ესპანეთში ქალებისთვის, რომლებსაც მენსტრუაციის დროს ძლიერი ტკივილი აწუხებთ, სამდღიანი მენსტრუალური შვებულების დაწესება იგეგმება. მთავრობა ახალი რეფორმის დამტკიცებას მომავალ კვირას აპირებს.
ახალი კანონის თანახმად, ესპანეთში ქალებსა და იმ ადამიანებს, რომლებიც მენსტრუირებენ (ტრანსგენდერი და არაბინარული ადამიანები), ანაზღაურებად მენსტრუალურ შვებულებაში გასვლის შესაძლებლობა მიეცემათ.
ესპანელმა კანონმდებლებმა კანონპროექტი 13 დეკემბერს მიიღეს. დოკუმენტის მიხედვით, ქალები და ადამიანები, რომელიც მენსტრუირებენ და თვის ამ პერიოდში ძლიერი ტკივილი აწუხებთ, ანაზღაურებად შვებულებაში გასვლას შეძლებენ. ანაზღაურებად მენსტრუალურ შვებულებაში გასვლისთვის ექიმის ნებართვაა საჭირო, რომლის ხარჯსაც სახელმწიფო სრულად დაფარავს.
ანაზღაურებადი მენსტრუალური შვებულების გარდა, კანონის მიზანია, რომ აბორტი მეტად ხელმისაწვდომი გახდეს საჯარო საავადმყოფოებში ქვეყნის მასშტაბით. ევრონიუსის ცნობით, ქვეყანაში ჩატარებული აბორტების საერთო რაოდენობასთან მიმართებით, საჯარო საავადმყოფოებში აბორტების მხოლოდ 15% კეთდება, რის მთავარ მიზეზად ექიმების მიერ წინააღმდეგობები სახელდება. კანონი ასევე ითვალისწინებს 16 და 17 წლის არასრულწლოვნებისთვის აბორტზე მშობლების ნებართვის საჭიროების გაუქმებას, რაზეც გადაწყვეტილება წინა, მეტად კონსერვატიული მთავრობის მართვის პირობებში გამოქვეყნდა და შევიდა ძალაში.
აბორტი ესპანეთში 1985 წელს დეკრიმინალიზდა, ხოლო 2010 წელს ლეგალიზდა, თუმცა, აბორტი და მასთან დაკავშირებული სხვა საკითხები, კათოლიკური ტრადიციების მქონე ქვეყანაში, მოსახლეობისთვის კვლავაც დავის საგნად რჩება.
კანონის მომდევნო ფუნდამენტური ნაწილი სკოლებში სექსუალური განათლების გაძლიერებასა და კონტრაცეპტივებისა და მენსტრუალური ჰიგიენის პროდუქტების უფასო დისტრიბუციას ეხება.
ესპანეთის თანასწორობის მინისტრისა და რადიკალური მემარცხენე პარტიის, Podemos წევრის, ირენე მონტეროს განცხადებით, ახალი კანონი ფემინისტური მონაპოვარია.
“ჩვენ ვცნობთ მენსტრუალურ ჯანმრთელობას როგორც ჯანმრთელობის უფლებაზე წვდომის ნაწილს და ვიბრძვით სტიგმისა და დუმილის წინააღმდეგ”, – განუცხადა ირენე მონტერომ დეპუტატთა კონგრესს.
კანონის მიღების შემდეგ, ესპანეთი პირველი ევროპული ქვეყანა გახდა, რომელიც ქალებსა და ადამიანებს, რომლებიც მენსტრუირებენ, მენსტრუალური შვებულების აღების უფლებას აძლევს. ამ ეტაპზე ანაზღაურებადი მენსტრუალური შვებულების უფლება აზიის რამდენიმე ქვეყანაში, კერძოდ კი, სამხრეთ კორეაში, იაპონიასა და ინდონეზიაში აქვთ.
Don't Miss
BDSM არის აკრონიმი, რომელიც აღნიშნავს თანხმობის საფუძველზე განხორციელებულ სექსუალური პრაქტიკებს, მათ შორის: ბონდაჟი (ინგლ. Bondage) — სექსის დროს პარტნიორის ფიზიკურად
თათია სამხარაძის შემდეგ, პროსამთვარობო ტელეკომპანია POSTV-ის ხელმძღვანელს, შალვა რამიშვილს, სექსუალურ შევიწროებაში კიდევ ოთხი ქალი ადანაშაულებს. ქალების განცხადებით, ხელისუფლების პროპაგანდისტი მათ
სექსუალური და გენდერული იდენტობების სპექტრის უკეთ გასააზრებლად აუცილებელია იმ ტერმინების ცოდნა, რომლებითაც ადამიანები საკუთარ მიზიდულობას აღწერენ. ბისექსუალობა გულისხმობს რომანტიკულ, ემოციურ
პაემნებზე სიარული ჰეტერონორმატიული პატრიარქატის პირობებში განსაკუთრებით სარისკო ქვიარ ადამიანებისთვისაა — მათ ორმაგად უწევთ რისკების გააზრება და უსაფრთხოების ზომების დაცვა. ეს
ესპანეთში ქალებისთვის, რომლებსაც მენსტრუაციის დროს ძლიერი ტკივილი აწუხებთ, სამდღიანი მენსტრუალური შვებულების დაწესება იგეგმება. მთავრობა ახალი რეფორმის დამტკიცებას მომავალ კვირას აპირებს. Keep Reading
Don't Miss
ქალთა ფონდი საქართველოში 2005 წლიდან არსებობს და მისი მისიაა ქალთა ორგანიზაციებისა და ჯგუფების გაძლიერება ცენტრსა და რეგიონებში ქალთა უფლებების განხორციელების,
თანასწორობის მოძრაობა არის ლგბტქი ადამიანების მხარდამჭერი ორგანიზაცია, რომლის მიზანია, ხელი შეუწყოს ლგბტქი თემისა და ქალების სრულფასოვან ინტეგრაციას საზოგადოებაში. თანასწორობის მოძრაობა იბრძვის საზოგადოებაში არსებული
თბილისი პრაიდი არის ლგბტქი ადამიანებისა და მხარდამჭერების სამოქალაქო გაერთიანება. ორგანიზაცია ყოველწლიურად ატარებს პრაიდ კვირეულს თბილისში, პოლიტიკურ დღის წესრიგში აყენებს ლგბტქი საკითხებს,
თემიდა ქვიარ-აქტივისტური, ტრანს* სათემო ორგანიზაციაა, რომელიც ორგანიზდება, მუშაობს და იბრძვის ტრანს* და ქვიარ ადამიანებისთვის უსაფრთხო, თანასწორი და ღირსეული პოლიტიკური, უფლებრივი