კიევისა და ვარშავის პრაიდი ერთობლივად ჩატარდება

Kyiv Pride-სა და Warsaw Pride-ის წევრებმა ერთობლივი მსვლელობა დააანონსეს – „მარში მშვიდობისთვის“, რომელიც ვარშავაში გაიმართება რუსული აგრესიის წინააღმდეგ და უკრაინელი ხალხის მშვიდობისა და თავისუფლებისთვის.

მსვლელობა პოლონეთში 25 ივნისს არის დაგეგმილი და გააერთიანებს ლგბტქი საზოგადოებასა და მათ მხარდამჭერებს, რომლებიც რუსეთის უკანონო ქმედებებსა და სისატიკეს გმობენ.

ორგანიზაციების ერთობლივ განცხადებაში ნათქვამია, რომ უკრაინის წინააღმდეგ რუსეთის მიერ წამოწყებული სრულმასშტაბიანი ომის გამო, კიევში თანასწორობის მარშის 10 წლის იუბილე ჩვეულ ფორმატში ვერ ჩატარდება, ამიტომ წელს ლგბტქი უკრაინელები ვარშავის ლგბტქი საზოგადოებასთან გაერთიანდნენ.

„ჩვენ ერთად ვდგავართ თავისუფლებისთვისა და ადამიანის უფლებებისთვის, ვდგავართ ერთად ომის წინააღმდეგ. მხარს დავუჭერთ მშვიდობას, უკრაინის გამარჯვებას, უკრაინული მიწისა და ხალხის თავისუფლებას“, — ვკითხულობთ განცხადებაში.

Warsaw Pride-ის პრეზიდენტმა ჯულია მაციოჩამ განაცხადა, რომ ვარშავაში ერთობა სხვების მხარდასაჭერად დგომას და იმ ხმებისთვის სივრცის დათმობას ნიშნავს, რომლებიც საკმარისად არ ისმის.

„ერთობა ერთმანეთის მხარდამხარ დგომა და მსვლელობაა უსაფრთხოებისა და თავისუფლებისთვის, იმ ადამიანებისთვის, რომლებსაც ეს წაართვეს. ვამაყობთ, რომ ვუერთდებით ამ მსვლელობაში Kyiv Pride-ს უკრაინის გამარჯვებისთვის!“

ორგანიზატორები ამ დღისთვის დაახლოებით 80.000 მონაწილეს ელიან და ხალხს ვარშავაში დაგეგმილ მსვლელობაში ჩართვისკენ მოუწოდებენ.

Kyiv Pride-ის დირექტორის, ლენი ემსონის თქმით, 25 ივნისი არ იქნება ზეიმის დღე, ეს იქნება მიმართვა მსოფლიოსთვის, რომ თავისუფლების გარდა, შესაძლოა, რუსეთმა ყველაფერი წაართვას უკრაინას,  გამარჯვების მოსაპოვებლად კი მთელი მსოფლიოს ჩართულობა და დახმარებაა საჭირო, რათა უკრაინელმა ხალხმა მშვიდობიანად შეძლოს საკუთარ მიწაზე ცხოვრება.

წინა

ქვიარ ქალების მასკულინური სილამაზე ფოტოგრაფიაში

შემდეგი

შუტი გატვა შემდეგი Doctor Who იქნება

ბოლო სიახლეები

რუსული ტერორისტული რეჟიმი ადამიანების წინააღმდეგ

FacebookTweetLinkedInEmail საქართველოში დემოკრატია შეიძლება გადაიხედოს და ბოლო ათწლეულში დამყარებული დღის წესრიგი 2024 წლის წინასაარჩევნო პერიოდში კიდევ

რუსული კანონის წინააღმდეგ დაგეგმილი აქციების განრიგი საქართველოს მასშტაბით

FacebookTweetLinkedInEmail რუსული კანონის წინააღმდეგ მოქალაქეები ყოველდღე იკრიბებიან სხვადასხვა ლოკაციებზე. უწყვეტი აქციების ფონზე გთავაზობთ სტუდენტებისა და ორგანიზაციების

არავის დავტოვებთ მარტო უსამართლობის პირისპირ

FacebookTweetLinkedInEmail წელს მსოფლიოს მასშტაბით 17 მაისის წამყვანი გზავნილი ერთობისკენ მოწოდებაა, რადგან მხოლოდ ერთმანეთის მიმართ სოლიდარობითაა შესაძლებელია

საპროტესტო აქციების განრიგი საქართველოში და ფარგლებს გარეთ

FacebookTweetLinkedInEmail მიმდინარე დღეებში რუსული კანონის წინააღმდეგ აქციებია დაგეგმილი როგორც საქართველოს სხვადასხვა ქალაქში, ასევე ქვეყნის ფარგლებს გარეთაც.