ILGA-Europe-ის განახლებული რუკის მიხედვით, რომელიც ლგბტქი უფლებების დაცვისა და თანასწორობის კუთხით ევროპაში არსებულ მდგომარეობას ასახავს, საქართველო ევროპის 49 ქვეყნიდან 34-ე ადგილზეა. 2021 წლის რუკაზე საქართველო ლგბტქი უფლებადაცვითი კუთხით არსებული 27%-იანი კოეფიციენტით, 32-ე
უკრაინის ევროკავშირში გაწევრიანების მხარდამჭერ ონლაინ პეტიციას ერთ დღეში 50 ათასზე მეტი ხელმომწერი ჰყავს. ამასთან, პეტიციის ავტორები ევროსაბჭოსა და ევროკომისიის პრეზიდენტებს, ევროპარლამენტის პრეზიდენტს, ევროკავშირის უმაღლეს წარმომადგენელს საგარეო პოლიტიკისა და უსაფრთხოების საკითხებში და ევროკავშირის წევრი სახელმწიფოების მთავრობის მეთაურებს მიმართავენ, რომ საქართველოს და
ერევანში მიმდინარე დემოკრატიის ფორუმის მონაწილეებისთვის სომხეთში ევროკავშირის ელჩმა ანდრეა ვიქტორინმა განმარტა, თუ რა მნიშვნელობა აქვს დემოკრატიასა და სიტყვის თავისუფლებას. მისი თქმით, დემოკრატია, კანონის უზენაესობა
საქართველოს პრემიერმინისტრი, ირაკლი ღარიბაშვილი და ევროპარლამენტის პრეზიდენტი, რობერტა მეცოლა ერთმანეთს შეხვდნენ და ქვეყნის დასავლური კურსი — მართლმსაჯულების რეფორმა, კანონის უზენაესობა, ადამიანის უფლებების, მათ შორის,
ევროკავშირის წარმომადგენლობა საქართველოში ეხმიანება ქართული ოცნების პოლიტიკური საბჭოსმიერ მიღებულ გადაწყვეტილებას რუსულ კანონპროექტის გაწვევის თაობაზე. განცხადების თანახმად, ევროკავშირის წარმომადგენლობა საქართველოში მიესალმება აღნიშნულ გადაწვეტილებას და მოუწოდებს პოლიტიკურ ლიდერებს, განაახლონ პროევროპული რეფორმები 12 პრიორიტეტის შესაბამისად საქართველოს მიერ კანდიდატის სტატუსის მიღწევის მიზნით.
“მივესალმებით მმართველი პარტიის განცხადებას „უცხოური გავლენის გამჭვირვალობის შესახებ“ კანონპროექტის გაწვევის შესახებ. მოვუწოდებთ საქართველოს ყველა პოლიტიკურ ლიდერს, ინკლუზიური და კონსტრუქციული გზით განაახლონ პროევროპული რეფორმები 12 პრიორიტეტის შესაბამისად საქართველოს მიერ კანდიდატის სტატუსის მიღწევის მიზნით“, — ნათქვამია განცხადებაში.
საპარლამენტო უმრავლესობამ რუსული კანონპროექტის გაწვევისა და მისი განხილვის შეწყვეტის შესახებ გადაწყვეტილება მიიღო. ინფორმაცია ქართული ოცნების პოლიტიკური საბჭოს, ანტიდასავლური მოძრაობა ხალხის ძალისა და საპარლამენტო უმრავლესობის ერთობლივი განცხადების მეშვეობით ვრცელდება, აღნიშნულ განცახადებას კი ტელეკომპანია იმედი აქვეყნებს.
მიმდინარე კვირაში პარლამენტის პლენარული სხდომები არ გაიმართება. ამის შესახებ განცხადებას საქართველოს პარლამენტის აპარატი ავრცელებს. განცხადებაშია ნათქვამია, რომ 9 და 10 მარტს იმოქმედებს ტერიტორიაზე დაშვების შეზღუდული რეჟიმი, რომელიც გავრცელდება ყველა ვიზიტორზე, აკრედიტებულ მედიაზე და პარლამენტის წევრებზე. ინფორმაცია იმის შესახებ, როდის გეგმავს მმართველი პარტია პირველი მოსმენით მიღებული კანონის მეორე მოსმენაზე გატანას, ჯერ-ჯერობით უცნობია.
აქციების ძალადობრივი დაშლის და არაერთი მოქალაქის დაშავების შემდეგ, დღეს, 9 მარტს, დილით ცნობილი გახდა, რომ ქართულმა ოცნებამ რუსული კანონპროექტის გაწვევისა და მისი განხილვის შეწყვეტის შესახებ გადაწყვეტილება მიიღო. იურისტების შეფასებით კი, პარლამენტის რეგლამენტის თანახმად, პირველი მოსმენით მიღებული კანონის გაწვევა არ ხდება და ის უნდა ჩავარდეს მეორე მოსმენაზე.
კონსტიტუციური სამართლის სპეციალისტის, ვახუშტი მენაბდის განმარტებით, ორი კანონპროექტიდან პირველი, რუსულთან მიმსგავსებული, პირველი მოსმენითაა მიღებული, ხოლო მეორე, აშშ-სთან მიმსგავსებული — ჯერ არ განხილულია.
“პირველი ვარიანტი სასწრაფოდ უნდა გაიტანონ მეორე მოსმენაზე და თავადვე ჩააგდონ (აქედან ერთი თვის განმავლობაში მეორედ აღარ უნდა დააყენონ კენჭისყრაზე, თორემ მეორე მოსმენით ერთხელ ჩაგდებული პროექტის შემობრუნება შესაძლებელია). ასევე, მეორე ვარიანტის ყველა ინიციატორმა უნდა მოაწეროს ხელი პროექტის გაწვევას. ზემოაღნიშნულის გათვალისწინებით, უმრავლესობამ საკუთარი ხელით უნდა ჩააგდოს კანონი, ხოლო ანტიდასავლურმა მოძმარაობა ხალხის ძალამ საკუთარი ხელმოწერებით უარი თქვას მასზე”, — წერს ვახუშტი მენაბდე.
პარლამენტმა რუსულ კანონს მხარი პირველი მოსმენით 7 მარტს დაუჭირა. განხილვა 9 მარტს იყო დაანონსებული, მაგრამ მოულოდნელად 7 მარტი გადაწყდა. მას შემდეგ, რაც ანტიდასავლურმა ძალამ რუსული კანონპროექტის ორი ვერსია დააინიცირა, აქციები იმართებოდა, თუმცა 7 მარტს გასაპროტესტებლად პარლამენტთან ბევრად მეტი ადამიანი მივიდა, უფრო მეტი კი 8 მარტს. ორივე დღეს ხელისუფლებამ მშვიდობიანი დემონსტრანტების დასაშლელად ძალადობრივ მეთოდებს მიმართა, კერძოდ, გამოიყვანეს სპეცდანიშნულების რაზმი, გამოყენებული იყო წყლის ჭავლი, ცრემლსადენი გაზი და წიწაკის სპრეი. გავრცელდა კადრებიც, სადაც ჩანს, რომ სპეცრაზმი წყლის ჭავლში წიწაკის სპრეის ურევს.
შსს-ს ინფორმაციით, 7 და 8 მარტს აქციაზე ჯამში 134 მოქალაქეა დაკავებული. ამასთანავე, გავრცელებული ინფორმაციით დაშავებულია ათობით ადამიანი, თუმცა ზუსტი რაოდენობა უცნობია. ომბუდსმენის განცხადებით, დაკავებულთაგან რამდენიმეს გარეგნული დაზიანებები ეტყობოდა, მათ შორის, ყველაზე მძიმედ პოლიტიკოსი ზურაბ გირჩი ჯაფარიძეა დაზიანებული.
ანტიდასავლურმა მოძრაობამ პარლამენტში რუსული კანონის ორი ვერსია წარადგინა. ორივე ითვალისწინებს „უცხოური გავლენის აგენტად“ რეგისტრაციას იმ შემთხვევაში, როცა დაფინანსების წყარო საერთაშორისო ორგანიზაციებია. წინააღმდეგ შემთხვევაში, გათვალისწინებულია ჯარიმა, ახალ ვერსიაში კი არის პატიმრობის შესახებ ჩანაწერიც. შედეგად, საფრთხე ექმნება თავისუფალ მედიას, არასამთავრობო ორგანიზაციების საქმიანობას და უამრავ სერვისს, რომელსაც მოსახლეობა სწორედ არასამთავრობო ორგანიზაციებისა და მედიის დახმარებით იღებს, მათ შორის, ჯანდაცვის, განათლების, ინფრასტრუქტურული სერვისები და სხვა.
ქართული ოცნება აპირებს პირველი მოსმენით მხარი დაუჭიროს ორივე კანონპროექტს და შემდეგ ვენეციის კომისიას გადაუგზავნოს განსახილველად. შესაბამისად, ანტიდასავლური მოძრაობის მიერ პარლამენტში უკვე რეგისტრირებულ რუსულ კანონპროექტებს მედია და არასამთავრობო ორგანიზაციები ჩვენი მუშაობის შეზღუდვის მცდელობად მივიჩნევთ. ჩვენ გავავრცელეთ ერთობლივი განცხადებაც და აღვნიშნეთ, რომ კანონპროექტი მიმართულია არა მხოლოდ თავისუფალი სამოქალაქო საზოგადოების ორგანიზაციებისა და კრიტიკული მედიის, არამედ — საქართველოს მოსახლეობის წინააღმდეგ. გარდა ამისა, დამატებით განცხადება გავრცელდა მედიის მხრიდან. ხელმომწერი მედიაორგანიზაციები ვაცხადებთ, რომ არ ვაპირებთ „აგენტებად“ რეგისტრაციას, რეგისტრაციას, რადგან კანონის მიზანია, მედიამ და საზოგადოებრივმა ორგანიზაციებმა ვეღარ ასახონ ქვეყანაში არსებული კორუფცია, უსამართლობა და სიღარიბე.
მსგავსი კანონი რუსეთში 2012 წელს მიიღეს. ბოლო დეკადამ ცხადყო, რომ რომ რუსეთის ავტორიტარმა მმართველმა, „გამჭვირვალობის“ მიზეზით მიღებული კანონის მეშვეობით, მედიისა და არასამთავრობო სექტორის კრიტიკული ხმა სრულიად ჩაახშო.
ევროკავშირის ელჩი საქართველოში, პაველ ჰერჩინსკი პარლამენტის თავმჯდომარეს, შალვა პაპუაშვილს შეხვდა. შეხვედრის შემდეგ მან მედიასთან თქვა, რომ რუსული კანონი წინააღმდეგობაშია ევროსაბჭოს 12 რეკომენდაციიდან სულ მცირე ორთან, რომლებიც ევროკავშირის კანდიდატის სტატუსის მისაღებად საქართველომ უნდა შეასრულოს.
„შეშფოთება გამოვთქვი არამხოლოდ მე, არამედ საქართველოში მყოფმა სხვა ელჩებმაც. ღია და პირდაპირი აზრთა მიმოცვლა გვქონდა პარლამენტის თავმჯდომარესთან და საგარეო საქმეთა კომიტეტის თავმჯდომარესთან და დისკუსია არ იყო მარტივი. ჩვენ მკაფიოდ დავაფიქსირეთ, რომ ეს ინიციატივა არ შეესაბამება ევროკავშირის ღირებულებებს და წინააღმდეგობაში მოდის სულ მცირე 2 რეკომენდაციასთან თორმეტიდან, რომელიც საქართველოს გასულ წელს გადაეცა. რაც შეეხება სპიკერს, მოვისმინეთ არგუმენტები აღნიშნული კანონის აუცილებლობაზე. ეს ჯერ მხოლოდ ინიციატივაა, გაგრძელდება დისკუსია, აქტიურად დავაკვირდებით პროცესს და ვიმედოვნებთ, ეს ინიციატივა კანონად არ იქცევა“, — აღნიშნა ჰერჩინსკიმ.
ანტიდასავლურმა მოძრაობამ პარლამენტში რუსული კანონის ორი ვერსია წარადგინა. ორივე ითვალისწინებს “უცხოური გავლენის აგენტად” რეგისტრაციას იმ შემთხვევაში, როცა დაფინანსების წყარო საერთაშორისო ორგანიზაციებია. წინააღმდეგ შემთხვევაში, გათვალისწინებულია ჯარიმა, ახალ ვერსიაში კი არის პატიმრობის შესახებ ჩანაწერიც. შედეგად, საფრთხე ექმნება თავისუფალ მედიას, არასამთავრობო ორგანიზაციების საქმიანობას და უამრავ სერვისს, რომელსაც მოსახლეობა სწორედ არასამთავრობო ორგანიზაციებისა და მედიის დახმარებით იღებს, მათ შორის, ჯანდაცვის, განათლების, ინფრასტრუქტურული სერვისები და სხვა.
ქართული ოცნება აპირებს პირველი მოსმენით მხარი დაუჭიროს ორივე კანონპროექტს და შემდეგ ვენეციის კომისიას გადაუგზავნოს განსახილველად.
ევროკავშირის დაფინანსებული აღმოსავლეთ პარტნიორობის სამოქალაქო საზოგადოების დაწესებულების პროექტი, არაკომერციულ ორგანიზაცია ევროპის ეკონომიკური თანამშრომლობისთვის (OEEC) პარტნიორობით, იწყებს ონლაინ კურსს სთორითელინგი სამოქალაქო საზოგადოებისთვის. კურსი დაახლოებით 6 კვირის განმავლობაში გაგრძელდება და მოიცავს როგორც ლაივ ვორკშოპებს, ასევე, ვიდეო სემინარებს, ინდივიდუალურ ქოუჩინგს და საშინაო დავალებებს. კურსი ონლაინ პლატფორმა Cities of Learning-ის მეშვეობით ჩატარდება და წარმატებით დასრულების შემთხვევაში, მონაწილეები სერტიფიკატსა და აღნიშნული ონლაინ პლატფორმის კრედიტებს მიიღებენ.
“საჯარო დისკურსში, სადაც ამდენი ხმაა, სამოქალაქო აქტივისტებისთვის რთულია, თავიანთი ისტორიები სხვებს გააგებინონ, მაგრამ დახმარება აქვეა”, – წერია აღწერაში.
კურსი განკუთვნილია სამოქალაქო საზოგადოების ლიდერების, სამოქალაქო საზოგადოებაში მომუშავე ორგანიზაციის კომუნიკაციის მენეჯერებისთვის აღმოსავლეთ პარტნიორობის ქვეყნებიდან (სომხეთი, აზერბაიჯანი, ბელარუსი, საქართველო, მოლდოვა და უკრაინა). კურსში მონაწილეობა სტარტაპების ლიდერებს, აქტივისტებს, სოციალურ მეწარმეებსა და სხვა მოხალისეებსაც შეუძლიათ.
აღწერის მიხედვით, მონაწილეები უკეთ გაიგებენ, რატომაა ისტორიები ყველაზე მძლავრი საკომუნიკაციო საშუალება. კურსის დასრულების შემდეგ, მონაწილეებს შეეძლებათ, შექმნან და ფართოდ გაავრცელონ თავიანთი ისტორიები სწორ მესიჯებზე დაყრდნობით; ისინი შეძლებენ, შეცვალონ აუდიტორიის აღქმა თავიანთ მესიჯებთან მიმართებით.
მონაწილეებისთვის სავალდებულოა, რომ სამუშაო ფაილებიდან, რომელიც 12 ვიდეოს მოიცავს, 3 სავალდებულო და 1 არჩევითი ელემენტი შეასრულონ. მათთვის, ვისაც მაღალი ჩართულობა ექნება, უზრუნველყოფილი იქნება ერთი-ერთზე ქოუჩინგ სესიები კურსის ექსპერტებთან, რათა მონაწილეებს სთორითელინგის სპეციფიკური ასპექტებში დაეხმარონ.
კურსის ტუტორები და ქოუჩები რეგიონის სხვადასხვა გამოცდილების მქონე პროფესიონალებსა და კრეატიული აზროვნების მქონე ადამიანებს აერთიანებს.
კურსი უფასოა, ხოლო სამუშაო ენა — ინგლისური. კურსი ღია იქნება აღმოსავლეთ პარტნიორობის ქვეყნების სამოქალაქო საზოგადოების ყველა ქვეყნისთვის პლატფორმაზე Cities of Learning. დაინტერესებულმა პირებმა აღნიშნულ პლატფორმაზე მონაწილეობის ფორმა 20 იანვრამდე უნდა შეავსონ.
კურსისთვის შეირჩევა 25 მონაწილე, ხოლო დაწყების დადასტურებული თარიღის გარკვევისა და სხვა დეტალების შესახებ პლატფორმა Cities of Learning-დან და მათი სოციალური ქსელებიდან შეიტყობთ.
ევროკავშირი სერბეთის ხელისუფლებას მოუწოდებს, ევროპრაიდის ორგანიზატორებთან კომუნიკაცია გააგრძელოს, რათა ღონისძიების მშვიდად და უსაფრთხოდ ჩატარების გარანტიები შეიქმნას. პრესსპიკერის განცხადება მას შემდეგ გამოქვეყნდა, რაც ყველაზე დიდი ევროპული ლგბტქი მარშის სერბეთში ჩატარებასთან დაკავშირებით, ქვეყნის პრეზიდენტმა, ალექსანდრ ვუჩიჩმა განაცხადა, რომ ღონისძიება გაუქმდებოდა.
„ევროკავშირი მხარს უჭერს თანასწორობას და გმობს ნებისმიერი სახის დისკრიმინაციას. ევროპრაიდი პირველად 1992 წელს ჩატარდა და ღონისძიების მიზანი ევროპაში მცხოვრები ლგბტქი ადამიანების უფლებათა ადვოკატირებაა, იმ ადამიანებისთვის პლატფორმის მიცემა, რომლებიც დისკრიმინაციას, ძალადობასა და სიძულვილს უმიზეზოდ, მხოლოდ მათი სექსუალობის, სქესისა და გენდერის მიზეზით აწყდებიან“, — ნათქვამია ევროკავშირის პრესსპიკერის განცხადებაში.
გამოქვეყნებული განცხადებაში ასევე აღნიშნულია, რომ ევროკავშირი „ახლო პარტნიორებისგან ადამიანის, მათ შორის, ლგბტქი პირების უფლებათა დაცვისა და განმტკიცებისთვის სათანადო ძალისხმევას“ ელის, რაც „შეკრებისა და გამოხატვის მათი კონსტიტუციით გარანტირებულ უფლებებსა და ადამიანის უფლებათა საერთაშორისო მოთხოვნებთან შესაბამისობაშია“.
ევროპრაიდის სამხრეთ-ევროპის ქვეყანაში ჩატარება, რომელიც ევროპის ეკონომიკური ზონის წევრი არაა, პირველად იგეგმება. აღნიშნულ გადაწყვეტილებას ჰომოფობიური აქცია მოჰყვა, სერბეთის პრეზიდენტმა კი განაცხადა, რომ ღონისძიება გაუქმდებოდა. განცხადების საპასუხოდ ევროპრაიდის სერბეთში ჩატარების მხარდამჭერი პეტიცია შეიქმნა, ევროპრაიდის ორგანიზატორებმა კი თქვეს, რომ ღონისძიების გაუქმებას არ აპირებენ და ერთადერთი, რასაც აუქმებენ, სიძულვილია.
Pass it on. ❤️ #EuroPride2022 pic.twitter.com/7vK3VrMljb
— EuroPride is not cancelled! (@EuroPride) September 2, 2022
EU Neighbours East აღმოსავლეთ პარტნიორობის ქვეყნებიდან (სომხეთი, აზერბაიჯანი, ბელარუსი, საქართველო, მოლდოვა, უკრაინა) ევროკავშირის მხარდაჭერილ პროექტებში მონაწილეობის გამოცდილების მქონე ახალგაზრდებს ახალ შესაძლებლობას სთავაზობს.
EU4Youth-ის საგრანტო პროექტების, Youth in Action-ის, ევროპული სოლიდარობის კორპუსის, ახალგაზრდა ევროპელი ელჩების ქსელის, ასევე ევროკავშირის მიერ დაფინანსებული სხვა ახალგაზრდული პროექტების მონაწილე ახალგაზრდებს ქსელში ჩართვა და ადგილობრივ დონეზე სხვა, მათ შორის, ნაკლები ფინანსური შესაძლებლობების, სხვადასხვა სოციალური ჯგუფის წარმომადგენელი ახალგაზრდების მობილიზებისთვის ინიციატივებზე მუშაობა შეეძლებათ. ახალგაზრდული ქსელის მიზანია, უფრო მეტი ადამიანი ჩაერთოს საკუთარი სოციუმის, თემის განვითარების, პოზიტიური ცვლილებების განხორციელების პროცესში.
ქსელის თითოეული მონაწილე ახალგაზრდებთან მუშაობის პროფესიონალი მენტორის მხარდაჭერას მიიღებს, რომელიც ინიციატივის განხორციელების პროცესში დაეხმარება. მენტორისა და ადმინისტრაციული მხარდაჭერის გარდა, ახალგაზრდა ლიდერები აუცილებელი ხარჯებისთვის საჭირო თანხასაც მიიღებენ. ამასთან, პროექტებზე მუშაობის პერიოდში, ქსელის ღონისძიებებზე დასწრების, შუალედური შეხვედრის, თემატურ სამუშაო შეხვედრებსა და საბოლოო შეფასების ღონისძიებაზე დასწრება შეეძლებათ. ქსელი მონაწილეებს აქტიური წევრობის თუ შემდგომ პერიოდში საინტერესო განათლების შესაძლებლობების შესახებ ინფორმაციას გაუზიარებს.
ახალგაზრდული ქსელი ახალგაზრდებთან მუშაობის, სოციუმის საჭიროებების ანალიზის, აქტივობების დაგეგმვის, აქტიური მოქალაქეობის გამოცდილების მიღების კარგი შესაძლებლობაა, თანაც ინიციატივის წარმატებით განხორციელების შემდეგ ევროკომისიის სერთიფიკატს მიიღებთ.
ახალგაზრდულ ქსელში ჩართვა შეუძლიათ ადამიანებს, რომლებიც:
ახალგაზრდული ქსელი 90-მდე ახალგაზრდას გააერთიანებს, თითოეული ქვეყნიდან დაახლოებით 15-ს და მათ ღია შერჩევის პროცესით აირჩევენ. განაცხადების გაგზავნა 2022 წლის 7 სექტემბრამდე, აღნიშნული სარეგისტრაციო ფორმის შევსებით შეგიძლიათ.
EU4Youth ევროკავშირის ინიციატივაა, რომელიც ახალგაზრდა ადამიანების საზოგადოებრივ აქტიურობასა და მათი დასაქმების ხელშეწყობას, ახალგაზრდა ლიდერების მხარდაჭერას, ანტერპრენერული უნარების განვითარებას ისახავს მიზნად, რასაც კავშირების გაძლიერებით, გამოცდილებისა და ცოდნის გაზიარებითა ახორციელებს.
უნგრეთი ლგბტქი საკითხებისა და მედიის თავისუფლების ამკრძალავი კანონის გამო ევროპის უზენაესი სასამართლოს წინაშე წარსდგება.
ევროკავშირი უკვე ერთი წელია აქტიურად მუშაობს, რათა უნგრეთმა შეცვალოს ისეთი მასალების აკრძალვის შესახებ კანონი, რომელიც ჰომოსექსუალობის საკითხებს ასახავს. ევროკომისიის თქმით, აღნიშნული მიდგომა „ადამიანების სექსუალური ორიენტაციისა და გენდერული იდენტობის ნიშნით დისკრიმინაციას ეწევა“.
„კომისია მიიჩნევს, რომ კანონი შიდა ბაზრის წესებსა და ინდივიდის (კონკრეტულად კი ლგბტქი ადამიანების) ფუნდამენტურ უფლებებს არღვევს, რომელსაც ევროკავშირი აღიარებს“, — ნათქვამია განცხადებაში.
აღნიშნული გადაწყვეტილება იმ ხანგრძლივი პოლიტიკური დაპირისპირების ბოლო ეპიზოდია, რომელშიც ოფიციალური ბრიუსელის თქმით, უნგრეთის პრემიერ მინისტრმა ვიქტორ ორბანმა შეგნებულად გადაუხვია დასავლური დემოკრატიის ღირებულებებს, უნგრეთის ლიდერი კი თვლის, რომ ევროკომისიის მიდგომა, რომლითაც საერთაშორისო პოლიტიკის წარმოებისას ხელმძღვანელობს ზედმეტად ლიბერალურია.
გასულ წელს, უნგრეთის მემარჯვენე მმართველმა ძალამ მედიით ჰომოსექსუალობისა და სქესის კვლავ მინიჭების საკითხების გაჟღერება აკრძალა, აღნიშნული ცვლილების სამიზნე 18 წლამდე მოზარდები იყვნენ. გარდა ამისა, ჰომოსექსუალობის შესახებ ინფორმაცია სასკოლო სქესობრივი განათლების პროგრამიდან და იმ ფილმებიდან თუ რეკლამებიდანაც ამოიღეს, რომელიც არასრულწლოვნებისთვის ხელმისაწვდომია.
ახალ კანონს ქვეყნის დედაქალაქში მასშტაბური საპროტესტო აქციები მოჰყვა. უფლებადაცვითი ორგანიზაციები აცხადებდნენ, რომ ცვლილება ლგბტქი ადამიანების საზიანოდ სტიგმის გაძლიერებას უწყობს ხელს.
ევროკომისიის პრეზიდენტმა, ურსულა ფონ დერ ლაიენმა კანონს დაუყოვნებლივ უწოდა — „სამარცხვინო“ და პრაიდის თვეში განაცხადა, რომ აღნიშნულ გადაწყვეტილებას სამართლებრივ პასუხს გასცემდნენ.
წყარო: NBC News
20 ივნისს, 20:00 საათზე, საქართველოს პარლამენტთან აქცია — შინ ევროპისკენ! იმართება, რომლის მიზანი მსოფლიოსთვის ევროპული არჩევანისა და დასავლური ღირებულებებისადმი ქართველი ხალხის ერთგულების ჩვენებაა.
აქცია იმ გადაწყვეტილებას ეხმიანება, რომელიც ევროკავშირმა საქართველოს ევროკავშირის კანდიდატობის სტატუსთან დაკავშირებით ივნისის ბოლოს უნდა მიიღოს.
„ევროპა ქართველების ისტორიული არჩევანი და მისწრაფებაა, რომლისთვისაც ყველა თაობამ მსხვერპლი გაიღო. ამ ჩვენი ისტორიული მისწრაფების ხელშესახები აქტი საქართველოს დემოკრატიული რესპუბლიკის კონსტიტუციაა. ჩვენ, ქართველებმა, იმდროინდელ მსოფლიოში ერთ-ერთი ყველაზე პროგრესული დოკუმენტი შევქმენით და ევროპასთან ღირებულებითი კავშირის დეკლარირება შევძელით.
გაივლის 1 საუკუნე და რუსეთის ფედერაცია უკრაინის დასავლურ არჩევანს ახალი სამხედრო აგრესიით დაუპირისპირდება. უკრაინელი ხალხის გმირობისა და თავგანწირვის ფონზე კი უკრაინისთვის, საქართველოსა და მოლდოვისთვის უპრეცედენტო შანსი ჩნდება – გავხდეთ ევროკავშირის ნაწილი და დავბრუნდეთ იქ, სადაც ჩვენი ფესვები და მისწრაფებებია“, — ვკითხულობთ სამოქალაქო მოძრაობა ,,სირცხვილიას” მიერ ორგანიზებული ღონისძიების აღწერაში, რომლითაც ორგანიზატორები თითოეულ მოქალაქეს მოუწოდებენ, რომ მიუხედავად რიგ საკითხებზე უთანხმოებისა, თავისუფლების, მშვიდობის, ეკონომიკური მდგრადობის, ადამიანის უფლებების დაცვისა და სამართლიანობის იდეის გარშემო გაერთიანდნენ, რომლის გარანტიც ევროკავშირთან ინტეგრაციაა.
აქციაზე შეკრებილ მოქალაქეებს სამოქალაქო საზოგადოების, უკრაინის ხელისუფლებისა და ევროკავშირის წარმომადგენლები მიმართავენ, რის შემდეგაც, 21:00 საათზე, აქციის მონაწილეები ევროპის მოედნისკენ გაემართებიან, სადაც ღონისძიების დასკვნითი ნაწილი შედგება.
ევროკავშირის წარმომადგენლობის ოფისთან, ჰომოფობიურ აქციაზე 7 პირი, მათ შორის, გურამ ფალავანდიშვილი, წვრილმანი ხულიგნობისთვისა და პოლიციელის კანონიერი მოთხოვნის დაუმორჩილებლობისთვის დააკავეს.
ბავშვთა უფლებების დაცვის საზოგადოებისა და არასამთავრობო ორგანიზაცია – ზნეობის მიერ ორგანიზებულ ჰომოფობიურ აქციაზე შეკრებილებს ანტი-ლგბტქი და სიძულვილის ენის შემცველი ბანერები ჰქონდათ მიტანილი.
პოლიციამ აქციის მონაწილეები მას შემდეგ დააკავა, რაც შეკრებილებმა ევროკავშირის დროშის დაწვა გადაწყვიტეს.
ერევანში მიმდინარე დემოკრატიის ფორუმის მონაწილეებისთვის სომხეთში ევროკავშირის ელჩმა ანდრეა ვიქტორინმა განმარტა, თუ რა მნიშვნელობა აქვს დემოკრატიასა და სიტყვის თავისუფლებას.
მისი თქმით, დემოკრატია, კანონის უზენაესობა და ფუნდამენტური თავისუფლება მჭიდროდ არის დაკავშირებული და ეს ურთიერთკავშირი ერთიმეორეს აძლიერებს. დემოკრატია არ არის ერთჯერადი პროცესი, ეს არის ყოველდღიური მუშაობის შედეგი და მნიშვნელოვანია, მასში ყველამ მიიღოს მონაწილეობა. მან განმარტა, რომ დემოკრატია არის გარემო, რომელშიც ნებისმიერს შეუძლია ისარგებლოს თანაბარი უფლებებით, გამოხატოს თავისუფალი ნება, ჰქონდეს გადაწყვეტილებებში ხმის მიცემის შესაძლებლობა და შეძლოს, პასუხისმგებლობა დააკისროს ხმის მიმღებ პირებს. დემოკრატია ნიშნავს ხელისუფლების საქმიანობაში აქტიურ ჩართულობას კანონის უზენაესობის შესაბამისად. ელჩმა განაცხადა, რომ ამის მიღწევა ერთბაშად არ არის შესაძლებელი და გრძელვადიან ძალისხმევას მოითხოვს.
ვიქტორინის თქმით, არსებობს გამოწვევები, რომლებიც გავლენას ახდენენ დემოკრატიაზე მთელს მსოფლიოში. ასეთი სერიოზული გამოწვევების წინაშე სომხეთიც დადგა, მაგალითად, როგორიცაა, კოვიდ-პანდემია, 44-დღიანი ომი, ომის შემდგომი ვითარება და ბოლო დროს რუსეთის ომის გავლენა უკრაინაში. მან აღნიშნა, რომ არ არსებობს მშვიდობა და უსაფრთხოება დემოკრატიის გარეშე. ამ გამოწვევებს მნიშვნელოვანი სოციალური, ფსიქოლოგიური და ეკონომიკური შედეგები მოაქვს, ხოლო მათი დაძლევა ადამიანის უფლებების დაცვისას რთულია. ელჩმა უმნიშვნელოვანეს მიღწევად 2021 წელს ჩატარებული გამჭვირვალე ვადამდელი საპარლამენტო არჩევნების ორგანიზება დაასახელა, მიუხედავად მოკლე წინასაარჩევნო დროისა და პანდემიისა.
ვიქტორინმა აღნიშნა, რომ არჩევნები ასახავს ხალხის ნებას ქვეყანამ დემოკრატიული გზისა და რეფორმებისკენ გააგრძელოს სვლა, რაშიც დიდია თავისუფალი მედიის როლი. მან ხაზი გაუსვა იმას, რომ ევროკავშირი მხარს უჭერს მედიის თავისუფლებასა და პლურალიზმს, როგორც თანამედროვე დემოკრატიის ერთ-ერთ საყრდენს და ღია და თავისუფალი დებატების ფორუმს.
სომხეთს სჭირდება ძლიერი სამოქალაქო საზოგადოება, თქვა ვიქტორინმა. პოლიტიკური ცვლილებების მისაღწევად მნიშვნელოვანია საზოგადოების აქტიური ჩართულობა. მან აღნიშნა, რომ უფლებადამცველები და არასამთავრობო ორგანიზაციები, რომლებიც ქალებისა და ბავშვების უფლებებს იცავენ, ოჯახში ძალადობას ებრძვიან და მხარს უჭერენ ლგბტქი თემს, კრიტიკისა და სიძულვილის სამიზნეები გახდნენ. ელჩმა განაცხადა, რომ ადამიანის უფლებათა საყოველთაო დეკლარაცია არ არის შერჩევითი, ყველას უფლებები თანაბარია, განურჩევლად ადამიანის რასის, ეროვნების, რელიგიის, გენდერული იდენტობის თუ სექსუალური ორიენტაციისა.
ვიქტორინმა პოზიტიურ ნაბიჯად მოიხსენია 2020 წელს პარლამენტის მიერ ძალადობის კრიმინალიზაცია და განმარტა, რომ სომხეთ-ევროკავშირის მჭიდრო პარტნიორობის თანახმად, ევროკავშირი სომხეთს დემოკრატიის გაძლიერებაში, კანონის უზენაესობის განმტკიცებაში, ადამიანის უფლებათა დაცვასა და მოსახლეობისთვის მშვიდობიანი და უსაფრთხო გარემოს შექმნაში ეხმარება.
საქართველოს პრემიერმინისტრი, ირაკლი ღარიბაშვილი და ევროპარლამენტის პრეზიდენტი, რობერტა მეცოლა ერთმანეთს შეხვდნენ და ქვეყნის დასავლური კურსი — მართლმსაჯულების რეფორმა, კანონის უზენაესობა, ადამიანის უფლებების, მათ შორის, ლგბტქი ადამიანების უფლებების დაცვის გამოწვევები განიხილეს.
შეხვედრის შესახებ ინფორმაცია მეცოლამ და ღარიბაშვილმა ტვიტერზე გამოაქვეყნეს.
Had a chance to discuss 🇬🇪’s 🇪🇺membership process w/ @EP_President. Submission of 🇪🇺 Questionnaire during the recent geopolitical shifts stands as another confirmation of the irreversibility of 🇪🇺 choice of 🇬🇪 people. Grateful for @Europarl_EN‘s continuous support on this path. pic.twitter.com/tqCEPnQ3H6
— Irakli Garibashvili (@GharibashviliGe) May 17, 2022
ირაკლი ღარიბაშვილმა საკუთარი ტვიტერის გვერდზე დაწერა, რომ ევროპარლამენტის პრეზიდენტთან საქართველოს ევროკავშირის წევრობის საკითხი განიხილა და ,,გეოპოლიტიკური ცვლილებებისას ევროკავშირის კითხვარის შევსება ქართველი ხალხის დასავლური არჩევანის კიდევ ერთი დადასტურებაა”, თუმცა არაფერი უთქვამს იმ საკითხებზე, რომლებიც შეხვედრაზე განიხილეს.
ევროპარლამენტის პრეზიდენტმა, რობერტა მეცოლამ კი საკუთარ ტვიტერზე აღნიშნა, რომ ,,საქართველო ევროპულ ოჯახს ეკუთვნის” და ,,მართლმსაჯულების რეფორმა, კანონის უზენაესობა, მედიის თავისუფლება, ლგბტქი და ადამიანთა უფლებების დაცვა ქვეყნის ევროპულ გზაზე გადამწყვეტი მნიშვნელობისაა”.
მეცოლამ ასევე აღნიშნა, რომ ,,ერთსულოვანნი არიან უკრაინის მხარდაჭერაში”.
Good meeting with Prime Minister of 🇬🇪 @GharibashviliGe at @Europarl_EN.#Georgia belongs to the 🇪🇺 family.
Reforms in judiciary, rule of law, media freedom, LGBTIQ+ and human rights remain crucial for the country’s European path.
We will remain united in our support to 🇺🇦. pic.twitter.com/0voZLnSAAq
— Roberta Metsola (@EP_President) May 17, 2022
