8 ახალი ქვიარ სერიალი, რომელსაც შემოდგომაზე უნდა ველოდოთ

ცხელი და თავგადასავლებით სავსე ზაფხულის შემდეგ, სახლში დაბრუნება არც ისე რთულია, თუ გავიხსენებთ, რომ სულ მალე ეკრანებზე უამრავ ახალ და საინტერესო სერიალს ვიხილავთ.

მაშ, ასე, ჩამოისხით კიდევ ერთი ჭიქა ჩაი, მოიმარაგეთ საყვარელი სასუსნავები და გადახედეთ ქვიარ სერიალებს, რომლებსაც ამ შემოდგომაზე უნდა ველოდოთ ტელეეკრანებზე.

The Other Two (HBO Max)

გამოსვლის თარიღი – 26 აგვისტო 

The Other Two 26 აგვისტოს მეორე სეზონით დაბრუნდა, სერიალი მოგვითხრობს დამწყები გეი მსახიობისა და მისი მოცეკვავე დის ისტორიას, რომლებიც კარიერაში წარმატების მიღწევას უშედეგოდ ცდილობენ მაშინ, როცა მათი უმცროსი, 13 წლის ძმა მოულოდნელად ინტერნეტ სენსაცია გახდება.

Q-Force (Netflix)

გამოსვლის თარიღი – 2 სექტემბერი 

თუ ქვიარ სერიალები და ზრდასრულებისთვის განკუთვნილი ანიმაციური სერიალები თქვენც ჩვენსავით გიყვართ, კარგი ამბავი გვაქვს, Q-Force ნეტფლიქსის ახალი ანიმაციური სერიალია, რომელიც ქვიარ სუპერაგენტებზე მოგვითხრობს. სერიალში საიდუმლო ქვიარ აგენტებს აგენტი მერი ხელმძღვანელობს, ყველაფერი კი მას შემდეგ იცვლება, როცა აგენტების გუნდს ჰეტეროსექსუალი მამაკაცი შეემატება.

Impeachment: American Crime Story (FX)

გამოსვლის თარიღი – 7 სექტემბერი 

ჯიანი ვერსაჩის და ო. ჯეი სიმპსონის გახმაურებული სეზონების შემდეგ American Crime Story მორიგი სეზონით გვიბრუნდება. ანთოლოგიის მორიგი სეზონი Impeachment ამერიკის 42-ე პრეზიდენტის, 43 წლის ბილ კლინტონისა და 22 წლის თეთრი სახლის ინტერნის, მონიკა ლევინსკის სექს სკანდალს გააცოცხლებს. სერიალში მთავარ როლს სარა პოლსონი შეასრულებს.

Y: The Last Man (FX)

გამოსვლის თარიღი – 13 სექტემბერი 

მოგბეზრდათ „მოსიარულე მკვდრები“ ? მაშინ ეს ახალი სერიალი თქვენთვისაა. ცნობილ კომიქსებზე დაფუძნებულ სერიალში მოქმედება პოსტ აპოკალიფსურ სამყაროში ვითარდება, სადაც ერთ დღეს Y ქრომოსომის მქონე ყველა ცოცხალი არსება გაქრება, ცისგენდერი მამაკაცის – იორიკის და მისი მაიმუნის გარდა.

Chicaco Party Aunt (Netflix)

გამოსვლის თარიღი – 17 სექტემბერი 

Chicago Party Aunt კიდევ ერთი კომედიური ჟანრის ზრდასრულებისთვის განკუთვნილი ანიმაციური სერიალია, რომელიც ახალგაზდა გეი მამაკაცზე გვიამბობს. სერიალის გმირი გადაწყვეტს, ერთი წელი შესვენება აიღოს, შეიცვალოს საცხოვრებელი ადგილი და წვეულების მოყვარულ დეიდასთან გადავიდეს ჩიკაგოში საცხოვრებლად.

Sex Education (Netflix)

გამოსვლის თარიღი – 17 სექტემბერი 

თუ ჯერ კიდევ არ იცი, გეტყვით, რომ სულ რაღაც ერთ კვირაში ეკრანებზე Netflix-ის ბოლო დროის ერთ-ერთი ყველაზე გახმაურებული სერიალი, Sex Education მესამე სეზონით ბრუნდება, სერიალი მორდეილის სკოლის მოსწავლეზე, ოტის მილბურნსა და მის დედაზე, ჯინ მილბრუნზე (ჯილიან ანდერსონი) გვიამბობს. როგორც სულ ახლახანს გამოსული ტრეილერიდან ჩანს, ახალი სეზონი უფრო მეტად დრამატული უნდა იყოს.

Chucky (Syfy/USA)

გამოსვლის თარიღი – 12 ოქტომბერი 

ჰორორების მოყვარულებისთვის კარგი ამბავი გვაქვს, სულ მალე ეკრანებზე გამოვა Chucky, ჰორორის ჟანრის საკულტო ფილმების სატელევიზიო ადაპტაცია, სადაც პატარა, მშვიდი და წყნარი ქალაქის ყოფა არის აღწერილი, თუმცა ეს სიმშვიდე და იდილია მას შემდეგ ირღვევა, რაც სკოლის გეი მოსწავლე, ჯეკი უცნაურ თოჯინას შეიძენს.

The 4400 (The CW)

გამოსვლის თარიღი – 25 ოქტომბერი 

ალბათ ყველას გვახსოვს 2000-იანების საკულტო სამეცნიერო ფანტასტიკის ჟანრის სერიალი The 4400. სერიალი გვიამბობს ადამიანებზე,  რომლებიც ერთ დღესაც დედამიწიდან გაქრებიან, წლების შემდეგ კი, მოულოდნელად ისევ დაბრუნდებიან, გამქრალ ადამიანებს არ ახსოვთ, სად წავიდნენ ისინი, არ მომატებიათ ასაკი და მეტიც, ისინი ახალ სუპერძალებს ფლობენ. სერიალის რებუტი ოქტომბერში გამოვა The CW ეკრანებზე.

წინა

Edison Research-ის კვლევის შედეგები 5-6 ივლისის მოვლენებზე

შემდეგი

როგორ ვესაუბროთ ბავშვებს ლგბტ საკითხებზე – ინტერვიუ მაია ცირამუასთან

ბოლო სიახლეები

კვლევის თანახმად ორსული ქვიარ ქალები უფრო ხშირად განიცდიან დეპრესიას, ვიდრე ჰეტეროსექსუალი ქალები

FacebookTweetLinkedInEmail 5 თებერვალს გამოქვეყნდა კვლევა, რომელიც შეისწავლიდა სექსუალურ ორიენტაციასთან დაკავშირებულ უთანასწორობას ორსულ ქვიარ ქალებში. კერძოდ, მათი

დააკავეს კაცი, რომელმაც 200-მდე ქალს 5000-მდე ფოტო და ვიდეო მოტყუებით და ფარულად გადაუღო

FacebookTweetLinkedInEmail სპეციალური საგამოძიებო სამსახურის ცნობით, პირადი ცხოვრების საიდუმლოს ხელყოფისა და სექსუალური ხასიათის ქმედების იძულების ფაქტზე 43

ამარი – ტრანსგენდერი მომღერალი ძლიერი ხმით და საინტერესო ისტორიით

FacebookTweetLinkedInEmail ამარი American Idol-ის მონაწილეა, რომელმაც უამრავი მსმენელი მოხიბლა მსოფლიოს მასშტაბით. 28 წლის მომღერალი წარმოშობით ამერიკელია,

წიგნის “ცისფერი – ქვიარ ამბავი ქართულ ხელოვნებაში” პრეზენტაცია ჩაიშალა

FacebookTweetLinkedInEmail 6 მარტს დაგეგმილი წიგნის პრეზენტაცია “ცისფერი – ქვიარ ამბავი ქართულ ხელოვნებაში”  ჩაიშალა. კრებული ქართველი მხატვრების