8 ახალი ქვიარ სერიალი, რომლებიც ივნისში გამოვა ეკრანებზე

თვალი გადაავლეთ ქვიარ სერიალებს, რომლებიც ივნისის თვეში გამოვა ან ახალი სეზონებით დაბრუნდება ეკრანებზე:

 

ქვიარ წიგნი 

The Book of Queer ახალი დოკუმენტური სერიალია, რომელიც პრაიდის თვის ისტორიას მოგვიყვება და უფრო კარგად გაგვაცნობს ლგბტქ+ ისტორიას. სერიალში მნიშვნელოვანი ადგილი დაეთმობა იმ ადამიანების ისტორიებს, რომლებმაც დიდი როლი შეასრულეს თანასწორობის იდეის შენებაში. ამასთან ერთად, სერიალი მოგვიყვება იმ ადამიანების ისტორიებსაც, რომელსაც ადამიანები სხვადასხვა დამსახურების გამო პატივს სცემენ, მაგრამ არ იციან, რომ ლგბტქ+ ოჯახის წევრები იყვნენ.

სერიალი ხუთი ეპიზოდისგან შედგება და იგი წარმოადგენს კომედიური და მიუზიკლის ჟანრის ნაზავს. სერიალში შეხვდებით აბრაამ ლინკოლნის, ელენორ რუზველტის, ბაიარ რასტინის, ჟოსეფინ ბეიკერის, ჰარვი მილკის, სილვია რივიერას, მარშა პ. ჯონსონის და სხვების ისტორიებს.

 

ჩიხი: პარანორმალური პარკი

ანიმაციური სერიალების მოყვარულებისთვის კარგი სიახლე გვაქვს, ივნისში გამოვა ახალი ანიმაციური ჰორორ სერიალი Dead End: Paranormal Park, რომელიც მოგვიყვება ტრანს თინეიჯერის, ბარნის ისტორიას. ბარნი მუშაობას დაწყევლილ თემატურ პარკში იწყებს, სადაც დემონი მის ძაღლს, პაგსლის, ლაპარაკის შესაძლებლობას მისცემს.

სერიალი ჰამიშ სტილის გრაფიკული რომანების სერიას ეფუძნება და მასში დიდი ადგილი დაეთმობა ტრანს ახალგაზრდების პრობლემების წარმოჩენას. სერიალის მიზანია, კიდევ ერთხელ გამოკვეთოს, თუ რამხელა მნიშვნელობა აქვს ტრანსგენდერი ადამიანების ცხოვრებაში ოჯახის და მეგობრების მხარდაჭერას.

 

პირველი მკვლელობა

ვამპირები და თინეიჯერული ამბოხი ეკრანებს უბრუნდება! სერიალი, რომელიც სულ ახლახანს გახდა ხელმისაწვდომი Netflix-ის პლატფორმაზე, ვამპირის და მონსტრებზე მონადირე გოგოების აკრძალული სიყვარულის ისტორიას გვიყვება.

ვ.ე. შვაბის მოთხრობაზე დაფუძნებულ სერიალში მთავარ როლებში თინეიჯერი ვამპირი, ჯულიეტი გვევლინება, რომელმაც ვამპირის ზრდასრულობის ასაკს მიაღწია, სწორედ ამიტომ, აუცილებლად უნდა მოკლას, ხოლო კალიოპე მონსტრებზე მონადირე უძველესი ოჯახიდანაა და მან აუცილებლად უნდა გააგრძელოს თავისი ოჯახის ტრადიცია და დაიწყოს სისხლმოწყურებულ ურჩხულებზე ნადირობა.

 

ჯენტლმენი ჯეკი

ვიქტორიანული ეპოქის მოყვარულებს განსაკუთრებით უყვართ სერიალი „ჯენტლმენი ჯეკი“, რომლის პირველი სეზონიც 2019 წელს გამოვიდა მცირე ეკრანებზე. სერიალი ნამდვილ ამბებს ეფუძნება და გვიყვება ენ ლისტერის ისტორიას, რომელიც მეცხრამეტე საუკუნეში ცხოვრობდა და აწარმოებდა დღიურებს, სადაც აღწერილია, მისი, როგორც ლესბოსელის გამოცდილება იმ საზოგადოებაში, სადაც ეს თემა ჯერ კიდევ მკაცრად ტაბუდადებული იყო.

BBC One-ისა და HBO-ს ერთობლივ პროექტში ქარიზმატული ლისტერის როლს სურან ჯონსი ასრულებს. სერიალი ძალიან კარგად აჩვენებს, თუ როგორი იყო ცხოვრება ქვიარ ადამიანებისთვის გასულ საუკუნეებში, კომედიისა და დრამის ამ ნაზავმა კრიტიკოსებისგან არაერთი დადებითი შეფასებაც მიიღო.

 

სამშობლო: ფორტ სალემი

,,სამშობლო: ფორტ სალემი” კიდევ ერთი ამერიკული ქვიარ სერიალია, რომლის სიუჟეტიც სალემის ჯადოქრების გარშემო ვითარდება. ამბიციურ სერიალში ამერიკის შეერთებული შტატების ალტერნატიული ისტორიაა, სადაც ჯადოქრებს არ წვავენ ცეცხლზე და ამის ნაცვლად ჯარში იწვევენ.

სერიალი სამი ქალის გარშემო ვითარდება, რომლებიც თავიდან მტრობით იწყებენ ურთიერთობას, თუმცა მალევე მეგობრდებიან. სერიალი ძალიან კარგი გასართობია მათთვის, ვისაც უყვარს ჯადოქრული შელოცვები, ალტერნატიული ისტორიები და  ერთხელ მაინც უფიქრია, როგორი იქნებოდა სამყარო, ქალთა ჩაგვრა საუკუნეების წინ რომ დამთავრებულიყო.

 

Queer as Folk

Queer as Folk 90-იანი წლების პოპულარული ბრიტანული სერიალია, რომლის რიმეიქიც მალევე გადაიღეს ამერიკაში და დღეს, 20 წლის შემდეგ, ლეგენდარული სერიალი ეკრანებზე ბრუნდება და ამჯერად ისტორია ნიუ-ორლეანში განვითარდება.

სერიალი ქვიარ მეგობრების ჯგუფზე გვიამბობს, რომლებსაც ტრაგედია გააერთიანებთ. განსხვავებით სერიალის წინა ვერსიებისგან, ახალი სერიალი უფრო მეტად მოიცავს სხვადასხვა ჯგუფის პრობლემებსა და გამოწვევებს.

სერიალის სრული სეზონი 9 ივნისს გამოვიდა მცირე ეკრანებზე.

 

ეს შეიძლება მტკივნეული იყოს

„ეს შეიძლება მტკივნეული იყოს“ BBC-ის და AMC-ის ახალი სერიალია, რომელიც შავი კომედიის ჟანრს განეკუთვნება და ადამ კეის 2017 წლის დოკუმენტურ წიგნს ეფუძნება. სერიალში მოქმედება 2006-2010 წლებში მიმდინარეობს და მთლიანად აშიშვლებს ბრიტანეთის ჯანდაცვის სისტემას და კიდევ ერთხელ აჩვენებს ექიმების მძიმე შრომას, რომელიც სავსეა აბსურდული თავგადასავლებით.

სერიალი მთავარ როლში ბენ უიშოუ გვევლინება, რომელიც ქვიარ ექიმის როლს ასრულებს.

 

ამბრელა აკადემია

„ამბრელა აკადემია“, რომელიც ამავე სახელწოდების კომიქსების სერიას ეფუძნება, დროში მოგზაური 7 სუპერგმირის ისტორიას გვიყვება, რომლებიც ერთად მას შემდეგ იკრიბებიან, რაც მათი მამობილი გარდაიცვლება. თუმცა ამასთან ერთად, სერიალი ცდილობს, ამოხსნას ოჯახური კავშირების კომპლექსურობა, მოზარდობიდან ზრდასრულობაში გადასვლის სირთულეები და მეტაფორებით გვაჩვენოს, რას ნიშნავს ზრდა და ახლო ადამიანების დაკარგვა.

სერიალში ერთ-ერთ მთავარ როლს ტრანსგენდერი მსახიობი, ელიოტ პეიჯი ასრულებს, რომელიც ახალ სეზონში ქამინგაუთს გააკეთებს, როგორც ტრანსგენდერი ადამიანი.

სერიალის ახალი, მესამე სეზონი 22 ივნისს გამოვა.

 

 

წინა

ჰარი სტაილსის ახალი ქვიარ ფილმის, My Policeman-ის გამოსვლის თარიღი ცნობილია

შემდეგი

FIFA პრაიდის თვეს აღნიშნავს, მაგრამ 2022 წლის მსოფლიო ჩემპიონატს ლგბტქი ადამიანებისთვის საშიშ ქვეყანაში ატარებს

ბოლო სიახლეები

ამაზონის ტროპიკულ ტყეებში მცხოვრები ქვიარ ახალგაზრდების ფოტოებით მოყოლილი გამოცდილებები

Facebook2Tweet0Shares2 ფოტოგრაფმა, დენიელ ჯეკ ლიონსმა ამაზონში მცხოვრები ქვიარ ადამიანების, მარგინალიზებული ჯგუფების წარმომადგენლების გამოცდილება, საცხოვრებელი გარემოსა და

Tbilisi Pride-ის ოფისში შეჭრაში ბრალდებულები სასამართლომ 5 000 ლარით დააჯარიმა

Facebook2Tweet0Shares2 Tbilisi Pride-ის თანადირექტორის, მარიამ კვარაცხელიას მიერ ფეისბუკზე გავრცელებული ინფორმაციით, სასამართლომ ორგანიზაციის ოფისში შეჭრაში ბრალდებულ 3

ალტ-ინფოს ცნობით, შოთა მარტინენკო და ზურაბ მახარაძე დააკავეს

Facebook23Tweet0Shares23 2 ივლისს, პოლიციამ ულტრა-მემარჯვენე ჯგუფის აქციის მონაწილეები, მათ შორის, ჰომოფობიური, პრორუსული დაჯგუფება ალტ-ინფოს ლიდერები, შოთა

თავისუფლებისთვის ბრძოლა არ დასრულებულა — თურქი აქტივისტები პრაიდის მონაწილეთა დაკავებას გმობენ

Facebook31Tweet0Shares31 26 ივნისს, მას შემდეგ, რაც თურქმა პოლიტიკოსებმა პრაიდთან დაკავშირებული ღონისძიებების აკრძალვის შესახებ განაცხადეს, სტამბულში გამართულ