქვიარ და გენდერფლუიდურ მოდამდე, ბოუის მემკვიდრეობა კვლავ შთააგონებს დიზაინერებს, არტისტებსა და მოდის ენთუზიასტებს მთელ მსოფლიოში.
პოპის დედოფლად წოდებული მადონა მრავალი წელია დომინირებს როგორც მუსიკალურ, ისე ქვიარ მოდის სამყაროში. თავისი პროვოკაციული სტილითა და მეამბოხე დამოკიდებულებით, მუსიკოსი უპირისპირდებოდა ქალურობის კონსერვატიულ ცნებებს. მადონა მთელი თავისი კარიერის განმავლობაში აპროტესტებდა ტაბუებს და მხარს უჭერდა სექსუალურ თავისუფლებას.
მისი გავლენა ქვიარ მოდაზე 1980-იან წლებში და მის შემდგომ უდაო იყო. მუსიკოსის საკულტო ჟან პოლ გოტიეს კონუსური ბიუსტჰალტერი აგზავნიდა მძლავრ გზავნილს, რომ მოდა არ უნდა შემოიფარგლოს ტრადიციული გენდერული ნორმებით. მის ვიდეოში სიმღერისთვის „Like a Prayer“ ვხვდებით რელიგიურ იკონოგრაფიას და მრავალფეროვან ქასთს, როგორც ინკლუზიურობისა და მიმღებლობის აშკარა განცხადებას. საზღვრების გადალახვით და მოდაში მრავალფეროვნების ზეიმით, მადონა გახდა ლგბტქი თემის საკულტო პერსონაჟი.
გარდა ამისა, მადონას თანამშრომლობამ ქვიარ დიზაინერებთან და არტისტებთან გააძლიერა მისი, როგორც ლგბტქი საზოგადოების ელაის სტატუსი. თავის შოუებში ლგბტქი დიზაინერების ნამუშევრების გამოყენებით, ქვიარ მოცეკვავეებთან და პერფორმერებთან კოლაბორაციით მან გამოიყენა თავისი პლატფორმა ინდუსტრიაში ქვიარ ხმების ასამაღლებლად. მადონას გზავნილებმა სექსუალური თავისუფლების, თვითგამოხატვისა და მიმღებლობის შესახებ არა მხოლოდ წარუშლელი კვალი დატოვა ქვიარ თემში, არამედ დაამკვირდა მუსიკოსი, როგორც ნამდვილი ქვიარ აიქონი.
11 მაისს თბილისის ერთ-ერთ ქუჩაზე დრეგ ქვინების გარბენი ჩატარდა. ქვიარი ესაუბრა ღონისძიების ორგანიზატორს, საინიციატივო ჯგუფ “ფიონას” წევრს, რომელიც მოგვიყვა ღონისძიების მიზნების შესახებ.
ფიონა, აქტივისტური ინიციატივაა, რომლის მიზანია ანდერგრაუნდ სივრცეებში ქვიარების შეკრება, მათთვის ივენთების მოწყობა, ქუჩაში გასვლაც. ვთვლი, რომ ქვიარ ადამიანების ხილვადობა, მიუხედავად იმისა, რომ ბევრი ორგანზაცია მუშაობს, მაინც დაბალია. ქართულ ფილმებსაც იშვიათად თუ ვნახავთ, სადაც ქვიარ პერსონაჟებია. სატელევიზიო გადაცემებშიც აღარ ჩანან ადამიანები, ვინც ღიად ამბობენ, რომ არიან ქვიარები. შეკრებები სხვა კუთხითაც ძალიან მნიშვნელოვანია, ასე ვიგებთ, რომ ვარსებობთ, ვერთობით, ვუზიარებთ ერთმანეტს საკუთარ გამოცდილებებს, სიყვარულს, დარდს და ა. შ.
სხვათაშორის გვაქვს დაწესებული ერთ-ერთი ქუჩის თვითმმართველობის არჩევნები, რაც ერთხელ უკვე ჩატარდა და ავირჩიეთ პრეზიდენტი, მერი და შერიფი. მათი ვალდებულებებია ქვიარების მობილიზება, მათთვის საჭირო და საინტერესო ღონისძიებების ჩატარება, ქვიარების მხარდაჭერა. დრეგ ქვინების პირველი კონფერენცია გვქონდა შარშან. განვიხილეთ ზოგადად საიდან წამოვიდა დრეგ კულტურა, როგორ განვითარდა საქართველოში, რას მივაღწიეთ, რა გამოწვევებია ამ სფეროში.
ახლა, ე. წ. “ლგბტ პროპაგანდის” წინააღმდეგ კანონის ინიციატივასთან დაკავშირებით, რაც რუსული კანონის ანალოგია, გადავწყვიტეთ ჩვენი მთავრობის მხრიდან ჩვენ მიმართ სიძულვილს დავუპირისპიროთ სიყვარული, რომელიც სიძულვილზე ყოველთვის ბევრად ძლიერია. გადავწყვიტეთ გავაკეთოთ დრეგ ქვინების მარათონი ქუჩაში. გადავწყვიტეთ, რომ გამოვალთ გარეთ, დავდგებით უშიშრად, იქ სადაც უნდა ვიდგეთ, როგორც სხვა ნებისმიერი, ამ ქვეყნის სრულფასოვანი, კანონმორჩილი მოქალაქეები, რომლებიც ქვეყნის ბიუჯეტში სხვებთან თანასწორად ვიხდით გადასახადებს. გვინდა დავიცვათ ამ ქუჩის 200 მეტრი, სადაც გამოვალთ და გარბენი გვექნება. გარბენს ექნება შეჯიბრის სახე, გამარჯვებულიც ეყოლება ცხადია, თუმცა ეს არ არის მთავარი, მთავარია რომ ზიზღს, აგრესიას დავუპირისპიროთ სიყვარული და ჩვენი სიძლიერე.
ერთადერთმა და განუმეორებელმა, გრემის ჯილდოს მფლობელმა ლიზომ ტენესის შტატში გამართულ კონცერტზე დრეგ შოუ მოაწყო, სადაც ცნობილი დრეგ დედოფლები მონაწილეობდნენ. ეს იყო ერთგვარი პროტესტი უკვე მიღებული კანპნპროექტის წინააღმდეგ, რომლის მიხედვითაც საჯარო დრეგ პერფორანსების კრიმინალიზება იგეგმება. ტენესის შტატი პირველია, რომელმაც მსგავსი კანონი მიიღო.
“მადლობა ამ მშვენიერ დრეგის დედოფლებს, რომ სიამაყით წარსდგნენ და მიიღეს მონაწილეობა დღევანდელ შოუში”- თვქვა ლიზომ.
ბევრი შიშით ელოდა ამ დრეგ შოუს და მოუწოდებდა მომღერალს, გაეუქმებინა კონცერტი, თუმცა გაბედული ქალების წყალობით ყველაფერმა კარგად ჩაიარა.
წყარო: https://www.advocate.com/arts-entertainment/lizzo-drag-tennessee#rebelltitem1
კლუბი KHIDI აცხადებს, რომ დღევანდელი KiKi / Women Power გადაიდო და მოქალაქეებს აქციაზე გასვლისკენ მოუწოდებს.
“დღეს წყდება ქვეყნის მომავალი და ამ მნიშვნელოვან მომენტში, ვთვლით, რომ მოქალაქეობრივი პასუხისმგებლობა უპირველესია. ამიტომ, მივიღეთ სევდიანი, თუმცა ერთადერთი სწორი გადაწყვეტილება – გადავდოთ დღევანდელი KiKi / Women Power
#არარუსულკანონს – ეს ყველას გვეხება და ვაპროტესტებთ იქ, სადაც საჭიროა – ყველანი გარეთ!”, — აცხადებენ კლუბში.
მედიისა და არასამთავრობო ორგანიზაციების გარდა, ქართული ოცნების რუსულ კანონს აპროტესტებენ სხვადასხვა სფეროს წარმომადგენლები, მათ შორის, მსახიობები, ლექტორები, სპორტსმენები, მომღერლები, ქალთა უფლებადამცველები, მასწავლებლები, სტუდენტები, მეღვინეები, ფერმერები, სტარტაპერები, მეწარმეები და ა.შ.
ანტიდასავლურმა მოძრაობამ პარლამენტში რუსული კანონის ორი ვერსია წარადგინა. ორივე ითვალისწინებს „უცხოური გავლენის აგენტად“ რეგისტრაციას იმ შემთხვევაში, როცა დაფინანსების წყარო საერთაშორისო ორგანიზაციებია. წინააღმდეგ შემთხვევაში, გათვალისწინებულია ჯარიმა, ახალ ვერსიაში კი არის პატიმრობის შესახებ ჩანაწერიც. შედეგად, საფრთხე ექმნება თავისუფალ მედიას, არასამთავრობო ორგანიზაციების საქმიანობას და უამრავ სერვისს, რომელსაც მოსახლეობა სწორედ არასამთავრობო ორგანიზაციებისა და მედიის დახმარებით იღებს, მათ შორის, ჯანდაცვის, განათლების, ინფრასტრუქტურული სერვისები და სხვა.
ქართული ოცნება აპირებს პირველი მოსმენით მხარი დაუჭიროს ორივე კანონპროექტს და შემდეგ ვენეციის კომისიას გადაუგზავნოს განსახილველად. შესაბამისად, ანტიდასავლური მოძრაობის მიერ პარლამენტში უკვე რეგისტრირებულ რუსულ კანონპროექტებს მედია და არასამთავრობო ორგანიზაციები ჩვენი მუშაობის შეზღუდვის მცდელობად მივიჩნევთ. ჩვენ გავავრცელეთ ერთობლივი განცხადებაც და აღვნიშნეთ, რომ კანონპროექტი მიმართულია არა მხოლოდ თავისუფალი სამოქალაქო საზოგადოების ორგანიზაციებისა და კრიტიკული მედიის, არამედ — საქართველოს მოსახლეობის წინააღმდეგ. გარდა ამისა, დამატებით განცხადება გავრცელდა მედიის მხრიდან. ხელმომწერი მედიაორგანიზაციები ვაცხადებთ, რომ არ ვაპირებთ „აგენტებად“ რეგისტრაციას, რეგისტრაციას, რადგან კანონის მიზანია, მედიამ და საზოგადოებრივმა ორგანიზაციებმა ვეღარ ასახონ ქვეყანაში არსებული კორუფცია, უსამართლობა და სიღარიბე.
მსგავსი კანონი რუსეთში 2012 წელს მიიღეს. ბოლო დეკადამ ცხადყო, რომ რომ რუსეთის ავტორიტარმა მმართველმა, „გამჭვირვალობის“ მიზეზით მიღებული კანონის მეშვეობით, მედიისა და არასამთავრობო სექტორის კრიტიკული ხმა სრულიად ჩაახშო
თბილისი პრაიდისა და საინციატივო ჯგუფის პროექტის, The Drag Ball ფარგლებში, 23 თებერვალს მორიგი დრეგ მეჯლისი გაიმართება, რომელზეც განსაკუთრებულ სტუმრად ქართველი პოპ ვარსკვლავი, ლელა წურწუმია სახელდება. გარდა ლელა წურწუმიასი, დამსწრეების წინაშე სპეციალურ სტუმრებად Anman, კონტრტენორი მიხეილ აბრამიშვილი, Rafaela Toxikana, Kordz & DRO Live წარსდგებიან.
Pre Party-ზე Citizens Union დაუკრავს, ხოლო Afterparty-ზე იქნებიან DRO DJ Set, IAMNIKITA show, MARGARITA ELEKTRA და Valley Dolly.
დრეგ მეჯლისში მონაწილეობას მიიღებენ როგორც ქვიარ თემისა და მხარდამჭერი ადამიანებისათვის კარგად ცნობილი ქვინები, ასევე, სხვადასხვა განსაკუთრებული სტუმარი. ქვინებს შორის იქნებიან: Hot Paflotski, FAGATTA, HOMO ERECTUS, JANGO, VENOM, VIRGINIA, Arkprincess და SHIRO.
“ოქროს ხანის ჰოლივუდის გლამური, ბრწყინვალე სამოსი და ფერადი ბოა, მოკაშკაშე ძვირფასი ქვები, მაღალი ქუსლები და წითელი ტუჩსაცხი, სიმდიდრე, ანგარება, სექსი, თავბრუდამხვევი გართობა, სიყვარული, სიძულვილი, ინტრიგები და რაც მთავარია, დრამა!”, — ვკითხულობთ ღონისძიების აღწერაში.
პროექტი The Drag Ball დაფუძნებულია თბილისი პრაიდისა და საინიციატივო ჯგუფის მიერ. პროექტი უნიკალური ღამეების სერიაა, რომელიც დრეგ პერფორმერების შეჯიბრებების სერიების მეშვეობით, ქვიარ არტისტებისა და თემის გაძლიერებას, ბოლის კულტურის განვითარებას, უსაფრთხო სივრცის შექმნასა და ქვიარ ადამიანების მეტ რეპრეზენტაციას ისახავს მიზნად.
დრეგ ბოლი კლუბის მტკვარზე სივრცეში გაიმართება და დასწრება მხოლოდ 18 წელზე უფროსი ასაკის ადამიანებისთვის იქნება შესაძლებელი. ბილეთების მისაღებად აუცილებელია ხელახალი რეგისტრაცია/ვერიფიკაცია. იმეილები .ru დომენით რეგისტრაციას ვერ გაივლიან. Რეგისტრაციის პროცესი 20 თებერვალს, 20:00 საათზე დასრულდება, ხოლო ბილეთების გაყიდვა 21 თებერვალს, 20:00 საათზე დაიწყება. ხელმისაწვდომია 250 ბილეთი.
რეგისტრაცია და ვერიფიკაცია შეგიძლიათ ამ ბმულზე.
თბილისი პრაიდისა და საინიციატივო ჯგუფის პროექტის The Drag Ball ფარგლებში, 30 დეკემბერს მორიგი დრეგ მეჯლისი გაიმართება, რომელზეც განსაკუთრებულ სტუმრად ქართული ჯაზის ლეგენდა, გიული ჩოხელი სახელდება. გარდა ამისა, დამსწრეებს სპეციალურ პერფორმანსს შესთავაზებს მაქსიმე მაჩაიძე (Luna997).
დრეგ მეჯლისში მონაწილეობას მიიღებენ როგორც ქვიარ თემისა და მხარდამჭერი ადამიანებისათვის ცნობილი ქვინები, ასევე, სხვადასხვა განსაკუთრებული სტუმარი. ქვინებს შორის იქნებიან: Sofio McQueen, Lucrezia, Gerilyn Stone, LiLe LARA, Rafaela Toxikana, Queen Vanilla Ice, Evil Queen.
“დაივიწყეთ ყველაფერი, რაც აქამდე წვეულებების შესახებ იცოდით, რადგან 30 დეკემბერს წლის ყველაზე დაუჯერებელი, დაუვიწყარი და თავბრუდამხვევი გამოცდილება გელოდებათ!” – ვკითხულობთ ღონისძიების აღწერაში.
პროექტი The Drag Ball დაფუძნებულია თბილისი პრაიდისა და საინიციატივო ჯგუფის მიერ. პროექტი უნიკალური ღამეების სერიაა, რომელიც დრეგ პერფორმერების შეჯიბრებების სერიების მეშვეობით, ქვიარ არტისტებისა და თემის გაძლიერებას, ბოლის კულტურის განვითარებასა და უსაფრთხო სივრცის შექმნას ისახავს მიზნად.
დრეგ ბოლი კლუბ ხიდის სივრცეში გაიმართება. ბილეთების გაყიდვა უკვე დაწყებულია და შეგიძლიათ შეიძინოთ ამ ბმულზე.
