გუშინ სოციალური ქცელით გავრცელდა ლელა კურტანიძის პოსტი, რომლითაც ის ორ სასულიერო პირს სექსუალურ შევიწროვებაში ადანაშაულებს. ამავდროულად ლელა სთხოვდა მედია გამოცემაბს მისი ამბის გაჟღერებას. გთავაზობთ ლელასთან ჩაწერილ ინტერვიუს. ეს იყო ჯავახეთის სტუდენტური ექსპედიციის
“პოსტჰუმანიზმი” ის ტერმინია, რომელიც ბოლო წლების მანძილზე ხშირად გვხვდება განვითარებული ქვეყნების როგორც ვიწროდ აკადემიურ, ისე – საჯარო დისკურსში. წლიდან წლამდე ტექნოლოგიის მნიშვნელოვანმა განვითარებამ ურთიერთშედეგობრივად გამოიწვია არა მხოლოდ უშუალუდ ამ მიმართულებით დაინტერესებული, არამედ ყველა იმ ადამიანის ყურადღებაც, ვისაც ინტერნეტსა და ტექნოლოგიასთან
ბიოგრაფია 1983 წელს, თბილისში დავიბადე. წელს 40 წელი შემისრულდა. ოჯახს რაც შეეხება, დედაჩემი რუსული ენის პედაგოგია სკოლაში, მამა – მხატვარი. ძალიან ვღიზიანდები, როცა ამბობენ
სტატიის ავტორი: მეგი თედორაძე დეფინიცია და მიზნები ბრაზის განმარტება მრავალწახნაგოვანია, თუმცა იგი ყველაზე ხშირად განისაზღვრება, როგორც უსიამოვნების მძაფრი შეგრძნება, მტრული დამოკიდებულება თავისი ობიექტის მიმართ,
PornHub-მა წლიური ანგარიში გამოქვეყნა, სადაც თავმოყრილია ინფორმაცია მსოფლიოში პორნოს მოხმარების ტენდენციების შესახებ. აღმოჩნდა, რომ 2023 წელს საიტზე მომხმარებელი კაცები ყველაზე მეტად ეძებდნენ პორნო მასალას, სიტყვებით: “Mature”, “Milf” და “Granny”. ასევე, მიმდინარე წელს აქტიურად შემოვიდა საძიებო სიტყვა “AI Robot”.
რაც შეეხება დემოგრაფიულ მონაცემებს, PornHub-ზე გაიზარდა მომხმარებელი “ბუმერების” (55+) რაოდენობა. მათი ნახევარზე მეტი (55%) ეძებდა ტრანსგენდერი ადამიანების პორნო ვიდოებს.
საიტის ქვიარ მომხმარებლები ყველაზე ხშირად ეძებდნენ ვიდეო მასალას სიტყვებით: “Twink”, “Anime”, “Furry” და “curious straight friends”. საინტერესოა, რომ სიტყვა “straight”-ით პორნო მასალის ძიების მაჩვენებელი წინა წლებთან შედარებით 2023 წელს გაზრდილია.
პორნო საიტზე ზოგად პოპულაციაში კვლავ აქტიურად ეძებენ უნიფორმების შემცველ ვიდოებს, სიტვყვებით: “Uniform”, “Soldier”, “Gay soldier”, “Therapy”, “Therapy Sex”. დომინირებს საძიებო სიტყვები: “Big”, “Biggest”, “Huge tits”, “Huge cock”. წინა წლების მსგავსად, ერთ-ერთი პოპულარული საძიებო სიტყვაა “Lesbian”.
გამოყენებული წყარო: https://www.pornhub.com/insights/2023-year-in-review
იტალიაში ათასობით ადამიანმა მიაგო პატივი მოკლულ ახალგაზრდა ქალს, ჯულია ჩეკეტინს, 22 წლის სტუდენტს ვენეციის მიმდებარე პატარა ქალაქიდან. ჯულია ბიო სამედიცინო ინჟინერიის სტუდენტი იყო და 6 დეკემბერს უნივერსიტეტს ამთავრებდა. ის 5 დეკემბერს ყოფილმა მეგობარმა კაცმა მოკლა.
იტალიის პირველმა ქალმა პრემიერ-მინისტრმა განაცხადა, რომ აპირებს სკოლებში ჩაატაროს საგანმანათლებლო კამპანია, რათა ერთხელ და სამუდამოდ დასრულდეს იტალიაში ღრმად ფესვგამდგარი მიზოგინია.
ნეპალის უზანაესმა სასამართლომ დააკანონა ერთნაირსქესიანთა ქორწინების რეგისტრაცია. ცოტა ხნის წინ ქვიარ წყვილმა, მაია გურუნგმა და სურენდრა პანდეიმ ოფიციალურად დაარეგისტრირეს მათი ქორწინება.
წყვილმა The Guardian-თან ინტერვიუში განაცხადა, რომ 2017 წელს მათ ჰქონდათ ქორწინების ცერემონია, თუმცა არ იყვნენ ოფიციალურად რეგისტრირებული, რაც იმას ნიშნავს, რომ არ შეეძლოთ ბანკში საერთო ანგარიშის გახსნა, საერთო უძრავი ქონების ყიდვა, ბიზნესის წარმოება, როგორც წყვილს. ერთ-ერთის გარდაცვალების შემთხვევაშიც კი, მათ არ შეეძლოთ დაკრძალვის ცერემონიის ჩატარება. “როგორც იქნა, ჩვენი ერთობა სრულყოფილია” – ამბობს მაია გურუნგი.
ნეპალი პირველი ქვეყანაა სამხრეთ აზიაში და მეორე აზიაში, ტაივანის შემდეგ, რომელმაც აღიარა ერთნაირსქესიანთა ქორწინება.
როგორც Associated Press თავის ანონიმურ წყაროზე დაყრდნობით იუწყება, რომის პაპი აპირებს პენსიაზე მყოფი ანტი ლგბტქი კარდინალის, რეიმონდ ბურკეს პენსიისა და საცხოვრებელი სახლის ჩამორთმევას, რომელიც ვატიკანის საკუთრებაშია.
რეიმონდ ბურკე ერთ-ერთი კარდინალია იმ ხუთიდან, რომლებმაც მოუწოდეს პაპს, მიჰყოლოდა კათოლიკურ ტრადიციებს, მათ შორის ლგბტქი ადამიანების მიმართ და მხარი არ დაუჭირეს პაპის ახალ ინიციატივებს, რომლის მიხედვით კათოლიკე მღვდლებს შეუძლიათ აკურთხონ ერთნაირსექსიანი წყვილები, ასევე ტრანსგენდერ ადამიანებს შეუძლიათ მოინათლონ, იყვნენ ნათლია ან მეჯვარეები.
ვატიკანის სპიკერი მატეო ბრუნი არც ადასტურებს და არც უარყოფს Associated Press-ის განცხადებას. იტალიის ყოვედღიური გაზეთი “Il Corriere della Sera” ასევე ანონიმურ წყაროზე დაყრდნობით იუწყება, რომ პაპი რეიმონდ ბურკეს წინააღმდეგ აპირებს გარკვეული “ეკონომიკური სახის ღონისძიებების” გატარებას.
თუ აღნიშნული ინფორმაცია დადასტურდა, კარდინალი ბურკე არ იქნება პირველი, ვისაც შეზღუდვები შეეხება. 11 ნოემბერს პაპმა ოფიციალურად გასცა ბრძანება ტეხასის ეპისკოპოსის ჯოზეფ სტრიკლენდის გადაყენებაზე მას შემდეგ, რას ეპისკოპოსმა რომის პაპი ეკლესიის დოქტრინის მოდერნიზებაში დაადანაშაულა ლგბტქი ადამიანების სასარგებლოდ, რაც მისი თქმით, ძირს უთხრის რწმენასა და ეკლესიას.
პაპის ბოლო დროინდელ განცხადებები, რომლებიც ეკლესიის კარს მეტად უხსნის ქვიარ ადამიანებს, პოზიტიურად შეფასდა ქვიარებისა და აქტივისტების მხრიდან, თუმცა მიიჩნევენ, რომ მეტად რადიკალური ცვლილებებიც არის შესაძლებელი ქვიარ ადამიანების სასარგებლოდ.
გამოყენებული წყარო: https://www.them.us/story/pope-punishing-anti-lgbtq-cardinal
მას შემდეგ, რაც რუსეთის უზენაესი სასამართლოს გადაწყვეტილებით ლგბტქი მოძრაობა “ექსტრემისტულად” გამოცხადდა, პოლიციამ მალევე დაიწყო მოსკოვში გეი ბარების დარბევა. კლუბებსა და ბარებში შესვლისას პოლიცია ითხოვს დოკუმენტებს, მათ შორის იქ მყოფი სტუმრების ID ბარათებს. რეიდები ძირითადად ნარკოტიკების ძებნის საბაბით ტარდება, რომელიც არცერთ ბარში აღმოუჩენიათ.
უზენაესი სასამართლოს გადაწყვეტილებამ კიდევ უფრო რთულ მდგომარეობაში ჩააგდო ლგბტქი მოძრაობა, რომელიც ახლა უკვე “ექსტრემისტულად” არის შეფასებული და გზას უხსნის ძალოვან სტრუქტურებს, ჩაატაროს უსაფუძვლო რეიდები, რომელიც დიდი ალბათობით მომავალშიც გაგრძელდება და აქტივისტების ვარაუდით, მეტად რთულ ფორმებს მიიღებს.
ზოგიერთი ლგბტქი ორგანიზაცია იძულებული გახდა, მუშაობა შეეწყვიტა, რაც ნიშნავს მათ შორის აუცილებელი სერვისების შეწყვეტას ქვიარ ადამიანებისთვის. აქტივისტები მიიჩნევენ, რომ რუსეთში რეპრესიები გაგრძელდება და ქვიარ ადამიანების ჯანმრთელობა და სიცოცხლე უკვე საფრთხეშია.
გამოყენებული წყარო: https://www.thepinknews.com/2023/12/02/russia-lgbtq-bars-raid/
1 დეკემბერს შიდსთან ბრძოლის მსოფლიო დღეა, ის 1988 წლიდან აღინიშნება. ამ დღის ყოველწლიური აღნიშნვა ემსახურება კიდევ ერთხელ შეხსენებას იმისა, რომ დასრულდეს შიდსთან დაკავშირებული სტიგმა მსოფლიო მასშტაბით და პატივი მივაგოთ მათ, ვინც აივთან ბრძოლაში დამარცხდა. ასევე, მივმართოთ ძალისხმევა იქით, რომ მომავალში აივი აღარ იყოს საზოგადოებრივი ჯანმრთელობის საფრთხე. 2023 წლის კამპანიის მთავარი გზავნილია „თემის ლიდერობით“ — რაც ხაზს უსვამს საზოგადოების, თემებისა და ინდივიდების ჩართულობის მნიშვნელობას შიდსთან ბრძოლაში.
2022 წლის მონაცემებით, მსოფლიო მასშტაბით 29 მილიონი ადამიანს აქვს აივი. აქედან ახალი ინფიცირებულია 1,3 მილიონი. 1995 წლიდან, როდესაც აივით ინფიცირების პიკი იყო, აივის მქონე ადამიანთა რიცხვი 56%-ით არის შემცირებული. მსოფლიო სტატისტიკით საქართველო მიეკუთვნება აივ ინფექცია/შიდსის დაბალი პრევალენტობის ქვეყნებს. აივ ინფიცირებულების სავარაუდო რიცხვი საქართველოში 10500-ს უტოლდება. აქედან 5,344 ადამიანი (51,7%) დაინფიცირდა ჰეტეროსექსუალური კონტაქტით, 3,324 (32,1%) დაინფიცირდა ინექციური მოხმარების შედეგად, ხოლო 1382 (13,4%) მსმ ჯგუფში შემავალი ადამიანები არიან (კაცები, რომელთაც აქვთ სექსი კაცებთან).
სამოქლაქო საზოგადოების წარმომადგენლების თქმით 9 დეკემბერს, შაბათს, რესპუბლიკის მოედნიდან, 14 საათზე დაიძრება მარში ევროპის მოედნისკენ.
დიდი ბრიტანეთის კომუნიკაციების მარეგულირებელმა სამსახურმა 28 ნოემბერს გამოქვეყნა ახალი კვლევა, რომლის თანახმად ბრიტანეთის ზრდასრული მსოახლეობის 10%-ზე მეტი იყენებს ონლაინ გაცნობის აპლიკაციებს, როგორიცაა: Tinder, Hinge, Grindr, Bumble, Match.com, Plenty of Fish, და OkCupid.
ყველაზე პოპულარული აღმოჩნდა Tinder, რომელსაც მოსახლეობის 5% (2.5 მილიონი მომხმარებელი) იყენებს. თუმცა, მოხმარებლების მიერ Tinder-ის აპლიკაციაზე გატარებული დრო გაცილებით ნაკლებია, ვიდრე Grindr-ზე. ასვე აღმოჩნდა, რომ Grindr ყველაზე პოპულარული აპლიკაციაა 54+ ასაკობრივი ჯგუფის მომხმარებლებს შორის. Grindr-ის მომხმარებლების რიცხვი მზარდია, წინა წელთან შედარებით 2023 წელს აპლიკაციამ 134000-ით მეტი ადამიანი მოიცვა.
რაც შეეხება ინტერნეტ მომხმარებელთა ზიანს, ქალების 67%-მა განიცადა სხვადასხვა სახის ზიანი, ისევე როგორც ეთნიკურ უმცირესობათა 73%-მა, გეი ადამიანების 77%-მა და ბისექსუალების 85%-მა.
საგარეჯოს მუნიციპალიტეტის სოფელ თულარში კაცმა ყოფილი ცოლი დაჭრა, მისი ახლანდელი ქმარი კი მოკლა. მკვლელობა ცეცხლსასროლი იარაღის გამოყენებით მოხდა. დამნაშავე მიიმალა, მას ამ დრომდე ეძებენ.
დაჭრილი ქალი ჰოსპიტალშია გადაყვანილი.
მომხდარზე გამოძიება 19-109-ე მუხლით დაიწყო, რაც ორი ან მეტი პირის მიმართ დამამძიმებელ გარემოებაში ჩადენილ განზრახ მკვლელობის მცდელობას გულისხმობს.
მომღერალ და მსახიობ კაბუს პროკურატურამ ბრალი ქალის მიმართ ძალადობის, მუქარის და ნარკოტიკული საშუალების უკანონო შეძენა შენახვისთვის წარუდგინა.
25 ნოემბერს, თბილისში, მანქანით გადაადგილებისას კაბუმ მასთან ერთად მყოფ ქალს ფეხის არეში დანის ტარი ჩაარტყა და ხელი რამდენჯერმე გაარტყა. რის შედეგად ქალმა სხეულის დაზიანება მიიღო. ასევე, მომღერალი დანის დემონსტრირებით, ჯანმრთელობის დაზიანებით და დასახიჩრებით დაემუქრა დაზარალებულს და გახსნილი დანა მისი მიმართულებით ორჯერ მოიქნია.
პროკურატურის ინფორმაციით, კაბუმ უკანონოდ შეიძინა და ინახავდა ნარკოტიკულ საშუალება ალფა-პვპ-ს, საერთო წონით – 1,28 გრამს.
კაბუს ბრალი ედება სისხლის სამართლის კოდექსის 126-ე მუხლის პირველი ნაწილით (გენდერული ნიშნით დისკრიმინაციის მოტივით ცემა, რამაც დაზარალებულის ფიზიკური ტკივილი გამოიწვია), 151-ე მუხლის პირველი ნაწილით (გენდერული ნიშნით დისკრიმინაციის მოტივით ჯანმრთელობის დაზიანების მუქარა) და 260-ე მუხლის პირველი ნაწილით (ნარკოტიკული საშუალების უკანონო შეძენა, შენახვა).
