Outsport – პირველი ევროპული ინიციატივაა, რომელიც მიმართულია სპორტში ჰომოფობიური და ტრანსფობიური შემთხვევების გამოვლენასა და აღკვეთაზე. ინიციატივა საკმაოდ ამბიციურია და მიზნად ისახავს სპორტული აქტივობები არა მხოლოდ ვარჯიშის, არამედ დისკრიმინაციასთან დაპირისპირების ინსტრუმენტად იქცეს. პროექტი ხორციელდება ინოვაციური, საგანმანათლებლო ღონისძიებების მეშვეობით, ხოლო ინიციატორი ქვეყნები არიან იტალია, შოტლანდია, გერმანია, ავსტრია და უნგრეთი. ინიციატივას აფინანსებს ევროპული კომისია და ერასმუს პლიუსის პროგრამა.
Outsport პროექტი ასევე მხარდაჭერილია ჯანდაცვის მსოფლიო ორგანიზაციის მიერ World Health Organization, რომელიც პირველად ისტორიაში აცხადებს, რომ ლგბტქი ადამიანების ინკლუზია, სხვა ფაქტორებთან ერთად, ხელს უწყობს სპორტში ჯანმრთელობის საკითხების პოპულარიზებას. ჯანდაცვის მსოფლიო ორგანიზაცია აღნიშნავს Outsport პროგრამას საკუთარ სახელმძღვანელოში Outsport Method.
Outsport -ის პროექტის მიზნებია:
- სპორტში სექსუალური ორიენტაციისა და გენდერული იდენტობის ნიშნით დისკრიმინაციის შესახებ ცნობიერების ამაღლება კამპანიების მეშვეობით.
- სპორტის სფეროში ორგანიზაციების მართვის გაუმჯობესება, სექსუალური ორიენტაციისა და გენდერული იდენტობის ნიშნით დისკრიმინაციასთან დაკავშირებით.
- შესაძლებლობების ზრდა და განათლება შეუწყნარებლობის და დისკრიმიაციის ირგვლივ. ტრენერებისთვის და სპორტული ორგანიზაციების სხვა თანამშრომლებისთვის სასწავლო გზამკვლევის შემუშავება, სპორტში, სექსუალური ორიენტაციისა და გენდერული იდენტობის ნიშნით, სიძულვილით მოტივირებული დანაშაულთან ბრძოლისთვის.
- თავად სპორტის პოპულარიზება და მისი ბულინგის, დისკრიმინაციისა და სიძულვილით მოტივირებულ დანაშაულთან ბრძოლის ინსტრუმენტად ქცევა.
- სოციალური ინკლუზიის და თანასწორი შესაძლებლობების წახალისება, სპორტული ორგანიზაციების მხარდაჭერა ევროკავშირის სტრატეგიის იმპლემენტაციის პროცესში.
- ახალი სახელმძღვანელო პრინციპების შემუშავება ლგბტქი უფლებებთან დაკავშირებით ევროკავშირის სამოქმედო გაგმისთვის სპორტში (EU Work Plan for Sport), რომელიც დაეფუძნება ევროკავშირის გენდერული თანასწორიბის სტრატეგიას და ევროკავშირის სხვა სამართლებრივ დოკუმენტებს.
გამოყენებული წყარო: https://www.out-sport.eu/
