საკუთარ სხეულის მიღება და მასთან ერთად კომფორტულად ცხოვრება ბაზისური საჭიროებაა. გენდერული იდენტობის მიღების გზაზე არაერთი ქვიარი მიმართავს ჰორმონალურ თერაპიას ან ქირურგიულ ოპერაციას. ბოლო კვლევით აღმოჩნდა, რომ მასტექტომია გრძელვადიან პერსპექტივაში განსაზღვრავს პაციენტების კარგად ყოფნას (well-being) და ცხოვრებით კმაყოფილებას, სხვა სამედიცინო და არსამედიცინო პროცედურებთან შედარებით.
ხშირად ულტრა-მემარჯვენე ჯგუფები და ჰომოფობიურად განწყობილი ადამიანები აპელირებენ იმაზე, რომ ადამიანები მომავალში ინანებენ საკუთარ სხეულზე ჩატარებულ მნიშვნელოვან ცვლილებებს და ბევრი ახალგაზრდა ქვიარი გარკვეული დროის შემდეგ, ისევ ჰეტეროსექსუალად აიდენტიფიცირებს თავს(!). თუმცა, ემპირიული მონაცემები სხვა რამეს გვეუბნება.
მასტექტომიასთან დაკავშირებით ჩატარებული ბოლო კვლევა, რომელშიც მონაწილეობა მიიღო 139-მა ადამიანმა, მოიცავს 1990 წლის 1 იანვრიდან 2020 წლის 29 თებერვლამდე პერიოდს, რომლის განმავლობაში კვლევის მონაწილეებმა გაიკეთეს მასტექტომია. აღმოჩნდა, რომ რესპონდენტებს შორის ოპერაციით კმაყოფილების საშუალო ქულა შეადგენდა 5 ქულას, 1-დან 5 ქულამდე სკალაზე, სადაც 5 აღნიშნავდა ძალიან დიდ კმაყოფილებას ოპერაციის შედეგად. ხოლო სინანულის მაჩვენებლის საშუალო ქულა იყო 0, 100 ქულიან სკალაზე. კვლევის შედეგად რესპონდენტთა აბსოლუტური უმრავლესობა იყო მასტექტომიით კმაყოფილი და კარგად გრძნობდა თავს.
გამოყენებული მასალა: https://www.them.us/story/top-surgery-satisfaction-low-regret
