პროკურატურის ინფორმაციით, 9 წლით და 6 თვით პატიმრობა მიუსაჯეს სკოლის მიკროავტობუსის მძღოლს, რომელმაც 16 წლის გოგოსთან სექსუალური ხასიათის ქმედება ჩაიდინა.
“სასამართლო პროცესზე წარდგენილი მტკიცებულებებით დადასტურდა, რომ 28 აპრილს ბრალდებულმა, რომელიც მიკროავტობუსით საჯარო სკოლის მოსწავლეების ტრანსპორტირებას უზრუნველყოფდა, 16 წლის დაზარალებულის მიმართ სექასუალური ხასიათის სხვაგვარი ქმედების იძულება განახორციელა.
მას ბრალდება საქართველოს სისხლის სამართლის კოდექსის 139-ე მუხლის მე-4 ნაწილის „ბ“ ქვეპუნქტით (სექსუალური ხასიათის სხვაგვარი ქმედების იძულება, ჩადენილი წინასწარი შეცნობით არასრულწლოვნის მიმართ) წარედგინა”, – ნათქვამია პროკურატურის განცხადებაში.
მედიის ინფორმაციით, კაცი სკოლის დირექტორის ქმარია, ინფორმაციის გავრცელების შემდეგ კი ქალმა პოსტი დატოვა.
