2 დეკემბერს ლეგენდარული პოპ ვარსკვლავის, ბრიტნი სპირსის დაბადების დღეა. 40 წლის ბრიტნი წელს პირველად ხვდება დაბადების დღეს მამამისის, ჯეიმი სპირსის მეურვეობის გარეშე.
ბრიტნი სპირსი 90-იან წლებში, დისნეის შოუში გამოჩნდა და მთლიანად შეცვალა პოპ სამყარო. დისნეის შოუს მალე მოჰყვა მომღერლის სადებიუტო ალბომი, …Baby One More Time, რომელმაც გაყიდვების არაერთი რეკორდი მოხსნა და სამუდამოდ დაიმკვიდრა ადგილი ქვიარ საზოგადოების გულებში.
გთავაზობთ პოპ-ვარსკლავის საუკეთესო მომენტებს გვიანი 90-იანებიდან და 2000-იანი წლებიდან:
…Baby One More Time-ის პრემიერა
1998 წელს, 17 წლის ბრიტნიმ პირველი სინგი ...Baby One More Time გამოუშვა, რომელმაც სამუდამოდ შეცვალა პოპის ისტორია. პოპის პრინცესამ სწრაფად შეიძინა უამრავი გულშემატკივარი და დღემდე სინგლის 10 მილიონზე მეტი დისკი გაიყიდა.
1999 წლის Rolling Stone-ის გარეკანი
1999 წელს ბრიტნიმ ჟურნალ Rolling Stone-ისთვის იპოზიარა და ყველას დაუმტკიცა, რომ ის აღარ იყო სკოლის უნიფორმიანი პატარა გოგონა.
2000 წლის MTV-ის დაჯილდოება
2000-იანი წლები MTV-ისთვის ოქროს ხანა იყო, რაშიც თავისი უდიდესი წვლილი ბრიტნისაც მიუძღვის, რომელმაც არაერთი დასამახსოვრებელი შესრულება გვაჩუქა ფანებს MTV-ის სცენიდან.
ბრიტნი Super Bowl Halftime Show-ზე
2001 წელს ბრიტნი Super Bowl Halftime Show-ზე ისეთ შემსრულებლებთან ერთად წარსდგა, როგორებიც არიან Aerosmith, NSYNC, Nelly, Mary J. Blige და სამუდამოდ შეცვალა Super Bowl-ის ისტორია.
ჯინსი ჯინსზე
ჯასტინ ტიმბერლეიკისა და ბრიტნის წყვილზე მთელი მსოფლიო ლაპარაკობდა, ეს ლეგენდარული ლუქიც წითელი ხალიჩიდან ერთ-ერთი დასამახსოვრებელია ორივე არტისტის კარიერაში.
ბრიტნი გველების შიშს ამარცხებს
2001 წლის ერთ-ერთ დაჯილდოებაზე ბრიტნიმ გველების შიშის დაძლევა გადაწყვიტა და Im slave 4 u გველთან ერთად შეასრულა.
ბრიტნის პირველი კინოროლი
2002 წელს ეკრანებზე ბრიტნის პირველი ფილმი გამოვიდა, რომელიც სამი მეგობრის მანქანით მოგზაურობაზე გვიამბობს, ბრიტნის სიმღერა I’m Not A Girl Not Yet A Woman კი ნამდვილი ჰიტი გახდა.
ბრიტნი პეპსის რეკლამაში
ბრიტნი სპირსი არაერთხელ გამოჩნდა პეპსის რეკლამაში, ერთ-ერთი ყველაზე დასამახსოვრებელი კი გლადიატორების თემატიკის რეკლამაა, რომელშიც ბრიტნისთან ერთად ბიონსე, პინკი და ენრიკე იგლესიასი მონაწილეობენ.
ბრიტნის და მადონას კოცნა
2003 წლის MTV-ის კიდევ ერთ დაჯილდოებაზე, მადონამ, ბრიტნიმ და ქრისტინა აგილერამ ერთად იმღერეს, შოუს ყველაზე ცხელი მომენტი კი ბრიტნის და მადონას მოულოდნელი კოცნა იყო.
Toxic…
როცა გვეგონა, რომ ვეღარაფერი გაგვაკვირვებდა, ბრიტნიმ ახალი სინგლი, Toxic გამოუშვა, რომლითაც მომღერლის კარიერაში ახალი ეტაპი დაიწყო.
ბრიტნი სპირსი How I Met Your Mother-ში
ბრიტნისთვის მუსიკალური და კინოკარიერა საკმარისი არ აღმოჩნდა და 2008 წელს ლეგენდარული სიტკომის, HIMYM-ის ერთ-ერთ ეპიზოდში მოგვევლინა. ბრიტნის ეპიზოდი ერთ-ერთი ყველაზე ნახვადი ეპიზოდია შოუს ისტორიაში.
