სულ რამდენიმე კვირის წინ გიგანტურ სტრიმინგ სერვისზე, Netflix-ზე ამერიკული სერიალის, „უცნაური ამბების“ ახალი, მეოთხე სეზონის ფინალური სერიები დაემატა და ფანებში კიდევ უფრო განტმკიცდა ეჭვი, რომ სერიალის ერთ-ერთი მთავარი პერსონაჟი უილი გეია.
მსახიობმა ახალ სეზონზე და თავის პერსონაჟზე ჟურნალ Variety-სთან ისაუბრა და თქვა, რომ ეს სეზონი მისი პერსონაჟისთვის განსხვავებული იყო, რადგან მსახიობს იმდენად აღარ უწევდა ამოუხსნელ, ზებუნებრივ ძალებთან ბრძოლა, არამედ უფრო მეტად მოუწია უილის იდენტობის გარშემო მოგზაურობა.
სერიალის 17 წლის მსახიობმა ასევე დაადასტურა, რომ თავისი პერსონაჟი უილი გეია.
„ახლა, როცა უილის პერსონაჟი გაიზარდა, მათ [სერიალის შემქმნელებმა] გადაწყვიტეს, რომ ეს ყველაფერი რეალობად აქციონ, 100%-ით ნათელია, რომ უილი გეია და მას აქვს რომანტიკული გრძნობები მაიკის მიმართ. მათ გადაწყვიტეს, რომ ეს პირდაპირ არ გაკეთებინათ და მრავალი სეზონის განმავლობაში ამზადებნენ მაყურებლებს ამისთვის“.
ფანებში ეჭვები მას შემდეგ გაჩნდა, რაც არგაილის ფურგონით მგზავრობისას უილი მაიკთან საუბრისას ატირდა.
„ძალიან ნათელია, რომ უილს მაიკის მიმართ გრძნობები აქვს. სერიალის შემქმნელები ამ სიუჟეტურ ხაზს პირველი სეზონიდან ანვითარებდნენ და პატარ-პატარა მინიშნებებს ტოვებდნენ ყოველ სეზონში. მეოთხე სეზონში მე განვასახიერე პერსონაჟი, რომელიც შეყვარებულია თავის საუკეთესო მეგობარ ბიჭზე. მაგრამ ეშინია და არ არის დარწმუნებული, რა პასუხს მიიღებს მისგან. ის გრძნობს, რომ შეცდომაა და არ ეკუთვნის თავის სამეგობრო წრეს. უილი ყოველთვის ასე გრძნობდა. მის ყველა მეგობარს ყავს შეყვარებული გოგონა და ყველას აქვს თავისი ადგილი. უილი ვერასდროს პოულობდა თავის ადგილს. მე ვფიქრობ, სწორედ ამიტომ შეიყვარა უილის პერსონაჟი უამრავმა ადამიანმა. ისინი მსგავსებას პოულობენ მასთან, რადგან ის ძალიან რეალური პერსონაჟია.
„უცნაური ამბების“ ახალი, ფინალური სეზონი ძმები დაფერების თქმით, სავარაუდოდ 2024 წელს გამოვა ეკრანებზე და მასში უილის პერსონაჟი გადამწყვეტ როლს ითამაშებს.
წყარო: Variety
