პეკინის ზამთრის ოლიმპიადაზე ოლიმპიური ოქრო კიდევ ერთმა ლგბტქი სპორტსმენმა, გიომ სეზერონმა მოიგო. გაბრიელა პაპადაკისის და სეზერონის წყვილმა მოკლე პროგრამის რეკორდული მაჩვენებელი დააფიქსირა და საფრანგეთს ოლიმპიური ოქრო მოუტანა.
წყვილმა პეკინის ოლიმპიადაზე ასპარეზობას „შურისძიების რბოლა“ უწოდა, რადგან 4 წლის წინ, სამხრეთ კორეაში გამართულ ზამთრის ოლიმპიადაზე, ვერცხლის მედლის მფლობელები გახდნენ.
სეზერონმა საჯაროდ 2020 წელს განაცხადა, რომ გეია. მან ინსტაგრამზე შეყვარებულთან ერთად გადაღებული ფოტო გამოაქვეყნა და გულშემატკივრებს საკუთარი ორიენტაციის შესახებ გაუმხილა.
გასულ კვირას, ჩქაროსნულმა მოციგურავე აირინ ვუსტმა მე-6 ოლიმპიური ოქრო მოიგო და ოლიმპიადის ისტორიაში ყველაზე წარმატებული სპორტსმენი გახდა, მისივე ანგარიშზეა ლგბტქი სპორტსმენების მიერ პეკინში მოგებული პირველი მედალი.
წლევანდელ პეკინის ოლიმპიადაზე 36 ღიად ლგბტქი სპორტსმენი მონაწილეობს, რომელთა შორის მედლის მფლობელები სეზერონი და ვუსტი გახდნენ.
წყარო: OutSports
