ვიდეო ინტერვიუების ციკლი „Art Interrupted: Further and Closer” აღწერს და იკვლევს თუ რა გამოწვევები დგას დღეს საქართველოში კულტურის სფეროს წინაშე. როგორია სახელმწიფოს დამოკიდებულება კულტურისა და ხელოვნების მიმართ და რა არის მთავარი შემაფერხებელი ფაქტორები სახელოვნებო პროცესების განვითარებისთვის.
კულტურის სფეროს წარმომადგენლები ანალიტიკური, კრიტიკული კუთხით საუბრობენ იმაზე, თუ რა პრობლემების წინაშე დგას დღეს სახელოვნებო სივრცე. იკვრება ლოგიკურად გამოწვეული კითხვების მთელი ჯაჭვი, რომელიც სახელმწიფოს ეგზისტენციალური პასუხისმგებლობის წინაშე აყენებს და მკაცრად მიუთითებს კულტურის სფეროს შენარჩუნებისა და განვითარებისათვის საჭირო ქმედითი ნაბიჯების დაუყოვნებლივ გადადგმისაკენ.
მოცემული ვიდეო ინტერვიუები საქართველოში კულტურულ, პოლიტიკურ პროცესებზე და წლების განმავლობაში დაგროვებულ გამოცდილებაზე დაკვირვებისა და ანალიზის შესაძლებლობას იძლევა.
ანდრო დადიანი ქართველი ხელოვანია, რომელიც მუდმივად ცდილობს მისთვის დამახასიათებელი სინაზითა და ჩაღრმავებით, მგრძნობიარე და ზოგჯერ უხეში ენით ილაპარაკოს მის პერსონალურ და საზოგადო პრობლემებზე. პოეზია, პერფორმანსი, ვიზუალური ობიექტები, ფოტოები, თეატრი, ეს არასრული ჩამონათვალია მედიუმების, რომლებშიც ხელოვანს საკუთარი ძალები მოუსინჯავს.
—-
ვიდეო ინტერვიუების ციკლი მომზადდა „ფრიდრიხ ნაუმანის ფონდი თავისუფლებისათვის“ თანამშრომლობითა და მხარდაჭერით.
