სულ ახალახან ინტერნეტში ჰარი სტაილსის ახალი ქვიარ ფილმის, My Policeman-ის პირველი ფოტოები და პრემიერის თარიღი გავრცელდა.
ფილმში, რომელზეც Amazon Prime მუშაობს, მთავარ როლებში ბრიტანელ პოპ-შემსრულებელს, ჰარი სტაილს, “გვირგვინის” მსახიობ ემა ქორინს და დეივიდ დაუსონს ვიხილავთ.
ფილმი 2012 წელს გამოცემულ ბეთან რობერტსის რომანს ეფუძნება, სადაც მოქმედება 1950 წლების ბრაიტონში ვითარდება. სტაილსი ფილმში პოლიციელი ტომის როლს ასრულებს, რომელიც ქორწინებაში იმყოფება ემა კორინის პერსონაჟთან და პარალელურად რომანტიკული გრძნობები უჩნდება მუზეუმის კურატორის, პატრიც ჰეიზელვუდის (დაუსონის) მიმართ.
Your first look at My Policeman, coming November 4 on Prime Video. pic.twitter.com/Fx40oTAvwK
— Prime Video (@PrimeVideo) June 9, 2022
უკვე მოეწყო ფილმის დახურული ჩვენება ფანების ვიწრო ჯგუფისთვის და ფილმმა აღფრთოვანება გამოიწვია მაყურებელში. ჯერჯერობით უცნობია, თუ როდის გამოვა ფილმის პირველი ტრეილერი.
ახალი ფილმის მსოფლიო პრემიერა კინოთეატრებში 2022 წლის 21 ოქტომბერს არის დაგეგმილი, ხოლო Amazon Prime-ის სტრიმინგ სერვისზე ფილმი 4 ნოემბრიდან იქნება ხელმისაწვდომი.
