დიდ ბრიტანეთში ქრისტიანმა მღვდლებმა, რომელთა რაოდენობაც უკვე 2000-ს აღემატება, ხელი მოაწერეს ღია წერილს ქრისტიანული სწავლების შეზღუდვების წინააღმდეგ, რომელიც გარდაქმნის თერაპიის აკრძალვის კანონპროექტის ნაწილია.
„ჩვენთვის არ უნდა იყოს სისხლის სამართლის დანაშაული შვილებისთვის იმის სწავლება, რომ ღმერთმა ისინი კაცად და ქალად შექმნა, მის ხატად და მსგავსად, მან მხოლოდ კაცისა და ქალის ქორწინება დაუშვა. Ჩვენ დიდი იმედი გვაქვს, რომ ეს წინადადება გაუქმდება. Ჩვენ არ გვაქვს სურვილი გავხდეთ კრიმინალები. Ასევე, დიდ მნიშვნელობას ვანიჭებთ მთავრობის მხარდაჭერას. აუცილებელია, იცოდეთ, ღრმა მწუხარებას გამოვთქვამთ იმის გამო, რომ მართლმადიდებლური ქრისტიანული მსახურების სიყვარული, ქრისტიანული ქორწინების სწავლება, შესაძლოა, სისხლის სამართლის დანაშაულად ჩაითვალოს. Ჩვენ ღრმა მწუხარებით განვაგრძობთ ღვთის წინაშე მოვალეობის შესრულებას“ – წერია ღია წერილში.
წერილს ხელს ინგლისის ეკლესიის გენერალური სინოდის წევრები, თავისუფალი/დამოუკიდებელი ეკლესიის ლიდერები, ორმოცდაათიანელები, პრესვიტარიანები და სხვ. აწერენ, რაც მთავრობის გეგმების გამო გამოწვეულ შეშფოთებაზე მიუთითებს.
წერილის ავტორებს მიაჩნიათ, რომ კანონპროექტის მიხედვით, მართლმადიდებლური ქრისტიანული მსახურება მიუღებელია.
დიდი ბრიტანეთის მინისტრმა, მაიკ ფრეიერმა სამთავრობო სხდომაზე განაცხადა, რომ მათი გადაწყვეტილება სწორად არის მიმართული გარდაქმნის თერაპიის აღმოსაფხვრელად და სიტყვის თავისუფლების დასაცავად.
კანონპროექტზე მსჯელობის პერიოდი, რომელიც ამ პარასკევს უნდა დასრულებულიყო, 4 თებერვლამდე გაგრძელდება.
მთავარი ფოტო: Julien Mougnon
