The Glee Club

ჩვენი უნარების დამცრობა უნდოდათ, მაგრამ დრეგ ქვინებმა საპირისპირო დავამტკიცეთ — ჯინქს მონსუნი

Rupaul’s Drag Race-ის ორგზის გამარჯვებულმა დრეგ ქვინმა, მსახიობმა და კომიკოსმა, ჯინქს მონსუნმა Vulture-ის პოდკასტში სტუმრობისას დრეგ კულტურის მზარდ გავლენაზე და რუპოლის სატელევიზიო შოუს სხვა კონკურსანტების წარმატებაზე ისაუბრა. დრეგ ვარსკვლავმა აღნიშნა, რომ “ყველამ, ვისაც სურთ დრეგ ქვინების შესაძლებლობების დაკნინება, სარეპეტიციო ოთახი უნდა დატოვოს, რადგან მათი დრო წარსულს ჩაბარდა”.

„ბიანკა დელ რიო ვიმბლის სტადიონზე, კარნეგი ჰოლში, სხვა შესანიშნავ სცენებზე გამოდის და დარბაზებს ავსებს. თუ რომელიმე კომიკოსს მისი კლასიფიცირება რამე სხვა სიტყვით უნდა და არა უბრალოდ სთენდაფ კომიკოსად მოხსენიება, მინდა, ვკითხო, თქვენ გაგივსიათ კარნეგი ჰოლი, ვიმბლის სტადიონი?“, — აღნიშნა ჯინქს მონსუნმა და სხვა დრეგ ვარსკვლავების წარმატების შესახებაც გააკეთა კომენტარი — „ალასკამ და ტრიქსიმ საკუთარი მუსიკით ჩარტებში ლიდერის პოზიციები მოიპოვეს. ტრიქსიმ მოტელი იყიდა, რენოვაცია დაიწყო და ამის შესახებ საკუთარი სატელევიზიო შოუ შექმნა. ბობ ზე დრეგ ქვინის, შენჯელას და იურიკა ო’ჰარას შოუმ ახლახან ემი მოიგო და უკვე მესამე სეზონის ჩაწერა დაიწყეს”.

ჯინქსის თქმით, დრეგ ქვინებმა უკვე დაამტკიცეს, რისი მიღწევის უნარი აქვთ.

„რა გზებითაც არ უნდა ეცადათ ჩვენი მიღწევებისა და უნარების შელახვა, საპირისპირო უკვე დავამტკიცეთ. დრეგ რეისში 10 წლის წინ გამოვჩნდი, მაშინ, როცა ჯერ კიდევ არ იყო ისეთი პოპულარული და ახლა უზარმაზარი აუდიტორია ჰყავს. მინდა, იმავე მასშტაბის მიღწევა მქონდეს სამსახიობო კარიერაში, როგორიც ბიანკას, ალასკას, ტრიქსის, ბობს, შენჯელას თუ იურიკას თავის სფეროში აქვთ. მე და ბენ დელა ქრემმა საშობაო შოუ დავწერეთ და სამომავლოდ ბევრად დიდი, საავტორო შოუს გაკეთება მინდა“, — თქვა მონსუნმა Vulture-თან საუბრისას.

Rupaul’s Drag Race ეკრანებზე 2009 წელს გამოჩნდა და პოპულარობა მალევე მოიპოვა. სატელევიზიო შეჯიბრების ტიპის შოუს ამჟამად ემის 56 ნომინაცია და 24 მოგება აქვს. დრეგ რეისის სპინოფი კი აშშ-ის გარდა 9 ქვეყანაში გამოვიდა, ამ რიცხვს სულ მალე 5 ახალი სპინოფი შეემატება.

ჯინქს მონსუნის Vulture-სთვის მიცემული ინტერვიუს სრულად მოსმენას ამ ლინკზე შეძლებთ.

წინა

ინდოეთის უზენაესი სასამართლოს გადაწყვეტილებით, ოჯახის ცნება ქვიარ წყვილებსაც მოიცავს

შემდეგი

60-იანი წლების ქვიარ წინააღმდეგობები — მოვლენები, რომელთა კულმინაციად სტოუნვოლი იქცა

ბოლო სიახლეები

ნეპალში პირველი ქვიარ ქორწინება დარეგისტრირდა

FacebookTweetLinkedInEmail ნეპალის უზანაესმა სასამართლომ დააკანონა ერთნაირსქესიანთა ქორწინების რეგისტრაცია. ცოტა ხნის წინ ქვიარ წყვილმა, მაია გურუნგმა და

რომის პაპი გეგმავს ანტი ლგბტქი კარდინალისთვის პენსიისა და საცხოვრებელი სახლის ჩამორთმევას

FacebookTweetLinkedInEmail როგორც Associated Press თავის ანონიმურ წყაროზე დაყრდნობით იუწყება, რომის პაპი აპირებს პენსიაზე მყოფი ანტი ლგბტქი

ქვიარი შპს „პოლიგრაფის“ მიმართ დისკრიმინაციის დადგენას  ითხოვს

FacebookTweetLinkedInEmail   მიმდინარე წლის ნოემბრის თვეში შპს “პოლიგრაფი”-ს დირექტორმა გოჩა კამკამიძემ დისკრიმინაციული მოტივით უარი თქვა ჟურნალ

რუსეთში გეი ბარების დარბევა დაიწყო

FacebookTweetLinkedInEmail მას შემდეგ, რაც რუსეთის უზენაესი სასამართლოს გადაწყვეტილებით ლგბტქი მოძრაობა “ექსტრემისტულად” გამოცხადდა, პოლიციამ მალევე დაიწყო მოსკოვში