კუბაში, ქვეყნის დისკრიმინაციული წარსული მიუხედავად, ბოლო წლებში მინიშვნელოვანი პროგრესია თანასწორობის მიმართულებით. დღესდღეობით, ლგბტქ+ ადამიანები დისკრიმინაციისგან ქვეყნის კონსტიტუციით არიან დაცული. 2008 წლიდან, ტრანს ადამიანები უფასო ჯანდაცვით სარგებლობენ, ხოლო 2013 წლიდან, მათ უფლება აქვთ, მარტივად შეიცვალონ დოკუმენტაციაში სახელი და სქესი ქირურგიული ჩარევის გარეშეც.
2021 წლის სექტემბერში, კუბის იუსტიციის სამინისტრომ გამოაქვეყნა კანონპროქტი, რომელიც ეხება არსებულ კოდექსში ისეთი საკითხების ახლებურად რეგულირებას, როგორიცაა ქორწინება, განქორწინება და ა.შ. კოდექსის ახალი ჩანაწერი ქორწინებას განმარტავს, როგორც „ორი ადამიანის ნებაყოფლობით კავშირს, რათა ერთად იცხოვრონ სიყვარულის საფუძველზე“. კოდექსის პირველ ჩანაწერში კი ქორწინება განიმარტებოდა, როგორც ქალისა და მამაკაცის კავშირი.
ცვლილებების მისაღებად ბევრმა გამოხატა მხარდაჭერა, თუმცა აღიარებენ, რომ ის საჯარო განხილვების პერიოდში მნიშვნელოვანი გამოწვევების წინაშე დადგება, კერძოდ, რელიგიური კონსერვატორებისგან – უკვე 20-ზე მეტმა ქრისტიანულმა ეკლესიამ, მათ შორის, კათოლიკურმა, უარყო ცვლილება წაკითხვის გარეშე.
კათოლიკე ეპისკოპოსებმა წარმატებით მოახერხეს, რომ ქვეყანაში სექსუალური განათლების დანერგვის მცდელობა გადადებულიყო, გავრცელებული ინფორმაციით, სასწავლო გეგმას “გენდერული იდეოლოგიის” გამო ეწინააღმდეგებოდნენ.
იუსტიციის სამინისტროს ცნობით, შესწორებული დოკუმენტი დეკემბერში წარედგინება დასამტკიცებლად კუბის ეროვნულ საკანონმდებლო ორგანოს.
წყარო: them.us
