ორგანიზაცია „მწვანეები“ გერმანიის საგარეო საქმეთა სამინისტროს ფინანსური მხარდაჭერით, Future Changemakers for a Better Future პროექტის ფარგლებში 4-დღიან ტრენინგს ატარებს, რომელიც მონაწილეებს ეკოლოგიისა და კლიმატის საკითხების ირგვლივ ახალი ცოდნისა და უნარების მიღების შესაძლებლობას აძლევს.
ორგანიზაცია „მწვანეები“ მწვანე მოძრაობაა, რომელიც სოციალური და გარემოსდაცვითი სამართლიანობისთვის იბრძვის.
ტრენინგები 23-26 სექტემბერს, ქალაქგარეთ ჩატარდება და განკუთვნილია აქტივისტებისთვის, არასამთავრობო ორგანიზაციის წარმომადგენლებისთვის, სტუდენტებისა და სკოლის მასწავლებლებისთვის.
4-დღიანი ტრენინგების მთავარი თემები იქნება:
- კლიმატის ცვლილება, გამომწვევი მიზეზები და სოციალური ასპექტები;
- გარემოსდაცვითი პრობლემები საქართველოში;
- ეკოაქტივიზმი და გარემოსდაცვითი მოძრაობები საქართველოში და გლობალურად;
- კამპანიების დაგეგმვა და წარმართვა, ახალგაზრდების მობილიზება ეკოლოგიის და კლიმატის საკითხების ირგვლივ;
- არაფორმალური განათლების მეთოდები;
- გარემოსდაცვითი განათლება.
აპლიკაციის მიღების ბოლო ვადაა 5 სექტემბერი, რომლის შევსებასაც ბმულზე გადასვლით შეძლებთ.
როგორც ორგანიზაცია აცხადებს, ტრენინგის მონაწილეებს როგორც თბილისიდან, ასევე რეგიონებიდან იწვევენ, მაგრამ პრიორიტეტი მიენიჭებათ აპლიკანტებს რეგიონებიდან.
