ინტერსექსი ადამიანების დროშის მნიშვნელობა და მისი შექმნის ისტორია

ინტერსექსი ადამიანების დროშაზე ყვითელი ფონი და ცენტრში მეწამული წრეა გამოსახული. დროშის კონცეფცია თავად ინტერსექსმა ადამიანმა შექმნა 2013 წელს. ავტორმა, მორგან კარპენტერმა, ის შემდეგნაირად ახსნა:

“დროშა შედგება ყვითელი ველისაგან, მეწამული წრის ემბლემით. ფერები და წრე სრულად იცილებს ისეთი სიმბოლოების გამოყენებას, რომლებსაც რაიმე კავშირი აქვთ გენდერთან. მაგალითად, ტრანს დროშაზე ლურჯი და ვარდისფერი ბინარულობაზე ხაზგასმაა. წრე უწყვეტი და ორნამენტირებულია, ის სიმბოლურად გამოხატავს მთლიანობას, სისრულესა და ჩვენს შესაძლებლობებს. ჩვენ კვლავ ვიბრძვით სხეულის ავტონომიისა და გენიტალური მთლიანობისთვის და ეს სიმბოლურად განასახიერებს უფლებას, ვიყოთ ის, ვინც გვინდა, რომ ვიყოთ”.

ინტერსექსი ადამიანებს ხშირად აქვთ ისეთი გამოცდილებები, როგორიცაა, მაგალითად ის, რომ მათ ადრეული ასაკიდან აქვთ ჩამორთმეული საკუთარი სხეულის ავტონომია და კონფიდენციალურობა, იმის ნაცვლად, რომ გადაწყვეტილებები მათთვის ადეკვატურ ასაკში თავად უნდა მიეღოთ.

სიტყვა “ინტერსექსი” ყველაზე ხშირად გამოიყენება ადამიანის აღსაწერად, რომელიც დაიბადა სქესის მახასიათებლების ვარიაციებით, როგორიცაა ქრომოსომა, სასქესო ორგანოები, სასქესო ჯირკვლები ან სასქესო ჰორმონები. ამგვარად, ინტერსექსი ადამიანი შეიძლება დაიბადოს ან განვითარდეს იმ ანატომიური მახასიათებლებით, რომლებსაც ჩვენ მამრობითი და მდედრობითი სქესის ანატომიას ვუკავშირებთ. რადგან ანატომიური განსხვავებები არსებითად არ შეესაბამება გენდერს ან სექსუალურ იდენტობას, ინტერსექსი შეიძლება იყოს ქალი, კაცი, არაბინარული ადამიანი, ტრანსგენდერი ადამიანი ან ნებისმიერი სხვა გენდერული იდენტობის მატარებელი. აქედან გამომდინარე, ინტერსექს ადამიანებს ასევე შეუძლიათ, იდენტიფიცირდებოდნენ როგორც ჰეტეროსექსუალი, ლესბოსელი, გეი, ქვიარი, ასექსუალი და სხვა.

წინა

ლელა ლაშხი – ეს სამყარო ყველას ერთნაირად ეკუთვნის

შემდეგი

როგორ შეიძლება მოგვარდეს ქვიარ თემის პრობლემები საქართველოში – პოლიტიკოსების კომენტარები

ბოლო სიახლეები

დედაენის ბაღში ირანის სოლიდარობის ღონისძიება გაიმართება

FacebookTweetLinkedInEmail 11 დეკემბერს, დედაენის ბაღში ირანში მიმდინარე პროტესტის მხარდასაჭერი ღონისძიება, ირანის თავისუფლებისთვის გაიმართება, რომელზეც ქართველი ფოტოგრაფების

კინტოს სიმღერის მიხედვით შექმნილი ქართული ილუსტრაცია გეი სიყვარულზე

FacebookTweetLinkedInEmail Facebook-ის ერთ-ერთმა მომხმარებელმა, Kalioras Lika-მ გრაფიკული ილუსტრაცია მიუძღვნა სსრკ-ში, 1950-იან წლებში ჩაწერილ კინტოს სიმღერას, რომელთან