პოლონეთსა და უნგრეთს ანტი-ლგბტქი კანონებისთვის ჯარიმები ემუქრებათ

ევროკავშირის ლიბერალური ღირებულებების დაცვაზე უარის თქმის გამო, შესაძლოა, უნგრეთმა და პოლონეთმა მილიარდობით სუბსიდია დაკარგონ. ევროკავშირის შიდა ერთიანობასა და გეოპოლიტიკურ პოზიციას საფრთხე ემუქრება.

სამშაბათს, 15 თებერვალს, ევროკავშირის მართლმსაჯულების სასამართლომ არ დააკმაყოფილა სარჩელი, რომელიც პოლონეთმა და უნგრეთმა ეროვნულ საკითხებზე ევროკავშირის კანონის უზენაესობის გაუქმების მიზნით შეიტანეს. შესაძლოა, ამ ფაქტმა ევროკომისიას მისცეს უფლება, ამ ქვეყნებისთვის დაფინანსება შეამციროს.

უნგრეთის პოზიცია განსაკუთრებით პრინციპულია. როგორც უნგრეთი, პოლონეთიც ევროკავშირს ლიბერალური ტოლერანტობის ღირებულებების მხარდაჭერაში ადანაშაულებს, რაც ორი ერის კონსერვატიული და კათოლიკური ღირებულებებისთვის მიუღებელი აღმოჩნდა. უნგრეთის იუსტიციის მინისტრმა, ჯუდიტ ვარგამ, სოციალურ ქსელში დაწერა, რომ ბრიუსელი ბოროტად იყენებს თავის ძალაუფლებას უნგრეთის წინააღმდეგ და ევროკავშირის სასამართლომ პოლიტიკურად მოტივირებული გადაწყვეტილება მიიღო ბავშვთა დაცვის აქტთან მიმართებაში, რომელიც კრძალავს ,,ლგბტქი პროპაგანდას” არასრულწლოვანთა შორის. კერძოდ, კანონი ადგენს, რომ სკოლის გაკვეთილებმა არ უნდა შეუწყოს ხელი სქესის შეცვლას და ლგბტქი პროპაგანდას, ხოლო სახელმწიფომ ამ კუთხით უნდა დაიცვას ბავშვთა უფლებები.

ოთხშაბათს გამართულ კონფერენციაზე ვარგამ განაცხადა, რომ მთავრობამ ბრიუსელიდან წერილი მიიღო, რომელშიც ნათქვამია, რომ უნგრეთი ვალდებულია, შეცვალოს ბავშვთა დაცვის კანონი, თუმცა მან ისიც აღნიშნა, რომ ეს უნგრეთის ეროვნულ დონეზე გადასაწყვეტი საკითხია. უნგრეთის პრემიერმინისტრმა რამდენიმე დღის წინ განაცხადა, რომ უნგრეთს ევროკავშირიდან გასვლა შეუძლია, თუ ბრიუსელი უნგრელი ხალხის აზრს უგულებელყოფს.

რაც შეეხება პოლონეთს, ევროკავშირი პოლონეთის სასამართლო რეფორმით შეშფოთებულია, რომლის მიხედვითაც, მთავრობას მოსამართლეების ქვემდგომი სასამართლოებიდან ზემდგომ სასამართლოებში გადაყვანის უფლება აქვს, ასევე, მათი ახსნა-განმარტების გარეშე გათავისუფლება შეუძლია. შეშფოთებას იწვევს ისიც, რომ პოლონეთი რამდენიმე ქალაქში ლგბტქი იდეოლოგიისგან თავისუფალი ზონების გამოცხადებას აპირებს. პოლონეთის იუსტიციის მინისტრმა, სებასტიან კალეტამ განაცხადა, რომ შესაძლოა, პოლონეთმა ევროპის ბიუჯეტში შენატანზე უარი თქვას.

ოქტომბერში, ევროკავშირის უმაღლესმა სასამართლომ სასამართლო რეფორმის შესახებ კანონის გაუქმებისა და კანონმდებლობის ევროკავშირის კანონებთან შესაბამისობაში მოყვანის შესახებ გადაწყვეტილების შეუსრულებლობის გამო, პოლონეთს დღიურად ერთი მილიონი ევროს ჯარიმის გადახდა დააკისრა.

36 მილიარდი ევრო, რომელიც პოლონეთისთვის იყო განკუთვნილი და 7 მილიარდი ევრო – უნგრეთისთვის, უკვე გაყინულია. გარდა ამისა, შესაძლოა, სუბსიდიები შემცირდეს, რაც 100 მილიარდ ევროზე მეტია პოლონეთისათვის, ხოლო 50 მილიარდზე მეტი უნგრეთისთვის. დაფინანსების შემცირების პროცესის ოფიციალურად დასაწყებად ევროკავშირს გარკვეული დრო დასჭირდება.

როგორც ექსპერტმა, ვლადიმერ ოლენჩეკომ განაცხადა, თუ უნგრეთის სუვერენიტეტი და კანონები დაირღვევა, ბუდაპეშტი ევროკავშირიდან გასვლასაც განიხილოს. რაც შეეხება პოლონეთს, მისი აზრით, ქვეყანა ევროკავშირს არ დატოვებს, რადგან პოლონეთი ევროკავშირის სუბსიდიების მთავარი მიმღებია და მათი სოფლის მეურნეობა, პირველ რიგში, ამ სუბსიდიების წყალობით ვითარდება.

წინა

ქვიარ სიუჟეტის გამო ჩინეთში სერიალი Friends დააცენზურეს

შემდეგი

თანასწორობის მოძრაობა „ქვიარ აკადემიის“ კურსზე მიღებას აცხადებს

ბოლო სიახლეები

პრაიდის პორტრეტები — გამოფენა, რომელიც პრაიდზე და ლგბტქი უფლებებზე რეფლექსიაა

Facebook18Tweet0Shares18 ბოსტონში პრაიდის თვისადმი მიძღვნილი ახალი გამოფენა გაიხსნა, რომელიც დამთვალიერებლებს მთელი ოქტომბრის განმავლობაში უმასპინძლებს. აქ გამოფენილია

6 ოქტომბერს, ირანის საელჩოსთან ირანელი ხალხის მხარდასაჭერი აქცია იმართება

Facebook2Tweet0Shares2 6 ოქტომბერს, 17:00 საათზე ირანის საელჩოსთან ირანელი ხალხის მხარდასაჭერად თავისუფლების აქცია იმართება. “ვიკრიბებით ირანის საელჩოს

ყოველი დღე უნიკალური იდენტობის დაცვისთვის ბრძოლაა — დემნა

Facebook7Tweet0Shares7 წარმოშობით ქართველმა დიზაინერმა, დემნამ, რომელიც ბალენსიაგას კრეატიული დირექტორია, პარიზის მოდის კვირეულზე 2023 წლის გაზაფხული-ზაფხულის კოლექცია

ტრანსგენდერი ადამიანების შესახებ პროგრესულ კანონს პაკისტანში 4 წლის შემდეგ აპროტესტებენ

Facebook18Tweet0Shares18 პაკისტანი 2018 წელს მიღებული ტრანსგენდერი ადამიანების უფლებებისთვის მნიშვნელოვანი კანონპროექტის შესწორებას განიხილავს, რომელზეც ზოგიერთი კანონმდებელი და