მშვიდობიანი მოსახლეობა, ორივე მხრიდან, იხდის ფასს ისრაელსა და ღაზას სექტეორს შორის დაპირისპირების უპრეცენდენტო ესკალაციისთვის – დაღუპულთა რიცხვი იზრდება – ამ სათაურით სტატია განთვსებულია საერთაშორისო ორგანიზაცია Amnesty International-ის ოფიციალურ გვერდზე.
“ისრაელის უსაფრთხოების სამსახურმა და პალესტინის შეიარაღებულმა ჯგუფებმა უნდა გამოიყენონ მაქსუმალური ძალისხმევა, რათა მიმდინარე საბრძოლო ვითარებაში დაიცვან მშვიდობიანი მოსახლეობა, როგორც ისრაელში, ასევე პალესტინის ოკუპირებულ ტერიტორიებზე.” – ნათქვამია საერთაშორისო ორგანიზაცია Amnesty International-ის განცხადებაში. Amnesty International-ის გენერალურმა მდივნმა ანიერ კალამარმა განაცხადა:
„ჩვენ ძალიან შეშფოთები ვართ მშვიდობიან მოსახლეობაში დაღუპულთა რაოდენობით, როგორც ღაზაში, ასევე ისრაელში და ოკუპირებულ დასავლეთ ნაპირზე და სასწრაფოდ მოვუწოდებთ კონფლიქტის ყველა მხარეს აიცილონ სამოქალაქო მოსახლეობაში სისხლისღვრა. საერთაშორისო ჰუმანიტარული სამართლის მიხედვით, კონფლიქტის ყველა მხარეს აქვს ვალდებულება დაიცვას, საბრძოლო ქმედებების არეალში მოხვედრილი, მშვიდობიანი მოსახლეობის სიცოცხლე.“
„სამოქალაქო მოსახლეობაზე განზრახი იერიში, არაპროპორციული, არაშერჩევითი თავდასხმები, რომელთა შედეგად იღუპებიან ან ზიანდებიან სამოქალაქო პირები, წარმოადგენენ ომის დანაშაულს. ისრაელს აქვს დოკუმენტირებული, დაუსჯელი ომის დანაშაულებების საშინელი სია, რაც ჩადენილი იყო ღაზას სექტეორში წინა ომების განმავლობაში. პალესტინელი შეიარაღებული დაჯგუფებები, ღაზას სექტორიდან, თავს უნდა იკავებდნენ სამოქალაქო მოსახლეობაზე თავდასხმისგან და არაშერჩევითი მოქმედების იარაღის გამოყენებისგან, როგორც ამას წარსულში აკეთებდნენ და უფრო ინტენსიურად აკეთებენ მოცემულ შემთხვევაში, ქმედებებს გათანაბრებულს ომის დანაშაულთან.“
გამოყენებული წყარო: https://www.amnesty.org/en/latest/news/2023/10/israel-opt-civilians-on-both-sides-paying-the-price-of-unprecedented-escalation-in-hostilities-between-israel-and-gaza-as-death-toll-mounts/
