გასული ორი დღის განმავლობაში ალტ-ინფოს წარმომადგენლები ზურა მახარაძე და კონსტანტინე მორგოშია ახალი მოძრაობის “ანტი მაიდანის” ორგანიზებას აანონსებენ. ისინი სთხოვენ მოქალაქეებს ფულადი თანხების შეწირვას “ანტი მაიდანისთვის”, რომელიც, მათი თქმით, საქართველოს აარიდებს უკრაინის ბედს.
“მაიდანს” ზურა მახარაძე სახელმწიფო გადატრიალების მცდელობას არქმევს და მოუწოდებს მოქალაქეებს არ შეუერთდნენ და დაუპირისპირდნენ ამ პროცესს. “თუ არ გინდა, რომ დამწვარ თბილისს უყურო და შენი ოჯახის წევრები დაფლეთილები ეყარონ ქუჩაში, მოგიწევს ბრძოლა” – აცხადებს ზურა მახარაძე. მისივე თქმით, საჭიროა ადამიანთა ჯგუფების მობილიზება “ანტი მაიდანისთვის” წინააღმდეგობის გასაწევად.
