დასაქმების მნიშვნელობა რეაბილიტაციის გზაზე

ნივთიერებების მოხმარების აშლილობისგან გამოჯანმრთელების გზა, ხშირად, სავსეა გამოწვევებით. რეციდივის რისკით დაწყებული და საზოგადოების მხრიდან სტიგმატიზაციით, იზოლაციით დამთვრებული. წარმატების მისაღწევას დაგჭირდებათ მიზანდასახულობა და თანმიმდევრული გეგმაც. რთული პერიოდის გადატანის ერთ-ერთი საუკეთესო საშუალებაა რეაბილიტაციის პერიოდში იყოთ დასაქმებული. 

დასაქმება გრძელვადიანი სიფხიზლის, ეკონომიკური დამოუკიდებლობისა და სოციალური რეინტეგრაციის მნიშვნელოვანი ნაწილია. ფსიქოაქტიური ნივთიერებების პრობლემური მოხმარება შეიძლება უარყოფითად აისახებოდეს თქვენ პირად და პროფესიულ ცხოვრებაზე, რეაბილიტაციის პერიოდში კი სამსახური მოგცემთ შესაძლებლობას დაიბრუნოთ კონტროლი. 

მოდით უფრო დეტალურად განვიხილოთ რეაბილიტაციის პერიოდში დასაქმების უპირატესოები:

სამუშაო გვაძლევს მიზნის განცდას

მიჩიგანის უნივერსიტეტის პროფესორის, დევიდ ულრიხის აზრით, საზრისის შეგრძნება სამუშაო ადგილზე დიდი იმედის და მიზნის მომცემია. სამუშაო პროცესი დაგეხმარებათ საკუთარი პიროვნების აღდგენაში, ინტერპერსონალური ურთიერთობების გაუმჯობესებაში და პიროვნულ ზრდაში. ცხოვრების საზრისის, საკუთარი მიზნების პოვნა არ არის ადვილი და შესაძლოა ამ პროცესმა მოითხოვოს თქვენგან ბევრი ენერგია და თვითრეფლექსია.

სამუშაო გვმატებს თავდაჯერებულობას 

ადამიანებს, ვინც ფსიქოაქტიურ ნივთიერებებს ავად მოიხმარენ, ხშირად აქვთ თავდაჯერებულობის და თვითშეფასების პრობლემები. შესაძლოა სწორედ ამ პრობლემებმა განაპირობეს კიდეც ნივთიერებების მოხმარება, როგორც სირთულეების დაძლევის მექანიზმი. ანაზღურებადი შრომა ამაღლებს თავდაჯერებულობას, თვითშეფასებას და მეტად პროდუქტიულს ხდის ადამიანს. 

სამუშაო უზრუნველყოფს შემოსავალს

ცხადია, დასაქმების ყველაზე თვალსაჩინო სარგებელი სტაბილურ შემოსავალში გამოიხატება. საიმედო შემოსავლის წყარო თვითკმარობის და ფინანსური მდგრადობის გზაზე მნიშვნელოვანი ნაბიჯია.  გარდა ამისა, სტაბილური სამუშაო იძლევა მიმდინარე გადასახადების დაფარვის შესაძლებლობას, აქედან გამომდინარე მეტ დამოუკიდებლობას და ახალი ფინანსური მიზნების დასახვის შესაძლებლობასაც. 

სამუშაო გაძლევთ სტაბილურობას

სამსახურეობრივი განრიგი უზრუნველყოფს გარკვეული რუტინის გამომუშავებას. ერთიდაიგივე დროს გაღვიძება, სამსახურში წასვლა და სხვა გაწერილი დღისწესრიგი დაგეხმარებათ სიფხიზლის შენარჩუნებაში. ამასთან ზედმეტად ბევრმა თავისუფალმა დრომ შეიძლება დააპროვოციროს რეციდივი. თუმცა კარგად ანაზღაურებადი სამუშაოს პოვნა არ არის მარტივი. შესაძლოა სამსახურის ძიების პერიოდში, დღისწესრიგის გამოსამუშავებლად, კარგი აზრი იყოს მოხალისეობრივი ჩართულობა. 

დისციპლინის და პასუხისმგებლიანი დამოკიდებულების გამომუშავება

ადიქციის მქონე ადამიანებისთვის გამოწვევას წარმოადგენს ოჯახის წევრების, ახლობლების მხრიდან სრული ნდობის დაბრუნება. ამ პრივილეგიით სარგებლობაში დაგეხმარებათ იმის ჩვენება, რომ კვლავ ახერხებთ საკუთარი სიტყვის შესრულებას, დასახული მიზნების მიღწევას. ამავდროულად, ჯობია არ გადაიტვირთოთ ფიზიკურად და მორალურად, არ გამოიფიტოთ და არ დაისტრესოთ ზედმეტად, რათა თავად  არ შექმნათ რეციდივის რისკი. 

სამუშაო იძლევა ნორმალურობის განცდას 

შეგრძნება, რომ თქვენ, სხვების მსგავსად ცხოვრობთ საკუთარი ცხოვრებით, პასუხიემგებლიანად მიყვებით ყოველდღიურ რუტინას, შეგიქმნით ნორმალურობის განცდას, რომელიც დაგეხმარებათ გამოჯანმრთელებაში. 

 

გამოყენებული მასალა: THE BENEFITS OF WORKING WHILE GOING THROUGH RECOVERY, , Paula Nicola, M.D.Addiction Medicine, 2023

 

წინა

არასრულწლოვანთან სექსუალური ქმედებისთვის სკოლის მძღოლს პატიმრობა მიუსაჯეს

შემდეგი

მწერლები კულტურის სამინისტროსა და მწერალთა სალხს ბოიკოტს უცხადებენ

ბოლო სიახლეები

არავის დავტოვებთ მარტო უსამართლობის პირისპირ

FacebookTweetLinkedInEmail წელს მსოფლიოს მასშტაბით 17 მაისის წამყვანი გზავნილი ერთობისკენ მოწოდებაა, რადგან მხოლოდ ერთმანეთის მიმართ სოლიდარობითაა შესაძლებელია

საპროტესტო აქციების განრიგი საქართველოში და ფარგლებს გარეთ

FacebookTweetLinkedInEmail მიმდინარე დღეებში რუსული კანონის წინააღმდეგ აქციებია დაგეგმილი როგორც საქართველოს სხვადასხვა ქალაქში, ასევე ქვეყნის ფარგლებს გარეთაც.

კვლევის თანახმად ორსული ქვიარ ქალები უფრო ხშირად განიცდიან დეპრესიას, ვიდრე ჰეტეროსექსუალი ქალები

FacebookTweetLinkedInEmail 5 თებერვალს გამოქვეყნდა კვლევა, რომელიც შეისწავლიდა სექსუალურ ორიენტაციასთან დაკავშირებულ უთანასწორობას ორსულ ქვიარ ქალებში. კერძოდ, მათი

დააკავეს კაცი, რომელმაც 200-მდე ქალს 5000-მდე ფოტო და ვიდეო მოტყუებით და ფარულად გადაუღო

FacebookTweetLinkedInEmail სპეციალური საგამოძიებო სამსახურის ცნობით, პირადი ცხოვრების საიდუმლოს ხელყოფისა და სექსუალური ხასიათის ქმედების იძულების ფაქტზე 43