ჩემთვის პრაიდი სიმშვიდის, ერთიანობის, სოლიდარობისა და სიყვარულის გაერთიანებაა. ფერადი ცხოვრება, სადაც ყველა ადამიანი თანასწორია. რაც უფრო მეტი ადამიანი მიიღებს პრაიდში მონაწილეობას, ხალხიც უფრო დაინახავს, რომ ჩვენც ადამიანები ვართ და უნდა მიგვიღონ ისეთები, როგორებიც ვართ. არა მარტო ქვიარ თემისთვის, ყველა ადამიანისთვის მნიშვნელოვანი და საჭიროა ოჯახისა და საზოგადოების მხარდაჭერა.
ძალიან მინდა, რომ პრაიდს დავესწრო, მაგრამ დაუცველობის შეგრძნება იმდენად მაღალია, ვამჯობინებ, არ გავიდე. რაც შეეხება იმას, თუ რას მოგვიტანს საჯარო გამოსვლები, ამაზე თემშიც კი ორად შეიძლება იყოს აზრი გაყოფილი – იქ, სადაც ჩვენ ვცხოვრობთ, ეს ძალიან ფაქიზი თემაა და დიდი მნიშვნელობა აქვს, როგორ მივაწოდებთ ამას საზოგადოებას, რომ ისევ ჩვენ, თემის წევრები არ დავზარალდეთ.
ჩვენ, ყველას საერთო პრობლემები გვაერთიანებს და ამ პრობლემების წინააღმდეგაც ერთად უნდა ვიბრძოლოთ. პოლიტიკასაც საზოგადოება ცვლის, ამიტომ განსაკუთრებით მნიშვნელოვანია ყველას ჩართულობა და არა მხოლოდ ერთეულების.
