კატო მიქელაძის ჯილდო ბაია პატარაიას, ელისო რუხაძესა და თოზუ გულმამედლის გადაეცათ

კატო მიქელაძის ჯილდო წელს ბაია პატარაიას, ელისო რუხაძესა და თოზუ გულმამედლის გადაეცათ, რომელთაც ქალთა უფლებებისთვის ბრძოლაში ორგანიზაცია “საფარი” აერთიანებთ.

ბაია პატარაია ფემინისტი აქტივისტი და საერთაშორისო ადამიანის უფლებათა სპეციალისტია. მას აქვს ადამიანის უფლებათა სამართლის მაგისტრის ხარისხი და 2013 წლიდან ხელმძღვანელობს არასამათავრობო ორგანიზაცია „საფარს“. ბაია წლების მანძილზე ცდილობს და მხარს უჭერს ქალების და გოგოების გაძლიერებას, მათთვის თანასწორი, უსაფრთხო გარემოს შექმნას და სოციალურ, ეკონომიკურ და პოლიტიკურ ცხოვრებაში ჩართულობის გაზრდას. ის არის არაერთი პუბლიკაციის, კვლევის და პოლიტიკის დოკუმენტის ავტორი და თანამშრომლობს საერთაშორისო ორგანიზაციებთან როგორც ეროვნული ექსპერტი. 2014 წლიდან ბაია პატარაია არის არაფორმალური ფემინისტური ჯგუფის „ქალთა მოძრაობის“ დამფუძნებელი და აქტიური წევრი.

თოზუ გულმამედლი უფლებადამცველი და აქტივისტია. თოზუმ დააარსა იორმუღანღლოს სათემო ცენტრი, რომლის საშუალებითაც ახალგაზრდების განვითარებასა და გაძლიერებაზე აქტიურად მუშაობს. მას, როგორც აზერბაიჯანელ, მუსლიმ ქალს, არაერთი სირთულე ხვდება, როდესაც ცდილობს დაიცვას საკუთარი და სხვების უფლებები და ღიად ისაუბროს ისეთ თემებზე, რომლებიც განსაკუთრებით ტაბუირებულია აზერბაიჯანულ თემში.

ელისო კავშირის ,,საფარი,, იურისტია, სადაც ძალადობის გამოცდილების მქონე ქალების, გოგონების და ბავშების უფლებებს 2017 წლიდან იცავს. ელისოს დიდი წვლილი შეაქვს ქალთა უფლებების დაცვის ჯანსაღი პრაქტიკის ჩამოყალიბებასა და ძალადობის დაძლევაში. ის ძალებს არ იშურებს არა მხოლოდ ბენეფიციარი ქალების დასაცავად, არამედ მათი რესოციალიზაციისა თუ ეკონომიკური გაძლიერებისთვის.

წყარო: Women’s Fund in Georgia

წინა

შვეიცარია ტრანსგენდერ ადამიანებს სქესის კანონიერად შეცვლის უფლებას აძლევს

შემდეგი

ნიტა გოგრიჭიანი – მუსიკიდან ილუსტრატორობამდე

ბოლო სიახლეები

წიგნის “ცისფერი – ქვიარ ამბავი ქართულ ხელოვნებაში” პრეზენტაცია ჩაიშალა

FacebookTweetLinkedInEmail 6 მარტს დაგეგმილი წიგნის პრეზენტაცია “ცისფერი – ქვიარ ამბავი ქართულ ხელოვნებაში”  ჩაიშალა. კრებული ქართველი მხატვრების

ამერიკის ფსიქოლოგთა ასოციაციის (APA) მხარდამჭერი დოკუმენტი ტრანსგენდერი ადამიანების სასარგებლოდ

FacebookTweetLinkedInEmail 28 თებერვალს ამერიკის ფსიქოლოგთა ასოციაციამ (APA) მიიღო მნიშვნელოვანი გადაწყვეტილება, მხარი დაუჭიროს ტრანსგენდერი და არაბინარული ადამიანების

პირადი ცხოვრების ხელყოფის ფაქტზე ორი კაცი დააკავეს

FacebookTweetLinkedInEmail სპეციალური საგამოძიებო სამსახურის ცნობით, პირადი ცხოვრების საიდუმლოს ხელყოფის საქმეზე ორი ადამიანი დააკავეს. 1960 წელს დაბადებულს კაცს

მამუკა მდინარაძემ „გეი პროპაგანდის“ კანონით აკრძალვა დააანონსა

FacebookTweetLinkedInEmail რუსული კანონის მიღებიდან ერთი წლის თავზე „ქართული ოცნება“ კიდევ ერთი რუსული კანონპროექტის ინიცირებას აპირებს. ქართული