აქცია

პარლამენტთან უკრაინის მხარდამჭერი აქცია გაიმართა

დღეს, 18 საათზე, პარლამენტის შენობასთან, მოქალაქეების მიერ ორგანიზებული უკრაინის მხარდასაჭერი აქცია – #GeorgiaSupportsUkraine გაიმართა. შეკრების მიზანი დამოუკიდებლობის, განვითარების, დემოკრატიის და რუსეთის აგრესიისგან თავისუფალი სამყაროს მხარდაჭერა იყო. აქციის ერთ-ერთი ორგანიზატორის, ადვოკატ დავით გელაშვილის

შენი სიჩუმე კლავს! —22 მაისს, საქართველოს სამ ქალაქში აქცია-პერფორმანსი გაიმართება

დღეს, საქართველოს სამ ქალაქში — თბილისში, ზუგდიდსა და ბათუმში ქალთა სიცოცხლის დასაცავად აქცია პერფორმანსი — შენი სიჩუმე კლავს! — გაიმართება. 21 მაისს, საზოგადოებრივ ტრანსპორტში

შინ ევროპისკენ! — აქცია ქართველი ხალხის დასავლური ღირებულებებისადმი ერთგულების გამოსახატად

20 ივნისს, 20:00 საათზე, საქართველოს პარლამენტთან აქცია — შინ ევროპისკენ! იმართება, რომლის მიზანი მსოფლიოსთვის ევროპული არჩევანისა და დასავლური ღირებულებებისადმი ქართველი ხალხის ერთგულების ჩვენებაა. აქცია

ვაკის პარკში დენის დარტყმის შედეგად მოზარდი გარდაიცვალა — მოქალაქეები კალაძის პასუხისმგებლობას ითხოვენ

დღეს, 13 ოქტომბერს, ვაკის პარკში ახალხან აშენებულ შადრევანში დენის დარტყმის შედეგად 13 წლის გოგო გარდაიცვალა, ორი მოზარდი კი კლინიკაშია, მათ შორის, ერთის მდგომარეობა მძიმეა, ხოლო მეორე კონტაქტურია.

შინაგან საქმეთა სამინისტრომ საქმის გამოძიება უსაფრთხოების წესების დარღვევის მუხლით დაიწყო, თბილისის მერმა კახა კალაძემ კი აღნიშნა, რომ თავზარდაცემულები არიან და „ცხადია, ყველა დაისჯება შესაბამისად”.

კომენტარი გააკეთა ქართული ოცნების წევრმა დეპუტატმა, განათლებისა და მეცნიერების კომიტეტის თავმჯდომარემ, გიორგი ამილახვარმაც, რომელმაც დენის დარტყმის ფაქტთან დაკავშირებით მთავარ არხთან აღნიშნა — „არასრულწლოვან ბავშვს რომ უნდა ჰყავდეს მეთვალყურე, რომ არ მოხდეს იმ ადგილას მისი ჩასვლა, სადაც მიმდინარეობს რეკონსტრუქცია და ბუნებრივია, მსგავსი რაღაცა ტექნიკური შეფერხებები შეიძლება იყოს და ადამიანის ჯანმრთელობის დაზიანება გამოიწვიოს — არა მარტო ბავშვის, არამედ ნებისმიერი მოზარდის… ამაზე ახლა რამე პასუხისმგებლობას სთხოვ ვის? და ამას მეკითხები სერიოზულად?“. აღნიშნული განცხადების გამო ამილახვარმა ბოდიში მოიხადა და ფორმულასთან საუბრისას თქვა — „არ აქვს იმის ახსნას აზრი, თუ რა კონტექსტით გავაკეთე ის განცხადება, რაც გავაკეთე“.

აღსანიშნავია, რომ თბილისის მერიის ვებგვერდიდან და სოციალური ქსელებიდან წაშალეს სიახლე, რომლის მიხედვითაც, ვაკის პარკში არსებული მცირე კასკადისა და მრგვალი შადრევნის რეაბილიტაცია დასრულებული იყო.

განვითარებულ მოვლენებზე საპასუხოდ, დღეს ორი აქცია დაიგეგმა.

პირველი აქციასიკვდილით სავსე ქალაქი! თბილისის მერიასთან, 17:00 საათზე დაიწყო და მისი ორგანიზატორები ითხოვენ, რომ „დადგეს კორუმპირებული მერიისა და მერის პასუხისმგებლობა”.

20:00 საათზე კი საქართველოს პარლამენტთან გაიმართება აქცია — არა სიკვდილით სავსე ქალაქს!

„კალაძემ, მორიგი კორუფციული სქემით იმსხვერპლა ბავშვის სიცოცხლე! ქალაქის მერი, რომელიც ქვეყნის ბიუჯეტს კორუფციული გზით ფლანგავს და მუდმივად საფრთხეს უქმნის ქალაქის მაცხოვრებელთა სიცოცხლეს – უნდა წავიდეს!

ვაკის პარკის შადრევნის რეაბილიტაციაში 13 მილიონი დაიხარჯა, კომპანია, რომელმაც ტენდერი მოიგო არის “გრინსერვის+”, რომლის ხელმძღვანელიც 2013 წელს თავად ქართულმა ოცნებამ დაიჭირა!

აღნიშნულ კომპანიას 60მლნ-ზე მეტი ლარის ტენდერები და 43 გამარტოვებული შესყიდვა ჰქონდა განხორციელებული, ჯერ კიდევ მაშინ, როცა ეს ტენდერი მოიგო!“, — ნათქვამია ღონისძიების აღწერაში, რომლის ორგანიზატორები მოითხოვენ, რომ კახა კალაძემ პასუხი აგოს.

6 ოქტომბერს, ირანის საელჩოსთან ირანელი ხალხის მხარდასაჭერი აქცია იმართება

6 ოქტომბერს, 17:00 საათზე ირანის საელჩოსთან ირანელი ხალხის მხარდასაჭერად თავისუფლების აქცია იმართება.

“ვიკრიბებით ირანის საელჩოს წინ, ჩვენი პოლიტიკური შეხედულებების, რელიგიური მრწამსის მიუხედავად. ირანელი ხალხი თავისუფლების საფასურს სისხლით იხდის ქუჩაში. შემოგვიერთდი”, — აღნიშნულია ღონისძიების აღწერაში.

16 სექტემბერს, ირანის ე.წ. ზნეობის პოლიცია 22 წლის ქალს ჰიჯაბის “არასწორად” ტარების გამო ფიზიკურად გაუსწორდა. მაჰსა ამინი დაკავებიდან რამდენიმე დღეში გარდაიიცვალა, რასაც საპროტესტო აქციები მოჰყვა. ირანელმა ქალებმა წინააღმდეგობის სიმბოლოდ თმა მოიჭრეს და ჰიჯაბები დაწვეს. ირანში საპროტესტო აქციები დღემდე გრძელდება. მათ ბრძოლას თავისუფლებისთვის სოლიდარობას უცხადებენ სხვადასხვა ქვეყანაში. 

სოლიდარობა ირანელ ქალებს — აქციები თბილისშიც ტარდება

ირანში მიმდინარე საპროტესტო აქციების პარალელურად, ირანელი ქალებისთვის სოლიდარობის გამოსახატად აქციები თბილისშიც ტარდება. ერთი აქცია დღეს, 22 სექტემბერს 18:00 საათზე, საქართველოს პარლამენტთან გაიმართება.

გარდა ამისა, დაგეგმილია შეკრება პირველ ოქტობერსაც, 09:00 საათზე ირანის საელჩოსთან, ქაქუცა ჩოლოყაშვილის 78-80-ში.

“ქალი არ უნდა კვდებოდეს იმის გამო, რომ ქალია. ირანელი თინეიჯერი გოგოები სოციალურ ქსელებში ავრცელებენ მიმართვას და სთხოვენ მსოფლიოს თანადგომას. ირანელი ქალები წვავენ ჰიჯაბებს, მასიურად იჭრიან თმებს და სთხოვენ მსოფლიოს, დაუდგეს გვერდში. თუ შენ ხარ თავისუფალი და რეალიზებული ქალი, თუ იცი საკუთარი დამოუკიდებლობის, საკუთარი თავისუფლების ფასი, მოდი შაბათს, 1 ოქტომბერს ირანის რესპუბლიკის საელჩოსთან და მოიტანე ერთი შენი თავსაფარი ირანელი ქალებისთვის შენი ხმის და მხარდაჭერიც გამოხატვის ნიშნად”, — წერია 1 ოქტომბერს დაგეგმილი ღონისძიების აღწერაში.

16 სექტემბერს, პოლიციის მხრიდან ძალადობის შედეგად ირანში 22 წლის ქალი დაიღუპა. მაჰსა ამინი ე.წ. მორალის პოლიციამ თეირანში “ჰიჯაბის არასწორად ტარების გამო” გამო დააკავა და ფიზიკურად გაუსწორდა. მაჰსა  კომაში ჩავარდა, სამ დღეში კი საავადმყოფოში გარდაიცვალა. ამას ირანელი ქალების პროტესტი მოჰყვა — ისინი ქუჩებში გამოვიდნენ, ჰიჯაბები დაწვეს და სახელმწიფოს მხრიდან სასტიკი მოპყრობის დასრულებას მოითხოვენ.

“იმოქმედე ფემიციდის წინააღმდეგ” – აქცია ოზურგეთში

დღეს ოზურგეთში, ჭადრების ბაღში, ფემიციდის წინააღმდეგ მდუმარე აქცია „იმოქმედე ფემიციდის წინააღმდეგ“ გაიმართა, რომელიც სამოქალაქო მოძრაობა „თავისუფლებისთვის“ მიერ იყო ორგანიზებული.

„გვსურს, კიდევ ერთხელ შევახსენოთ საზოგადოებას, თითოეული ადამიანის პასუხისმგებლობის მნიშველობა ოჯახში და ქალთა მიმართ ძალადობის შემთხვევებზე რეაგირებისას“, — ვკითხულობთ მოძრაობის განცხადებაში.

სამოქალაქო აქტივისტები ფემიციდის კიდევ ერთ ფაქტს გამოეხმაურნენ, რომელიც 12 აგვისტოს ოზურგეთში მოხდა — ყოფილმა ქმარმა ქალი მოკლა.

სამოქალაქო მოძრაობა „თავისუფლებისთვის“

იმ შემთხვევაში, თუ ხართ ოჯახში ძალადობის მსხვერპლი, შეგიძლიათ მიმართოთ:

პოლიცია: 112 ან 116 006 (აქ გაგიწევენ კონსულტაციასაც)

სახალხო დამცველი: 14 81

საფარი: 0322 30 76 03

საია: 2995076

დეტალური ინფორმაცია ოჯახში ძალადობის საკითხებზე მომუშავე სამთავრობო უწყებებისა და არასამთავრობო ორგანიზაციების შესახებ ხელმისაწვდომია აქ. 

გარდა ამისა, მობილურ ტელეფონებში შეგიძლიათ გადმოწეროთ 112-ის აპლიკაცია და SOS ღილაკზე დაჭერით პოლიცია გამოიძახოთ, თუ ვერ ახერხებთ დარეკვას. შესაძლებელია ტექსტური შეტყობინების გაგზავნაც. აპლიკაცია ხელმისაწვდომია როგორც ანდროიდის, ისე iOS-სთვის.

შინ ევროპისკენ! — აქცია ქართველი ხალხის დასავლური ღირებულებებისადმი ერთგულების გამოსახატად

20 ივნისს, 20:00 საათზე, საქართველოს პარლამენტთან აქცია — შინ ევროპისკენ! იმართება, რომლის მიზანი მსოფლიოსთვის ევროპული არჩევანისა და დასავლური ღირებულებებისადმი ქართველი ხალხის ერთგულების ჩვენებაა.

აქცია იმ გადაწყვეტილებას ეხმიანება, რომელიც ევროკავშირმა საქართველოს ევროკავშირის კანდიდატობის სტატუსთან დაკავშირებით ივნისის ბოლოს უნდა მიიღოს. 

„ევროპა ქართველების ისტორიული არჩევანი და მისწრაფებაა, რომლისთვისაც ყველა თაობამ მსხვერპლი გაიღო. ამ ჩვენი ისტორიული მისწრაფების ხელშესახები აქტი საქართველოს დემოკრატიული რესპუბლიკის კონსტიტუციაა. ჩვენ, ქართველებმა, იმდროინდელ მსოფლიოში ერთ-ერთი ყველაზე პროგრესული დოკუმენტი შევქმენით და ევროპასთან ღირებულებითი კავშირის დეკლარირება შევძელით.

გაივლის 1 საუკუნე და რუსეთის ფედერაცია უკრაინის დასავლურ არჩევანს ახალი სამხედრო აგრესიით დაუპირისპირდება. უკრაინელი ხალხის გმირობისა და თავგანწირვის ფონზე კი უკრაინისთვის, საქართველოსა და მოლდოვისთვის უპრეცედენტო შანსი ჩნდება – გავხდეთ ევროკავშირის ნაწილი და დავბრუნდეთ იქ, სადაც ჩვენი ფესვები და მისწრაფებებია“, — ვკითხულობთ სამოქალაქო მოძრაობა ,,სირცხვილიას” მიერ ორგანიზებული ღონისძიების აღწერაში, რომლითაც ორგანიზატორები თითოეულ მოქალაქეს მოუწოდებენ, რომ მიუხედავად რიგ საკითხებზე უთანხმოებისა, თავისუფლების, მშვიდობის, ეკონომიკური მდგრადობის, ადამიანის უფლებების დაცვისა და სამართლიანობის იდეის გარშემო გაერთიანდნენ, რომლის გარანტიც ევროკავშირთან ინტეგრაციაა.

აქციაზე შეკრებილ მოქალაქეებს სამოქალაქო საზოგადოების, უკრაინის ხელისუფლებისა და ევროკავშირის წარმომადგენლები მიმართავენ, რის შემდეგაც, 21:00 საათზე, აქციის მონაწილეები ევროპის მოედნისკენ გაემართებიან, სადაც ღონისძიების დასკვნითი ნაწილი შედგება. 

შენი სიჩუმე კლავს! —22 მაისს, საქართველოს სამ ქალაქში აქცია-პერფორმანსი გაიმართება

დღეს, საქართველოს სამ ქალაქში — თბილისში, ზუგდიდსა და ბათუმში ქალთა სიცოცხლის დასაცავად აქცია პერფორმანსი — შენი სიჩუმე კლავს! — გაიმართება.

21 მაისს, საზოგადოებრივ ტრანსპორტში ქმარმა ცოლს სიცოცხლე შვილების თვალწინ მოუსპო. „ამ ტრაგიკული ფაქტით უკიდურესად შეძრწუნებული ადამიანები, ქალთა მკვლელობების სასტიკი სერიების წინააღაამდეგ… ქალთა სიცოცხლის ფუნდამენტური და ხელშეუვალი უფლების დასაცავად“ გამოსვლას გეგმავენ.

სამ ქალაქში დაგეგმილი აქცია-პერფორმანსი 22 მაისს გაიმართება: ზუგდიდში აქცია 15:00 საათზე, სკეიტპარკის ტერიტორიაზე გაიმართება, თბილისში ფილარმონიის წინ, 18:00 საათზე, ხოლო ბათუმში 6 მაისის პარკის მთავარ შესასვლელთან, 18:00 საათზე.

აქცია-პერფორმანსში მონაწილეობისთვის იხილეთ აღნიშნული ღონისძიება

აქცია-პერფორმანსის ორგანიზატორები საქართველოს შემეცნებითი ცენტრი, ქალთა ასოციაცია — გვირილა და Femina არიან.

ლგბტქი უკრაინელებმა თეთრ სახლთან აქცია გამართეს

ლგბტქი უკრაინელების ჯგუფმა და მათმა მხარდამჭერებმა კვირას თეთრი სახლის წინ აქცია გამართეს. Keep Reading

პარლამენტთან უკრაინის მხარდამჭერი აქცია გაიმართა

დღეს, 18 საათზე, პარლამენტის შენობასთან, მოქალაქეების მიერ ორგანიზებული უკრაინის მხარდასაჭერი აქცია – #GeorgiaSupportsUkraine გაიმართა.

შეკრების მიზანი დამოუკიდებლობის, განვითარების, დემოკრატიის და რუსეთის აგრესიისგან თავისუფალი სამყაროს მხარდაჭერა იყო.

აქციის ერთ-ერთი ორგანიზატორის, ადვოკატ დავით გელაშვილის თქმით, საქართველოს ფრონტის ხაზი უკრაინაზე გადის, რადგან რუსეთი საქართველოსა და უკრაინის ნატოში გაწევრიანების წინააღმდეგია, ნატოში გაწევრიანება კი ჩვენი ქვეყნის ინტერესებშია. 

„რუსეთის აგრესია საქართველოს პირდაპირ საფრთხეს უქმნის, რადგან რუსეთს გაცხადებული აქვს, რომ არ სურს უკრაინისა და რუსეთის ნატოში გაწევრიანება, რაც პირდაპირ წინააღმდეგობაშია ჩვენს სახელმწიფოებრივ და საზოგადოებრივ ინტერესებთან. დღეს საქართველოს ფრონტის ხაზიც უკრაინაში გადის და ეს საქართველოს ომიცაა.“ – აღნიშნა დავით გელაშვილმა და დაამატა, რომ საქართველოს ხელისუფლების დუმილი დასავლელი პარტნიორების მოლოდინებს არ პასუხობს, რაც საყვედურის მიზეზად იქცა და სამომავლოდ ჩვენს ინტერესებზე საზიანოდ აისახება.

რუსეთის მიერ უკრაინის საზღვართან სამხედრო ძალის მობილიზებასთან დაკავშირებით, საქართველოს ხელისუფლებამ უკრაინის მხარდამჭერი რეზოლუცია 1 თებერვალს მიიღო, რომელშიც რუსეთი ნახსენები არ არის, რასაც საზოგადოების კრიტიკა მოჰყვა. 

19 თებერვალს, უკრაინის მხარდასაჭერად კიდევ ერთი ქცია იგეგმება, რომლის ორგანიზატორებიც აქტივისტური ჯგუფები და ოპოზიციური ლიდერები არიან.