პლაკატი
/

დაკავებულების გათავისუფლება და კანონის ჩაგდება დაუყოვნებლივ — NGO-ების მოთხოვნები

საზოგადოებრივი ორგანიზაციები ერთობლივ განცხადებას ავრცელებენ და ორ მოთხოვნას აყენებენ:

  • პარლამენტმა დაუყოვნებლივ გამართოს პლენარული სხდომა, სადაც რუსული კანონს მეორე მოსმენით უყრის კენჭს და მას ოფიციალურად ჩააგდებს;
  • დაუყოვნებლივ გათავისუფლდეს ყველა დაკავებული, ვინც საქართველოს ევროპულ მომავალს იცავდა და ქუჩებში საქართველოს და ხალხის ღირსების შემლახავ რუსულ კანონს აპროტესტებდა.

ისინი განმარტავენ, რომ არ არსებობს პირველი მოსმენით მიღებული კანონპროექტის გაწვევის პროცედურა,

“ამ კანონის პირველი მოსმენით მიღება იყო ხელისუფლების მიერ წარმოებული ანტიდასავლური კამპანიებისა და ევროპული ინსტიტუტების მუდმივი დელეგიტიმაციის პირდაპირი გაგრძელება.

საზოგადოებას ვაცნობებთ, რომ არ არსებობს პირველი მოსმენით მიღებული კანონპროექტის გაწვევის პროცედურა, შესაძლებელია მხოლოდ მისი ჩაგდება მეორე მოსმენით. შესაბამისად, აუცილებელია, რომ პარლამენტმა რუსულ კანონს მეორე მოსმენით უყაროს კენჭი და ჩააგდოს ის, ხოლო რუსული კანონის მეორე ვერსია, რომელსაც კენჭი არ ეყარა, ინიციატორებმა ოფიციალურად გაიწვიონ”, — აღნიშნულია განცხადებაში.

ამავე განცხადებაში ორგანიზაციები მადლობას უხდიან ახალგაზრდებს, ქალებს, მშრომელებს, მეცნიერებს, პედაგოგებს, ექიმებს, კულტურის და სპორტის წარმომადგენლებს, მეღვინეებს, მეწარმეებს, ფერმერებს და ყველას, ვინც დგას ისტორიის სწორ მხარეს და ხელისუფლების ძალადობისა და რეპრესიის პირობებში თავის აზრს გამოხატავს. მათი განცხადებით, რუსული კანონის მიღებისა და ევროპული კურსიდან გადახვევის წინააღმდეგ საზოგადოების შეუპოვარმა ბრძოლამ პირველადი შედეგი გამოიღო.

დღეს, 19:00 საათზე რუსთაველის გამზირზე კვლავ გაიმართება აქცია ამ მოთხოვნებით.

განცხადებას ამ დროისთვის ხელს აწერენ:

  1. ა(ა)იპ “საერთაშორისო ბიზნესის განვითარების და ინვესტიციათა ხელშეწყობის ცენტრი”
  2. ა(ა)იპ “ადამიანის უფლებების განვითარების ფონდი”
  3. ა(ა)იპ “მირაბალდები”
  4. ა(ა)იპ ა ახალგაზრდული ორგანიზაცია ცვლილებები თანაბარი უფლებებისათვის
  5. ა(ა)იპ ბათუმის დამოუკიდებელი ცხოვრების ცენტრი
  6. ა(ა)იპ სოციალურ საწარმოთა ალიანსი
  7. ააიპ “საათი”
  8. ააიპ “საქართველოს შემეცნებითი ცენტრი”
  9. ადამიანის უფლებათა ცენტრი (HRC)
  10. არაგვის თემთა განვითარების ჯგუფი
  11. ასოციაცია “მერკური”
  12. ასოციაცია HERA XXI
  13. ასოციაცია ცხოვრების შანსი
  14. აღმოსავლეთ ევროპის ცენტრი მრავალპარტიული დემოკრატიისთვის
  15. ახალგაზრდა დემოკრატიული ცვლილებებისთვის
  16. ახალგაზრდა ფემინისტები
  17. ახალგაზრდების განვითარების ქსელი
  18. ახალი აზროვნების ინსტიტუტი
  19. ახალქალაქის ბიზნეს ცენტრი
  20. ახმეტის ახალგაზრდული ალიანსი
  21. ბავშვთა კეთილდღეობის ლიგა
  22. განვითარებისა და დემოკრატიის ცენტრი (CDD)
  23. გორის სათემო რადიო მოზაიკა
  24. გურიის სამოქალაქო ცენტრი
  25. დავიწყოთ ახლა
  26. დემოკრატ მესხთა კავშირი
  27. დემოკრატიის მცველები
  28. დემოკრატიისა და მართლმსაჯულების ინსტიტუტი
  29. დემოკრატიული უსაფრთხოების ინსტიტუტი
  30. დემოკრატოული ჩართულობის ცენტრების ქსელი
  31. ევროპელ ინიციატორთა ასოციაცია
  32. ევროპულ-ქართული ინსტიტუტი
  33. ენერგოეფექტურობის ცენტრი საქართველო
  34. ზემო სვანეთის ადგილობრივი განვითარების ჯგუფი
  35. თავისუფალ მოქალაქეთა გაერთიანება
  36. თავისუფალ ჟურნალისტთა სახლი
  37. თანასწორობის მოძრაობა
  38. ინიციატივა სოციალური ცვლილებებისთვის (ISC)
  39. ირის ჯგუფი – მრავალფეროვნების მართვა
  40. კავკასუს პრინციპიუმი
  41. კავშირი ფრეია
  42. კანონის უზენაესობის ცენტრი
  43. კომლი
  44. კომლი/CDC
  45. კონსულტაციის და ტრენინგის ცენტრი
  46. ლიბერალური განათლების ქართულ-ამერიკული ინიციატივა
  47. ლურჯი ფარის საქართველოს ეროვნული კომიტეტი
  48. მარიას სკოლა
  49. მწვანე ალტერნატივა
  50. მწვანე სექტორი
  51. მწვანეები
  52. ნეო ტვ – NeoTv.ge
  53. ორგანიზაციული, სტრატეგიული და დემკრატიული პრიორიტეტების ცენტრი
  54. პარტნიორობა ადამიანის უფლებებისთვის PHR
  55. პარტნიორობა განათლებისა და კომუნიკაციისთვის PEC
  56. პედაგოგტა კავშირი “განათლება და სამყარო”
  57. პლატფორმა სალამი
  58. პრევენცია პროგრესისთვის
  59. პროგრესის ცენტრი
  60. პროფესიო – პიროვნული და პროფესიული განვითარების ცენტრი
  61. პუბლიკა
  62. რეგიონული მდგრადი განვითარების ინსტიტუტი – Regional Sustainable Development Institute
  63. რეგიონული პარტნიორობის ცენტრი (RPC)
  64. რეფორმებისა და კვლევის ჯგუფი
  65. საბჭოთა წარსულის კვლევის ლაბორატორია
  66. საერთაშორისო ასიციაცია კივიტას გეორგიკა
  67. საერთო-სამოქალაქო მოძრაობა მრავალეროვანი საქართველო
  68. საზოგადოება ბუნების კონსერვაციისთვის – საბუკო
  69. საზოგადოება და ბანკები
  70. საზოგადოებრივი მაუწყებელი
  71. საზოგადოებრივი მოძრაობა “მომავლის ჭიათურა”
  72. საზოგადოებრივი მოძრაობა მწვანეები
  73. სათემო განვითარების პლატფორმა
  74. სათემო განვითარების ცენტრი
  75. საინფორმაციო რესურსების ქსელი (საქართველოს ამბები / მთის ამბები)
  76. სამართლიანი არჩევნებისა და დემოკრატიის საერთაშორისო საზოგადოება (ISFED)
  77. სამოქალაქო აქტივობების ცენტრი
  78. სამოქალაქო აქტივობისა და რეგიონული განვითარების ცენტრი (CARDC)
  79. სამოქალაქო ინტეგრაციისა და ეროვნებათშორისი ურთიერთობების ცენტრი
  80. სამოქალაქო მოძრაობა თავისუფლებისთვის
  81. სამოქალაქო ჩართულობისა და აქტივიზმის ცენტრი
  82. საორსა
  83. საფარი
  84. საქართველოს ახალგაზრდა იურისტთა ასოციაცია
  85. საქართველოს ახალგაზრდა მწვანეები
  86. საქართველოს ახალგაზრდების განვითრებისა და განათლების ასოციაციაა განათლების ასოციაცია
  87. საქართველოს გაეროს ასოციაცია
  88. საქართველოს დემოკრატიული ინიციატივა (GDI)
  89. საქართველოს მედია-კლუბი
  90. საქართველოს პოლიტიკის ინსტიტუტი
  91. საქართველოს საზოგადოებრივი ინტერესების დაცვის ასოციაცია
  92. საქართველოს სამოქალაქო საზოგადოების განვითარების ასოციაცია (ACSDG)
  93. საქართველოს სასამართლოს გუშაგი
  94. საქართველოს ქალთა პარტია სამართლიანობისა და თანასწორობისათვის
  95. საქართველოს ღია საზოგადოების ფონდი
  96. სექტორი 3
  97. სიქა – საგანმანათლებლო ინიციატივების ქართული ასოციაცია
  98. სოლიდარობის თემი
  99. სოლიდარობის მუზეუმი
  100. სოფლის მეურნეობის განვითარების ასოციაცია
  101. სოციალური მუშაკები საზოგადოების კეთილდღეობისთვის
  102. სოციალური სამართლიანობის ცენტრი
  103. სტრატეგიული კვლევების და განვითარების ცენტრი
  104. ტოლერანტობის და მრავალფეროვნების ინსტიტუტი (TDI)
  105. უმუშევარი
  106. უფლებები საქართველო
  107. ფემინა
  108. ფონდი “ინტერნიუსი საქართველო”
  109. ფორსეტი
  110. ქალები საერთო მომავლისთვის (WECF) – საქართველო
  111. ქალები საქართველოდან
  112. ქალთა ასოციაცია გვირილა
  113. ქალთა ინიციატივების მხარდამჭერი ჯგუფი, WISG
  114. ქალთა საინფორმაციო ცენტრი
  115. ქალთა ფონდი “სოხუმი”
  116. ქვემო ქართლის მედია
  117. ღია სივრცე კავკასია (COS)
  118. ყვარლის ევროკლუბი
  119. შპს “ქართული კენკრა”
  120. ჩართულობის და განვითარების ცენტრი
  121. ხანდაზმულ ქალთა ასოციაცია ,,ღირსეული სიბერე”
  122. ხიდი სოციალური ინკლუზიისთვის
  123. საერთო-სამოქალაქო მოძრაობა “მრავალეროვანი საქართველო”
  124. თავისუფალი ასოციაცია
  125. საერთო-სამოქალაქო მოძრაობა “მრავალეროვანი საქართველო”
  126. “ეკო ცენტრი”
  127. “უფლებებისა და განათლებისათვის”
  128. “ქართული მედია ჯგუფი” / feminism.ge / metalab.ge
  129. “თბილისი პრაიდი”
  130. CENN
  131. GCRT-KUTAISI
  132. HEKS/EPER
  133. public art platform
  134. TRAM
  135. GE

აქციების ძალადობრივი დაშლის და არაერთი მოქალაქის დაშავების შემდეგ, დღეს, 9 მარტს, დილით ცნობილი გახდა, რომ ქართულმა ოცნებამ რუსული კანონპროექტის გაწვევისა და მისი განხილვის შეწყვეტის შესახებ გადაწყვეტილება მიიღო. იურისტების შეფასებით კი, პარლამენტის რეგლამენტის თანახმად, პირველი მოსმენით მიღებული კანონის გაწვევა არ ხდება და ის უნდა ჩავარდეს მეორე მოსმენაზე.

პარლამენტმა რუსულ კანონს მხარი პირველი მოსმენით 7 მარტს დაუჭირა. განხილვა 9 მარტს იყო დაანონსებული, მაგრამ მოულოდნელად 7 მარტი გადაწყდა. მას შემდეგ, რაც ანტიდასავლურმა ძალამ რუსული კანონპროექტის ორი ვერსია დააინიცირა, აქციები იმართებოდა, თუმცა 7 მარტს გასაპროტესტებლად პარლამენტთან ბევრად მეტი ადამიანი მივიდა, უფრო მეტი კი 8 მარტს. ორივე დღეს ხელისუფლებამ მშვიდობიანი დემონსტრანტების დასაშლელად ძალადობრივ მეთოდებს მიმართა, კერძოდ, გამოიყვანეს სპეცდანიშნულების რაზმი, გამოყენებული იყო წყლის ჭავლი, ცრემლსადენი გაზი  და წიწაკის სპრეი. გავრცელდა კადრებიც, სადაც ჩანს, რომ სპეცრაზმი წყლის ჭავლში წიწაკის სპრეის ურევს.

გავრცელებული ინფორმაციით დაშავებულია ათობით ადამიანი, თუმცა ზუსტი რაოდენობა უცნობია. ომბუდსმენის განცხადებით, დაკავებულთაგან რამდენიმეს გარეგნული დაზიანებები ეტყობოდა, მათ შორის, ყველაზე მძიმედ პოლიტიკოსი ზურაბ გირჩი ჯაფარიძეა დაზიანებული. შსს-ს ინფორმაციით, 7-8 მარტის აქციებზე 134 ადამიანია დაკავებული.


ანტიდასავლურმა მოძრაობამ პარლამენტში რუსული კანონის ორი ვერსია წარადგინა. ორივე ითვალისწინებს „უცხოური გავლენის აგენტად“ რეგისტრაციას იმ შემთხვევაში, როცა დაფინანსების წყარო საერთაშორისო ორგანიზაციებია. წინააღმდეგ შემთხვევაში, გათვალისწინებულია ჯარიმა, ახალ ვერსიაში კი არის პატიმრობის შესახებ ჩანაწერიც. შედეგად, საფრთხე ექმნება თავისუფალ მედიას, არასამთავრობო ორგანიზაციების საქმიანობას და უამრავ სერვისს, რომელსაც მოსახლეობა სწორედ არასამთავრობო ორგანიზაციებისა და მედიის დახმარებით იღებს, მათ შორის, ჯანდაცვის, განათლების, ინფრასტრუქტურული სერვისები და სხვა.

რუსულ კანონპროექტებს მედია და არასამთავრობო ორგანიზაციები ჩვენი მუშაობის შეზღუდვის მცდელობად მივიჩნევთ. ჩვენ გავავრცელეთ ერთობლივი განცხადებაც და აღვნიშნეთ, რომ კანონპროექტი მიმართულია არა მხოლოდ თავისუფალი სამოქალაქო საზოგადოების ორგანიზაციებისა და კრიტიკული მედიის, არამედ — საქართველოს მოსახლეობის წინააღმდეგ. გარდა ამისა, დამატებით განცხადება გავრცელდა მედიის მხრიდან. ხელმომწერი მედიაორგანიზაციები ვაცხადებთ, რომ არ ვაპირებთ „აგენტებად“ რეგისტრაციას, რადგან კანონის მიზანია, მედიამ და საზოგადოებრივმა ორგანიზაციებმა ვეღარ ასახონ ქვეყანაში არსებული კორუფცია, უსამართლობა და სიღარიბე.

მსგავსი კანონი რუსეთში 2012 წელს მიიღეს. ბოლო დეკადამ ცხადყო, რომ რომ რუსეთის ავტორიტარმა მმართველმა, „გამჭვირვალობის“ მიზეზით მიღებული კანონის მეშვეობით, მედიისა და არასამთავრობო სექტორის კრიტიკული ხმა სრულიად ჩაახშო.

წინა

7-8 მარტს აქციაზე 134 ადამიანი დავაკავეთ — შსს

შემდეგი

კანონპროექტი გავა მეორე მოსმენაზე და იქ ჩავაგდებთ — მდინარაძე

ბოლო სიახლეები

რუსული კანონის წინააღმდეგ დაგეგმილი აქციების განრიგი საქართველოს მასშტაბით

FacebookTweetLinkedInEmail რუსული კანონის წინააღმდეგ მოქალაქეები ყოველდღე იკრიბებიან სხვადასხვა ლოკაციებზე. უწყვეტი აქციების ფონზე გთავაზობთ სტუდენტებისა და ორგანიზაციების

არავის დავტოვებთ მარტო უსამართლობის პირისპირ

FacebookTweetLinkedInEmail წელს მსოფლიოს მასშტაბით 17 მაისის წამყვანი გზავნილი ერთობისკენ მოწოდებაა, რადგან მხოლოდ ერთმანეთის მიმართ სოლიდარობითაა შესაძლებელია

საპროტესტო აქციების განრიგი საქართველოში და ფარგლებს გარეთ

FacebookTweetLinkedInEmail მიმდინარე დღეებში რუსული კანონის წინააღმდეგ აქციებია დაგეგმილი როგორც საქართველოს სხვადასხვა ქალაქში, ასევე ქვეყნის ფარგლებს გარეთაც.

კვლევის თანახმად ორსული ქვიარ ქალები უფრო ხშირად განიცდიან დეპრესიას, ვიდრე ჰეტეროსექსუალი ქალები

FacebookTweetLinkedInEmail 5 თებერვალს გამოქვეყნდა კვლევა, რომელიც შეისწავლიდა სექსუალურ ორიენტაციასთან დაკავშირებულ უთანასწორობას ორსულ ქვიარ ქალებში. კერძოდ, მათი