ჰონგ-კონგი ქვიარ სპორტულ თამაშებს მასპინძლობს. 9 დღიან ღონისძიებაზე 2400 მონაწილე სპორტსმენს ელოდებიან 40 ქვეყნიდან.
სოკერის მოთამაშე, ქვიარ სპორტსმენი, აქტივისტი და ენთუზიასტი – ჯინა ბენჯამინი არა მხოლოდ სპორტული გამარჯვებისთვის, არამედ ერთნაირსქესიანთა ქორწინების რეფორმებისთვის აპირებს ბრძოლას.
სპორტსმენი 2016 წელს ბრიტანეთიდან ჰონგ-კონგში გადავიდა საცხოვრებლად, სადაც გაიცნო მისი ამჟამინდელი პარტნიორი. ადგილობრივი კანონდებლობა მხოლოდ ქალსა და კაცს შორის ქორწინებას აღიარებს, ამიტომ, წყვილი იძულებული იყო ვიეტნამში არსებული, ბრიტანეთის საელჩოს ტერიტორიაზე ექორწინათ. ჯინა ბენჯამინი მიიჩნევს, რომ სპორტული ღონისძიებების გამართვა და მასში მონაწილეობა ხელს შეუწყობს ქვიარ ადამიანების მიმართ ცნობიერების ამაღლებას აზიაში, და შემდგომშიც აპირებს გააგრძელოს ბრძოლა ლგბტქი უფლებებისთვის.
მიმდინარე წელს პირველად, აზია უმასპინცლებს სხვადასხვა სპორტულ თამაშებს ქვიარ ადამიანების მონაწილეობით. აღნიშნული ღონისძიება უპრეცედენტოა და ხელს შეუწყობს რეგიონში ლგბტქი ცნობიერებისა და უფლებრივი მდგომარეობის გაუმჯობესებას. ღონისძიება რამდენიმე წლის წინ უნდა გამართულიყო, თუმცა პანდემიის გამო გადაიდო. ღონისძიების ორგანიზების პროცესში ადგილი ჰქონდა ჰონგ-კონგის მთავრობის მხრიდან წინააღმდეგობასა და ხარვეზიან თანამშრომლობას, თუმცა ორგანიზატორები და აქტივისტები იმედოვნებენ, რომ ღონისძიება წარმატებით ჩატარდება და მიაღწევს დასახულ მიზმებს.
გამოყენებული მასალა: https://www.facebook.com/NBCOUT/posts/pfbid02KCseNwfSugPeYqFrpsjpQjfxkhiAJRD21faUydtCEFmuHXMas7E3UZwiW7Pa1v69l
