მსოფლიოს 100 ქვეყნის მონახულება რთული ამოცანაა, განსაკუთრებით იმ შემთხვევაში, როდესაც ყოველ მესამე ქვეყანაში კრიმინალიზებული ხარ. თუმცა, დენი და ოსკარი ამ ფაქტს არ შეუშინებია. მათ მოინახულეს ქვეყნები, სადაც ქვიარებისთვის არც თუ ისე მეგობრული გარემოა, ზოგან საშიშიც კი.
წყვილმა ერთმანეთი შვედეთში გაიცნო, ისინი ერთად სწავლობდნენ გოთენბურგის სკოლაში. სანამ სწავლა დაასრულეს, რვა ქვეყანაში მოასწრეს მოგზაურობა. სკოლის დასრულების შედგომ, უნივერსიტეტში ჩაბარებამდე, გადაწყვიტეს აეღოთ ერთი წელიწადი და მოენახულებინათ მსოფლიო, რაც მათთვის უნიკალური გამოცდილება აღმოჩნდა. სრული მოგზაურობისთვის, რაც მოცავდა 100 ქვეყანას, დაახლოებით სამი წელი დასჭირდათ.
ოსკარის და დენის მოგზაურობა მოიცავდა როგორც ევროპის, ისე აზიის ქვეყნებს, მათ შორის ჩინეთს, საუდის არაბეთს, მალაიზიას, ბოსნია და ჰერცოგოვინას, უგანდას, ბრუნეის, სლოვაკეთსა და საქართველოს. ქვიარებისთვის არამეგობრულ ქვეყნებში წყვილი იცავდა უსაფრთხოების ზომებს და ღიად არ იდენტიფიცირდებოდნენ. მიუხედავად რისკებისა, მათი თქმით ყოველი ქვეყანა იყო დაუვიწყარი შთაბეჭდილებით სავსე.
“არ მისცე ნება არავის და არაფერს, ხელი შეგიშალოს შენი ოცნებების ახდენაში” -ამბობს ოსკარი და მეწყვილესთან ერთად გეგმავს იმ ქვეყნების მონახულებას მომავალში, სადაც ჯერ არ ყოფილან.
წყარო: https://www.thepinknews.com/2023/03/10/oskar-dan-youtube-gay-lgbtq-travelling/
