სქაილერ ბეილარი (Schuyler Bailar) დაიბადა 1996 წელს, ნიუ იორკში. 10 წლის ასაკში ბავშვთა ოლიმპიურ თამაშებზე ასპარეზობდა, როგორც მოცურავე. 15 წლის უკვე ერთ-ერთი საუკეთესო ოყო ბრასით მოცურავეთა შორის, აშშ-ში.
სკოლის პერიოდში მას უჭირდა საკუთარი სხეულის აღქმა და მიღება. ჰქონდა დაბალი თვითშეფასება, კვებითი პრობლემები და თვითდაზიანების მცდელობები. ერთწლიანი ფსიქოთერაპიის ფარგლებში სქაილერმა აღმოაჩინა, რომ მთავარი საკითხი, რაც იწვევდა ყველა ჩამოთვლილ პრობლემას, გენდერული იდენტობის მიღებას უკავშირდებოდა. ამის შემდეგ სპორტსმენი არჩევანის წინაშე დადგა: მას ან უნდა გაეგრძელებინა ცურვაში შეჯიბრი როგორც ქალს, ან ჩართულიყო ტრანზიციის პროცესში, გაევლო მნიშვნელოვანი და არცთუ ისე მარტვი გზა საკუთარი თავის მიღებისკენ.
სქაილერმა ტრანზიციის პროცესი დაიწყო. მისი ტრანზიციის გზა პოპულარული გახდა არა მხოლოდ სოციალურ მედიაში, არამედ ფართო საზოგადოებაში. სქაილერს სხვადასხვა გადაცემაში იწვევდნენ და ნამდვილი ინსპირაციის წყარო გახდა ტრანსგენდერი ადამიანებისთვის. მან ჩააბარა ჰარვარდის უნივესიტეტში, კოგნიტური ნეირომეცნიერებისა და ევოლუციური ფსიქოლოგიის სპეციალობაზე და ასევე, განაგრძობდა ცურვას.
უნივერსიტეტის დასრულების შემდეგ ის ერთ-ერთი პოპულარული საჯარო გამომსვლელია. ადვოკატირებს ლგბტქი უფლებებს ინკლუზიურობისა და თანასწორობისთვის. ასევე, არის ათლეტი და არაერთი ბესთსელერის ავტორი. მისი გამოსვლები ქვიარ საკითხებთან ერთად ეხება ისეთ მნიშვნელოვან თემებს, როგორიც არის საკუთარი სხეულის მიღება, მენტალური ჯანმრთელობისა და კვების საკითხები.
