ტრილერი, კომედია, დრამა, რეალითი შოუ – მაისის თვე ახალი ქვიარ სერიალებით ან უკვე გამოსული სერიალების ახალი სეზონებით გვანებივრებს.
თვალი გადაავლეთ სერიალებს, რომლებიც მაისის თვეში გამოვა ეკრანებზე:
The Staircase – 5 მაისი
The Staircase HBO Max-ის ტრილერის ჟანრის ახალი სერიალია, რომელიც ნამდვილ ამბავს ეფუძნება და 5 მაისს გამოვა ეკრანებზე.
სერიალში მთავარ როლს ოსკაროსანი კოლინ ფერტი ასრულებს, რომელიც ქვიარი მწერლის, მაიკლის როლს ასრულებს. მას შემდეგ, რაც მაიკლის ცოლს, კეტლინს, მკვდარს იპოვიან, მაიკლს ბრალი ედება ცოლის მკვლელობაში…
https://www.youtube.com/watch?v=TftAFQflBy8
The Wilds – 6 მაისი
The Wilds კიდევ ერთი ქვიარ სერიალია, რომლის მეორე სეზონსაც მოუთმენლად ელოდება მაყურებელი.
სერიალი გვიამბობს გოგონების ჯგუფზე, რომელიც ავიაკატასტროფის შემდეგ დაუსახლებელ კუნძულზე აღმოჩნდება და გადარჩენას ცდილობს. სერიალმა არაერთი დადებითი შეფასება მიიღო კრიტიკოსებისგან და ვარაუდობენ, რომ მეორე სეზონიც ისეთივე დრამატული და დაძაბული იქნება, როგორც პირველი.
Hacks – 12 მაისი
Hacks HBO Max-ის 2021 წლის ჟანრის სერიალია, რომელმაც გასული სატელევიზიო სეზონის დროს არაერთი პრესტიჟული ჯილდო მიიღო, მათ შორის, ოქროს გლობუსი საუკეთესო კომედიური სერიალის ნომინაციაში.
კომედიისა და დრამის ჟანრის სერიალი გვიყვება ახალგაზრდა მწერლის, ბისექსუალი ეივასა და ლას-ვეგასის ლეგენდარული კომედიანტის, დებორას ისტორიას.
სერიალის ახალი, მეორე სეზონი 12 მაისს გამოვა მცირე ეკრანებზე.
https://www.youtube.com/watch?v=QIg9MuEbpoM
New Heights– 13 მაისი
New Heights ნეტფლიქსის ახალი შვედური დრამაა, რომელიც შვედი ფერმერების ცხოვრებას უფრო უკეთ გაგვაცნობს.
სერიალში მოქმედება მიჩის გარშემო ვითარდება, ის გაექცევა ჰომოფობიურ გარემოსა და ფერმერების ოჯახს და დიდ ქალაქში ღიად ცხოვრებას დაიწყებს. თუმცა ყველაფერი მაშინ იცვლება, როცა გეი მამაკაცს ოჯახში დატრიალებული ტრაგედიის გამო უკან დაბრუნება უწევს.
Couples Therapy – 13 მაისი
Couples Therapy Showtime-ის რეალითი შოუა, რომელშიც წყვილები თავიანთი ურთიერთობის გადარჩენას წყვილების თერაპიის გზით ცდილობენ.
მაყურებელმა უკვე იხილა სერიალის 2 სეზონი და მალე კიდევ უფრო საინტერესო ახალი სეზონი გამოვა ეკრანებზე, სადაც ჰეტეროსექსუალ წყვილებთან ერთად ქვიარ წყვილებსაც ვიხილავთ და მათთან ერთად ვეცდებით, კიდევ ერთხელ ამოვხსნათ ურთიერთობების თავისებურებები.
Conversations with Friends – 15 მაისი
Conversation With Friends მილენიალების საყვარელი ავტორის, სალი რუნის სადებიუტო რომანის ეკრანიზაციაა, რომელიც სულ მალე გამოვა ეკრანებზე.
სერიალი ორი მეგობარი გოგოს ისტორიას გვიყვება, რომლებიც რთულ და წინააღმდეგობრივ, ამასთან ერთად, ქვიარ ურთიერთობაში ჩაებმებიან ასაკით უფროსს დუბლინელ წყვილთან. აღსანიშნავია, რომ სერიალზე ზუსტად ის შემოქმედებითი ჯგუფი იმუშავებს, რომელმაც გასულ წელს სერიალი Normal People გადაიღო.
Lovestruck High – 18 მაისი
Lovestruck High კიდევ ერთი რეალითი შოუა, რომელიც დაუვიწყარ სანახაობას ჰპირდება მაყურებელს.
რეალითი შოუში 15 სრულწლოვანი „მარტოხელა“ ბრიტანელი ახალი თავგადასავლებისა და სიყვარულის საპოვნელად ამერიკულ სკოლაში აღმოჩნდება და ეცდება, სასკოლო მეჯლისის დედოფლისა და მეფის სტატუსი მოიპოვოს. ან მეფისა და მეფის, დედოფლისა და დედოფლის.
და, რაც ყველაზე მთავარია, რეალითი შოუში ნარატორის როლში ლეგენდარული ლინდსი ლოჰანი მოგვევლინება.
Legendary – 19 მაისი
Legendary რეალითი შოუა, რომლის ორი დაუვიწყარი სეზონი უკვე იხილა მაყურებელმა და სულ მალე ახალი სეზონით დაგვიბრუნდება.
ვოგინგ რეალითი შოუ ბოლის კულტურაზეა დაფუძნებული და სეზონის განმავლობაში 8 ნიუ-იორკული ლგბტ სახლი ერთმანეთს ეჯიბრება 100 000 ამერიკული დოლარის მოსაპოვებლად. თითო კვირას თითო ოჯახი ტოვებს შოუს. რეალით შოუში ყველაფერია, რაც ბოლის კულტურას განსაკუთრებულს ხდის. ცეკვა, მუსიკა, დაუვიწყარი კოსტუმები, სხვადასხვა დავალებები და ა.შ.
Legendary-ის ახალი სეზონი 19 მაისს დაბრუნდება ეკრანებზე.
https://www.youtube.com/watch?v=jvBRCKmzBJU
RuPaul’s Drag Race: All Stars: Season 7 – 20 მაისი
ლეგენდარული რუპოლი ამჯერად მორიგი All Star შეჯიბრებით ბრუნდება და არაერთ დაუვიწყარ ეპიზოდს გვპირდება.
დრეგ შეჯიბრის მორიგ სეზონში სხვადასხვა სეზონში გამარჯვებული 8 ქვინი დაუპირსპირდება ერთმანეთს 200 000 ამერიკული დოლარის მოსაპოვებლად. რეალითი შოუ 12 სერიისგან შედგება და პირველი ორი სერიის პრემიერა 20 მაისს შედგება.
Stranger Things: Season 4 – 27 მაისი
Netflix-ის საკულტო სერიალი Stranger Things თითქმის სამწლიანი პაუზის შემდეგ, ახალი, მეოთხე სეზონით ბრუნდება.
სერიალი, რომელიც სტრიმინგ სერვისის ერთგვარ პლასტიკურ ბარათადაც ითვლება, გვიამბობს გამოგონილ ქალაქ ჰოუკინგში მიმდინარე უცნაურ ამბებსა და სამეცნიერო კვლევებზე, რომელთა საშუალებითაც, პარალელური სამყაროს აღმოჩენას ცდილობენ, თუმცა ამ კვლევების ჩატარებას არაერთი ადამიანის სიცოცხლე ეწირება და სწორედ ამ ბოროტებას უპირისპირდება 4 თინეიჯერი მეგობარი და სუპერძალებით დაჯილდოებული მათი ახალი მეგობარი, ილევენი.
სერიალის მესამე სეზონში ახალი პერსონაჟი, რობინი გამოჩნდა, რომელმაც თქვა, რომ გოგოები მოსწონს და ფანები მოუთმენლად ელოდებიან, როგორ განვითარდება მისი ისტორია ახალ სეზონში.
https://www.youtube.com/watch?v=yQEondeGvKo&t=108s
