დიდი ბრიტანეთის პრემიერმინისტრი ბორის ჯონსონი ამბობს, რომ მას მიუღებლად მიაჩნია ტრანსგენდერი ქალების ქალთა სპორტულ ღონისძიებებში მონაწილეობა.
ტრანსგენდერი სპორტსმენების საკითხი, რომელიც ქალების სპორტში ჩართულობაზე, სპორტულ სამართლიანობასა და უსაფრთხოებაზეა ორიენტირებული, ბოლო პერიოდში ტრანსგენდერი ველოსიპედისტის, ემილი ბრიჯისის შემთხვევისკენაა მიმართული. მან გამოაცხადა, რომ უარი უთხრეს მისთვის პირველ ელიტარულ ქალთა რბოლაში მონაწილეობაზე.
ჯონსონი ბევრ საკითხს შეეხო, მათ შორის, მთავრობის მიდგომას გარდაქმნის თერაპიის აკრძალვასთან დაკავშირებით და დასძინა:
„არ ვფიქრობ, რომ ბიოლოგიურად მამაკაცებმა ქალთა სპორტულ ტურნირებში უნდა მიიღონ მონაწილეობა. შესაძლოა, ეს საკამათოა, მაგრამ მე ეს უბრალოდ გონივრულად მეჩვენება. ასევე ვფიქრობ, რომ ქალებს საკუთარი სივრცეები უნდა ჰქონდეთ. იქნება ეს საავადმყოფოებში, ციხესა თუ გასახდელებში. ეს კომპლექსური საკითხებია და მათი გადაჭრა საკანონმდებლო ცვლილებით სწრაფად და მარტივად შეუძლებელია. სწორი გადაწყვეტილების მიღებას ბევრი ფიქრი სჭირდება.“
ჯონსონის კომენტარს ლგბტქი საქველმოქმედო ორგანიზაცია Stonewall გამოეხმაურა:
„ტრანსგენდერი ადამიანები იმსახურებენ, ჰქონდეთ იგივე შესაძლებლობები, როგორიც სხვებს, ისარგებლონ სპორტის უპირატესობებით და მათი შეჯიბრებებიდან გამორიცხვა ფუნდამენტურად უსამართლოა. სპორტს აქვს უნიკალური ძალა, რომ გაგვაერთიანოს და მნიშვნელოვანია, ტრანსგენდერ ადამიანებს ჰქონდეთ ასპარეზობის შესაძლებლობა გარიყვისა და ძალადობის გარეშე.“
