პრაიდის პორტრეტები — გამოფენა, რომელიც პრაიდზე და ლგბტქი უფლებებზე რეფლექსიაა

ბოსტონში პრაიდის თვისადმი მიძღვნილი ახალი გამოფენა გაიხსნა, რომელიც დამთვალიერებლებს მთელი ოქტომბრის განმავლობაში უმასპინძლებს. აქ გამოფენილია სხვადასხვა თაობის ლგბტქი ლიდერების პორტრეტები, ასევე, მათი რეფლექსია სიტყვა “პრაიდის” მნიშვნელობაზე.

არასამთავრობო ორგანიზაცია Leadership Brainery-ის დამფუძნებლების, დერიკ იანგ ჯულიორისთვის და ჯონათან ალენისთვის პრაიდი “იმის საჩვენებლად ყველაფერის გარისკვის ნებაა, რომ სიყვარული სიყვარულია — ჩვენი სიყვარული ჯადოსნურია, ნაზი და მშვიდობიანი, ჩვენი სიყვარული იცავს და ათავისუფლებს”. გამოფენაზე ამ და კიდევ 20 სხვა ლიდერის პორტრეტი და პასუხი გამოიფინა კითხვაზე — რას ნიშნავს პრაიდი?

“პრაიდის პორტრეტები” ხელოვანების, აქტივისტების, ბიზნეს და არასამთავრობო სექტორის ლიდერებისა და სხვების ფოტოებს აერთიანებს, რომლებიც ფოტოგრაფმა ჯონ ჰუეტმა გადაიღო. პორტრეტებზე გამოსახულ ლიდერებს შორის შტატის სენატორი, ჯულიან სიერი, ბოსტონის საჯარო ბიბლიოთეკის პრეზიდენტი, დეივიდ ლეონარდი, უმაღლესი სკოლის მოსწავლე აქტივისტები, ეშტონ მოტა და ალია კუსოლიტო, ასევე, უფლებადამცველი მერი ბონაუტო არიან.

“ეს პორტრეტები ერთდროულად პერსონალური და პოლიტიკურია. ჩვენ გვაქვს უფლება აქ ყოფნის, იმგვარად სიყვარულის, როგორც გვიყვარს, იმგვარად არსებობის, როგორც გვინდა, რომ ვიარსებოთ”, — აღნიშნავს გამოფენის კურატორი, ჯინ დოლინი. მისი თქმით, პორტრეტებზე ლგბტქი მოძრაობის გმირების რამდენიმე თაობის წარმომადგენლები არიან გამოსახული.

დოლინის თქმით, გამოფენა იმ პერიოდს დაემთხვა, როცა ლგბტქი ადამიანების წინააღმდეგ თავდასხმები აშშ-ში განსაკუთრებით გახშირებულია — ტრანსგენდერ ადამიანებზე თავდასხმიდან დაწყებული, იმ ლიტერატურისა და საგანმანათლებლო პროგრამის აკრძალვით დამთავრებული, რომელიც ჩვენს არსებობაზე ჰყვება.

თითოეული პორტრეტი იმ ადგილას არის გადაღებული, რომელიც ფოტოს გმირისთვის განსაკუთრებით ძვირფასია. ფოტოგრაფი ჯონ ჰუეტი იმედოვნებს, რომ მგრძნობიარე ფოტოები ადამიანებს დაეხმარება, უკეთ გაუგონ და გაიცნონ ის ლიდერები, “რომელთაც ლგბტქი ადამიანების მიმართ წარმოდგენების შეცვლის ხანგრძლივ ისტორიაში განსაკუთრებული წვლილი მიუძღვით”.

“ადამიანზე რაც უფრო მეტს იგებ, მით მეტ საერთოს პოულობ. ვფიქრობ, დღეს ეს განსაკუთრებით მნიშვნელოვანია”, — აღნიშნა ჰუეტმა.

წყარო: Boston Globe

წინა

6 ოქტომბერს, ირანის საელჩოსთან ირანელი ხალხის მხარდასაჭერი აქცია იმართება

შემდეგი

ფედრა ცეცხლის ალში — ნინო ხარატიშვილის პიესის პრემიერა სამეფო უბნის თეატრში

ბოლო სიახლეები

ოთხი ქალი შალვა რამიშვილს სექსუალურ შევიწროებაში ადანაშაულებს

FacebookTweetLinkedInEmail თათია სამხარაძის შემდეგ, პროსამთვარობო ტელეკომპანია POSTV-ის ხელმძღვანელს, შალვა რამიშვილს, სექსუალურ შევიწროებაში კიდევ ოთხი ქალი ადანაშაულებს.

რას ნიშნავს ბისექსუალობა? — მნიშვნელობა, მითები და რჩევები

FacebookTweetLinkedInEmail სექსუალური და გენდერული იდენტობების სპექტრის უკეთ გასააზრებლად აუცილებელია იმ ტერმინების ცოდნა, რომლებითაც ადამიანები საკუთარ მიზიდულობას

მედიის ადვოკატირების კოალიცია სპეციალურ საგამოძიებო სამსახურს ჟურნალისტურ  საქმიანობაში უკანონოდ ხელშეშლის ფაქტებთან დაკავშირებით მიმართავს

FacebookTweetLinkedInEmail მედიის ადვოკატირების კოალიცია სპეციალურ საგამოძიებო სამსახურს ჟურნალისტურ  საქმიანობაში უკანონოდ ხელშეშლისა და სხვა დარღვევებთან დაკავშირებით მიმართავს