16 მარტიდან გეი კაცები სისხლის დონაციისას იმავე პროცედურებს გაივლიან, რასაც ჰეტეროსექსუალები და სექსუალური ორიენტაციის დასახელება აღარ მოუწევთ. საფრანგეთის ჯანმრთელობის მინისტრის, ოლივიე ვერანის თქმით, აღნიშნული ცვლილება დისკრიმინაციის აღმოფხვრისთვის მიიღეს. 2016 წლიდან, გეი ურთიერთობაში
საბერძნეთში გეი და ბისექსუალი კაცებისთვის სისხლის დონაციაზე დაწესებული შეზღუდვა გაუქმდა. 10 იანვარს, საბერძნეთის ჯანმრთელობის მინისტრმა თანოს პლევრისმა განკარგულება გამოსცა, რომელიც სისხლის დონაციის მსურველი ადამიანების სარეგისტრაციო ფორმის განახლებას გულისხმობს. ახალ დოკუმენტში აღარ იქნება პუნქტი, რომელიც გეი ურთიერთობებს დონაციაზე შეზღუდვის დაწესების წინაპირობა
ავსტრია სისხლის დონაციაზე ლგბტქი ადამიანებისთვის დაწესებულ დისკრიმინაციულ მიდგომას აუქმებს. შემოდგომიდან, სისხლის გაცემაზე აკრძალვის დაწესების საფუძველი ინდივიდუალური სარისკო ქცევა იქნება. „მოძველებულ დისკრიმინაციულ მიდგომას ვაუქმებთ. თუ
დიდი ბრიტანეთის გვირგვინის მიწა, თვითმმართველი ტერიტორია, კუნძული მენი სისხლის დონაციაზე გეი კაცებისთვის დაწესებულ შეზღუდვებს აუქმებს. ჯანმრთელობის მინისტრმა, ლორი ჰუპერმა განაცხადა, რომ მზად არიან, სისხლის
დიდი ბრიტანეთის გვირგვინის მიწა, თვითმმართველი ტერიტორია, კუნძული მენი სისხლის დონაციაზე გეი კაცებისთვის დაწესებულ შეზღუდვებს აუქმებს.
ჯანმრთელობის მინისტრმა, ლორი ჰუპერმა განაცხადა, რომ მზად არიან, სისხლის გაცემის შესაძლებლობა ყველას თანაბრად მისცენ და შეზღუდვები ინდივიდუალური შემთხვევების მიხედვით გადაწყვიტონ.
ამჟამად, კაცებს, რომელთაც სექსუალური ურთიერთობა კაცებთან აქვთ, სისხლის დონაციის უფლება არ აქვთ.
80 ათასი მოქალაქით დასახლებულმა კუნძულმა შეზღუდვების გადახედვის გადაწყვეტილება მას შემდეგ მიიღო, რაც ნეთფლიქსის შოუს, Heartstopper-ის ვარსკვლავმა, ჯო ლოკმა ვიდეო მიმართვა ჩაწერა, რომელიც ქალაქ დაგლასში, ყოველწლიურ პრაიდზე გააჟღერეს.
„კუნძული მენი გეი კაცებს დღემდე არ აძლევს საშუალებას, რომ სისხლი გაიღონ, რაც აივ/შიდსის გავრცელების დროინდელი არქაული წესების გამო ხდება“, — ამბობს ლოკი ვიდეოში.
ჯანმრთელობის მინისტრის თქმით, აღნიშნული შეზღუდვის გადახედვას ისედაც აპირებდნენ, მაგრამ ეცდებიან, რომ პროცესი დააჩქარონ.
გასული საუკუნის 80-იან წლებში, აივ-ვირსუსის გავრცელების პერიოდში, გეი და ბისექსუალ კაცებს სისხლის დონაციაზე შეზღუდვა მსოფლიოს მრავალმა ქვეყანამ დაუწესა. მიუხედავად იმისა, რომ მედიცინა მას შემდეგ მნიშვნელოვნად განვითარდა და სისხლის გაცემა ინდივიდუალური შეფასების საფუძველზეც მარტივი პროცესია, შეზღუდვის გადახედვა არაერთ ქვეყანაში მხოლოდ ბოლო წლებში დაიწყეს.
წყარო: BBC
Grey’s Anatomy-ის ბოლო, მე-18 სეზონის ფინალურმა, მე-20 სერიამ მაყურებლის ყურადღება კიდევ ერთხელ მიმართა იმ დისკრიმინაციულ მიდგომაზე, რომელიც არამხოლოდ ქვიარ ადამიანებისთვის არის საზიანო, ამჯერად სერიალი სისხლის დონაციაზე გეი და ბისექსუალი კაცებისთვის დაწესებულ შეზღუდვებს გამოეხმაურა.
სერიალის მე-18 სეზონი კოვიდ-პანდემიით გამოწვეულ სირთულეებს შეეხება და ბოლო სერიების ერთ-ერთი მთავარი აქცენტი სისხლის მარაგის ამოწურვა იყო. გრეი-სლოუნის კლინიკა გამოწვევაზე საპასუხოდ თანამშრომლებს ნებაყოფლობით სისხლის გაცემას სთავაზობს, თუმცა რეზიდენტი ლევი შმიტი იმის გამო, რომ ბოლო 3 თვეში კაცთან სქესობრივი კავშირი ჰქონდა დონაციას ვერ ახერხებს.
„ჩემი სისხლი ისეთივე გამოსადეგია, როგორც ნებისმიერი სხვის. ის პლაზმის, სისხლის წითელი და თეთრი უჯრედების, ფირფიტებისგან და… ამ კლინიკისთვის სისხლი აქამდე ბევრჯერ გამიღია და ახლახან დიდი ოდენობით სისხლი ვნახე, რომელიც ექსტრაკორპორალური მემბრანული ოქსიგენაციის აპარატში გადის და ვიცი, ნებისმიერი წვეთის გამოყენება შეგვიძლია, რომელიც გვაქვს. და დახმარება არ შემიძლია, არ შემიძლია ამ… მცდარი წარმოდგენის გამო. ეს აბსურდული, საზიზღარი იდეა, რომ ჩემი სისხლი, ჩემი სექსუალურად აქტიური გეი სისხლი… ჩემი სისხლი ისეთივეა, როგორიც ყოველთვის იყო“, — ამბობს ჯეიკ ბორელის პერსონაჟი, როცა გამოუვალი მდგომარეობით აღელვებული ქირურგიული განყოფილების უფროსს ესაუბრება.
მე-18 სეზონის ფინალურ სერიაში სისხლის დონაციაზე დაწესებული დისკრიმინაციული მიდგომა კიდევ ერთხელ ხდება განხილვის თემა, როცა სისხლის მარაგის გადაზიდვისას ავარიის გამო მარაგის დიდი ნაწილი ქუჩაში იღვრება, სასწრაფო დახმარების თანამშრომლები საუბრობენ:
ბენი: ბოლო თვეში შენ გაიღე სისხლი?
— მე გეი ვარ, ბენ, მათ ჩემი ბინძური, გეი სისხლი არ სჭირდებათ.
ბენი: კი, ეს აივ-პანდემიის დანატოვარი შიშია.
— ვიცი, ეს რისი დანატოვარია, მაგრამ მეცნიერება განვითარდა. აივ-ტესტირება მარტივად შეგვიძლია, მაგრამ მიდგომა მაინც იგივეა, რაც სიზარმაცე და საზიზღრობაა. ეს სისულელეა, რადგან არავინ ცდილობს იმდენს, რამდენსაც გეი ადამიანები. სისხლის მარაგის შემცირების პრობლემა ერთ კვირაში დასრულდებოდა, თუ კანონს შეცვლიდნენ. სისხლის გაცემის მარათონზე წვეულებას გავმართავდით.
2015 წელს, საკვებისა და მედიკამენტების ადმინისტრაციამ შეამცირა შეზღუდვა, რომლითაც იმ კაცებს, რომელთაც იმავე სქესის ადამიანებთან აქვთ სექსი, სისხლის გაცემის უფლება არ ჰქონდათ და ეს ვადა 90-დღიან პერიოდამდე დაწია. ჯეიკ ბორელის თქმით, არც ეს მიდგომაა სწორი.
„ეს აკრძალვა გაფიქრებინებს, თითქოს მოწამლული სისხლი გაქვს, რაც მეცნიერულად არაზუსტია. სისხლის უსაფრთხოების ტესტირების გრძელი გზა გავიარეთ და აკრძალვის მიზეზი აღარ არსებობს. ეპიზოდისთვის მზადებისას ხალხს ვესაუბრე და განსაკუთრებით ჰეტეროსექსუალ ადამიანებს აქვთ დამოკიდებულება, რომ აკრძალვა მთელი ცხოვრების განმავლობაში აღარ არსებობს, მაგრამ როცა სისხლის მარაგის პრობლემაა, ვახსენდებით და წესების შეცვლას იწყებენ“, — აღნიშნავს ბორელი Advocate-თან საუბრისას.
სისხლის დონაციაზე დაწესებული აკრძალვა 80-იანი წლებიდან იღებს სათავეს, როცა აივ-პანდემიის შესახებ არც ცოდნა არსებობდა და არც შესაბამისად გამართული სამედიცინო აღჭურვილობა, რაც სისხლის ტესტირებას მარტივს გახდიდა. მიუხედავად იმისა, რომ მას შემდეგ მეცნიერება მნიშვნელოვნად განვითარდა, აკრძალვა უამრავ ქვეყანაში დარჩა. აღსანიშნავია, რომ არაერთმა ქვეყანამ სისხლის დონაციაზე შეზღუდვის გაუქმება ან შემსუბუქება სწორედ პანდემიისას დაიწყო, როცა სისხლის მარაგის პრობლემა მთელ მსოფლიოში აქტიურად დადგა.
ავსტრია სისხლის დონაციაზე ლგბტქი ადამიანებისთვის დაწესებულ დისკრიმინაციულ მიდგომას აუქმებს. შემოდგომიდან, სისხლის გაცემაზე აკრძალვის დაწესების საფუძველი ინდივიდუალური სარისკო ქცევა იქნება.
„მოძველებულ დისკრიმინაციულ მიდგომას ვაუქმებთ. თუ ვინმეს სისხლის გაცემა სურს, არ არსებობს მიზეზი, რომ უარი ეთქვათ, მხოლოდ მათი სექსუალური ორიენტაციისა და გენდერული იდენტობის მიზეზით“, — განაცხადა იოჰანეს რაუჩმა, ავსტრიის სოციალურ საკითხთა, ჯანმრთელობისა და მომხმარებელთა დაცვის მინისტრმა.
2019 წელს, ავსტრიამ დისკრიმინაციული მიდგომა, რომლითაც ქვიარ ადამიანებს სისხლის დონაციაზე უფლება სრულად აკრძალული ჰქონდათ, შეარბილა და სისხლის გაცემამდე 12-თვიანი სექსუალური ურთიერთობის არქონის საფუძველი შემოიღო. ეს ცვლილება დე ფაქტო იყო, რადგან 12-თვიანი შუალედი, ფაქტობრივად, სპობდა სისხლის გაცემის შესაძლებლობას.
დისკრიმინაციული მიდგომა ახლა საერთოდ უქმდება და აკრძალვას უწესებს ყველას, ვისაც ბოლო 3 თვის განმავლობაში 3 პარტნიორზე მეტთან ჰქონდა სექსუალური კავშირი. ამჯერად, ტრანსგენდერ და არაბინარულ ადამიანებსაც შეეძლებათ სისხლის გაცემა, აქამდე გეი და ბისექსუალ კაცებს სექსის არქონის შემთხვევაში შეეძლოთ, თუმცა არა აღნიშნულ ჯგუფებს.
„სხვა ორგანიზაციებთან ერთად, ვცდილობთ, საზოგადოების ყურადღება მიგვემართა იმისკენ, რომ სისხლის დონაციაზე შეზღუდვა ინდივიდუალურ სარისკო ქცევაზე დაყრდნობით უნდა დაწესებულიყო და არა სექსუალური ორიენტაციისა და იდენტობის გამო“, — აღნიშნა გადაწყვეტილებასთან დაკავშირებით ანდრეა ბრუნერმა, AIDS Help Vienna-ს დირექტორმა.
HOSI Vienna, ავსტრიის უძველესი ლგბტქი ადვოკატირების ორგანიზაცია, ქვეყნის ხელისუფლებას მოუწოდებს, რომ კანონის გვერდის ავლით დისკრიმინაციულ მიდგომას ყურადღება მიაქციონ და დონაციის ცენტრებს მკაცრი ზედამხედველობა დაუწესონ.
მოსალოდნელია, რომ ჩასწორებული კანონი ძალაში შემოდგომაზე შევა და მის მიღებას წინააღმდეგობა არ შეხვდება, რადგან პარლამენტის დიდი მხარდაჭერაც აქვს.
ცნობისთვის, სისხლის დონაციაზე შეზღუდვების ტალღა გასული საუკუნის 80-იან წლებში, აივ-ინფექციის გავრცელებისას დაიწყო და ბევრ ქვეყანაში დღემდე მოძველებულ დისკრიმინაციულ მიდგომას იყენებენ. აღსანიშნავია ისიც, რომ 30-ზე მეტ ქვეყანაში აღნიშნული მიდგომა შეიცვალა და სისხლის გაცემა ინდივიდუალური სარისკო ქცევის იდენტიფიცირების მიხედვით ხდება.
წყარო: Xtra Magazine
16 მარტიდან გეი კაცები სისხლის დონაციისას იმავე პროცედურებს გაივლიან, რასაც ჰეტეროსექსუალები და სექსუალური ორიენტაციის დასახელება აღარ მოუწევთ. საფრანგეთის ჯანმრთელობის მინისტრის, ოლივიე ვერანის თქმით, აღნიშნული ცვლილება დისკრიმინაციის აღმოფხვრისთვის მიიღეს.
2016 წლიდან, გეი ურთიერთობაში მყოფ კაცებს სისხლის დონაცია შეეძლოთ, თუმცა სისხლის გაღებამდე სქესობრივი კავშირი ერთი წლის განმავლობაში არ უნდა ჰქონოდათ, ეს ვადა 2019 წელს 4 თვემდე შემცირდა, ახლა კი საბოლოო ცვლილება სისხლის დონაციისას თანასწორ მოპყრობას უზრუნველყოფს.
საბერძნეთში გეი და ბისექსუალი კაცებისთვის სისხლის დონაციაზე დაწესებული შეზღუდვა გაუქმდა.
10 იანვარს, საბერძნეთის ჯანმრთელობის მინისტრმა თანოს პლევრისმა განკარგულება გამოსცა, რომელიც სისხლის დონაციის მსურველი ადამიანების სარეგისტრაციო ფორმის განახლებას გულისხმობს. ახალ დოკუმენტში აღარ იქნება პუნქტი, რომელიც გეი ურთიერთობებს დონაციაზე შეზღუდვის დაწესების წინაპირობა იყო.
აღნიშნული ცვლილება 1977 წელს დაწესებულ შეზღუდვებს გააუქმებს და სტაბილურ ურთიერთობაში მყოფ გეი და ბისექსუალ კაცებს სისხლის დონაცია შეზღუდვის გარეშე შეეძლებათ. ცვლილებების მიღებამდე კაცებს სისხლის ჩაბარებამდე 3-თვიან პერიოდში სქესობრივი კავშირი არ უნდა ჰქონოდათ, ამიერიდან დონაციამდე ყველა ადამიანი, მიუხედავად მისი გენდერისა და სექსუალური ორიენტაციისა ერთი და იმავე შინაარსის ფორმას შეავსებს.
არაერთი ქვეყანა დღემდე იყენებს დრომოჭმულ აკრძალვებს, რომლებიც გეი და ბისექსუალ კაცებს 1980-იანი წლების აივ-ეპიდემიის გამო დაუწესეს.
წყარო: Mashable
