7 ახალი სერიალი, რომელიც სექტემბერში გამოვა

ექვსი ამერიკელი გოგო პარიზში ახალ ცხოვრებას იწყებს; არალეგალური სამეცნიერო ექსპერიმენტის შედეგად სამი ახალგაზრდა საზარელ მონსტრად იქცევა; 17 წლის ვამპირ როუზს პრინცესას მცველობისთვის ამზადებენ — როგორც ჩანს სატელევიზიო შოუების მოყვარულებისთვის სექტემბერი გამორჩეული იქნება. 

თვალი გადაავლეთ ქვიარ სერიალებს, რომლებიც სულ მალე გამოვა ეკრანებზე ან ახალი სეზონით დაბრუნდება.

The Imperfects

Netflix-ის ახალი სერიალი აბის, ხუანის და ტილდას ისტორიას გვიამბობს, რომლებიც არალეგალური სამეცნიერო ექსპერიმენტის შედეგად საზარელ მონსტრებად გადაიქცევიან. ისინი გადაწყვეტენ, გაერთიანდნენ, რათა გაარკვიონ, რა შეემთხვათ და ერთად შეებრძოლონ დოქტორ ალექს სარკოვს. 

მოზარდებზე გათვლილი სერიალი სტრიმინგ სერვისზე 8 სექტემბერს დაემატება.  

Real Girlfriends In Paris

თუ გიყვართ Emily in Paris, თქვენთვის კარგი ახალი ამბავი გვაქვს — სულ მალე მცირე ეკრანებზე ახალი რეალითი შოუ, Real Girlfriends In Paris გამოვა. შოუ 6 მეგობარი გოგოს ისტორიაზე გვიამბობს, რომლებიც საცხოვრებლად და ახალი თავგადასავლების საძებნელად პარიზში გადადიან.

რეალითი შოუს ხილვა მაყურებელს 6 სექტემბრიდან შეეძლება. 

Vampire Academy

როგორც ჩანს, სისხლისმსმელი არსებები კვლავაც არ კარგავენ აქტუალობას. “ვამპირების დღიურების” შემქმნელებისგან კიდევ ერთ სერიალს უნდა ველოდოთ. „ვამპირების აკადემია“ რიშელ მიდის გახმაურებულ წიგნს ეფუძნება. ექვსტომეული 17 წლის ვამპირის, როუზ ჰეთეუეის ისტორიას გვიამბობს, რომელსაც ვამპირების აკადემიაში პრინცესა ვასილისას მცველად ამზადებენ.

სერიალი Peacock-ის ვებგვერდზე 15 სექტემბერს გამოჩნდება. 

The Handmaid’s Tale – მეხუთე სეზონი

არაერთგზის ემის და ოქროს გლობუსის მფლობელი Hulu-ს სერიალი, რომელიც 2017 წელს გამოვიდა, ახალი, მეხუთე სეზონით ბრუნდება. მარგარეტ ეტვუდის რომანის მიხედვით გადაღებული დისტოპიური სერიალი გვიამბობს მომავლის შემზარავ სამყაროზე, სადაც ქალები მხევლებად არიან ქცეულები. სერიალში მთავარ პერსონაჟად ჯუნ ოსბორნი, იგივე ფრედისა გვევლინება, რომელსაც სურს თავი დააღწიოს მჩაგვრელ სისტემას. 

სერიალი ფინალური, მეხუთე სეზონით 14 სექტემბერს დაბრუნდება. 

Monarch

Monarch არის FOX-ის ახალი სერიალი, რომელიც ქანთრი მუსიკის შემსრულებლების ოჯახზე, მათ გარშემო არსებულ სკანდალებზე, ვარსკვლავურ დიდებაზე და ამბიციებზე გვიამბობს. სერიალში მთავარ როლში ოსკაროსანი სიუზენ სარანდონი მოგვევლინება, რომლის პერსონაჟმაც მთელი დინასტია შექმნა. 

სერიალი, რომელშიც ეპიზოდურ როლებში ქანთრი მუსიკის ვარსკვლავები, ტანია ტაკერი და შენაია ტვეინიც იქნებიან, მცირე ეკრანებზე 12 სექტემბერს გამოვა.

Reboot

Reboot კომედიური ჟანრის სერიალია, რომელიც ლესბოსელი სცენარისტის, რეიჩელ ბლუმის გარშემო ვითარდება. რეიჩელი გადაწყვეტს 2000-იანი წლების გახმაურებული ოჯახური სიტკომის, რებუტის გაკეთებას, რის გამოც სცენარისტს მივიწყებული მსახიობების „გაცოცხლება“ მოუწევს. მოახერხებენ დისფუნქციური მსახიობები ახალ სამყაროსთან ადაპტირებას? 

სერიალი, რომელზეც Modern Family-ის ერთ-ერთი შემქმნელი მუშაობს, ონლაინ სტრიმინგ სერვის Hulu-ზე 20 სექტემბერს დაემატება. 

American Gigolo

American Gigolo ახალი სერიალია, რომელიც ნეო-ნუარის ჟანრისაა და გვიამბობს კაცი ესკორტის, ჯულიანის ისტორიას, რომელიც 15-წლიანი პატიმრობის შემდეგ ლოს-ანჯელესში ბრუნდება და ცხოვრების თავიდან დაწყებას ცდილობს. ამასთან, ჯულიანს სურს, თავისი ერთადერთი სიყვარული დაიბრუნოს და შური იძიოს მათზე, ვინც ის ციხეში გაგზავნა. 

სერიალი, რომელიც ამავე სახელწოდების 1980 წელს გამოსულ გახმაურებულ ფილმს ეფუძნება, 9 სექტემბერს გამოვა ეკრანებზე. 

წინა

ინდოეთის სამედიცინო კომისიამ „მოქცევის თერაპია“ უკანონოდ გამოაცხადა

შემდეგი

ლგბტქი აქტივისტური საქმიანობის გამო ირანში 2 ქალს სასიკვდილო განაჩენი გამოუტანეს

ბოლო სიახლეები

სათემო ორგანიზაციები: გენდერის სამართლებრივად არ აღიარების გამო ტრანს ქალები ძალადობის მსხვერპლთა კომპენსაციით ვერ ისარგებლებენ

FacebookTweetLinkedInEmail ლგბტქი სათემო ორგანიზაციების საქართველოს მთავრობის მიერ „ქალთა მიმართ ძალადობის ან/და ოჯახში ძალადობის მსხვერპლისათვის გასაცემი კომპენსაციის

დედათა მონასტერში ყაჩაღობისა და გაუპატიურების ფაქტზე 2 პირი დააკავეს

FacebookTweetLinkedInEmail ხაშურის მუნიციპალიტეტში მდებარე დედათა მონასტერში მომხდარი ყაჩაღობისა და გაუპატიურების ფაქტზე ორი პირი დააკავეს. „ცხელ კვალზე

საქართველოს სტატისტიკა: ფემიციდი, ძალადობა, გაუპატიურება, შემაკავებელი ორდერები

FacebookTweetLinkedInEmail 25 ნოემბერს ქალთა მიმართ ძალადობის აღმოფხვრის დღე აღინიშნება და მიზნად ისახავს ქალთა მიმართ ძალადობის შესახებ

5 ქვიარ წიგნი ქართულ ენაზე

FacebookTweetLinkedInEmail უძველესი ანტიკური ტრაგედია, მეორე მსოფლიო ომის დროინდელი დიდი ბრიტანეთი, შორეული ინდოეთი და  გასული საუკუნის 70-იანი