ოთხშაბათს კანადის თემთა პალატამ ერთხმად დაუჭირა მხარი ლგბტ გარდაქმნის თერაპიის (კონვერსიული თერაპიის) აკრძალვას, რომელიც ადამიანის სექსუალური ორიენტაციისა ან გენდერული იდენტობის შეცვლას ცდილობს. თერაპია პროფესიონალმა მედიკოსებმაც დაგმეს.
კანონპროექტი პრემიერმინისტრ ჯასტინ ტრუდოს ლიბერალურმა მთავრობამ წარმოადგინა და ის სენატის ზედა პალატამ უნდა დაამტკიცოს. კანონპროექტის ადრინდელი ვერსია ივნისის თვეშიც წარადგინეს, მაგრამ მაშინ სენატში გასვლა ვერ შეძლო.
,,ეს მნიშვნელოვანი დღეა საკუთარი თავის გამოსახატად და იმის გასაგებად – როგორები ხართ, ან როგორები გსურთ, რომ იყოთ”, – თქვა იუსტიციის მინისტრმა, დევიდ ლამეტიმ ჟურნალისტებთან საუბრისას.
გარდაქმნის თერაპია მოიცავს როგორც საუბრით თერაპიას, ასევე, ელექტროშოკის გამოყენებას, ჰიპნოზსა და მარხვას, რასაც ამერიკის სამედიცინო ასოციაციამ ,,არაეფექტური და მავნებლური” უწოდა.
ლიბერალმა გეი აქტივისტებმა აღნიშნეს, რომ ეს კენჭისყრა ლგბტ თემის წევრებს არასათანადო მოპყრობის ფაქტებს თავიდან ააცილებს.
