გუშინ სოციალური ქცელით გავრცელდა ლელა კურტანიძის პოსტი, რომლითაც ის ორ სასულიერო პირს სექსუალურ შევიწროვებაში ადანაშაულებს. ამავდროულად ლელა სთხოვდა მედია გამოცემაბს მისი ამბის გაჟღერებას. გთავაზობთ ლელასთან ჩაწერილ ინტერვიუს. ეს იყო ჯავახეთის სტუდენტური ექსპედიციის
“პოსტჰუმანიზმი” ის ტერმინია, რომელიც ბოლო წლების მანძილზე ხშირად გვხვდება განვითარებული ქვეყნების როგორც ვიწროდ აკადემიურ, ისე – საჯარო დისკურსში. წლიდან წლამდე ტექნოლოგიის მნიშვნელოვანმა განვითარებამ ურთიერთშედეგობრივად გამოიწვია არა მხოლოდ უშუალუდ ამ მიმართულებით დაინტერესებული, არამედ ყველა იმ ადამიანის ყურადღებაც, ვისაც ინტერნეტსა და ტექნოლოგიასთან
ბიოგრაფია 1983 წელს, თბილისში დავიბადე. წელს 40 წელი შემისრულდა. ოჯახს რაც შეეხება, დედაჩემი რუსული ენის პედაგოგია სკოლაში, მამა – მხატვარი. ძალიან ვღიზიანდები, როცა ამბობენ
სტატიის ავტორი: მეგი თედორაძე დეფინიცია და მიზნები ბრაზის განმარტება მრავალწახნაგოვანია, თუმცა იგი ყველაზე ხშირად განისაზღვრება, როგორც უსიამოვნების მძაფრი შეგრძნება, მტრული დამოკიდებულება თავისი ობიექტის მიმართ,
სახალხო დამცველის ინფორმაციით, ბათუმში გამართულ საპროტესტო აქციაზე პოლიციამ 19 პირი დააკავა, მათგან ერთ-ერთი კი, სავარაუდოდ, უკრაინის მოქალაქეა. ისინი დააკავეს საქართველოს ადმინისტრაციულ სამართალდარღვევათა კოდექსის 166-ე და 173-ე მუხლებით, რაც წვრილმან ხულიგნობასა და პოლიციისადმი დაუმორჩილებლობას გულისხმობს.
აპარატის ცნობით, სახალხო დამცველის რწმუნებული სამ დაკავებულს შეხვდა, ერთ-ერთმა კი ისაუბრა, რომ პოლიციის თანამშრომლებმა სიტყვიერი და ფიზიკური შეურაცხყოფა მიაყენეს.
“დაკავებულის მიმართ განხორციელებული სავარაუდო არასათანადო მოპყრობის შესახებ სახალხო დამცველის აპარატმა დაუყოვნებლივ აცნობა სპეციალურ საგამოძიებო სამსახურს და სწრაფ და ეფექტიან რეაგირებას ელოდება.
აჭარის ავტონომიური რესპუბლიკის პოლიციის დეპარტამენტის ბათუმის საქალაქო სამმართველოს მიერ სახალხო დამცველის რწმუნებულისთვის მიწოდებული ინფორმაციის თანახმად, საპროტესტო აქციაზე დაკავებული ცხრა მოქალაქე გადაყვანილია სენაკისა და ზუგდიდის დროებითი მოთავსების იზოლატორებში. ხოლო, ორი დაკავებულის გადაყვანა იგეგმება ოზურგეთის დროებითი მოთავსების იზოლატორში.
საქართველოს სახალხო დამცველი გააგრძელებს აქციაზე დაკავებულთა სავარაუდო უფლებადარღვევის ფაქტების შესწავლას და ვითარების შესახებ საზოგადოების ინფორმირებას”, – ნათქვამია განცხადებაში.
კრუიზი ბათუმის პორტში ადრე დილით შემოვიდა, იქამდე პოლიციამ ნავსადგომთან მისასვლელი ყველა მონაკვეთი გადაკეტა. პარალელურად ადგილზე იმყოფებოდნენ აქტივისტები, რამდენჯერმე მოხდა მათსა და პოლიციას შორის დაპირისპირება.
კრუიზზე Astoria Grande რუსი პროპაგანდისტები და პუტინის პოლიტიკის მხარდამჭერები იმყოფებიან. ეს უკვე მეორე კრუიზია, რომელიც ბათუმში გაჩერდა. პირველი 22 ივლისს შემოვიდა, თუმცა, პროტესტის გამო ბათუმი დროზე ადრე დატოვა.
ვრცელდება ინფორმაცია, რომ Astoria Grande-მ შემდეგი კრუიზიდან ბათუმი ამოიღო.
“თანადგომა ბათუმს! – რუსეთი მტერია და არა სტუმარი” – ამ სახელწოდებით დღეს, 31 ივლისს, 19:00 საათზე პარლამენტთან საპროტესტო აქცია გაიმართება. აქციაზე რუსების კრუიზის ბათუმში შემოსვლას გააპროტესტებენ.
კრუიზი ბათუმის პორტში ადრე დილით შემოვიდა, იქამდე პოლიციამ ნავსადგომთან მისასვლელი ყველა მონაკვეთი გადაკეტა. პარალელურად ადგილზე იმყოფებოდნენ აქტივისტები, რამდენჯერმე მოხდა მათსა და პოლიციას შორის დაპირისპირება. ამ დროისთვის 9 ადამიანი დაკავებული.
კრუიზზე Astoria Grande რუსი პროპაგანდისტები და პუტინის პოლიტიკის მხარდამჭერები იმყოფებიან. ეს უკვე მეორე კრუიზია, რომელიც ბათუმში გაჩერდა. პირველი 22 ივლისს შემოვიდა, თუმცა, პროტესტის გამო ბათუმი დროზე ადრე დატოვა.
ვრცელდება ინფორმაცია, რომ Astoria Grande-მ შემდეგი კრუიზიდან ბათუმი ამოიღო.
სოციალური სამართლიანობის ცენტრი და სოლიდარობის თემი მოუწოდებენ ჯანდაცვის სამინისტროს, ხულოს მუნიციპალიტეტში უზრუნველყოს სამშობიარო განყოფილების გახსნა და სხვა საჭირო სერვისების მობილიზება.
მათი თქმით, ბოლო რამდენიმე თვეა, ხულოს მუნიციპალიტეტში ჯანდაცვის სერვისებზე წვდომასთან დაკავშირებით უმძიმესი მდგომარეობაა შექმნილი. მათი განცხადებით, დღეს არსებული მდგომარეობით, ხულოში, სადაც 23 000-ზე მეტი ადამიანი ცხოვრობს, არ არსებობს სამშობიარო განყოფილება და მუნიციპალიტეტს აღარ ყავს არცერთი გინეკოლოგი.
“ამის გამო ქალები ვერ ახერხებენ ჯანდაცვის საბაზისო სერვისების მიღებას, რაც საფრთხეს უქმნის მათი და მათი შვილების სიცოცხლესა და ჯანმრთელობას. აქვე, გასათვალისწინებელია ადგილობრივი მოსახლეობის ეკონომიკური პრაქტიკა, რომელიც ნახევრად მომთაბარე ცხოვრებას და ზაფხულობით იალებზე ოჯახების ცხოვრების საჭიროებას და ტრადიციას უკავშირდება. ორსული ქალებისთვის მაღალმთიანი იალებიდან ჩამოსვლა კიდევ უფრო მეტად რთულდება და როცა მუნიციპალიტეტის ცენტრში ისინი სათანადო სერვისის მიღებას ართულებს, ეს ორმაგად ამძიმებს მათ ყოფას”, – ნათქვამია განცხადებაში.
მათი ინფორმაციით, აღნიშნულ პრობლემასთან დაკავშირებით 2023 წლის 17 ივლისს ჯანდაცვის სამინისტროსგან მიღებული ოფიციალური პასუხის შესაბამისად, ხულოს მუნიციპალიტეტის მოსახლეობას სამედიცინო მომსახურებას აწვდის სს „ევექსის კლინიკები“ – ხულოს კლინიკა. სამშობიარო განყოფილების არ არსებობის მიზეზი კი წლის განმავლობაში მუნიციპალიტეტში მშობიარობების რაოდენობის სიმცირეა (2022 წლის მონაცემების მიხედვით, სულ დარეგისტრირდა თვეში 2-3 მშობიარობა), რაც იწვევს კადრის დეკვალიფიკაციას და რისკს უქმნის ერთეული შემთხვევების მართვას.
“2023 წლის 1 ივნისიდან პირადი განცხადების საფუძველზე ექიმმა მეან-გინეკოლოგებმა შეწყვიტეს ხულოს კლინიკის სტაციონარში (სამშობიაროში) საქმიანობა. სამწუხაროდ, ეს მიდგომა ერთის მხრივ, არ ეფუძნება ამ მუნიციპალიტეტში შობადობის რეალურ სტატისტიკას, რომელიც მაღალია (მაგალითად 2015 წლიდან 2022 წლამდე ხულოს მუნიციპალიტეტში დაიბადა შესაბამისად, 446, 456, 470, 477, 429, 294, 322, 311, 285 ბავშვი) და უგულებელყოფს მუნიციპალიტეტში ამჟამად არსებულ მძიმე მდგომარეობას ქალების რეპროდუქციული უფლებებისა და საჭიროებების შესახებ. ასვე აღსანიშნავია ისიც, რომ სამშობიარო განყოფილების გაუქმებამდე იქ მომუშავე პერსონალს, გინეკოლოგებს არ ჰქონდათ ღირსეული შრომითი პირობები. მათი მოთხოვნები ანაზღაურების გაზრდასთან დაკავშირებით ევექსის კლინიკამ არ დააკმაყოფილა, შესაბამისად მათ მოუწიათ სამსახურის დატოვება”, – წერია განცხადებაში.
მათივე ინფორმაციით, წერილში ერთი მხრივ აღნიშნულია, რომ მაღალმთიან რეგიონში პერინატალური სერვისის არსებობა სტრატეგიული მნიშვნელობისაა, თუმცა ასევე საუბარია კომპანიასთან მიმდინარე შეთანხმების პროცესზე სერვისების განსაზღვრის თაობაზე, რაც გაურკვევლად/ბუნდოვნად ტოვებს იმას, თუ კონკრეტულად რა ვადებში გადაწყდება აღნიშნული საკითხი.
“ეს მიდგომა კიდევ ერთხელ აჩვენებს ჯანდაცვის სისტემის პრივატიზებისა და სუსტი რეგულირების მძიმე ადამიანურ და სოცილაურ შედეგებს, რომელიც ჩვენი მოქალაქეების და მათ შორის, ყველაზე მაღალი რისკის ქვეშ მყოფი ადამიანების საბაზისო საჭიროებებს, ინტერესებსა და უფლებების დაცვის საკითხებს უკავშირდება.
ქალის რეპროდუქციული უფლებები დაცულია, როგორც საქართველოს კონსტიტუციითა და კანონმდებლობით, ისე ადამიანის უფლებების საერთაშორისო და რეგიონული ხელშეკრულებებით, რომლებიც რატიფიცირებულია საქართველოს მიერ. მათ შორის, ჯანმრთელობის უფლება აღიარებულია ჯანმრთელობის მსოფლიო ორგანიზაციის მიერ (1946), ადამიანის უფლებათა საყოველთაო დეკლარაციით (1948) და ადამიანის უფლებათა საერთაშორისო პაქტით ეკონომიკური, სოციალური და კულტურული უფლებების შესახებ (1966). მოსაზრება, რომ ყველა ადამიანს აქვს ჯანმრთელობის მაღალი სტანდარტის ხელმისაწვდომობის თანასწორი უფლება, ეფუძნება არადისკრიმინაციულ მიდგომას და ის განსაკუთრებით მგრძნობიარეა ქალთა ჯანმრთელობის საკითხებს მიმართ, რომ სისტემამ არ დაუშვას გენდერული დისკრიმინაცია ჯანდაცვის მომსახურების გაწევისას; მოხდეს სისტემის მკაცრი მონიტორინგი, რათა აღმოიფხვრას ახალი ჩაგვრის ფაქტები სერვისის მიწოდების მთელ ჯაჭვში; როგორც კერძო, ისე საჯარო ჯანდაცვის სერვის ცენტრებში სერვისის მიწოდება უნდა ექვემდებარებოდეს მონიტორინგს, რათა ქალებმა მიიღონ საუკეთესო საერთაშორის პრაქტიკებზე დაფუძნებული ხარისხიანი რეპროდუქციული ჯანმრთელობის მომსახურება. . შესაბამისად, ქვეყანა ვალდებულია ყველა ქალისთვის უზრუნველყოფილი უნდა იყოს ყველა იმ საჭირო სერვისზე ხელმისაწვდომობა, რომლებიც მათ ორსულობის, უსაფრთხო მშობიარობისა და ჯანმრთელი ბავშვის ყოლაში დაეხმარება .
შექმნილი მძიმე ვითარება მიუთითებს არსებულ სისტემურ პრობლემაზე, რაც საჭიროებს დაუყოვნებლივ რეაგირებას, ვინაიდან საქმე ეხება ქალებისა და მუცლად მყოფი ბავშვების სიცოცხლესა და ჯანმრთელობას. ხულოს მუნიციპალიტეტის გეოგრაფიული მდებარეობის გამო, გათვალისწინებული უნდა იყოს მაღალმთიანი რეგიონის სპეციალური საჭიროებები და აქ ჯანდაცვის სერვისების მიწოდება სახელმწიფოსთვის პრიორიტეტული უნდა გახდეს”, – ნათქვამია განცხადებაში.
ამის გათვალისწინებით, სოციალური სამართლიანობის ცენტრი და სოლიდარობის თემი სახელმწიფოს მოუწოდებს დროულად უზრუნველყოს ხულოს მუნიციპალიტეტში სამშობიარო განყოფილების ამუშავება და ამისთვის საჭირო კვალიფიციური ადამიანური რესურსების, ინფრასტრუქტურისა და ტექნიკური და სამედიცინო საშუალებების მობილიზება და ამის შესახებ საზოგადოების ჯეროვანი ინფორმირება.
მარტის აქციების დროს დაკავებული ლაზარე გრიგორიადისის საქმეზე საბოლოო განაჩენის გამოცხადება სექტემბრამდე გადაიდო.
პროცესი დღეს, 27 ივლისს, 11:00 საათზე უნდა გამართულიყო, თუმცა გადაიდო. მიზეზი, ამ დროისთვის, უცნობია.
21 წლის ლაზარე გრიგორიადისი 29 მარტს დააკავეს, 31-ში კი აღკვეთი ღონისძიების სახით პატიმრობა შეუფარდეს. მას პოლიციელების მიმართ ძალადობასა და შინაგან საქმეთა სამინისტროს კუთვნილ მანქანაზე ცეცხლის წაკიდებას ედავებიან. მას 7-დან 11 წლამდე ვადით პატიმრობა ემუქრება.
იშვიათი დაავადებების საკოორდინაციო საბჭოზე აქონდროპლაზიის ეროვნული პროტოკოლი დამტკიცდა.
პროტოკოლზე მომუშავე ჯგუფის წევრის, ივანე ჩხაიძის განცხადებით, შეხვედრაზე ტექნიკური საკითხები განიხილეს, როგორ უნდა მოხდეს პრეპარატ ვოზორიტიდის დანერგვა.
ამ დრომდე კვლავ უცნობია წამლის საქართველოში შემოტანის საკითხი, თუმცა, საბჭოს წევრები ამბობენ, რომ ბავშვები მკურნალობაში 2023 წელს ჩაერთვებიან.
ჩხაიძის თქმით, პირველ ეტაპზე მკურნალობაში ჩაერთვება 5-6 ბავშვი, რომლებსაც ასაკის გამო ცოტა დრო აქვთ დარჩენილი იმისთვის, რომ მათზე პრეპარატმა ეფექტურად იმოქმედოს. მისივე განცხადებით, პირველი დოზების მიღება მოხდება არა სახლში, არამედ კლინიკაში, ექიმის მეთვალყურეობის ქვეშ, ამისთვის კი იაშვილის ბავშვთა საავადმყოფო შეირჩა.
მისივე თქმით, მეორე ეტაპზე სხვა ბავშვებიც ჩაერთვებიან.
ყოფილ ცოლზე ძალადობა, მოქალაქისთვის იარაღის ჩარტყმა, სიცოცხლის მოსპობის მუქარა – სპეციალურმა საგამოძიებო სამსახურმა ივნისი-ივლისის თვეში თბილისში ჩატარებული საგამოძიებო მოქმედებების შედეგად, 4 სამართალდამცავი ძალადობრივ დანაშაულში ამხილა.
უწყების განცხადება:
“დანაშაულში მხილებულია საქართველოს შინაგან საქმეთა სამინისტროს სასაზღვრო პოლიციის სახმელეთო საზღვრის დაცვის დეპარტამენტის თანამშრომელი რ.დ., რომელმაც 2023 წლის 11 მაისს, ქ. თბილისში, შურისძიების მოტივით, ფიზიკური შეურაცხყოფა მიაყენა დაზარალებულ მოქალაქეს. კერძოდ, იარაღი ჩაარტყა თავის არეში, ასევე, ძირს დაგდებულ მსხვერპლს დაემუქრა სიცოცხლის მოსპობით და კვლავ განაგრძო მისთვის ფიზიკური შეურაცხყოფის მიყენება, რის შედეგადაც მსხვერპლს თავის მიდამოში მიადგა სხეულის მსუბუქი ხარისხის დაზიანებები.
საქართველოს პროკურატურამ აღნიშნულ პირს ჯანმრთელობის განზრახ ნაკლებად მძიმე დაზიანებისთვის და მუქარისთვის წარუდგინა ბრალდება.
დანაშაულში მხილებულია და დაკავებულია საქართველოს შინაგან საქმეთა სამინისტროს დაცვის პოლიციის დეპარტამენტის თანამშრომელი გ. ს., რომელიც ყოფილ მეუღლეს, 2017-2023 წლებში გენდერის ნიშნით, შეუწყნარებლობის მოტივით სისტემატურად აყენებდა შეურაცხყოფას და ამცირებდა. აგრეთვე, 2023 წლის მაისში მას სიცოხლის მოსპობით დაემუქრა.
საქართველოს პროკურატურამ, სამართალდამცავს ოჯახში ძალადობის და მუქარისთვის ბრალდება წარუდგინა.
დანაშაულში მხილებული იქნა საქართველოს შინაგან საქმეთა სამინისტროს დაცვის პოლიციის დეპარტამენტის თანამშრომელი გ.ყ., რომელმაც 2023 წლის 4 აპრილს, თბილისში, სიტყვიერი შელაპარაკების ნიადაგზე ფიზიკური შეურაცხყოფა მიაყენა მოქალაქეს, რომელსაც ცეცხლსასროლი იარაღი ჩაარტყა შუბლის არეში, რის შედეგადაც მსხვერპლმა სხეულის სხვადასხვა სახის დაზიანებები მიიღო.
საქართველოს პროკურატურამ აღნიშნულ პირს ჯანმრთელობის განზრახ მსუბუქი დაზიანებისთვის ბრალდება წარუდგინა.
სპეციალური საგამოძიებო სამსახურის მიერ დანაშაულში, ასევე, მხილებულია საქართველოს შინაგან საქმეთა სამინისტროს დაცვის პოლიციის დეპარტამენტის თანამშრომელი ვ. გ., რომელმაც 2023 წლის 16 მარტს, ქ. თბილისში, ურთიერთშელაპარაკების დროს, მსხვერპლს ცემის შედეგად სხეულის ნაკლებად მძიმე დაზიანება მიაყენა. გარდა აღნიშნულისა, ვ. გ., 2023 წლის 17 მაისს, ქ. თბილისში, ცეცხლსასროლი იარაღის გამოყენებით სიცოცხლის მოსპობით დაემუქრა მის ნაცნობ ქალბატონს და დააზიანა დაზარალებულის ავტომანქანა.
საქართველოს პროკურატურამ, სამართალდამცავს ჯანმრთელობის განზრახ ნაკლებად მძიმე დაზიანებისთვის, მუქარისთვის და ნივთის დაზიანებისთვის ბრალდება წარუდგინა.
სპეციალური საგამოძიებო სამსახური ინტენსიურად აგრძელებს არასათანადო მოპყრობის და სამართალდამცავების მიერ ჩადენილი სხვა ძალადობრივი დანაშაულების გამოძიებას, რომლის შედეგების და მიმდინარეობის თაობაზე საზოგადოებას ინფორმაციას პერიოდულად მიაწვდის”, – ნათქვამია განცხადებაში.
მათი თქმით, სპეციალური საგამოძიებო სამსახურის მუშაობის შედეგად ძალადობრივ დანაშაულსა და არასათანადო მოპყრობაში 40 სამართალდამცავია მხილებული.
აქონდროპლაზიის დიაგნოზის მქონე ბავშვების მშობლები ჯანდაცვის სამინისტროს 5-დღიან ვადას აძლევენ, რათა განსაზღვროს პრეპარატ ვოზორიტიდის საქართველოში შემოტანის კონკრეტული თარიღი.
“დაგვისახელონ გონივრული ვადა, როდის მიიღებენ ბავშვები წამალს, რომელი წლის რომელ თვეში დაიწყებენ ბავშვები მკურნალობას. არის ეჭვებიც, რომ, შესაძლოა, 2024 წლამდე გაიწელოს, შესაძლოა, გაიწელოს დეკემბრამდე თუნდაც”, – თქვა ბრიფინგზე ერთ-ერთმა მშობელმა, მაკუნა გოჩიაშვილმა.
მათი თქმით, თუ სამინისტრო ამ 5 დღეში თარიღს არ დაასახელებს, 24-საათიან პროტესტს გააგრძელებენ. მშობლები, ასევე, ითხოვენ, პროცესში პრემიერმინისტრი ირაკლი ღარიბაშვილი ჩაერთოს.
მშობლებმა გუშინ, 23 ივლისს განაცხადეს, რომ ჯანდაცვის სამინისტრომ ვადები დაარღვია.
მათი თქმით, ბოლო სხდომაზე მინისტრის მოადგილემ განაცხადა, რომ 15-დან 20 ივლისამდე დამტკიცდებოდა აქონდროპლაზიის პროტოკოლი და ამავე პერიოდში ჩაინიშნებოდა მორიგი საბჭო, სადაც მშობლებს უკვე მედიკამენტის დანერგვის შესახებაც მეტ ინფორმაციას მიაწვდიდნენ.
მათივე განცხადებით, 15-დან 20 ივლისამდე პერიოდში არათუ არ დაინიშნა საბჭო და არ დამტკიცდა პროტოკოლი, არამედ, საქმის კურსშიც არ ჩააყენეს მშობლები ვადის გადაცილებასთან დაკავშირებით.
აქონდროპლაზიის დიაგნოზის მქონე ბავშვების მშობლების განცხადებით, ჯანდაცვის სამინისტრომ ვადები დაარღვია.
მათი თქმით, ბოლო სხდომაზე მინისტრის მოადგილემ განაცხადა, რომ 15-დან 20 ივლისამდე დამტკიცდებოდა აქონდროპლაზიის პროტოკოლი და ამავე პერიოდში ჩაინიშნებოდა მორიგი საბჭო, სადაც მშობლებს უკვე მედიკამენტის დანერგვის შესახებაც მეტ ინფორმაციას მიაწვდიდნენ.
მათივე განცხადებით, 15-დან 20 ივლისამდე პერიოდში არათუ არ დაინიშნა საბჭო და არ დამტკიცდა პროტოკოლი, არამედ, საქმის კურსშიც არ ჩააყენეს მშობლები ვადის გადაცილებასთან დაკავშირებით.
მშობლების თქმით, ორშაბათს, 11:00 საათზე მთავრობის ადმინისტრაციასთან ბრიფინგს გამართავენ.
“მოგეხსენებათ, აქციის დაშლის დღიდან მოყოლებული, მშობლები აქტიურად ვართ ჩართული სამუშაო პროცესებში, ვესწრებით საკოორდინაციო საბჭოს სხდომებს და მონაწილეობას ვიღებთ ბავშვებისთვის საუკეთესო ინტერესების გამტარი პროტოკოლის შექმნაში.
წინა სხდომაზე მინისტრის მოადგილემ განაცხადა, რომ 15-დან 20 ივლისამდე დამტკიცდებოდა აქონდროპლაზიის პროტოკოლი და ამავე პერიოდში ჩაინიშნებოდა მორიგი საბჭო, სადაც უკვე მედიკამენტის დანერგვის შესახებაც მეტ ინფორმაციას მოგვაწვდიდნენ.
სამწუხაროდ, 15-დან 20 ივლისამდე პერიოდში არათუ არ დაინიშნა საბჭო და არ დამტკიცდა პროტოკოლი, არამედ, საქმის კურსშიც არ ჩაგვაყენეს, ვადის გადაცილებასთან დაკავშირებით.
გვესმის, რომ ზაფხულია და შვებულებების პერიოდიც, თუმცა, სახელმწიფოს მხრიდან პირობის დარღვევასა და კომუნიკაციის უქონლობას არ აქვს გამართლება და იწვევს დიდ უნდობლობას.
ბავშვები სექტემბერში მედიკამენტს ელიან და ახლა დასვენება და მოდუნება მათი იმედების გაუცრუების ხარჯზე, დაუშვებელია.
ჩვენ, მშობლები რამდენიმე თვეა მოთმინებისა და კონსტრუქციულ რეჟიმში თანამშრომლობის რეჟიმში ვართ, თუმცა ამგვარი უგულებელყოფა და უპასუხისმგებლობა გვაიძულებს, მივმართოთ მეტად ხისტ ზომებს.
ორშაბათს, 11:00 საათზე, კანცელარიის შენობასთან გავმართავთ ბრიფინგს და განვაცხადებთ, რა კონკრეტულ ვადას მივცემთ სახელმწიფოს, დაგვისახელოს კონკრეტული თვე, როდის დანერგავს მედიკამენტს.
ჩვენთვის დრო კრიტიკულად მნიშვნელოვანია და გვაქვს გონივრული ეჭვი, რომ ეს დრო იწელება გულგრილობისა თუ არაეფექტური მუშაობის გამო”, – ნათქვამია განცხადებაში.
ანანია გაჩეჩილაძე სამთავრობო და პროპაგანდისტული POSTV-ის ხელმძღვანელის, შალვა რამიშვილის მხრიდან სექსუალური შევიწროების დასადგენად სახალხო დამცველს მიმართავს.
გაჩეჩილაძე ამბობს, რომ აუდიოჩანაწერის, რომლითაც სექსუალური შევიწროება დასტურდება, გავრცელებიდან 3 თვე გავიდა, თუმცა რამიშვილი არც კი გამოუკითხავთ. ის ადეკვატურ გამოძიებასა და რამიშვილის დასჯას ითხოვს.
გაჩეჩილაძე იმედს გამოთქვამს, რომ ომბუდსმენი სექსუალური შევიწროების ფაქტს დაადგენს. ის ამბობს, რომ ჩანაწერს სრულად დაასაჯაროვებს.
“მოლოდინი სახალხო დამცველისგან მაქვს შემდეგნაირი, რომ საბოლოო დასკვნა, რომელიც ეჭვი არ მეპარება, რომ უნდა იყოს სექსუალური შევიწროების ფაქტის დადგენა ჩემს სასარგებლოდ, შალვა რამიშვილი უნდა იქნას მხილებული უკვე ოფიციალური დასკვნითაც, იქნება და უნდა იყოს არანაკლებ იმ სტანდარტით, რაც ახასიათებდა სახალხო დამცველის აპარატს აქამდე”, – განაცხადა გაჩეჩილაძემ.
აუდიოჩანაწერი, რომლითაც რამიშვილის მხრიდან 22 წლის ანანია გაჩეჩილაძის შევიწროება დასტურდება, ტელეკომპანია ფორმულამ გაავრცელა.
გაჩეჩილაძე არ არის პირველი ქალი, რომელმაც რამიშვილი სექსუალურ შევიწროებაში ამხილა. რამიშვილს სასამართლო დავა მისმა ყოფილმა თანამშრომელმა, თათია სამხარაძემ მოუგო. რამდენიმე თვის წინ კი რამიშვილი სექსუალურ შევიწროებაზე რამდენიმე ქალმა ამხილა.
ევროპარლამენტის LBGT+ უფლელებზე მომუშავე ჯგუფი ძალადობრივი და პრორუსული ალტ-ინფოსა და მისი ერთ-ერთი ლიდერის, კონსტანტინე მორგოშიას დასანქცირებას ითხოვს. შესაბამისი წერილით 157 ევროპარლამენტარისგან შემდგარი ჯგუფი ევროკომისიისა და ევროსაბჭოს პრეზიდენტებს, საქართველოში ევროკავშირის ელჩსა და თანასწორობის საკითხებში ევროკომისარს მიმართავენ.
ისინი 8 ივლისს განვითარებულ მოვლენებს აღწერენ და ხელისუფლების პასუხისმგებლობაზე უთითებენ, ასევე, ხაზს უსვამენ, რომ თბილისი პრაიდის ფესტივალი ჩაშალა და დაარბია ძალადობრივმა ალტ-ინფომ.
ევროპარლამენტარების განცხადებით, ქვეყნა, რომელსაც ევროკავშირში გაწევრიანება სურს, ვალდებულია, დაიცვას ადამიანის ფუნდამენტური უფლებები, მათ შორის შეკრებისა და გამოხატვის თავისუფლება.
“მტკიცედ მოვუწოდებთ ალტ-ინფოსა და ამ ჯგუფის უკან მდგომი ოლიგაქრის, კონსტანტინე მორგოშიას სანქცირებისკენ. ცნობილია, რომ ალტ-ინფო ავრცელებს LGBTIQ-ფობიურ სიძულვილის ენას თავის მედიაარხებზე და აქტიურად იყო ჩართული 8 ივლისის თავდასხმებში. ჩვენ მოვუწოდებთ შესაბამის ორგანოებს, ებრძოლონ საქართველოში LGBTIQ-ფობიურ ძალადობას და რიტორიკას და იყვნენ ვალდებულები, უზრუნველყონ, განსაკუთრებით LGBTIQ ადამიანების უსაფრთხოება”, – აღნიშნულია წერილში.
8 ივლისს უსაფრთხოების რისკების გამო თბილისი პრაიდის ფესტივალი გაუქმდა. ლისის მიმდებარე ტერიტორიიდან პრაიდის წევრების ევაკუაცია განხორციელდა.
პრაიდის განცხადებით, “განვითარებული მოვლენები მიანიშნებს, რომ თავდასხმა წინასწარ იყო კოორდინირებული და შეთანხმებული შინაგან საქმეთა სამინისტროსა და ძალადობრივ დაჯგუფება ალტ-ინფოს შორის”.
მოძალადეები თავდაპირველად ვაჟა-ფშაველას ძეგლთან შეიკრიბნენ და მსვლელობით ფესტივალის ტერიტორიამდე ავიდნენ. შინაგან საქმეთა სამინისტროს, პრევენციის მიზნით, აქციის არც ერთი მონაწილე არ დაუკავებია. პოლიციასა და მოძალადეებს შორის ვითარება უშუალოდ ფესტივალის ტერიტორიასთან დაიძაბა. თბილისი პრაიდის წევრების გარიდების შემდეგ კი ისინი ტერიტორიაზე შეიჭრნენ.
იურისტები ამბობენ, რომ შინაგან საქმეთა სამინისტრომ მიზანმიმართულად არ დაიცვა ფესტივალის ტერიტორია.
