2023 წლის ბელგრად პრაიდმა Belgrade Pride წარმატებით ჩაიარა. პრაიდ კვირეულის ფარგლებში დაგეგმილი ყველა ღონისძიება, მათ შორის პრაიდ-მარში, შედგა რაიმე შეფერხების გარეშე. მსვლელობაში მონაწილეობა დაახლოებით 10 000-მა ადმიანმა მიიღო.
„ჩვენ ვამაყობთ, რომ კიდევ ერთხელ საჯაროდ დავუჭირეთ მხარი ლგბტქი თემის უფლებებს. ჩვენ ვამაყობთ ადამიანების რაოდენობით, ვინც შემოგვიერთდა პრაიდზე და ამით დამაჯერებელი გზავნილი გააჟღერა რომ ბელგრადი მხარს უჭერს მრავალფეროვნებასა და ინკლუზიურობას. ჩვენ გავაგრძელებთ სიყვარულისთვის და თანასწორობისთვის ბრძოლას ვიდრე ბელგრად პრაიდის ყველა მოთხოვნა არ დაკმაყოფილდება.“ – ნათქვაია ორგანიზაცია ბელგრად პრაიდის განცხადებაში.
ბელგრად პრაიდის მოთხოვნები სერბეთის ხელისუფლების მიმართ შემდეგია:
ერთიდაიგივე სქესის ადამიანების სამოქალაქო პარტნიორობის შესახებ კანონის მიღება Law on Same-Sex Partnerships;
გენდერული იდენტობის შესახებ კანონის მიღება Gender Identity Law და ჯანდაცვის სერვისების გაუმჯობესება ტრანსგენდერი ადამიანებისთვის;
ხელისუფლების მხრიდან ადეკვატური პასუხის გაცემა მთავრობის ოფიციალური წარმომადგენლების მხრიდან საჯაროდ გაკეთებულ ჰომოფობიურ და ტრანსფობიურ გამონათქვამებზე, ასევე ლგბტქი ადამიანების მიმართ ჩადენილ სიძულვილით მოტივირებულ დანაშაულებებზე;
სამოქმედო გეგმის მიღება და განხორციელება – ლგბტქი საკითხებზე ახალგაზრდების განათლება;
აივის ეფექტური პროფილაქტიკა პრე-ექსპოზიციური და პოსტ-ექსპოზიციური პროფილაქტიკის სახით (PrEP and PEP);
ასევე, ბოდიშის მოხდა სერბეთში 1994 წლამდე საკანონმდებლო დონეზე ადამიანების დევნისთვის მათი სექსუალური ორიენტაციისა თუ გენდერული იდენტობის საფუძვლით;
წყარო: https://prajd.rs/en/
