ავსტრიის დედაქალაქში “ვენის პრაიდი 2021” დღეს, 16 ივნისს დაიწყო და მისი პირველი ღონისძიება დრეგ არტს, სექსუალობასა და გენდერულ იდენტობაზე დისკუსიას მიეძღვნა. ვენის პრაიდი 4 ივლისამდე გაგრძელდება და 40 ღონისძიებას მოიცავს.
პირველივე დღეს დაგეგმილია თბილისი პრაიდის შესახებ 74-წუთიანი დოკუმენტური ფილმის ჩვენება.
“ფილმი ქვიარ აქტივისტების გუნდის მუშაობას და საქართველოში პირველი პრაიდის ჩატარების მცდელობას ასახავს, ასევე, საქართველოს მთავრობის, საქართველოს ორთოდოქსული ეკლესიისა და ულტრამემარჯვენე ჯგუფების წინააღმდეგობას, ლგბტქი აქტივისტებისთვის ღონისძიების ჩატარებაში ხელი რომ შეეშალათ.” – ნათქვამია ღონისძიების აღწერაში.
